Matiu 26
26
Totosaeraꞌ toIahudiꞌ moliwo mopapate Iesu
(Mrk. 14:1-2; Luk. 22:1-2; Ioh. 11:45-53)
1Karoona Iesu mopahaweꞌ upu-upu paturoꞌNa iti i topeguruNa, Nahángáꞌámoheꞌ, 2“Niꞌisá miꞌi, rongalo rái ina haweꞌ Alo Mahile Posusa Paska.#26:2 Alo Posusa Paska: Hangkani i lalu hampare, handaꞌ toIahudiꞌ lao i kótá Ierusale mamposusaiheꞌ pambuhinaoá karakábáháꞌána toioruraꞌ hangko i tampoꞌ Másiriꞌ hangkoia. Hai Ánáꞌ Mánusiá ina rapehuhuꞌá i taeraꞌ ewáliNa bona rapakuꞌ i kau mombehape.”
3I tempó iti, kapalaꞌ-kapalaꞌ tadulako menómbá hai totosaeraꞌ toIahudiꞌ to ntániꞌna mogómbóheꞌ i támbina Tadulako Menómbá Mahile to rahangaꞌ Kaiapa.#26:3 Kaiapa: Básá to teukiꞌ i Kahirámpuá Laluita. 4I lalu pogómbóáraꞌ iti, himpuduheꞌ mampeliꞌ noumbá ráráraꞌ bona Iesu maꞌala rahakaꞌ hai rahuku mate. 5Agáiáná i poliworaꞌ iti, rauliꞌ, “Ineeꞌ sieruꞌ tahakaꞌ i minggu mahile deꞌe, bona tiꞌara ara pohiho i oloꞌraꞌ tauna to handaꞌ.”#26:5 Tadulakoraꞌ toIahudiꞌ moisá, ane ara pohiho, topopárentá toRoma ina mohukuheꞌ, hai Kaiapa woꞌo ina rapakanawoꞌ. Básá Iohane 11:48.
Hadua towawine mobubuhi mina-mina to mawongi i Iesu
(Mrk. 14:3-9; Ioh. 12:1-8)
6I tempóna Iesu ara i wánuá Betania, Ia lao i támbina hadua tauna to rahangaꞌ Simoꞌ, to hangkoia kana hakiꞌ tánggáꞌ. 7Tangaꞌraꞌ mandeꞌ, haweꞌ miꞌi hadua towawine#26:7 hadua towawine: Towawine iti ia miꞌi Maria, ntaliadi hai Marita hai Lasaru. Básá Iohane 12:3. moánti hambuaꞌ butoloꞌ#26:7 hambuaꞌ butoloꞌ: Butoloꞌ iti rabábehi hangko i watu to bulá. (I lalu básá Indonesia: pualam.) to bukeꞌ mina-mina to mawongi hai masuliꞌ ntepuꞌu hólóna. Towawine iti mobubuhi wuáꞌna Iesu hai mina-mina to mawongi iti tandaꞌ pebiláꞌna. 8Karaitána topeguruNa apa to nabábehi towawine iti, kóiꞌ miꞌi inaoraꞌ, haneꞌi rauliꞌ, “Moapa riꞌi haneꞌi mina-mina to masuliꞌ hólóna iti napopu-popu mbero peá? 9Rángina miꞌi rapobaluꞌ bona dóiꞌ hólóna raweꞌiheꞌ tauna to meahiahiꞌ tueꞌraꞌ.”
10Naisá miꞌi Iesu pekiriraꞌ, onoꞌ miꞌi haneꞌi Nahángáꞌáheꞌ, “Moapa riꞌi haneꞌi nipakasusa laluna towawine deꞌe? Apa to nabábehi i Kódóꞌ deꞌe, maroꞌa. 11Ane tauna to meahiahiꞌ, ara mani tempómi motulungiheꞌ láwiꞌ arantoheꞌ oaꞌ i oloꞌmi. Agáiáná Kódóꞌ, tiꞌaraPoꞌ marue hingkakani hai kómu. 12Towawine deꞌe mobubuhiAꞌ hai mina-mina to mawongi, lempóna ia mopatimama ami wátáNgkuꞌ i kaꞌina ratawuNgkuꞌ. 13Toꞌu to Kuꞌuliꞌ, hai Kuhángáꞌákou: i humalele duniáꞌ, iumbá peá Ngkóráꞌ Marasa rabámbári, apa to nabábehi towawine deꞌe bateꞌna ina tekábelái hai rabuhinao oaꞌ.”
