MATIUS 10
10
Yesus abajamkai owe 12 atakam
(Mrk. 3:13-19; Luk. 6:12-16)
1Emesare. Yesus abajamkai owe 12 ajate. Ararawa, bii bamirimjisim fiak pak, era owe atetame. Are damo pota kupis pak takesam, damo kumiti kupis pak takesam, emes damo baoromtaa fiak pak, era owe atetame. 2Emesare, era Yesus atakam bakoretam bamirimemom owe 12 ere: Simonam, areot Andreasam, are. (Simon wan juas ere, Petrus.) Yakobusam, areot Yohanesam, are. (Are Sebedeus andep amnuk.) 3Filipus anama Bartolomeus are. Tomas anama Matius are. (Matius pemerintah uang bataajanimtam karai ipit.) Me Alfeus andep amnuk juas Yakobus anama Tadeus are. 4Me agama bajamkai fiak ipit juas Simon anama Yudas Iskariot are. (Yudas Yesus jokoman owe baotasimemomtam ipit are.) Emes owe are.
Yesus atakam bakoretam bamirimemom owe aobaem pak atakam
(Mrk. 6:7-13; Luk. 9:1-6)
5Emesare, Yesus era owe 12 ataemome. Are atakam asakamtame. “Tare era Yahudi apok owe atapirmi baesos bas. Tanom Samaria owe akota bajii bas. 6Tare ere, Israel owepu aesosay. Are ajanemes domba tamen are. 7Aesostakam, emes atakam akoretamay. ‘Allah owe baomep andaeto bare, ere setepnak aosisimara.’ Emes atakam aesimay. 8Tanom damo pota owe ajaoromtaay. Dambir oweam ajaoromwasumtumay. Owe ombare bamarem damo pitini potanak oweam damo akot atetamay. Owe jak bomon biiam ambirimjisimay. Dere era pak baem fiak pak bambi tara atetammin. Erarawa tare asan akot era owe bambi aemomay. 9Tanom uang ese aptam batoomas bas. 10Aesostakam ere, pak ese batoomas bas. Baju jamnukam, sendalam, waku pakam, batuomas bas. Emesare, owe karai ara baetam owe amos batetamtas.
11Tare kaaowe kota ambaremtakam apaye, kaaowe samane tamsan ambaremtakam apaye, era asan tare atame batoomjii owe apaye, ato takamjateporay. Tararawa, era tame emes aemapay— era tapirmi beken ajiostakam bare ajiire. 12Tare tame ajiitakam, ‘Allah asan akot tara batetamtan,’ Emes atakam aesimay. 13Era tame owe, asan akot tara atoomjiitan apaye, Allah, asan akot era owe baemto— era atakam ajanimtakam pak jipua. Me, era owe tara batoomjii apok aemtan apaye, tanom, ‘Allah asan akot tara botetam bas,’ emes atakam aesimay. 14Owe atame apaye, akota apaye tara batoomjii apok aportakam apaye, are taatakam ji bae apok aportakam apaye, tanom era owe beken ajiosay, wanam atakam era owe aesimtamay. ‘Tare daatakam ji bae apok aemmakam. Erarawa pota pak aemmakam’ emes atakam aesimay. 15Atakamnak, Allah, owe bajurusum bare aemamesto, are Sodom anama Gomora tapirmi owe kope emes ajurusumtem. Me, Are, tara batoomjii apok kota owe, daytinak ajurusumtem.”
Owe ajirisemtas pak atakam
(Mrk. 13:9-13; Luk. 21:12-17)
16“Baporay! Tare domba tamen are. Dere tare wasen juuri asanpu tamen ataemommin. Erarawa tare amber pireat akot tamen baes aememay. Tanom pari sakao damo ji tamen aememay. 17Tare ere, owe turuar! Are tare pota atakam asakamtiiemas owe aotasimemomtamteman. Are asamayen tame bomon wusup tara ateteman. 18Are tare Dera bajamkai owe aporteman. Erarawa are tare gubernur owe bipuam, owe baomep owe bipuam, atatapimtaateman. Tare ere, Allah Akot Atakam era oweam, era ajoo oweam, akoretamtemakam. 19Are tare era owe aotasimemomtamtan, tare era akoretamtakam atakam, bimak binip jirao bas. Era bare ere, Allah, era atakam bimak binip tara atetamteman. 20Era akoretakam atakam, ere tamba apok. Me Taritipit aJip, era atakam, tara atetamteman.
21Wan oweam, arepotais apaye, areotais apaye, owe batatii aotasimemomtamtemas. Wan duturu oweam ajii owe batatii aotasimemomtamtemas. Me arereisam, arisare awasiomittemas, wanam batatii aotasimemomtamtemas. 22Owe tare Dera bajamkai aportan, are takes bifane tara afeomemteman. Me, owe asepnak bare ajiire Dera bajamkai bamompim apok aemtas, are ajoremtemas. 23Owe, kota taka tara ajurusumtan apaye, ombare wan kota aesosay. Atakamnak, tare Israel kota takes bajaremkorom apok aemtemakam. Me Asamot Anakot Ajaoreme Ipit bonak andaetem.
