Matiu 16
16
ToParisi hai toSaduki membiáꞌ bona Iesu mobábehi tandaꞌ kuasaꞌ
(Mrk. 8:11-13)
1Hangko ionoꞌ, bahangapaheꞌ toParisi hai toSaduki haweꞌ i Iesu mampeliꞌheꞌ kamanawoꞌáNa. Rapembiáꞌ i Iesu, rauliꞌ, “Nupopaitaꞌangkaiꞌ tandaꞌ kuasaꞌ bona tongawaꞌ ntepuꞌu kahangko i Pueꞌ AlaMu.”
2Nahánikiheꞌ Iesu, “Ane mesibuburaꞌi kalumbaꞌ, niuliꞌ, ‘Ina magasaꞌ rawana.’ 3Hai ane mesibuburaꞌi mepulo hai móngkó alona, niuliꞌ, ‘Ina keudá.’ Niꞌisá miꞌi mampetándái rawa, agáiáná tiꞌara niꞌisá mampetándái apa to nabábehi Pueꞌ Ala i tempó deꞌe. 4Kadake ntepuꞌukou! Mosápuáka pekou oaꞌ Pueꞌ Ala! Nipembiáꞌ bona Kupopaitaꞌákou tandaꞌ kuasaꞌ, agáiáná tiꞌara ara tandaꞌ kuasaꞌ to ina Kupopaitaꞌákou, bateꞌna peá tandaꞌ to mewaliꞌ i nabiꞌ Iunu hangkoia.”#16:4 To natunggái Iesu, Iunu tálu alona, tálu wengina i lalu taꞌi bouꞌ to mahile. Básá Iunu 1:17; Matiu 12:39-40.
Roo onoꞌ, pohuꞌ miꞌi Iesu mopálehiheꞌ.
Paturoꞌraꞌ toParisi hai toSaduki rapándiriꞌ nodo ragiꞌ
(Mrk. 8:14-21)
5Iesu hai topeguruNa laomoheꞌ mengkalimba i rano Galilea, agáiáná topeguruNa mokáláliꞌáheꞌ moánti bokuraꞌ. 6I tempó iti, Iesu mohángáꞌáheꞌ node: “Maroꞌa-roꞌakou, hai maingáꞌ-ingáꞌkou i ragiꞌraꞌ toParisi hai toSaduki!”
7Agáiáná mombekuwi-kuwimoheꞌ hadua hai hadua, rauliꞌ, “Tiꞌara tabuhinao moánti mai rótiꞌ.” Rauliꞌ noꞌonoꞌ láwiꞌ tiꞌara mani raisá tunggáiána laluitana Iesu iti.
8Agáiáná naisá Iesu apa to rauliꞌ, onoꞌ miꞌi haneꞌi Nahángáꞌáheꞌ, “Moapa riꞌi haneꞌi nipolaluita katiꞌárámi moánti rótiꞌ? Tiꞌara iti to Kutunggái. Makuraꞌ mani pepoináláimi! 9Tiꞌara mani paꞌi niꞌisá lempóna apa to Kubábehi i tauna to handaꞌ. Tiꞌara paꞌi nibuhinao rótiꞌ to lima peá wuaꞌna to Kupakeꞌ mopaꞌandeꞌheꞌ tauna to lima sábuna? Hangapa mani kárándina pelábiána to nirámpu? 10Noumbá woꞌo hai rótiꞌ to pitu wuaꞌna to Kupakeꞌ mopaꞌandeꞌheꞌ tauna to iba sábuna? Hai hangapa mani woꞌo kárándina pelábiána to nirámpu? 11Moapa riꞌi haneꞌi tiꞌara mani niꞌisá katiꞌárána rótiꞌ to Kutunggái ininá? Mewaliꞌ Kuhángáꞌá wopakou: maingáꞌ-ingáꞌkou i ragiꞌraꞌ toParisi hai toSaduki.”