Iudasiꞌ mampobaluꞌ Iesu i ewáliNa
(Mrk. 14:10-11; Luk. 22:3-6)
14Hangko ionoꞌ, Iudasiꞌ Isikarioꞌ, hadua hangko i topeguruna Iesu to hampuloꞌ hai rodua, lao mekuneꞌ i kapalaꞌ-kapalaꞌ tadulako menómbá, 15nauliꞌ, “Ane kuhuhuꞌ Iesu i lalu taemi, apa to ina niweꞌiaꞌ?” Rapokana ntepuꞌu pembiáꞌna Iudasiꞌ, mewaliꞌ moimbaꞌ mpuꞌumoheꞌ dóiꞌ peráꞌ tálu puloꞌna pepaꞌna kahandaꞌna, haneꞌi raweꞌi.#26:15 Bábehiáraꞌ iti mobukeki apa to teukiꞌ i Sakaria 11:12. Sakaria moukiꞌ gáláꞌna ka-9 haweꞌ ka-14 rekeꞌ-rekeꞌna pare 480sM. 16Hangko ionoꞌ, Iudasiꞌ mampeliꞌ tempó to maroꞌa mohuhuꞌ Iesu i hira bona rahakaꞌ.
Iesu mandeꞌ pandeꞌ Posusa Paska hingkakani hai topeguruNaheꞌ
(Mrk. 14:12-21; Luk. 22:7-14,21-23; Ioh. 13:21-30)
17I alo pantepuꞌuána Posusa Rótiꞌ to Tiꞌara Raragiꞌi,#26:17 Katoꞌuána, Posusa Paska hai Posusa Rótiꞌ to Tiꞌara Raragiꞌi montaniꞌ. (Básá Áturá Menómbá 23:5-6.) Láwiꞌ mombeusu, onoꞌ miꞌi haneꞌi nodo to hampákáꞌ peá posusa iti. Básá to teukiꞌ i Kahirámpuá Laluita. laomoheꞌ topeguruNa i Iesu, mekuneꞌ i Hia, rauliꞌ, “Pueꞌ, mouláꞌ peundeꞌáMu, iumbákeꞌ ina mandeꞌ pandeꞌ Paska bona kiꞌisá kipatimama?”
18Nahánikiheꞌ Iesu, “Laomokou i hadua tauna i lalu kótá Ierusale,#26:18 i lalu kótá Ierusale: Mouláꞌ áturáraꞌ toIahudiꞌ, pandeꞌ Posusa Paska hangaa-ngaa raꞌandeꞌ i lalu kótá Ierusale. Básá Pohuleki 16:5-7. nihángáꞌá node: ‘Nauliꞌ Guru, Hungkuꞌ miꞌi tempó to napakanótó Pueꞌ Ala.#26:18 Bahangapa miꞌi kánina Iesu mampolaluita kaꞌina mateNa. (Básá Matiu 16:21; 17:12, 22-23; 20:18-19.) Kuꞌundeꞌ mamposusai Alo Mahile Posusa Paska i támbimu hingkakani hai topeguruNgkuꞌheꞌ.’ ” 19Lao mpuꞌumoheꞌ rodua topeguruna Iesu#26:19 rodua topeguruna Iesu: iamoheꞌ Peturuꞌ hai Iohane. Básá Lukasi 22:8. mampeuláꞌi apa to Nahángáꞌáheꞌ, hai mopatimamaheꞌ pandeꞌ Posusa Paska.#26:19 pandeꞌ Posusa Paska: ia miꞌi bauꞌ ánáꞌ dimbá, rótiꞌ to tiꞌara raragiꞌi, rampaꞌ-rampaꞌ to mapaiꞌ, rutuꞌ to rabábehi hangko i wuaꞌngkau nodo kurma, ara, kismis, hai mainuheꞌ woꞌo anggoroꞌ. Básá Pesuwuꞌá 12:3-10.
20Káindi miꞌi, Iesu hai topeguruNa to hampuloꞌ hai rodua mehodaheꞌ mandeꞌ. 21Tangaꞌraꞌ mandeꞌ, nauliꞌ Iesu, “Bona niꞌisá: hadua hangko i oloꞌmi ina mohuhuꞌAꞌ i ewálingkuꞌ.”
22Karahádina topeguruNa laluitaNa iti, masusa miꞌi laluraꞌ, haneꞌi mekuneꞌmoheꞌ upu-upu i Iesu, rauliꞌ, “Tiꞌara paꞌi woꞌo kódóꞌ to Nutunggái, Pueꞌ?”
23Nahániki Iesu, “Tauna to motubuká rótiꞌna i lalu pamboliá rutuꞌ hingkakani hai Kódóꞌ, ia miꞌi to ina mohuhuꞌAꞌ i ewálingkuꞌ.#26:23 Básá Sura Petóiá 41:10. 24Ánáꞌ Mánusiá bateꞌna ina mate nodo to tepakanótó miꞌi ami i lalu Sura Magasaꞌ.#26:24 Básá Sura Petóiá 22; 118:22 hai Iesaia gáláꞌna ka-53. Agáiáná ina rumihi karahukuna tauna to mohuhuꞌAꞌ i ewáliNgkuꞌ. Rángina miꞌi tauna iti tiꞌara rapoánáka.”