24Bajamemem ipit, juas aptam, wanam abaememtam ipit, juas apok, ere emes apok. Karai baetam ipit, juas aptam, wanam karai armat ipit, juas apok, emes apok. 25Bajamemem ipit abaememtam ipit awar aememto, era ajiire baememto. Wanam karai baetam ipit, akarai armat ipit awar aememto, era ajiire baememto. Owe atakam tame armat ipit akoromtas, ‘Wore Beelsebul’ emes atakam aesimtas, ere tame kope emes atetemas. Me, era owe, era tame owe, tame daytinak atetemas.”
Dare ombare wama owe bartam atakam
(Luk. 12:2-7)
26“Emesare, tare owe ombare bas. Owe era bapurimtii pak takes, baso aoportemas. Oweam era tiruu atakam takes, jane ajiekoromtemas. 27Era jiiti bomon atakam tara akorommin atakam, jokam atakam akoretamay. Era tiruu atakam jane ajimakam atakam, ajarisiapmas owe bipu, atakam afaketaay. 28Asamot owe, owe atatiiemas. Me, are era anakot baemetatii asan apok. Emesare, tare asamot owe ombare bas. Allah ere, owe adamoam, aanakotam, neraka bomon danais baemtii fiak pak aptam. Emesare, tare Allah ombare baray. 29Owe, sakao kope jamnuk, uang taka kope ajititemas. Me, era sakao taka kopeam bap baemejundae asan apok— era Taritipit emes pota aporto are. 30Tanom tarare. Allah takuus fini taka, taka amsam. 31Emesare ombare bas. Tare anakotnak. Me sakao tanane ere, anakot apok.”
“Ara owe deowe” atakam
(Luk. 12:8-9)
32“Owe wan owe bipu atakam akoretas apaye, ‘Dere Yesus bajamkai,’ emes atakam aesimtas apaye, denom Surga oup Deritipit bipu, ‘Ara owe deowe,’ emes atakam aesimtemin. 33Owe ere, wan owe bipu atakam akoretas apaye, ‘Yesus demsam apok,’ emes atakam aesimtas apaye, Denom Surga oup Deritipit bipu, ‘Ara owe deowe apok,’ emes atakam aesimtemin.”
Yesus bajamkainak atakam
(Luk. 12:51-53, 14:26-27)
34“Tare ere, ‘Yesus ara tapirmi, owe pai bameam tapirmi baemapom andae,’ emes bimak binip batetaram bas. Dere ara tapirmi, pai bameam tapirmi baemapom bandae apok. Dere ara tapirmi jii tapirmi baemapom andaeo. 35Dere, andep atakamiin aritipit bajamom andaeo. Dere, aparais atakamiin arsoot bajamomam, anin atakamiin arsak bajamomam, emes andaeo. 36Owe atame owe, ere aowentakam owe aememtemas.
37Owe arisare anama aritapes daytinak afaimtas, wanam kopenak Dera afaimtanis, are deowe baemem awar apok. Owe arereis daytinak afaimtas, wanam kopenak dera afaimtanis, are deowe baemem awar apok. 38Owe asalib bataateter apok aemtasam, Dera bajamkai apok aemtasam, ere are deowe baemem awar apok. 39Owe, amba bajorem jati daytu aetas, are bajorem apok aemtemas. Wan owe ere, karai Dera aetamtemanis. Era owe dambir emes pak baem damon atemtas, are ajoremtemas.”
Allah asan akot wama owe atetamto atakam
(Mrk. 9:41)
40“Me tara atoomjiitan owe, are Dere era tame atoomjiitemanis. Era tame atoomjiitanis owe, era ambirimemomen Ipitam tame atoomjiitemas. 41Owe, Allah atakam bakoretam ipit aportas, wanam are era ipit atame atoomjiitas, ere, Allah, asan akot era oweam atetamtem. Are asan akot ara atakam bakoretam ipit emes atetamto pak, era oweam atetamtem. Wanam, owe, turu ipit aportas, wanam are era ipit atame atoomjiitas, ere, Allah asan akot era owe atetamtem. Are asan akot era turu ipit emes atetamto pak, era oweam atetamtem. 42Atakamnak, owe ara aemapes bambi owe Dera bajamkai owe aportas, wanam era owe jufu bwikope atetamtas, ere Allah era owe asan akot atetamtem.” Yesus emes atakam aesime.