12Karahádina peá laluitaNa iti, hangko raisá riꞌi topeguruNa katiꞌárána ragiꞌ hai rótiꞌ to natunggái Iesu, mole paturoꞌraꞌ riꞌi toParisi hai toSaduki {to paka mamporáráꞌáheꞌ pekirina tauna haneꞌi mouláꞌheꞌ pekiri to salaꞌ}.
Peturuꞌ mopangákuꞌ kaꞌIesuna Datu Topehómpóꞌ
(Mrk. 8:27-30; Luk. 9:18-21)
13Iesu hai topeguruNa laomoheꞌ i tampoꞌ to hungkuꞌ i kótá Kaisarea Pilipi. Ionoꞌ, Iesu mekuneꞌ i hira, “Mouláꞌ panguliꞌraꞌ tauna to handaꞌ, heáná iti Ánáꞌ Mánusiá?”
14Mehániꞌheꞌ topeguruNa, “Araheꞌ to manguliꞌ Iohane Toperiu to tueꞌ huleꞌ. Araheꞌ woꞌo to manguliꞌ hadua nabiꞌ to tueꞌ huleꞌ, ia miꞌi nabiꞌ Eliá, nabiꞌ Ieremia, ba nabiꞌ to ntániꞌna.”
15Nakuneꞌ wopaheꞌ, “Ane kómu, mouláꞌ polámbiꞌmi, Kódóꞌ deꞌe, heánáꞌAꞌ?”
16Nahániki Simoꞌ Peturuꞌ, “Io miꞌi Datu Topehómpóꞌ, Ánáꞌna Pueꞌ Ala to tueꞌ haweꞌ i rue-ruena.”
17Nauliꞌ wopiꞌi Iesu, “Simoꞌ ánáꞌna Iunu, morasiꞌ ntepuꞌukoꞌ, láwiꞌ tiꞌara tauna to mampopaisáꞌákoꞌ iti, agáiáná UmáNgkuꞌ to ara i surugáꞌ. 18Mewaliꞌ, io miꞌi Peturuꞌ,#16:18 Peturuꞌ - I lalu básá Iunani, Petros - lempóna: hambuaꞌ watu to kókóiꞌ. to ralempónga ‘watu.’ Hai i wongko watu deꞌe#16:18 watu deꞌe - I lalu básá Iunani, petra - lempóna: watu to mahile ntepuꞌu. Lempóna: 1) laluitana Peturuꞌ mokana i Iesu. 2) Iesu ba paturoꞌNa. Básá 1 Korintu 3:11; 10:4; 1 Peturuꞌ 2:4,6-8. 3) Upu-upu topeguruna Iesu. Básá Epesu 2:20; Pampetudeꞌá 21:14. Ba 4) Peturuꞌ. ina Kupahirámpu upu-upu tauna to mepoinálái i Kódóꞌ. Hai kuasaꞌ kapate tiꞌara peisá monangiheꞌ. 19Ina Kuweꞌikoꞌ kuasaꞌ mopatente taunána Pueꞌ Ala:#16:19 kuasaꞌ mopatente taunána Pueꞌ Ala - I lalu básá Iunani: pegili popárentá i surugáꞌ. apa to nupekóntói i duniáꞌ, iti woꞌo to napekóntói miꞌi Pueꞌ Ala i surugáꞌ. Ane nuꞌuliꞌi hadua tauna raꞌámpungi dósána, naꞌámpungi miꞌi woꞌo Pueꞌ Ala.”#16:19 Rápáꞌna, básá 1 Korintu 5:3-5. 20Roo onoꞌ, nahángáꞌáheꞌ Iesu, “Ineeꞌ sieruꞌ niuliꞌ-uliꞌ kaKódóꞌna miꞌi deꞌe Datu Topehómpóꞌ.”