25Hangko ionoꞌ, nauliꞌ woꞌo Iudasiꞌ to ina mohuhuꞌ Iesu i ewáliNa, “Tiꞌara paꞌi woꞌo kódóꞌ to Nutunggái, Guru?”
Nahániki Iesu, “Io miꞌi haduduámu to manguliꞌ noꞌonoꞌ!”
Iesu mopaꞌara dándi to woꞌu
(Mrk. 14:22-25; Luk. 22:15-20; 1 Kor. 11:23-25)
26Tangaꞌraꞌ Iesu hai topeguruNa mandeꞌ pandeꞌ Posusa Paska, Iesu moala miꞌi rótiꞌ haneꞌi mekakae i Pueꞌ Ala. Roo onoꞌ, Nabiseꞌ-biseꞌ miꞌi rótiꞌ iti hai Nagáláꞌ-gáláꞌáheꞌ topeguruNa, haneꞌi Nauliꞌ, “Deꞌe miꞌi wátáNgkuꞌ. Niala miꞌi hai niandeꞌ.”
27Roo onoꞌ, Ia moala miꞌi painuá anggoroꞌ, mekakae i Pueꞌ Ala, haneꞌi Nahuhuꞌáheꞌ, Nauliꞌ, “Mainumokou upu-upu, 28láwiꞌ anggoroꞌ deꞌe mampopotandaꞌ waheꞌKuꞌ to ina mabubu i kamateNgkuꞌ.#26:28 Kamatena Datu Topehómpóꞌ hai tunggáiána kamateNa iti tepakanótó woꞌo i Iesaia 53:10,12. WaheꞌKuꞌ deꞌe mopakaróhó podándi to woꞌu to ina napaꞌara Pueꞌ Ala, bona moliu waheꞌKuꞌ, handaꞌ tauna peisá mohintuwuꞌ hai Pueꞌ Ala, hai ina Naꞌámpungi dósáraꞌ.#26:28 Podándi to woꞌu…: Básá to teukiꞌ i Kahirámpuá Laluita. 29Bona niꞌisá: mantepuꞌu deꞌe-deꞌe, tiꞌara piꞌi ina Kuinu anggoroꞌ duuꞌKuꞌ ina mainu anggoroꞌ to woꞌu hingkakani hai kómu i lalu popárentána UmáNgkuꞌ.”#26:29 Ina ara susa mahile i lalu surugáꞌ. Upu-upu taunána Pueꞌ Ala ina ara ionoꞌ, tepasuaꞌ Burahima, Isakiꞌ hai Iako. Básá Matiu 8:11.
Iesu mampopaisá kaꞌina mesápuákana Peturuꞌ
(Mrk. 14:26-31; Luk. 22:31-34; Ioh. 13:36-38)
30Roo onoꞌ, monaniheꞌ nani petóiá.#26:30 Sura Petóiá 113-114 raponani hangko tiꞌara maniheꞌ mandeꞌ pandeꞌ Posusa Paska, hai Sura Petóiá 115-118 raponani upuheꞌ mandeꞌ. Karooraꞌ monani, pohuꞌmoheꞌ hangko i kótá lao i buluꞌ Saitu.
31Hangko ionoꞌ, Iesu molaluita i topeguruNa, Nauliꞌ, “Ánti kapári to ina morampeAꞌ, deiná káindi kómu upu-upu ina mopálehiAꞌ. Kuisá kaꞌina mewaliꞌna, láwiꞌ teukiꞌ miꞌi i lalu Ngkóráꞌna Pueꞌ Ala node:
‘Ina Kupapate topoewu,
álána dimbáNa mahawuꞌ.’ (Sakaria 13:7)
32Agáiáná i katueꞌKuꞌ huleꞌ, ina moioruAꞌ lao i tampoꞌ Galilea, hai ina Kupegiákou ionoꞌ.”
33Nauliꞌ Peturuꞌ, “Pueꞌ! Kehapiꞌ upu-upu tauna mopálehiKoꞌ, agáiáná kódóꞌ tiꞌara!”
34Nauliꞌ Iesu, “Toꞌu ntepuꞌu to Kuhángáꞌáꞌákoꞌ: káindi deꞌe, hangko tiꞌara mani motuturuꞌuá manuꞌ, tálu miꞌi kánina nusápuákaꞌAꞌ.”
35Agáiáná nauliꞌ Peturuꞌ, “Pueꞌ, kehapiꞌaꞌ mate hingkakani hai Io, tiꞌara mpuꞌu ina kusápuáka kakuisáMu!” Noꞌonoꞌ woꞌo laluitaraꞌ topeguruNa to ntániꞌna.
