MATIUS 18
18
Juas aptam owe atakam
(Mrk. 9:33-37; Luk. 9:46-48)
1Emesare. Era baream, abajamkai owe Yesus ambaromes. “Allah Ai Tapirmi juas aptam owe, ta oweem?” Emes atakam aesimes 2Armat Ipit arawa, jii taka ajate. Are era jii era owe waut ataemome. 3Yesus arawa, “Atakamnak, tare pota pak bamakem apok aemtakam, wanam jii tamen baemem apok aemtakam, tare Allah aobaomep owe baemeemem asan apok. 4Emesare, ara jii tamen amba baemetemtem apok owe, Allah aobaomep owe, juas aptam owe aememtemas. 5Owe Dera afaimtanis, wanam emes jii tamen atame atoomjiitamtanis, ere era oweam Dere atame atoomjiiemmanis. Ere era owe dobaomep owe erare.”
Owe dosa baem batatapimtaa atakam
(Mrk. 9:42-48; Luk. 17:1-2)
6“Wan jii koser Dera ambesemmanis. Owe emes jii takakope dosa baem atatapimtaatas, era owe asan potanak aemaptemas. Wan owe, eka daytu era owe afemak bonak ato takamjikapom, wanam era owe itimbup bwi bajurumpuum, ere akotnak. 7Ara aemansa tapirmi, owe dosa baem batatapimtaa aemapes. Erarawa era owe asan pota. Era dosa baem pak ajinaotemas. Me, owe wan owe dosa baem atatapimtaatas, ere asan potanak aemaptemas. 8Me taban apaye, tabai apaye, tare dosa aoemtan, ere basakamosomay. Tare poman ban taka apaye, poman bai taka apaye, wanam Allah takan ajamememaartakam, ere, tare asan akot. Me, Allah, tare ban amnuk aptam anama bai jamnuk aptam, era basapie apoknak jisimak bomon akoromtukumtan, ere tare asan potanak. 9Wanam, tabanamek, dosa aoemtan, era banamek basumtaeray. Tare banamek poman taka Allah takan ajamememaartakam, ere tare asan akot. Me, Allah, tare banamek amnuk takes, era neraka jisimak bomon akoromtukumtan, ere tare asan potanak.”
Era apakapiose domba baetaa atakam
(Luk. 15:3-7)
10“Tanom ara jii tamen takakopeam bifane bas. Baporay! Era jii amalaikat, jipit taka, jipit taka, Surga oup aapatisa. Era malaikat takes Surga oup Deritipit bipu aememaaremas. [ 11Emesare, Asamot Anakot Ajaoreme Ipit, ara apakapiosmas owe, bandimartaeram, bajortaeram, andae.]
12Jipit taka, domba 100 aemomemto, wanam era domba takakope apakapiosto, era ipit era domba 99, fami oup beken ajiosem, wanam era apakapiosto domba andimarem, emes ape? Tare wama bimak binip tetarammakam? 13Atakamnak, are era domba taka andimartaerto, jak akotnak aemememe. Are era bapakapios apok domba, 99 aporto, jak akot kope emes aemememe. 14Emesamare, Allah, ara jii koser takakopeam bapakapios potan.”
Me wojoo ipit pota pak wora aemtan atakam
15“Me wojoo ipit pota pak wora aemtan apaye, wore era ipitpu aesosey. Wanam era pak wopa taketamey. Are woatakam jane ajitan apaye, ere wore era wojoo ipitatin aojamfaimamtemankum. 16Me, are woatakam aootan apaye, wore wan owe taka apaye, jamnuk apaye, era ipitpu takan atoomtiney. Erarawa ateman batam owe jamnuk apaye, bamintep apaye, era ajamkoramtakam atakam jane ajitemas. 17Era ipit, era owe atakamam aooto apaye, atakam dera basitim ajarisiapmas owe aesimtamey. Era ipit era owe atakamam aooto apaye, wore era ipit Allah amsam apok ipit emes tamen aememomey. Wonom, era ipit, pemerintah uang bajanimtam karai ipit, emes tamen aememomey.”
