MATIUS 24
24
Allah Tame danais baemames atakam
(Mrk. 13:1-2; Luk. 21:5-6)
1Emesare. Yesus Allah Tame daytu ajise. Armat Ipit taojismape, abajamkai owe, ambaromes. Are Allah Tame takes, Yesus aporomtames. 2Armat Ipit arawa, atakam era owe akorome. “Tare ara pak takes apormakam apaye? Atakamnak, asep bare ara tame eka bomonapas teneapas baemames apok aemtemas. Jii owe ere, era eka takes ajumdaemkoromtemas.” Emes atakam aesime.
Owe bajirisem atakam
(Mrk. 13:3-13; Luk. 21:7-19)
3Emesare. Armat Ipit fami juas Saitun oup taomape, abajamkai owe, Armat Ipitpu apa ambaromes. “Atakam paesimtamaro era aesimtamaroam atakam ete bare emto? Me aofasitem baream, era asepnak baream, setep aemamesto, Allah wama jinim bae pak poromtamto?” Emes atakam aesimes. 4Yesus arawa, atakam era owe akorome. “Tanom turunaka! Owe potet tara batutum-ombar. 5Owe tanane ajinaotemas, wanam, ‘Allah Aeremtaere Ipit, ere derare,’ emes atakam aesimtetertemas. Are potet owe tanane atutumtemas. 6Tanom owe jii bajamom aportemakam. Owe jii bajamom atakamam jane ajitemakam. Tare ere, ombare bas. Emesare, owe jii ajamomtemas. Me, era asepnak bare setepnak apok. 7Wan samane tanane jii wan samane tanane ajamoma ajitemas. Wan pemerintah tanane jii wan pemerintah tanane ajamoma ajitemas. Asan tananeam, owe amosto dambir aema ajitemas. Asan tananeam ajie asisima ajaitem. 8Era pak takes ere, bonak bajirisem are. Wan daytinak bajirisem pak arawa, asep are.
9Erarawa, owe tara ajipirtaerteman. Are owe, tara bajurusum aotasimemomtamteman. Are tara atatiiteman. Era samaniin samaniin takes, tare Dera bajamkai owe aporteman. Ararawa, bifane tara afeomemteman. 10Owe tananeam Dera bajamkai ambompimtemas. Era owe tananeam armamon ajamotasimemomtamtemas. Are bifane armamon ajamfeamemtemas. 11Allah atakam bakoretam pote owe tananeam ajateemtemas. Are owe tanane potet atutumtemas. 12Owe Allah atakam baoo betema betema ajitemas. Erarawa owe, owe bofaim apok, aemtemas. 13Me, owe era asepnak bare ajiire Dera bajamkai bamompim apok aemtas, are ajoremtemas. 14Owe, Allah aowe baomep Akot Atakam era tapirmiin tapirmiin akoretamtemas. Era ateman atakam samaniin samaniin jane bajie are. Erarawa, era asepnak bare aemamestem.” Yesus emes atakam aesime.
Owe Danais Baemtii Potanak Pak atakam
(Mrk. 13:14-23; Luk. 21:20-24)
15,16“Me Allah atakam bakoretam ipit juas Daniel, ‘Owe Danais Baemtii Potanak Pak’ bajinao, atakam aesimtamen. Tanom era Owe Danais Baemtii Potanak Pak Allah Turunak kamar baemem aportakam, Yudea tapirmi aememas owe, ombare era famipu baesostas. (Emesare, ara atakam baca baem owe, ara atakam jane bajiekoromtas.) 17Tameo aemamesteterayes tame oup kais banda asan aemaptas owe, aapak ato batakamjiitaer bas. 18Kebun karai aetas oweam, abaju bofasietaer bas. 19Emesare era bare jak aptam tapesam, jii aoo andamtas tapesam, asan potanak aemaptemas. 20Tanom atakam Allah ajanimay. Era ombare aesostakam bare, jufu bwi aemtepto bare bas. Anom Yahudi Owe Samayen Bare bas. Emes atakam ajanimay. 21Emesare, era bare, owe bajirisem daytinak aemtemas. Allah ara tapirmi akenemtiie baream, waa ajiiream, emes daytinak bojirisem apok aemtemas. Anom bojinao apoknak aemtem. 22Allah ere, atakam asakamtiie. ‘Era owe ajirisemtas pak, jirao bas.’ Emes atakam aesime. Are emes atakam basakamtii apok ere, owe takes dambir aemtemas. Me, Allah aoereremartaae owe seis akot aoorpore. Erarawa Are era owe ajirisemtas pak, jirao bas, emes atakam asakamtiie.