Iesu mekakae i Gesemani
(Mrk. 14:32-42; Luk. 22:39-46)
36I kahaweꞌraꞌ i hinoe to rahangaꞌ Gesemani,#26:36 Gesemani - lempóna: “popieꞌá lana”. Hinoe Gesemani ara i hambalina buluꞌ Saitu. Wuaꞌ saitu rapieꞌ i popieꞌá mewaliꞌ lana. Iesu mampolaluitaꞌáheꞌ topeguruNa, Nauliꞌ, “Mehodamokou ieneꞌ, ina laoAꞌ hampaiꞌ mekakae.” 37Agáiáná Peturuꞌ hai ánáꞌna Sebedeu to rodua, iamoheꞌ Iakobu hai Iohane Naꞌántiheꞌ bona meuláꞌ i Hia. I tempó iti, mapári Nahádi hai wiora laluNa. 38Nahángáꞌáheꞌ, “Masusa ntepuꞌu laluNgkuꞌ, nodoAꞌ to ina mate. Ieneꞌmokou sieruꞌ, niporángáꞌAꞌ mekakae. Ineeꞌkou letaꞌ!”
39Roo onoꞌ, Iesu lao karaoꞌ hantóiꞌ, haneꞌi mopalumbá mekakae,#26:39 mopalumbá mekakae: Ane toIahudiꞌ mekakae, biásáheꞌ meángkáꞌ hai moángkáꞌheꞌ taeraꞌ. Iesu mopalumbá ánti kamapárina laluNa. Nauliꞌ, “UmáNgkuꞌ, ane peisái, Nupakaraoꞌ hangko i Kódóꞌ kapári to ina morampeAꞌ deꞌe.#26:39 Nupakaraoꞌ hangko i Kódóꞌ kapári to ina morampeAꞌ deꞌe - I lalu básá Iunani: Nupatodáhi mangku deꞌe mokaraohiAꞌ. Laluita “mangku” molempónga “apa to ina rahampei.” Mewaliꞌ Iesu mekakae mokana i kapári to ina Nahádiá i tempóna ina nahuku Pueꞌ Ala ánti dósá tauna. Agáiáná Kupembiáꞌ bona tiꞌara peundeꞌáNgkuꞌ to mewaliꞌ; ngkáliꞌna riꞌi peundeꞌáMu Umaꞌ.”
40Roo onoꞌ, mesuleꞌ wopiꞌi Iesu lao i topeguruNa to tálu iti, Nahumbaheꞌ tangaꞌraꞌ letaꞌ. Mewaliꞌ Nauliꞌ i Peturuꞌ, “Tiꞌara paꞌi nibuku mamporángáꞌAꞌ, kehapiꞌ hajaa peá? 41Maingáꞌ-ingáꞌ hai mekakaekou bona tiꞌarakou narampe pekeloꞌ. I lalumi niundeꞌ mobábehi to maroꞌa, agáiáná wátámi maledeꞌ haneꞌi tiꞌara nibuku.”
42Roo onoꞌ, Iesu lao wopiꞌi mekakae haduduáNa, Nauliꞌ, “UmáNgkuꞌ, ane kapári deꞌe tiꞌara piꞌi peisá Nupakaraoꞌ hangko i Kódóꞌ, Nupopewaliꞌ miꞌi hintotoꞌ hai peundeꞌáMu.” 43Roo mekakae, Iesu mesuleꞌ wopiꞌi lao i topeguruNaheꞌ. Naita letaꞌ wopaheꞌ ánti kamalelueraꞌ.
44I katáluna kánina, Iesu lao mekakae. PekakaeNa iti hibali hai pekakaeNa to karongkánina ininá. 45KarooNa mekakae, mesuleꞌ miꞌi lao i topeguruNa to tálu iti, Nahángáꞌáheꞌ, “Letaꞌ manikou paꞌi? Bona niꞌisá, haweꞌ miꞌi tempóna Ánáꞌ Mánusiá ina rasápuáka hai rahuhuꞌ i taeraꞌ tauna to kadake. 46Mearómokou, laomokeꞌ! Tauna to ina mohuhuꞌAꞌ i ewálingkuꞌ haweꞌ miꞌi.”