Currently Selected:
MATIUS 10: LAIASC
Highlight
Share
Copy
Want to have your highlights saved across all your devices? Sign up or sign in
@LAI 1994
MATIUS 10
10
Yesus abajamkai owe 12 atakam
(Mrk. 3:13-19; Luk. 6:12-16)
1Emesare. Yesus abajamkai owe 12 ajate. Ararawa, bii bamirimjisim fiak pak, era owe atetame. Are damo pota kupis pak takesam, damo kumiti kupis pak takesam, emes damo baoromtaa fiak pak, era owe atetame. 2Emesare, era Yesus atakam bakoretam bamirimemom owe 12 ere: Simonam, areot Andreasam, are. (Simon wan juas ere, Petrus.) Yakobusam, areot Yohanesam, are. (Are Sebedeus andep amnuk.) 3Filipus anama Bartolomeus are. Tomas anama Matius are. (Matius pemerintah uang bataajanimtam karai ipit.) Me Alfeus andep amnuk juas Yakobus anama Tadeus are. 4Me agama bajamkai fiak ipit juas Simon anama Yudas Iskariot are. (Yudas Yesus jokoman owe baotasimemomtam ipit are.) Emes owe are.
Yesus atakam bakoretam bamirimemom owe aobaem pak atakam
(Mrk. 6:7-13; Luk. 9:1-6)
5Emesare, Yesus era owe 12 ataemome. Are atakam asakamtame. “Tare era Yahudi apok owe atapirmi baesos bas. Tanom Samaria owe akota bajii bas. 6Tare ere, Israel owepu aesosay. Are ajanemes domba tamen are. 7Aesostakam, emes atakam akoretamay. ‘Allah owe baomep andaeto bare, ere setepnak aosisimara.’ Emes atakam aesimay. 8Tanom damo pota owe ajaoromtaay. Dambir oweam ajaoromwasumtumay. Owe ombare bamarem damo pitini potanak oweam damo akot atetamay. Owe jak bomon biiam ambirimjisimay. Dere era pak baem fiak pak bambi tara atetammin. Erarawa tare asan akot era owe bambi aemomay. 9Tanom uang ese aptam batoomas bas. 10Aesostakam ere, pak ese batoomas bas. Baju jamnukam, sendalam, waku pakam, batuomas bas. Emesare, owe karai ara baetam owe amos batetamtas.
11Tare kaaowe kota ambaremtakam apaye, kaaowe samane tamsan ambaremtakam apaye, era asan tare atame batoomjii owe apaye, ato takamjateporay. Tararawa, era tame emes aemapay— era tapirmi beken ajiostakam bare ajiire. 12Tare tame ajiitakam, ‘Allah asan akot tara batetamtan,’ Emes atakam aesimay. 13Era tame owe, asan akot tara atoomjiitan apaye, Allah, asan akot era owe baemto— era atakam ajanimtakam pak jipua. Me, era owe tara batoomjii apok aemtan apaye, tanom, ‘Allah asan akot tara botetam bas,’ emes atakam aesimay. 14Owe atame apaye, akota apaye tara batoomjii apok aportakam apaye, are taatakam ji bae apok aportakam apaye, tanom era owe beken ajiosay, wanam atakam era owe aesimtamay. ‘Tare daatakam ji bae apok aemmakam. Erarawa pota pak aemmakam’ emes atakam aesimay. 15Atakamnak, Allah, owe bajurusum bare aemamesto, are Sodom anama Gomora tapirmi owe kope emes ajurusumtem. Me, Are, tara batoomjii apok kota owe, daytinak ajurusumtem.”
Owe ajirisemtas pak atakam
(Mrk. 13:9-13; Luk. 21:12-17)
16“Baporay! Tare domba tamen are. Dere tare wasen juuri asanpu tamen ataemommin. Erarawa tare amber pireat akot tamen baes aememay. Tanom pari sakao damo ji tamen aememay. 17Tare ere, owe turuar! Are tare pota atakam asakamtiiemas owe aotasimemomtamteman. Are asamayen tame bomon wusup tara ateteman. 18Are tare Dera bajamkai owe aporteman. Erarawa are tare gubernur owe bipuam, owe baomep owe bipuam, atatapimtaateman. Tare ere, Allah Akot Atakam era oweam, era ajoo oweam, akoretamtemakam. 19Are tare era owe aotasimemomtamtan, tare era akoretamtakam atakam, bimak binip jirao bas. Era bare ere, Allah, era atakam bimak binip tara atetamteman. 20Era akoretakam atakam, ere tamba apok. Me Taritipit aJip, era atakam, tara atetamteman.