Iesu mampolaluita kana i kaꞌina mateNa hai kana i rárá meuláꞌ i Hia
(Mrk. 8:31–9:1; Luk. 9:22-27)
21Mantepuꞌu hangko ionoꞌ, Iesu mopakanótó i topeguruNaheꞌ apa to hangaa-ngaa ina mewaliꞌ i wátáNa. Nahángáꞌáheꞌ, “BateꞌKuꞌ lao i Ierusale. Ionoꞌ, upu-upu totosae, kapalaꞌ-kapalaꞌ tadulako menómbá hai guru-guru agama ina mampopeahiahiꞌAꞌ. Ina rapapateAꞌ, agáiáná i katáluna alona, ina tueꞌAꞌ huleꞌ.”
22Agáiáná Peturuꞌ modiiꞌ Iesu hangko ionoꞌ hai nakámbáróá,#16:22 Mouláꞌ Peturuꞌ, tiꞌara hintotoꞌ Datu Topehómpóꞌ molámbiꞌ kapári to noꞌonoꞌ. nauliꞌ, “Ineeꞌ Nuꞌuliꞌ noꞌonoꞌ, Pueꞌ! Kupembiáꞌ i Pueꞌ Ala bona iti Napakaraoꞌ hangko i Hio.”
23Agáiáná Iesu mampehaileꞌ Peturuꞌ, hai Nauliꞌ, “Pobaeꞌ! Io nodokoꞌ Datu Tokadake {láwiꞌ mampehukáꞌkoꞌ mokeloꞌAꞌ bona tiꞌaraꞌAꞌ mampeuláꞌi peundeꞌána UmáNgkuꞌ}. Pekirimu iti pekiri tauna peá, tiꞌara pekirina Pueꞌ Ala.”
24Roo onoꞌ, Iesu molaluita i topeguruNa, Nauliꞌ “Heáná to mampoinao meuláꞌ i Kódóꞌ, hangaa-ngaa mokábáhá peundeꞌána haduduána hai hangaa-ngaa timama mantódihá kapári#16:24 timama mantódihá kapári - I lalu básá Iunani: mopáháꞌá kau mombehape. haneꞌi meuláꞌ i Kódóꞌ. 25Heáná to mokábáhá peundeꞌána haduduána ánti peuláꞌna i Kódóꞌ, kehapiꞌ rapapate, ia to ina molámbiꞌ katueꞌ to maroꞌa to tiꞌara mokahópóꞌá. Agáiáná heáná to mampeuláꞌi peundeꞌána haduduána, tiꞌara ina molámbiꞌ katueꞌ to maroꞌa to tiꞌara mokahópóꞌá. 26Apa bunduꞌna morámpukou upu-upu kapebuku i duniáꞌ agáiáná tiꞌarakou molámbiꞌ katehómpóꞌ i alo pobutusi? Láwiꞌ tiꞌara ara to peisá rapoposuláꞌ katueꞌ to maroꞌa iti. 27Hangkani tempó, Ánáꞌ Mánusiá ina haweꞌ mai hangko i surugáꞌ mampetudeꞌá peawaꞌna tueꞌNa to hibali hai peawaꞌna UmáNa. I tempó iti, handaꞌ woꞌo malaꞌeka ina meuláꞌ, hai bateꞌna ina Naháwángi bábehiáraꞌ upu-upu tauna hintotoꞌ hai bábehiáraꞌ. 28Nipehádingi maroꞌa apa to Kuhángáꞌákou deꞌe: ara i oloꞌmi tauna to tiꞌara ina mate hangko tiꞌara maniheꞌ moita Ánáꞌ Mánusiá haweꞌ nodo Datu i kadatuána.”#16:28 To natunggái Iesu ieneꞌ ia miꞌi: 1) katebálikiáNa i buluꞌ to mewaliꞌ haminggu hangko kaNauliꞌna noꞌonoꞌ (básá Matiu 17:1-8; 2 Peturuꞌ 1:16-18). 2) pearóNa hangko i kapate, ba 3) pengkaoreꞌNa lao i surugáꞌ hai pendáuluna Inao to Magasaꞌ.