Iesu rahakaꞌ
(Mrk. 14:43-50; Luk. 22:47-53; Ioh. 18:1-11)
47Tangaꞌna mani Iesu molaluita, haweꞌ miꞌi Iudasiꞌ, hadua hangko i topeguruna Iesu to hampuloꞌ hai rodua, hingkakani hai handaꞌ tauna to moánti pihoꞌ hai pebóbáꞌ. Tauna iti rapohawaꞌáheꞌ kapalaꞌ-kapalaꞌ tadulako menómbá hai totosaeraꞌ toIahudiꞌ to ntániꞌna bona laoheꞌ mohakaꞌ Iesu.#26:47 Básá woꞌo Iohane 18:3 hai to teukiꞌ i wóiꞌ. 48Nahángáꞌámoheꞌ ami Iudasiꞌ tandaꞌ bona raisá kaumbánaNa Iesu, nauliꞌ, “Heáná to kuángki, onoꞌ miꞌi tauna to nipeliꞌ. Ia to hangaa-ngaa nihakaꞌ.” 49Mewaliꞌ, i kahaweꞌraꞌ ionoꞌ, lao miꞌi Iudasiꞌ mampohidupaꞌá Iesu, nauliꞌ, “Tabe, Guru!” haneꞌi naꞌángki.#26:49 Mouláꞌ ádáraꞌ toIahudiꞌ, guru hangaa-ngaa motabe sieruꞌ topeguruna. Agáiáná Iudasiꞌ to motabe Iesu, tandaꞌna tiꞌara piꞌi mobiláꞌ Iesu.
50Nauliꞌ Iesu, “Ale, ara rikaa paꞌi tunggáiámu haneꞌikoꞌ haweꞌ?” Hangkaꞌ-hangkaꞌ perái tauna to handaꞌ iti mohungkuki Iesu haneꞌi rahakaꞌ. 51Ionoꞌ, hadua topeguruNa#26:51 Topeguruna Iesu to motárási talingana hawiꞌna Tadulako Menómbá Mahile ia miꞌi Peturuꞌ. Básá Iohane 18:10. to ara hingkakani hai Iesu mobutuꞌ pihoꞌna motárási hawiꞌna Tadulako Menómbá Mahile. Kana peá talingana haneꞌi mawehángi. 52Nauliꞌ Iesu, “Pusaꞌ huleꞌ pihoꞌmu! Heáná to mepapate mopakeꞌ pihoꞌ, bateꞌna ina rapapate woꞌo hai pihoꞌ. 53Tiꞌara paꞌi nuisá, ane kemembiáꞌAꞌ tulungi i UmáNgkuꞌ, kásáliu ina Napárentái mai hampuloꞌ hai rontobu surudadoꞌ malaꞌekaNa,#26:53 hampuloꞌ hai rontobu surudadoꞌ malaꞌeka: Ane tantara toRoma, hantobu ia miꞌi tálu sábuna haweꞌ ini sábuna surudadoꞌ. Mewaliꞌ hampuloꞌ hai rontobu malaꞌeka peisá haweꞌ pitu puloꞌna hai rosábu malaꞌeka. Lempóna, Pueꞌ Ala peisá mokámpái Iesu. ba melábinto riꞌi! 54Agáiáná ane taewaꞌheꞌ to mohakaꞌAꞌ deꞌe, tiꞌara ina tebukeki apa to teukiꞌ hangkoia i lalu Sura Magasaꞌ to manguliꞌ upu-upu iti hangaa-ngaa mewaliꞌ i Kódóꞌ.”
55I tempó iti woꞌo, nauliꞌ Iesu i tauna to handaꞌ, “Moapa riꞌi haneꞌi maiAꞌ nihakaꞌ moántikou pihoꞌ hai pebóbáꞌ? Ba niuliꞌ ripaꞌi tauna to kadakeAꞌ noeneꞌ? Alo-alona mehodaꞌAꞌ i Támbina Pueꞌ Ala mepaturoꞌ. Moapa riꞌi haneꞌi i tempó iti tiꞌaraꞌAꞌ nihakaꞌ? 56Agáiáná upu-upu deꞌe hangaa-ngaa mewaliꞌ, bona tebukeki apa to raukiꞌ nabiꞌ-nabiꞌ hangkoia i lalu Sura Magasaꞌ.”#26:56 Básá Sura Petóiá 41:10; Sakaria 13:7.
Roo onoꞌ, upu-upu topeguruNa melangkaheꞌ mopálehi Iesu.#26:56 melangkaheꞌ mopálehi Iesu: Básá to nauliꞌ miꞌi Iesu (wátiꞌna ka-31).
Iesu i lindoꞌna Topepáresáꞌ Mahile Agama Iahudiꞌ#26:56 Topepáresáꞌ Mahile agama Iahudiꞌ - I lalu básá Indonesia: Mahkama Agama. Hira pitu puloꞌna hai hadua totosaeraꞌ toIahudiꞌ to i reá ntepuꞌu, to mobutusi kara-kara tauna hai mourusi ágámáraꞌ toIahudiꞌ.
(Mrk. 14:53-65; Luk. 22:54-55,63-71; Ioh. 18:12-14,19-24)
57Karoona Iesu rahakaꞌ, Ia raꞌánti lao i támbina Tadulako Menómbá Mahile Kaiapa.#26:57 Iesu raꞌánti sieruꞌ i lindoꞌna Hanasa, Tadulako Menómbá Mahile hangkoia. Básá Iohane 18:12-14,19-24. Guru-guru agama hai totosaeraꞌ toIahudiꞌ to ntániꞌna hirámpumoheꞌ ionoꞌ. 58Peturuꞌ meuláꞌ ngkaraoꞌ, duuꞌna haweꞌ i tangabaa támbina Tadulako Menómbá Mahile. Ia mesuaꞌ i tangabaa hai mehoda hingkakani hai topokámpái, láwiꞌ mampoinao moisá apa to ina mewaliꞌ i Iesu.
