KEJADIAN 39
39
Nai Yusuf ma Nai Potifar in fenai
1Atoni-atoni Ismael nane sin neki nalali Nai Yusuf neu pah Mesir, ma nasosa in Nai Potifar, kesel in meo pa'e le anfani nakaf neu ale apao sonaf sin. 2Uisneno antuntaku Nai Yusuf talantia anbi ale in mepu in napeni in nesan. In namaika anbi usif, atoni Mesir nane in ume. 3In usif nane nit nak Uisneno antuntaku Nai Yusuf ma es nane te in mepu sin manesa. 4Nai Potifar anmalines Nai Yusuf ma in naiti in anfani in atuthaes; ma in anfe kuasat neu Nai Yusuf hen painote in ume nanan ma ale in amaus. 5Naubon na'ko leku nane, natuin Nai Yusuf, Uisneno in anfe In athoe neno neu atoni Mesir sin ume nanan ma neu ale sa' le sin anmu'i, leko le anbi ume ma le anbi lene. 6Ale sa' le anfani Nai Potifar in-ini in nana'at nani neu Nai Yusuf. Nok nane te Nai Potifar in ka namnau anteni fa hen painote in ume nanan, alkun in bukae anmes.
Nai Yusuf in naleko ma namas kun. 7Anbi leku fauk namuni te, Nai Potifar in fenai ansinmakan Nai Yusuf, oke te in anpaisa atoni munif nane hen tup nabua nok in. 8Nai Yusuf kan lomi fa ma nak neune nak, “Kaisa, ain, au usif Nai Potifar nana'at nalali ale in amu'in nane neu kau. In ka natenab anteni fa sa'-sa' neu ume le i. 9Au kuasat nane namnes nok in kuasat. Kau mu'i anteni fa sa' le in ka nana'at fa neu kau alkun ho Aina. Nansa' es au he mo'e taos amle'ut le nane ma mo'e sanat neu Uisneno?” 10Maski nak Nai Potifar in fenai anfuli Nai Yusuf neno-neno, mes atoni munif nane kan lomi fa hen tup nabua nok in.
11Anbi neno mese leka Nai Yusuf antam neu ume nanan he nanaoba in mepu, mes kan mu'i fa es amsa anbi nane. 12Nai Potifar in fenai anhel Nai Yusuf neu sobalu bet kone ma in nak, “Aum he hit atup tabua.” Nai Yusuf anfikol nani ma nafetnon, oke te in naen anpoi, mes in sobalu bet kone nane nabalah anbi bife nane in niman. 13Leka Nai Potifar in fenai ankiso nak Nai Yusuf in naen nalali in sobalu betkone nabalah, 14in no'en ale atuthaes sin ma namolok neu sin nak, “Aiti him kiso! Atoni Ibrani le au mone neki neu ume le i, in nanebet kit. In antam neu au ke'an ma he nale'un kau, mes au hunun uhel-helnok. 15Leka in anen au han hunun nane, in naen anpoi ma in sobalu betkone nabalah.”
16Oke te Nai Potifar in fenai nabelak sobalu betkone nane talantia in mone anfani nem. 17Leka in mone anfain nem, nok labah in naton lasi nane neune, nak, “Atoni Ibrani le ho meki nem nane, in antam neu au ke'an he namaeb kau. 18Mes leka in nen neu au hunun in naen anpoi ma in sobalu betkone nabalah.”
19Nai Potifar in nato' nae le'uf. 20Ma in anfe plenat he nati' anheke Nai Yusuf nok manoe ma natam in neu o'of, bale anheke ma natam usif sin anbine. 21Mes Uisneno antuntaku Nai Yusuf ma an nek in piut, talantia nakaf anbi o'of nane anlomi in. 22In nana'at atoni o'of sin bian nane neu Nai Yusuf ma Nai Yusuf es anfani asutais neu ale mepu anbi o'of nane in nanan. 23Nakaf anbi ume o'of nane kan panat anteni fa ale sa' le nana'at nalali neu Nai Yusuf, natuin Uisneno anbab in talantia ale in mepu nane anmu'i in nesan.