Era atii atetakam pakam, era akot aportakam pakam, atakam
18“Atakamnak, ara aemansa tapirmi atii atetakam pak ere, Allaham era pak era Surga oup atii atetem. Ara aemansa tapirmi akot aportakam pak, ere, Allaham era pak era Surga oup akot aportem.
19,20Atakamnak, owe jamnuk apaye, bamintep apaye, dosakamtamo atakam jipu ajarisiaptas, Dere era owe waut aememtemin. Emesare, ara aemansa tapirmi ere, tare owe jamnuk, atakam Allah ajanimtakam pak atakam ajamsakamtakam, era Surga oup Deritipit, era pak tara aemtamteman.” Yesus emes atakam aesime.
Bimak binip pota karai baetam ipit baetaa atakam
21Petrusam Yesuspu ambarome. “Tuhan! Dejoo ipit dosa tanane dera aemtan apaye, dere era ipit aemtan dosa, bimak binip bajanimemtam bare wama tamenim? Dere, era aemtan dosa, bimak binip bajanimemtam bare bamintep ape?” Emes atakam aesime. 22Yesus arawa, “Dere, bamintepnak atakam apok. Era ipit wore dosa tanane aemtan apaye, era aemtan dosa, bimak binip bajanimemtamam arkea.” Emes atakam aesime. 23Allah aowe baomep atakam, ere ara aemansa baetaa atakam emes tamen are: Emesare raja ipit taka aememen. Era raja, akarai baetam owe era pak ataetes, bon bakapim atakam akoren. 24Are era bon bakapim aeme ere, owe, jipit taka, armat ipit bipu atoomtinesen. Era ipit bon, ere uang tananenak aemen. 25Era ipit ere, era bon bakapim, uang tanane apoken. Era raja ipit arawa, atakam wan karai baetam owe asakamtamen. ‘Tare era ipitam, aremoam, ajiiam, aapak takesam, wan owe atetamay, wanam jow uang auumamtaeray. Era uang arawa, era bon bakapim are.’ Emes atakam aesimen. 26Emesare, era karai baetam ipit, raja ipit bipu bifop andaejiapen. ‘Atokomey! Dere era bon uang takes wora aotetamtemin.’ Emes atakam aesimen. 27Era raja ipit arawa, era ipit seekot aoorporen. Are era ipit asurumen. Wanam are abon akokomosomtamen.
28“Emesare, era karai baetam ipit ajisen. Are karai takan aeetamas wan ipit andimartaeren. Bonak ere, are era ipit uang tanane apoknak bon atetamen. Emesare, are era ipit ban akimomen. Wanam afemak ajaramompen. ‘Era bon uang batetaman.’ Emes atakam aesimen. 29Me era karai takan aeetamas ipit, era ipit bipu bifop andaejiapen. Are atakam fiak ajanimen. ‘Atokomey! Dere era uang wora aotetamtemin.’ Emes atakam aesimen. 30Era ipit ere, jane apok aememen. Are era karai takan aeetamas ipit, buji tame bomon ataejiimen— era uang aotetamto bare ajiire. 31Me wan karai takan aeetamas oweam emes aporesen. Ararawa, jak pota aememesen. Are raja ipit ambaromesen. Wanam era pak takes atakam armat ipit aesimtamesen. 32Era raja ipit arawa, era ipit ajaten. ‘Wore karai baetam ipit jaos aememem. Wore atakam dera ajanimanim. Derarawa, wobon takes etekokomosomtamey. 33Dere soro wora ajiomey. Wonom emes soro karai takan aeemakam ipit bajiomey.’ Emes atakam aesimen. 34Era raja ipitam jak ambap aememen. Are era ipit era baemsokom owe aotasimemomtam— era ipit era bon uang takes aotetamto bare ajiire eraren. 35Emesare, era Surga oup Deritipit, tare oweo aememayekem emes taka aemteman— tare tajoo owe era pota pak tara aemen pak, bimak binip bajanimemtamnak apok aemtakam are.” Yesus emes atakam aesime.