21Wan oweam, arepotais apaye, areotais apaye, owe batatii aotasimemomtamtemas. Wan duturu oweam ajii owe batatii aotasimemomtamtemas. Me arereisam, arisare awasiomittemas, wanam batatii aotasimemomtamtemas. 22Owe tare Dera bajamkai aportan, are takes bifane tara afeomemteman. Me, owe asepnak bare ajiire Dera bajamkai bamompim apok aemtas, are ajoremtemas. 23Owe, kota taka tara ajurusumtan apaye, ombare wan kota aesosay. Atakamnak, tare Israel kota takes bajaremkorom apok aemtemakam. Me Asamot Anakot Ajaoreme Ipit bonak andaetem.
24Bajamemem ipit, juas aptam, wanam abaememtam ipit, juas apok, ere emes apok. Karai baetam ipit, juas aptam, wanam karai armat ipit, juas apok, emes apok. 25Bajamemem ipit abaememtam ipit awar aememto, era ajiire baememto. Wanam karai baetam ipit, akarai armat ipit awar aememto, era ajiire baememto. Owe atakam tame armat ipit akoromtas, ‘Wore Beelsebul’ emes atakam aesimtas, ere tame kope emes atetemas. Me, era owe, era tame owe, tame daytinak atetemas.”
Dare ombare wama owe bartam atakam
(Luk. 12:2-7)
26“Emesare, tare owe ombare bas. Owe era bapurimtii pak takes, baso aoportemas. Oweam era tiruu atakam takes, jane ajiekoromtemas. 27Era jiiti bomon atakam tara akorommin atakam, jokam atakam akoretamay. Era tiruu atakam jane ajimakam atakam, ajarisiapmas owe bipu, atakam afaketaay. 28Asamot owe, owe atatiiemas. Me, are era anakot baemetatii asan apok. Emesare, tare asamot owe ombare bas. Allah ere, owe adamoam, aanakotam, neraka bomon danais baemtii fiak pak aptam. Emesare, tare Allah ombare baray. 29Owe, sakao kope jamnuk, uang taka kope ajititemas. Me, era sakao taka kopeam bap baemejundae asan apok— era Taritipit emes pota aporto are. 30Tanom tarare. Allah takuus fini taka, taka amsam. 31Emesare ombare bas. Tare anakotnak. Me sakao tanane ere, anakot apok.”
“Ara owe deowe” atakam
(Luk. 12:8-9)
32“Owe wan owe bipu atakam akoretas apaye, ‘Dere Yesus bajamkai,’ emes atakam aesimtas apaye, denom Surga oup Deritipit bipu, ‘Ara owe deowe,’ emes atakam aesimtemin. 33Owe ere, wan owe bipu atakam akoretas apaye, ‘Yesus demsam apok,’ emes atakam aesimtas apaye, Denom Surga oup Deritipit bipu, ‘Ara owe deowe apok,’ emes atakam aesimtemin.”
Yesus bajamkainak atakam
(Luk. 12:51-53, 14:26-27)
34“Tare ere, ‘Yesus ara tapirmi, owe pai bameam tapirmi baemapom andae,’ emes bimak binip batetaram bas. Dere ara tapirmi, pai bameam tapirmi baemapom bandae apok. Dere ara tapirmi jii tapirmi baemapom andaeo. 35Dere, andep atakamiin aritipit bajamom andaeo. Dere, aparais atakamiin arsoot bajamomam, anin atakamiin arsak bajamomam, emes andaeo. 36Owe atame owe, ere aowentakam owe aememtemas.
37Owe arisare anama aritapes daytinak afaimtas, wanam kopenak Dera afaimtanis, are deowe baemem awar apok. Owe arereis daytinak afaimtas, wanam kopenak dera afaimtanis, are deowe baemem awar apok. 38Owe asalib bataateter apok aemtasam, Dera bajamkai apok aemtasam, ere are deowe baemem awar apok. 39Owe, amba bajorem jati daytu aetas, are bajorem apok aemtemas. Wan owe ere, karai Dera aetamtemanis. Era owe dambir emes pak baem damon atemtas, are ajoremtemas.”
Allah asan akot wama owe atetamto atakam
(Mrk. 9:41)
40“Me tara atoomjiitan owe, are Dere era tame atoomjiitemanis. Era tame atoomjiitanis owe, era ambirimemomen Ipitam tame atoomjiitemas. 41Owe, Allah atakam bakoretam ipit aportas, wanam are era ipit atame atoomjiitas, ere, Allah, asan akot era oweam atetamtem. Are asan akot ara atakam bakoretam ipit emes atetamto pak, era oweam atetamtem. Wanam, owe, turu ipit aportas, wanam are era ipit atame atoomjiitas, ere, Allah asan akot era owe atetamtem. Are asan akot era turu ipit emes atetamto pak, era oweam atetamtem. 42Atakamnak, owe ara aemapes bambi owe Dera bajamkai owe aportas, wanam era owe jufu bwikope atetamtas, ere Allah era owe asan akot atetamtem.” Yesus emes atakam aesime.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 1994