Currently Selected:
Matiu 16: NTBEP
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.
Matiu 16
16
ToParisi hai toSaduki membiáꞌ bona Iesu mobábehi tandaꞌ kuasaꞌ
(Mrk. 8:11-13)
1Hangko ionoꞌ, bahangapaheꞌ toParisi hai toSaduki haweꞌ i Iesu mampeliꞌheꞌ kamanawoꞌáNa. Rapembiáꞌ i Iesu, rauliꞌ, “Nupopaitaꞌangkaiꞌ tandaꞌ kuasaꞌ bona tongawaꞌ ntepuꞌu kahangko i Pueꞌ AlaMu.”
2Nahánikiheꞌ Iesu, “Ane mesibuburaꞌi kalumbaꞌ, niuliꞌ, ‘Ina magasaꞌ rawana.’ 3Hai ane mesibuburaꞌi mepulo hai móngkó alona, niuliꞌ, ‘Ina keudá.’ Niꞌisá miꞌi mampetándái rawa, agáiáná tiꞌara niꞌisá mampetándái apa to nabábehi Pueꞌ Ala i tempó deꞌe. 4Kadake ntepuꞌukou! Mosápuáka pekou oaꞌ Pueꞌ Ala! Nipembiáꞌ bona Kupopaitaꞌákou tandaꞌ kuasaꞌ, agáiáná tiꞌara ara tandaꞌ kuasaꞌ to ina Kupopaitaꞌákou, bateꞌna peá tandaꞌ to mewaliꞌ i nabiꞌ Iunu hangkoia.”#16:4 To natunggái Iesu, Iunu tálu alona, tálu wengina i lalu taꞌi bouꞌ to mahile. Básá Iunu 1:17; Matiu 12:39-40.
Roo onoꞌ, pohuꞌ miꞌi Iesu mopálehiheꞌ.
Paturoꞌraꞌ toParisi hai toSaduki rapándiriꞌ nodo ragiꞌ
(Mrk. 8:14-21)
5Iesu hai topeguruNa laomoheꞌ mengkalimba i rano Galilea, agáiáná topeguruNa mokáláliꞌáheꞌ moánti bokuraꞌ. 6I tempó iti, Iesu mohángáꞌáheꞌ node: “Maroꞌa-roꞌakou, hai maingáꞌ-ingáꞌkou i ragiꞌraꞌ toParisi hai toSaduki!”
7Agáiáná mombekuwi-kuwimoheꞌ hadua hai hadua, rauliꞌ, “Tiꞌara tabuhinao moánti mai rótiꞌ.” Rauliꞌ noꞌonoꞌ láwiꞌ tiꞌara mani raisá tunggáiána laluitana Iesu iti.
8Agáiáná naisá Iesu apa to rauliꞌ, onoꞌ miꞌi haneꞌi Nahángáꞌáheꞌ, “Moapa riꞌi haneꞌi nipolaluita katiꞌárámi moánti rótiꞌ? Tiꞌara iti to Kutunggái. Makuraꞌ mani pepoináláimi! 9Tiꞌara mani paꞌi niꞌisá lempóna apa to Kubábehi i tauna to handaꞌ. Tiꞌara paꞌi nibuhinao rótiꞌ to lima peá wuaꞌna to Kupakeꞌ mopaꞌandeꞌheꞌ tauna to lima sábuna? Hangapa mani kárándina pelábiána to nirámpu? 10Noumbá woꞌo hai rótiꞌ to pitu wuaꞌna to Kupakeꞌ mopaꞌandeꞌheꞌ tauna to iba sábuna? Hai hangapa mani woꞌo kárándina pelábiána to nirámpu? 11Moapa riꞌi haneꞌi tiꞌara mani niꞌisá katiꞌárána rótiꞌ to Kutunggái ininá? Mewaliꞌ Kuhángáꞌá wopakou: maingáꞌ-ingáꞌkou i ragiꞌraꞌ toParisi hai toSaduki.”