23Owe atakam tara akoromtan, ‘Baporay! Allah Aeremtaere Ipit ara asan are,’ wanam, ‘Allah Aeremtaere Ipit era asan are,’ emes atakam aesimtan apaye, tare era atakam jane bajie bas. 24Emesare, wan owe, ‘Dere Allah Aeremtaere Ipit derare,’ emes pote atakam akoretetertemas. Allah atakam bakoretam pote oweam aememtemas. Era owe potet Allah aereremartaae oweam atutumportemas. Erarawa are jinim bae pak aemtemas. 25Baporay! Dere ara atakam bonak tara akoromo.
26Emesare, owe atakam tara akoromtan, ‘Baporay! Armat Ipit era tame apok asan aemeta,’ emes atakam aesimtan, tare era asan baesos bas. Wanam, ‘Armat Ipit era tame bomon aapeta,’ emes atakam aesimtan, tare era atakam jane bajie bas. 27Bwer aran aekajararemar, wanam eman andaekajarareapem. Emesare, asamot Anakot Ajaoreme Ipit emes fef tamen andaetem. 28Wuru sakao, era dambir pak asan ajukusiromaaremas.”
Asamot Anakot Ajaoreme Ipit aofasito atakam
(Mrk. 13:24-27; Luk. 21:25-28)
29“Era bare ere, owe ajirisemtemas. Ajirisemtas arawa, jee jiiti ametetamtiitem. Piram bandaesaramtii apok aemtem. Baetam, baisam, akookosendaetem. Allaham era wonamo oup pak tayiepota aemtopomtem. 30Era barerawa, owe Asamot Anakot Ajaoreme Ipit bandae bapor pak ajateemto, era wonamo oup aportemas. Ara aemansa tapirmi samaniin samaniin arawa, bate daytinak ambattemas. Asamot Anakot Ajaoreme Ipit, wonamo oup ten baemem andaetem. Armat Ipit, fiak pak aptamam, akotipitnak aememeam, andaetem. Era samaniin samaniin emes aportemas. 31Malaikatam fwi daytinak ajamtem. Ere Allah malaikat owe bamirimemom are. Era malaikat owerawa, Allah era samaniin samaniin aereremartaae owe, ajarisimapomtemas.”
Wus aememar pak atakam
(Mrk. 13:28-31; Luk. 21:29-33)
32“Wus juas ‘ara’ aememar pak, bimak binip atetaramay. Era wus jini atakuomemto aportakam, ‘Ere jusue bwi setep,’ emes atakam aesimemakam. 33Tanom are, Tare era atakam akoremin pak takes aportakam, tare Asamot Anakot Ajaoreme Ipit andaeto bare setepnak aportemakam. Armat Ipit fefnak bandae aportemakam. 34Atakamnak, ara tapirmi aememes owe dambir baem apok ere, era atakam akoremin pak takes bonak ato takamemkoromtem. 35Era wonamo oupam, ara tapirmiam, ajaniostem. Deatakam ere, emes aemansaartem.”
Yesus aondaeto bare atakam
(Mrk. 13:32-37; Luk. 17:26-30, 34-36)
36“Me, asamot owe ere, Armat Ipit aondaeto baream, jamam, amsam apok. Surga oup malaikat owe takesam amsam apok. Allah Andepam amsam apok. Me, Aritipit taka ere amsam. 37Me Asamot Anakot Ajaoreme Ipit andaeto pak, Nuh bonaknak aemaarir bare atakam awar aemtem. 38Era bare, bwi daytu bajinao apok, owe amos anama bwi, andamataaris. Oorey oweam petae ajiema ajiaaris. Tapesam oorey ajuuta ajiaaris. Are Nuh era ti daytu tame aptam ajiie bare ajiire, emes pak aemaaris. 39Era owe era ajinaoto pak amsam apok— era bwi daytu ajitime bare ajiire. Era bwi bea daytu bare, era owe takes asoromomase. Emesare, Asamot Anakot Ajaoreme Ipit andaetoam, emes tamen aemtem. 40Era bere, owe jamnuk kebun aememtemamis. Malaikat owerawa, jipit taka ataertemas. Me wan takarawa, beken ajiemomtemas. 41Taot amnukam, wasen, amos takan ajotemamis. Malaikat owerawa, taka ataertemas. Me wan takarawa, beken ajiemomtemas. 42Emesare, banamek ataiaaray. Tare taTuhan andaeto bare tamsam apok. 43Baporay! Tame armat ipit era wosom ipit ambaromemto jam amsam ere, are banamek ataiapem. Era wosom ipit era tame jii jimsap batietii-ombar. 44Emesare, tanom banamek emes asirapay! Tare, ‘Asamot Anakot Ajaoreme Ipit waa bandae apok,’ emes bimak binip atetaramtakam bare, ere era bare Armat Ipit andaetem.”