Currently Selected:
MATIUS 18: LAIASC
Highlight
Share
Copy
Want to have your highlights saved across all your devices? Sign up or sign in
@LAI 1994
MATIUS 18
18
Juas aptam owe atakam
(Mrk. 9:33-37; Luk. 9:46-48)
1Emesare. Era baream, abajamkai owe Yesus ambaromes. “Allah Ai Tapirmi juas aptam owe, ta oweem?” Emes atakam aesimes 2Armat Ipit arawa, jii taka ajate. Are era jii era owe waut ataemome. 3Yesus arawa, “Atakamnak, tare pota pak bamakem apok aemtakam, wanam jii tamen baemem apok aemtakam, tare Allah aobaomep owe baemeemem asan apok. 4Emesare, ara jii tamen amba baemetemtem apok owe, Allah aobaomep owe, juas aptam owe aememtemas. 5Owe Dera afaimtanis, wanam emes jii tamen atame atoomjiitamtanis, ere era oweam Dere atame atoomjiiemmanis. Ere era owe dobaomep owe erare.”
Owe dosa baem batatapimtaa atakam
(Mrk. 9:42-48; Luk. 17:1-2)
6“Wan jii koser Dera ambesemmanis. Owe emes jii takakope dosa baem atatapimtaatas, era owe asan potanak aemaptemas. Wan owe, eka daytu era owe afemak bonak ato takamjikapom, wanam era owe itimbup bwi bajurumpuum, ere akotnak. 7Ara aemansa tapirmi, owe dosa baem batatapimtaa aemapes. Erarawa era owe asan pota. Era dosa baem pak ajinaotemas. Me, owe wan owe dosa baem atatapimtaatas, ere asan potanak aemaptemas. 8Me taban apaye, tabai apaye, tare dosa aoemtan, ere basakamosomay. Tare poman ban taka apaye, poman bai taka apaye, wanam Allah takan ajamememaartakam, ere, tare asan akot. Me, Allah, tare ban amnuk aptam anama bai jamnuk aptam, era basapie apoknak jisimak bomon akoromtukumtan, ere tare asan potanak. 9Wanam, tabanamek, dosa aoemtan, era banamek basumtaeray. Tare banamek poman taka Allah takan ajamememaartakam, ere tare asan akot. Me, Allah, tare banamek amnuk takes, era neraka jisimak bomon akoromtukumtan, ere tare asan potanak.”
Era apakapiose domba baetaa atakam
(Luk. 15:3-7)
10“Tanom ara jii tamen takakopeam bifane bas. Baporay! Era jii amalaikat, jipit taka, jipit taka, Surga oup aapatisa. Era malaikat takes Surga oup Deritipit bipu aememaaremas. [ 11Emesare, Asamot Anakot Ajaoreme Ipit, ara apakapiosmas owe, bandimartaeram, bajortaeram, andae.]
12Jipit taka, domba 100 aemomemto, wanam era domba takakope apakapiosto, era ipit era domba 99, fami oup beken ajiosem, wanam era apakapiosto domba andimarem, emes ape? Tare wama bimak binip tetarammakam? 13Atakamnak, are era domba taka andimartaerto, jak akotnak aemememe. Are era bapakapios apok domba, 99 aporto, jak akot kope emes aemememe. 14Emesamare, Allah, ara jii koser takakopeam bapakapios potan.”
Me wojoo ipit pota pak wora aemtan atakam
15“Me wojoo ipit pota pak wora aemtan apaye, wore era ipitpu aesosey. Wanam era pak wopa taketamey. Are woatakam jane ajitan apaye, ere wore era wojoo ipitatin aojamfaimamtemankum. 16Me, are woatakam aootan apaye, wore wan owe taka apaye, jamnuk apaye, era ipitpu takan atoomtiney. Erarawa ateman batam owe jamnuk apaye, bamintep apaye, era ajamkoramtakam atakam jane ajitemas. 17Era ipit, era owe atakamam aooto apaye, atakam dera basitim ajarisiapmas owe aesimtamey. Era ipit era owe atakamam aooto apaye, wore era ipit Allah amsam apok ipit emes tamen aememomey. Wonom, era ipit, pemerintah uang bajanimtam karai ipit, emes tamen aememomey.”