12Karahádina peá laluitaNa iti, hangko raisá riꞌi topeguruNa katiꞌárána ragiꞌ hai rótiꞌ to natunggái Iesu, mole paturoꞌraꞌ riꞌi toParisi hai toSaduki {to paka mamporáráꞌáheꞌ pekirina tauna haneꞌi mouláꞌheꞌ pekiri to salaꞌ}.
Peturuꞌ mopangákuꞌ kaꞌIesuna Datu Topehómpóꞌ
(Mrk. 8:27-30; Luk. 9:18-21)
13Iesu hai topeguruNa laomoheꞌ i tampoꞌ to hungkuꞌ i kótá Kaisarea Pilipi. Ionoꞌ, Iesu mekuneꞌ i hira, “Mouláꞌ panguliꞌraꞌ tauna to handaꞌ, heáná iti Ánáꞌ Mánusiá?”
14Mehániꞌheꞌ topeguruNa, “Araheꞌ to manguliꞌ Iohane Toperiu to tueꞌ huleꞌ. Araheꞌ woꞌo to manguliꞌ hadua nabiꞌ to tueꞌ huleꞌ, ia miꞌi nabiꞌ Eliá, nabiꞌ Ieremia, ba nabiꞌ to ntániꞌna.”
15Nakuneꞌ wopaheꞌ, “Ane kómu, mouláꞌ polámbiꞌmi, Kódóꞌ deꞌe, heánáꞌAꞌ?”
16Nahániki Simoꞌ Peturuꞌ, “Io miꞌi Datu Topehómpóꞌ, Ánáꞌna Pueꞌ Ala to tueꞌ haweꞌ i rue-ruena.”
17Nauliꞌ wopiꞌi Iesu, “Simoꞌ ánáꞌna Iunu, morasiꞌ ntepuꞌukoꞌ, láwiꞌ tiꞌara tauna to mampopaisáꞌákoꞌ iti, agáiáná UmáNgkuꞌ to ara i surugáꞌ. 18Mewaliꞌ, io miꞌi Peturuꞌ,#16:18 Peturuꞌ - I lalu básá Iunani, Petros - lempóna: hambuaꞌ watu to kókóiꞌ. to ralempónga ‘watu.’ Hai i wongko watu deꞌe#16:18 watu deꞌe - I lalu básá Iunani, petra - lempóna: watu to mahile ntepuꞌu. Lempóna: 1) laluitana Peturuꞌ mokana i Iesu. 2) Iesu ba paturoꞌNa. Básá 1 Korintu 3:11; 10:4; 1 Peturuꞌ 2:4,6-8. 3) Upu-upu topeguruna Iesu. Básá Epesu 2:20; Pampetudeꞌá 21:14. Ba 4) Peturuꞌ. ina Kupahirámpu upu-upu tauna to mepoinálái i Kódóꞌ. Hai kuasaꞌ kapate tiꞌara peisá monangiheꞌ. 19Ina Kuweꞌikoꞌ kuasaꞌ mopatente taunána Pueꞌ Ala:#16:19 kuasaꞌ mopatente taunána Pueꞌ Ala - I lalu básá Iunani: pegili popárentá i surugáꞌ. apa to nupekóntói i duniáꞌ, iti woꞌo to napekóntói miꞌi Pueꞌ Ala i surugáꞌ. Ane nuꞌuliꞌi hadua tauna raꞌámpungi dósána, naꞌámpungi miꞌi woꞌo Pueꞌ Ala.”#16:19 Rápáꞌna, básá 1 Korintu 5:3-5. 20Roo onoꞌ, nahángáꞌáheꞌ Iesu, “Ineeꞌ sieruꞌ niuliꞌ-uliꞌ kaKódóꞌna miꞌi deꞌe Datu Topehómpóꞌ.”