Karai baetam ipit atakam
(Luk. 12:41-48)
45“Era anakot karai baetam ipitam, bimak binip aptam karai baetam ipitam, wama ipitim? Me akarai armat ipit, era ipit, atame kapar ipit ataemum. Me wan karai baetam owe, amos banda aemapa ajitas, era ipitam, banda pak, era owe sai asaietama ajim. 46Era karai armat ipit aofasito, wanam are akarai baetam ipit emes baem aporto, ere era karai baetam ipit asan akot aemaptem. 47Atakamnak, era karai armat ipit, era ipit, aapak takes, banamek batai ataemomtem. 48Me, era ipit, karai baetam ipit pota aememto, wanam, ‘Dekarai armat ipit bofasiendae fef apok aemtem,’ emes bimak binip atetaramto, 49wanam are era karai takan baetam owe wusup ateto, wanam are era bir bwi banda jaytu owe amos anama bwi takan ajamdeto, 50ere, era bare karai armat ipit aofasitem. Era karai baetam ipitam, ‘Era karai armat ipit, waa bofasi apok apeno.’ Emes atakam aesimtem. Me, era bare taka era karai armat ipit aofasitem. 51Are era karai baetam ipit atatiitem. Are era ipit pir bae owe asan ataapomtem. Era asan owe bate ambattemas. Are damo jende atawuomtemas.”
Currently Selected:
MATIUS 24: LAIASC
Highlight
Share
Copy
Want to have your highlights saved across all your devices? Sign up or sign in
@LAI 1994
MATIUS 24
24
Allah Tame danais baemames atakam
(Mrk. 13:1-2; Luk. 21:5-6)
1Emesare. Yesus Allah Tame daytu ajise. Armat Ipit taojismape, abajamkai owe, ambaromes. Are Allah Tame takes, Yesus aporomtames. 2Armat Ipit arawa, atakam era owe akorome. “Tare ara pak takes apormakam apaye? Atakamnak, asep bare ara tame eka bomonapas teneapas baemames apok aemtemas. Jii owe ere, era eka takes ajumdaemkoromtemas.” Emes atakam aesime.
Owe bajirisem atakam
(Mrk. 13:3-13; Luk. 21:7-19)
3Emesare. Armat Ipit fami juas Saitun oup taomape, abajamkai owe, Armat Ipitpu apa ambaromes. “Atakam paesimtamaro era aesimtamaroam atakam ete bare emto? Me aofasitem baream, era asepnak baream, setep aemamesto, Allah wama jinim bae pak poromtamto?” Emes atakam aesimes. 4Yesus arawa, atakam era owe akorome. “Tanom turunaka! Owe potet tara batutum-ombar. 5Owe tanane ajinaotemas, wanam, ‘Allah Aeremtaere Ipit, ere derare,’ emes atakam aesimtetertemas. Are potet owe tanane atutumtemas. 6Tanom owe jii bajamom aportemakam. Owe jii bajamom atakamam jane ajitemakam. Tare ere, ombare bas. Emesare, owe jii ajamomtemas. Me, era asepnak bare setepnak apok. 7Wan samane tanane jii wan samane tanane ajamoma ajitemas. Wan pemerintah tanane jii wan pemerintah tanane ajamoma ajitemas. Asan tananeam, owe amosto dambir aema ajitemas. Asan tananeam ajie asisima ajaitem. 8Era pak takes ere, bonak bajirisem are. Wan daytinak bajirisem pak arawa, asep are.