59I tempó iti, kapalaꞌ-kapalaꞌ tadulako menómbá hai upu-upu Topepáresáꞌ Mahile, mampeliꞌheꞌ sabiꞌ dongkoꞌ#26:59 Mouláꞌ áturáraꞌ toIahudiꞌ, sabiꞌ dongkoꞌ hangaa-ngaa molámbiꞌ pehuku to ina raweꞌi tauna to rasalaꞌi. Básá Pohuleki 19:16-21. bona Iesu peisá rahuku mate. 60Kehapiꞌ handaꞌ miꞌi sabiꞌ to mosalaꞌi Iesu, agáiáná tiꞌara ralámbiꞌ salaꞌNa to hintotoꞌ rahukuá mate. Kaupuána, ara rodua sabiꞌ dongkoꞌ to hibali laluitaraꞌ#26:60 Mouláꞌ áturáraꞌ toIahudiꞌ, hangaa-ngaa ara rodua sabiꞌ to hibali posabiꞌraꞌ bona tauna rahuku mate. Básá Poimbaꞌ 35:30; Pohuleki 17:6; 19:5. to lao i lindoꞌraꞌ Topepáresáꞌ Mahile iti, 61rauliꞌ, “Tauna deꞌe manguliꞌ, ‘Támbina Pueꞌ Ala peisá Kugero,#26:61 Támbina Pueꞌ Ala peisá Kugero: Mouláꞌ topopárentá toRoma, tauna to mopakarugiꞌ támbi penómbáꞌá hangaa-ngaa rahuku mate. Agáiáná, tiꞌara iti to nauliꞌ Iesu. (Básá Iohane 2:19-20.) To Natunggái ia miꞌi wátáNa haduduáNa. hai i lalu tálu peá alona ina Kuaró huleꞌ.’ ”
62Meángkáꞌ miꞌi Tadulako Menómbá Mahile, mohángáꞌá Iesu, “Tiꞌara paꞌi Nuhániki to mosalaꞌiKoꞌ iti?” 63Agáiáná Iesu tiꞌara mehániꞌ.#26:63 Rekeꞌ-rekeꞌna pitu átuna parena hangko tiꞌara mewaliꞌ, Iesaia moukiꞌ miꞌi ami Datu Topehómpóꞌ ina rasalaꞌi, agáiáná tiꞌara ina mohániki to mosalaꞌiá. (Básá Iesaia 53:7. Básá woꞌo Matiu 26:52-54,63; 27:12-14.) Kehapiꞌ Iesu tiꞌara ara salaꞌNa haweꞌ hampákáꞌ, tiꞌara mehániꞌ láwiꞌ Naisá apa to hangaa-ngaa mewaliꞌ bona Ia mobukeki tunggáiáNa i duniáꞌ. Nauliꞌ wopiꞌi Tadulako Menómbá Mahile, “I lalu hangaꞌna Pueꞌ Ala to tueꞌ, Nuhángáꞌáꞌáꞌangkaiꞌ i katoꞌu-toꞌuána, ba toꞌu mpuꞌu kaꞌIoNa Datu Topehómpóꞌ, Ánáꞌna Pueꞌ Ala?”
64Nahániki Iesu, “Io haduduámu to manguliꞌ noꞌonoꞌ. Hai Kuhángáꞌákou: ina niꞌita Ánáꞌ Mánusiá mehoda tándáꞌ i kuánána Pueꞌ Ala to makuasaꞌ, hai ina niꞌita woꞌo i wongko gawu mendáulu mai hangko i surugáꞌ.”#26:64 Básá Sura Petóiá 110:1; Danieli 7:13-14.
65Kanahádina Tadulako Menómbá Mahile apa to nauliꞌ Iesu, ia mohepaꞌ miꞌi baduna ánti kamabukoꞌna haneꞌi nauliꞌ, “Tauna deꞌe mopahibali kuasaꞌNa hai Pueꞌ Ala! Tiꞌara piꞌi mobunduꞌ ara sabiꞌ! Nihádi miꞌi haduduámi laluitaNa to mopakóiꞌ Pueꞌ Ala. 66Mewaliꞌ noumbá pobutusimi mokana i tauna deꞌe?”
Rahániki totosaeraꞌ toIahudiꞌ iti, “Hangaa-ngaa rahuku mate!”