Iesu mampolaluita kana i kaꞌina mateNa hai kana i rárá meuláꞌ i Hia
(Mrk. 8:31–9:1; Luk. 9:22-27)
21Mantepuꞌu hangko ionoꞌ, Iesu mopakanótó i topeguruNaheꞌ apa to hangaa-ngaa ina mewaliꞌ i wátáNa. Nahángáꞌáheꞌ, “BateꞌKuꞌ lao i Ierusale. Ionoꞌ, upu-upu totosae, kapalaꞌ-kapalaꞌ tadulako menómbá hai guru-guru agama ina mampopeahiahiꞌAꞌ. Ina rapapateAꞌ, agáiáná i katáluna alona, ina tueꞌAꞌ huleꞌ.”
22Agáiáná Peturuꞌ modiiꞌ Iesu hangko ionoꞌ hai nakámbáróá,#16:22 Mouláꞌ Peturuꞌ, tiꞌara hintotoꞌ Datu Topehómpóꞌ molámbiꞌ kapári to noꞌonoꞌ. nauliꞌ, “Ineeꞌ Nuꞌuliꞌ noꞌonoꞌ, Pueꞌ! Kupembiáꞌ i Pueꞌ Ala bona iti Napakaraoꞌ hangko i Hio.”
23Agáiáná Iesu mampehaileꞌ Peturuꞌ, hai Nauliꞌ, “Pobaeꞌ! Io nodokoꞌ Datu Tokadake {láwiꞌ mampehukáꞌkoꞌ mokeloꞌAꞌ bona tiꞌaraꞌAꞌ mampeuláꞌi peundeꞌána UmáNgkuꞌ}. Pekirimu iti pekiri tauna peá, tiꞌara pekirina Pueꞌ Ala.”
24Roo onoꞌ, Iesu molaluita i topeguruNa, Nauliꞌ “Heáná to mampoinao meuláꞌ i Kódóꞌ, hangaa-ngaa mokábáhá peundeꞌána haduduána hai hangaa-ngaa timama mantódihá kapári#16:24 timama mantódihá kapári - I lalu básá Iunani: mopáháꞌá kau mombehape. haneꞌi meuláꞌ i Kódóꞌ. 25Heáná to mokábáhá peundeꞌána haduduána ánti peuláꞌna i Kódóꞌ, kehapiꞌ rapapate, ia to ina molámbiꞌ katueꞌ to maroꞌa to tiꞌara mokahópóꞌá. Agáiáná heáná to mampeuláꞌi peundeꞌána haduduána, tiꞌara ina molámbiꞌ katueꞌ to maroꞌa to tiꞌara mokahópóꞌá. 26Apa bunduꞌna morámpukou upu-upu kapebuku i duniáꞌ agáiáná tiꞌarakou molámbiꞌ katehómpóꞌ i alo pobutusi? Láwiꞌ tiꞌara ara to peisá rapoposuláꞌ katueꞌ to maroꞌa iti. 27Hangkani tempó, Ánáꞌ Mánusiá ina haweꞌ mai hangko i surugáꞌ mampetudeꞌá peawaꞌna tueꞌNa to hibali hai peawaꞌna UmáNa. I tempó iti, handaꞌ woꞌo malaꞌeka ina meuláꞌ, hai bateꞌna ina Naháwángi bábehiáraꞌ upu-upu tauna hintotoꞌ hai bábehiáraꞌ. 28Nipehádingi maroꞌa apa to Kuhángáꞌákou deꞌe: ara i oloꞌmi tauna to tiꞌara ina mate hangko tiꞌara maniheꞌ moita Ánáꞌ Mánusiá haweꞌ nodo Datu i kadatuána.”#16:28 To natunggái Iesu ieneꞌ ia miꞌi: 1) katebálikiáNa i buluꞌ to mewaliꞌ haminggu hangko kaNauliꞌna noꞌonoꞌ (básá Matiu 17:1-8; 2 Peturuꞌ 1:16-18). 2) pearóNa hangko i kapate, ba 3) pengkaoreꞌNa lao i surugáꞌ hai pendáuluna Inao to Magasaꞌ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.