Salmos 16
16
1Ben chiʼi nedaʼ, Dios, tuʼ ruzxöni ládxaʼa Liʼ.
2Lu icja ládxiʼdaʼahuaʼ gudxaʼ-nëʼ Xanruʼ:
“Liʼ nacuʼ Xanaʼ.
Bítiʼrö bi zoa quiaʼ le naca dxiʼa, pero tuzuʼ Liʼ.”
3Riyaza ládxiʼlenaʼ nupa nácagaca queëʼ Dios luyú ni,
en nupa nácagaca idú ladxiʼ.
4Ilaʼyán le ilaʼguíʼi ilaʼzacaʼ nupa taʼyéaj ladxiʼ yuguʼ dios izáʼa.
Bitiʼ caʼ cuʼa láhuiguequi rön ca tun bönachi naʼ,
en bitiʼ ulidzaʼ lágaca dios naʼ.
5Náquiëʼ Xanruʼ Dios Nu nabánidaʼ, en Nu ruziʼa xibé.
6Liʼ, Xan, nuzúʼ xilatjaʼ.
Lataj naʼ nuzúʼ quiaʼ naca le ruziʼa xibé,
en lachi naca lataj naʼ nequi quiaʼ.
7Gul-laʼ yöl-laʼ ba queëʼ Xanruʼ, Nu rigúʼu yöl-laʼ nedaʼ le naca tsahuiʼ,
ga ridxintë ruzéajniʼinëʼ nedaʼ cateʼ niʼ rasiaʼ.
8Chinunaʼ ga zóaticaʼsëʼ Xanruʼ lahuaʼ.
Tuʼ zoëʼ cuitaʼ bitiʼ bi utsáʼ nedaʼ.
9Que lë ni naʼ budzeja ládxaʼa, en buzíʼ xibé ládxiʼdaʼahuaʼ,
ateʼ gun löza le nacaʼ cateʼ igáchaʼa yeru ba,
10tuʼ cabí ucáʼanuʼ nedaʼ lataj chul-la,
en bitiʼ guʼu lataj uniti nu nequi quez quiuʼ.
11Nunuʼ ga núnbëʼa nöza ichë́ʼ nedaʼ ga soaʼ ibanaʼ.
Ga zuʼ Liʼ gataʼ quiaʼ yöl-laʼ rudzeja idú,
ateʼ cuituʼ Liʼ uzíʼticaʼsaʼ xibóʼ.
Currently Selected:
Salmos 16: zar
Highlight
Share
Copy
Want to have your highlights saved across all your devices? Sign up or sign in
© 2009, Wycliffe Bible Translators, Inc. All rights reserved.