67Mantepuꞌu hangko ionoꞌ, araheꞌ to motinuduhi lindoꞌNa hai mojangguruꞌ wátáNa, araheꞌ woꞌo to mopakóiꞌ. {Rapiriꞌ mátáNa} haneꞌi ratampedaꞌ hai rahángáꞌá: 68“Ane toꞌu-toꞌu Io Datu Topehómpóꞌ, Nuꞌuliꞌ ba heáná to motampedaꞌKoꞌ?”#26:67-68 rapiriꞌ mátáNa, ratampedaꞌ…: Básá Marakusi 14:65, Lukasi 22:64. Rabábehi noꞌonoꞌ bona mampampeitai ba toꞌu-toꞌu mpuꞌui Ia Datu Topehómpóꞌ ba tiꞌara. Iti mentóáꞌ hangko i Iesaia 11:3 to manguliꞌ, “Tiꞌara mángkiꞌ Naita mata ina Nabutusi.”
Peturuꞌ mosápuáka peuláꞌna i Iesu
(Mrk. 14:66-72; Luk. 22:56-62; Ioh. 18:15-18,25-27)
69I tempóna Peturuꞌ mehoda i tangabaa, haweꞌ miꞌi hadua towawine mohángáꞌá Peturuꞌ, “Io woꞌo hadua rángána Iesu toGalilea iti.”
70Agáiáná nasápuáka Peturuꞌ i lindoꞌraꞌ upu-upu tauna, nauliꞌ, “Tiꞌara kuisá apa tunggáiámu!”
71Hangko ionoꞌ, ia lao meángkáꞌ hungkuꞌ i babaꞌá. Ionoꞌ, ara woꞌo hadua towawine to moita Peturuꞌ hai mohángáꞌáheꞌ tauna to ionoꞌ, “Ia deꞌe to paka hingkakani hai Iesu toNasare iti.”
72Nasápuáka wopiꞌi Peturuꞌ hai mokambo, nauliꞌ, “Kupomate ane kuisái tauna iti!”
73Tiꞌara marue hangko ionoꞌ, tauna to meángkáꞌheꞌ woꞌo i babaꞌá mohungkuki woꞌo Peturuꞌ, rahángáꞌá, “Io mpuꞌu hadua rángáNa! Tongawaꞌ hangko i polaluitamu, io woꞌo toGalilea.”
74Mokambo wopiꞌi Peturuꞌ, nauliꞌ, “Mate-mateaꞌ! Tiꞌara mpuꞌu kuisá tauna iti!” I tempó iti, motuturuꞌuá miꞌi manuꞌ, 75mewaliꞌ nabuhinao miꞌi Peturuꞌ laluitana Iesu to manguliꞌ, “Hangko tiꞌara mani motuturuꞌuá manuꞌ, tálu miꞌi kánimu mosápuákaꞌAꞌ.”#26:75 Básá wátiꞌna ka-34. Pohuꞌ miꞌi Peturuꞌ lao i rawa teriaꞌ, hai rumihi kawiorana.
Currently Selected:
Matiu 26: NTBEP
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.
Matiu 26
26
Totosaeraꞌ toIahudiꞌ moliwo mopapate Iesu
(Mrk. 14:1-2; Luk. 22:1-2; Ioh. 11:45-53)
1Karoona Iesu mopahaweꞌ upu-upu paturoꞌNa iti i topeguruNa, Nahángáꞌámoheꞌ, 2“Niꞌisá miꞌi, rongalo rái ina haweꞌ Alo Mahile Posusa Paska.#26:2 Alo Posusa Paska: Hangkani i lalu hampare, handaꞌ toIahudiꞌ lao i kótá Ierusale mamposusaiheꞌ pambuhinaoá karakábáháꞌána toioruraꞌ hangko i tampoꞌ Másiriꞌ hangkoia. Hai Ánáꞌ Mánusiá ina rapehuhuꞌá i taeraꞌ ewáliNa bona rapakuꞌ i kau mombehape.”
3I tempó iti, kapalaꞌ-kapalaꞌ tadulako menómbá hai totosaeraꞌ toIahudiꞌ to ntániꞌna mogómbóheꞌ i támbina Tadulako Menómbá Mahile to rahangaꞌ Kaiapa.#26:3 Kaiapa: Básá to teukiꞌ i Kahirámpuá Laluita. 4I lalu pogómbóáraꞌ iti, himpuduheꞌ mampeliꞌ noumbá ráráraꞌ bona Iesu maꞌala rahakaꞌ hai rahuku mate. 5Agáiáná i poliworaꞌ iti, rauliꞌ, “Ineeꞌ sieruꞌ tahakaꞌ i minggu mahile deꞌe, bona tiꞌara ara pohiho i oloꞌraꞌ tauna to handaꞌ.”#26:5 Tadulakoraꞌ toIahudiꞌ moisá, ane ara pohiho, topopárentá toRoma ina mohukuheꞌ, hai Kaiapa woꞌo ina rapakanawoꞌ. Básá Iohane 11:48.