9Erarawa, owe tara ajipirtaerteman. Are owe, tara bajurusum aotasimemomtamteman. Are tara atatiiteman. Era samaniin samaniin takes, tare Dera bajamkai owe aporteman. Ararawa, bifane tara afeomemteman. 10Owe tananeam Dera bajamkai ambompimtemas. Era owe tananeam armamon ajamotasimemomtamtemas. Are bifane armamon ajamfeamemtemas. 11Allah atakam bakoretam pote owe tananeam ajateemtemas. Are owe tanane potet atutumtemas. 12Owe Allah atakam baoo betema betema ajitemas. Erarawa owe, owe bofaim apok, aemtemas. 13Me, owe era asepnak bare ajiire Dera bajamkai bamompim apok aemtas, are ajoremtemas. 14Owe, Allah aowe baomep Akot Atakam era tapirmiin tapirmiin akoretamtemas. Era ateman atakam samaniin samaniin jane bajie are. Erarawa, era asepnak bare aemamestem.” Yesus emes atakam aesime.
Owe Danais Baemtii Potanak Pak atakam
(Mrk. 13:14-23; Luk. 21:20-24)
15,16“Me Allah atakam bakoretam ipit juas Daniel, ‘Owe Danais Baemtii Potanak Pak’ bajinao, atakam aesimtamen. Tanom era Owe Danais Baemtii Potanak Pak Allah Turunak kamar baemem aportakam, Yudea tapirmi aememas owe, ombare era famipu baesostas. (Emesare, ara atakam baca baem owe, ara atakam jane bajiekoromtas.) 17Tameo aemamesteterayes tame oup kais banda asan aemaptas owe, aapak ato batakamjiitaer bas. 18Kebun karai aetas oweam, abaju bofasietaer bas. 19Emesare era bare jak aptam tapesam, jii aoo andamtas tapesam, asan potanak aemaptemas. 20Tanom atakam Allah ajanimay. Era ombare aesostakam bare, jufu bwi aemtepto bare bas. Anom Yahudi Owe Samayen Bare bas. Emes atakam ajanimay. 21Emesare, era bare, owe bajirisem daytinak aemtemas. Allah ara tapirmi akenemtiie baream, waa ajiiream, emes daytinak bojirisem apok aemtemas. Anom bojinao apoknak aemtem. 22Allah ere, atakam asakamtiie. ‘Era owe ajirisemtas pak, jirao bas.’ Emes atakam aesime. Are emes atakam basakamtii apok ere, owe takes dambir aemtemas. Me, Allah aoereremartaae owe seis akot aoorpore. Erarawa Are era owe ajirisemtas pak, jirao bas, emes atakam asakamtiie.
23Owe atakam tara akoromtan, ‘Baporay! Allah Aeremtaere Ipit ara asan are,’ wanam, ‘Allah Aeremtaere Ipit era asan are,’ emes atakam aesimtan apaye, tare era atakam jane bajie bas. 24Emesare, wan owe, ‘Dere Allah Aeremtaere Ipit derare,’ emes pote atakam akoretetertemas. Allah atakam bakoretam pote oweam aememtemas. Era owe potet Allah aereremartaae oweam atutumportemas. Erarawa are jinim bae pak aemtemas. 25Baporay! Dere ara atakam bonak tara akoromo.
26Emesare, owe atakam tara akoromtan, ‘Baporay! Armat Ipit era tame apok asan aemeta,’ emes atakam aesimtan, tare era asan baesos bas. Wanam, ‘Armat Ipit era tame bomon aapeta,’ emes atakam aesimtan, tare era atakam jane bajie bas. 27Bwer aran aekajararemar, wanam eman andaekajarareapem. Emesare, asamot Anakot Ajaoreme Ipit emes fef tamen andaetem. 28Wuru sakao, era dambir pak asan ajukusiromaaremas.”
Asamot Anakot Ajaoreme Ipit aofasito atakam
(Mrk. 13:24-27; Luk. 21:25-28)
29“Era bare ere, owe ajirisemtemas. Ajirisemtas arawa, jee jiiti ametetamtiitem. Piram bandaesaramtii apok aemtem. Baetam, baisam, akookosendaetem. Allaham era wonamo oup pak tayiepota aemtopomtem. 30Era barerawa, owe Asamot Anakot Ajaoreme Ipit bandae bapor pak ajateemto, era wonamo oup aportemas. Ara aemansa tapirmi samaniin samaniin arawa, bate daytinak ambattemas. Asamot Anakot Ajaoreme Ipit, wonamo oup ten baemem andaetem. Armat Ipit, fiak pak aptamam, akotipitnak aememeam, andaetem. Era samaniin samaniin emes aportemas. 31Malaikatam fwi daytinak ajamtem. Ere Allah malaikat owe bamirimemom are. Era malaikat owerawa, Allah era samaniin samaniin aereremartaae owe, ajarisimapomtemas.”