Era atii atetakam pakam, era akot aportakam pakam, atakam
18“Atakamnak, ara aemansa tapirmi atii atetakam pak ere, Allaham era pak era Surga oup atii atetem. Ara aemansa tapirmi akot aportakam pak, ere, Allaham era pak era Surga oup akot aportem.
19,20Atakamnak, owe jamnuk apaye, bamintep apaye, dosakamtamo atakam jipu ajarisiaptas, Dere era owe waut aememtemin. Emesare, ara aemansa tapirmi ere, tare owe jamnuk, atakam Allah ajanimtakam pak atakam ajamsakamtakam, era Surga oup Deritipit, era pak tara aemtamteman.” Yesus emes atakam aesime.
Bimak binip pota karai baetam ipit baetaa atakam
21Petrusam Yesuspu ambarome. “Tuhan! Dejoo ipit dosa tanane dera aemtan apaye, dere era ipit aemtan dosa, bimak binip bajanimemtam bare wama tamenim? Dere, era aemtan dosa, bimak binip bajanimemtam bare bamintep ape?” Emes atakam aesime. 22Yesus arawa, “Dere, bamintepnak atakam apok. Era ipit wore dosa tanane aemtan apaye, era aemtan dosa, bimak binip bajanimemtamam arkea.” Emes atakam aesime. 23Allah aowe baomep atakam, ere ara aemansa baetaa atakam emes tamen are: Emesare raja ipit taka aememen. Era raja, akarai baetam owe era pak ataetes, bon bakapim atakam akoren. 24Are era bon bakapim aeme ere, owe, jipit taka, armat ipit bipu atoomtinesen. Era ipit bon, ere uang tananenak aemen. 25Era ipit ere, era bon bakapim, uang tanane apoken. Era raja ipit arawa, atakam wan karai baetam owe asakamtamen. ‘Tare era ipitam, aremoam, ajiiam, aapak takesam, wan owe atetamay, wanam jow uang auumamtaeray. Era uang arawa, era bon bakapim are.’ Emes atakam aesimen. 26Emesare, era karai baetam ipit, raja ipit bipu bifop andaejiapen. ‘Atokomey! Dere era bon uang takes wora aotetamtemin.’ Emes atakam aesimen. 27Era raja ipit arawa, era ipit seekot aoorporen. Are era ipit asurumen. Wanam are abon akokomosomtamen.
28“Emesare, era karai baetam ipit ajisen. Are karai takan aeetamas wan ipit andimartaeren. Bonak ere, are era ipit uang tanane apoknak bon atetamen. Emesare, are era ipit ban akimomen. Wanam afemak ajaramompen. ‘Era bon uang batetaman.’ Emes atakam aesimen. 29Me era karai takan aeetamas ipit, era ipit bipu bifop andaejiapen. Are atakam fiak ajanimen. ‘Atokomey! Dere era uang wora aotetamtemin.’ Emes atakam aesimen. 30Era ipit ere, jane apok aememen. Are era karai takan aeetamas ipit, buji tame bomon ataejiimen— era uang aotetamto bare ajiire. 31Me wan karai takan aeetamas oweam emes aporesen. Ararawa, jak pota aememesen. Are raja ipit ambaromesen. Wanam era pak takes atakam armat ipit aesimtamesen. 32Era raja ipit arawa, era ipit ajaten. ‘Wore karai baetam ipit jaos aememem. Wore atakam dera ajanimanim. Derarawa, wobon takes etekokomosomtamey. 33Dere soro wora ajiomey. Wonom emes soro karai takan aeemakam ipit bajiomey.’ Emes atakam aesimen. 34Era raja ipitam jak ambap aememen. Are era ipit era baemsokom owe aotasimemomtam— era ipit era bon uang takes aotetamto bare ajiire eraren. 35Emesare, era Surga oup Deritipit, tare oweo aememayekem emes taka aemteman— tare tajoo owe era pota pak tara aemen pak, bimak binip bajanimemtamnak apok aemtakam are.” Yesus emes atakam aesime.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 1994