Currently Selected:
KEJADIAN 39: AOZ
Highlight
Share
Copy
Want to have your highlights saved across all your devices? Sign up or sign in
KEJADIAN 39
39
Nai Yusuf ma Nai Potifar in fenai
1Atoni-atoni Ismael nane sin neki nalali Nai Yusuf neu pah Mesir, ma nasosa in Nai Potifar, kesel in meo pa'e le anfani nakaf neu ale apao sonaf sin. 2Uisneno antuntaku Nai Yusuf talantia anbi ale in mepu in napeni in nesan. In namaika anbi usif, atoni Mesir nane in ume. 3In usif nane nit nak Uisneno antuntaku Nai Yusuf ma es nane te in mepu sin manesa. 4Nai Potifar anmalines Nai Yusuf ma in naiti in anfani in atuthaes; ma in anfe kuasat neu Nai Yusuf hen painote in ume nanan ma ale in amaus. 5Naubon na'ko leku nane, natuin Nai Yusuf, Uisneno in anfe In athoe neno neu atoni Mesir sin ume nanan ma neu ale sa' le sin anmu'i, leko le anbi ume ma le anbi lene. 6Ale sa' le anfani Nai Potifar in-ini in nana'at nani neu Nai Yusuf. Nok nane te Nai Potifar in ka namnau anteni fa hen painote in ume nanan, alkun in bukae anmes.
Nai Yusuf in naleko ma namas kun. 7Anbi leku fauk namuni te, Nai Potifar in fenai ansinmakan Nai Yusuf, oke te in anpaisa atoni munif nane hen tup nabua nok in. 8Nai Yusuf kan lomi fa ma nak neune nak, “Kaisa, ain, au usif Nai Potifar nana'at nalali ale in amu'in nane neu kau. In ka natenab anteni fa sa'-sa' neu ume le i. 9Au kuasat nane namnes nok in kuasat. Kau mu'i anteni fa sa' le in ka nana'at fa neu kau alkun ho Aina. Nansa' es au he mo'e taos amle'ut le nane ma mo'e sanat neu Uisneno?” 10Maski nak Nai Potifar in fenai anfuli Nai Yusuf neno-neno, mes atoni munif nane kan lomi fa hen tup nabua nok in.
11Anbi neno mese leka Nai Yusuf antam neu ume nanan he nanaoba in mepu, mes kan mu'i fa es amsa anbi nane. 12Nai Potifar in fenai anhel Nai Yusuf neu sobalu bet kone ma in nak, “Aum he hit atup tabua.” Nai Yusuf anfikol nani ma nafetnon, oke te in naen anpoi, mes in sobalu bet kone nane nabalah anbi bife nane in niman. 13Leka Nai Potifar in fenai ankiso nak Nai Yusuf in naen nalali in sobalu betkone nabalah, 14in no'en ale atuthaes sin ma namolok neu sin nak, “Aiti him kiso! Atoni Ibrani le au mone neki neu ume le i, in nanebet kit. In antam neu au ke'an ma he nale'un kau, mes au hunun uhel-helnok. 15Leka in anen au han hunun nane, in naen anpoi ma in sobalu betkone nabalah.”
16Oke te Nai Potifar in fenai nabelak sobalu betkone nane talantia in mone anfani nem. 17Leka in mone anfain nem, nok labah in naton lasi nane neune, nak, “Atoni Ibrani le ho meki nem nane, in antam neu au ke'an he namaeb kau. 18Mes leka in nen neu au hunun in naen anpoi ma in sobalu betkone nabalah.”
19Nai Potifar in nato' nae le'uf. 20Ma in anfe plenat he nati' anheke Nai Yusuf nok manoe ma natam in neu o'of, bale anheke ma natam usif sin anbine. 21Mes Uisneno antuntaku Nai Yusuf ma an nek in piut, talantia nakaf anbi o'of nane anlomi in. 22In nana'at atoni o'of sin bian nane neu Nai Yusuf ma Nai Yusuf es anfani asutais neu ale mepu anbi o'of nane in nanan. 23Nakaf anbi ume o'of nane kan panat anteni fa ale sa' le nana'at nalali neu Nai Yusuf, natuin Uisneno anbab in talantia ale in mepu nane anmu'i in nesan.
Currently Selected:
:
Highlight
Share
Copy
Want to have your highlights saved across all your devices? Sign up or sign in