Wus aememar pak atakam
(Mrk. 13:28-31; Luk. 21:29-33)
32“Wus juas ‘ara’ aememar pak, bimak binip atetaramay. Era wus jini atakuomemto aportakam, ‘Ere jusue bwi setep,’ emes atakam aesimemakam. 33Tanom are, Tare era atakam akoremin pak takes aportakam, tare Asamot Anakot Ajaoreme Ipit andaeto bare setepnak aportemakam. Armat Ipit fefnak bandae aportemakam. 34Atakamnak, ara tapirmi aememes owe dambir baem apok ere, era atakam akoremin pak takes bonak ato takamemkoromtem. 35Era wonamo oupam, ara tapirmiam, ajaniostem. Deatakam ere, emes aemansaartem.”
Yesus aondaeto bare atakam
(Mrk. 13:32-37; Luk. 17:26-30, 34-36)
36“Me, asamot owe ere, Armat Ipit aondaeto baream, jamam, amsam apok. Surga oup malaikat owe takesam amsam apok. Allah Andepam amsam apok. Me, Aritipit taka ere amsam. 37Me Asamot Anakot Ajaoreme Ipit andaeto pak, Nuh bonaknak aemaarir bare atakam awar aemtem. 38Era bare, bwi daytu bajinao apok, owe amos anama bwi, andamataaris. Oorey oweam petae ajiema ajiaaris. Tapesam oorey ajuuta ajiaaris. Are Nuh era ti daytu tame aptam ajiie bare ajiire, emes pak aemaaris. 39Era owe era ajinaoto pak amsam apok— era bwi daytu ajitime bare ajiire. Era bwi bea daytu bare, era owe takes asoromomase. Emesare, Asamot Anakot Ajaoreme Ipit andaetoam, emes tamen aemtem. 40Era bere, owe jamnuk kebun aememtemamis. Malaikat owerawa, jipit taka ataertemas. Me wan takarawa, beken ajiemomtemas. 41Taot amnukam, wasen, amos takan ajotemamis. Malaikat owerawa, taka ataertemas. Me wan takarawa, beken ajiemomtemas. 42Emesare, banamek ataiaaray. Tare taTuhan andaeto bare tamsam apok. 43Baporay! Tame armat ipit era wosom ipit ambaromemto jam amsam ere, are banamek ataiapem. Era wosom ipit era tame jii jimsap batietii-ombar. 44Emesare, tanom banamek emes asirapay! Tare, ‘Asamot Anakot Ajaoreme Ipit waa bandae apok,’ emes bimak binip atetaramtakam bare, ere era bare Armat Ipit andaetem.”
Karai baetam ipit atakam
(Luk. 12:41-48)
45“Era anakot karai baetam ipitam, bimak binip aptam karai baetam ipitam, wama ipitim? Me akarai armat ipit, era ipit, atame kapar ipit ataemum. Me wan karai baetam owe, amos banda aemapa ajitas, era ipitam, banda pak, era owe sai asaietama ajim. 46Era karai armat ipit aofasito, wanam are akarai baetam ipit emes baem aporto, ere era karai baetam ipit asan akot aemaptem. 47Atakamnak, era karai armat ipit, era ipit, aapak takes, banamek batai ataemomtem. 48Me, era ipit, karai baetam ipit pota aememto, wanam, ‘Dekarai armat ipit bofasiendae fef apok aemtem,’ emes bimak binip atetaramto, 49wanam are era karai takan baetam owe wusup ateto, wanam are era bir bwi banda jaytu owe amos anama bwi takan ajamdeto, 50ere, era bare karai armat ipit aofasitem. Era karai baetam ipitam, ‘Era karai armat ipit, waa bofasi apok apeno.’ Emes atakam aesimtem. Me, era bare taka era karai armat ipit aofasitem. 51Are era karai baetam ipit atatiitem. Are era ipit pir bae owe asan ataapomtem. Era asan owe bate ambattemas. Are damo jende atawuomtemas.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 1994