Hadua towawine mobubuhi mina-mina to mawongi i Iesu
(Mrk. 14:3-9; Ioh. 12:1-8)
6I tempóna Iesu ara i wánuá Betania, Ia lao i támbina hadua tauna to rahangaꞌ Simoꞌ, to hangkoia kana hakiꞌ tánggáꞌ. 7Tangaꞌraꞌ mandeꞌ, haweꞌ miꞌi hadua towawine#26:7 hadua towawine: Towawine iti ia miꞌi Maria, ntaliadi hai Marita hai Lasaru. Básá Iohane 12:3. moánti hambuaꞌ butoloꞌ#26:7 hambuaꞌ butoloꞌ: Butoloꞌ iti rabábehi hangko i watu to bulá. (I lalu básá Indonesia: pualam.) to bukeꞌ mina-mina to mawongi hai masuliꞌ ntepuꞌu hólóna. Towawine iti mobubuhi wuáꞌna Iesu hai mina-mina to mawongi iti tandaꞌ pebiláꞌna. 8Karaitána topeguruNa apa to nabábehi towawine iti, kóiꞌ miꞌi inaoraꞌ, haneꞌi rauliꞌ, “Moapa riꞌi haneꞌi mina-mina to masuliꞌ hólóna iti napopu-popu mbero peá? 9Rángina miꞌi rapobaluꞌ bona dóiꞌ hólóna raweꞌiheꞌ tauna to meahiahiꞌ tueꞌraꞌ.”
10Naisá miꞌi Iesu pekiriraꞌ, onoꞌ miꞌi haneꞌi Nahángáꞌáheꞌ, “Moapa riꞌi haneꞌi nipakasusa laluna towawine deꞌe? Apa to nabábehi i Kódóꞌ deꞌe, maroꞌa. 11Ane tauna to meahiahiꞌ, ara mani tempómi motulungiheꞌ láwiꞌ arantoheꞌ oaꞌ i oloꞌmi. Agáiáná Kódóꞌ, tiꞌaraPoꞌ marue hingkakani hai kómu. 12Towawine deꞌe mobubuhiAꞌ hai mina-mina to mawongi, lempóna ia mopatimama ami wátáNgkuꞌ i kaꞌina ratawuNgkuꞌ. 13Toꞌu to Kuꞌuliꞌ, hai Kuhángáꞌákou: i humalele duniáꞌ, iumbá peá Ngkóráꞌ Marasa rabámbári, apa to nabábehi towawine deꞌe bateꞌna ina tekábelái hai rabuhinao oaꞌ.”
Iudasiꞌ mampobaluꞌ Iesu i ewáliNa
(Mrk. 14:10-11; Luk. 22:3-6)
14Hangko ionoꞌ, Iudasiꞌ Isikarioꞌ, hadua hangko i topeguruna Iesu to hampuloꞌ hai rodua, lao mekuneꞌ i kapalaꞌ-kapalaꞌ tadulako menómbá, 15nauliꞌ, “Ane kuhuhuꞌ Iesu i lalu taemi, apa to ina niweꞌiaꞌ?” Rapokana ntepuꞌu pembiáꞌna Iudasiꞌ, mewaliꞌ moimbaꞌ mpuꞌumoheꞌ dóiꞌ peráꞌ tálu puloꞌna pepaꞌna kahandaꞌna, haneꞌi raweꞌi.#26:15 Bábehiáraꞌ iti mobukeki apa to teukiꞌ i Sakaria 11:12. Sakaria moukiꞌ gáláꞌna ka-9 haweꞌ ka-14 rekeꞌ-rekeꞌna pare 480sM. 16Hangko ionoꞌ, Iudasiꞌ mampeliꞌ tempó to maroꞌa mohuhuꞌ Iesu i hira bona rahakaꞌ.
Iesu mandeꞌ pandeꞌ Posusa Paska hingkakani hai topeguruNaheꞌ
(Mrk. 14:12-21; Luk. 22:7-14,21-23; Ioh. 13:21-30)
17I alo pantepuꞌuána Posusa Rótiꞌ to Tiꞌara Raragiꞌi,#26:17 Katoꞌuána, Posusa Paska hai Posusa Rótiꞌ to Tiꞌara Raragiꞌi montaniꞌ. (Básá Áturá Menómbá 23:5-6.) Láwiꞌ mombeusu, onoꞌ miꞌi haneꞌi nodo to hampákáꞌ peá posusa iti. Básá to teukiꞌ i Kahirámpuá Laluita. laomoheꞌ topeguruNa i Iesu, mekuneꞌ i Hia, rauliꞌ, “Pueꞌ, mouláꞌ peundeꞌáMu, iumbákeꞌ ina mandeꞌ pandeꞌ Paska bona kiꞌisá kipatimama?”
18Nahánikiheꞌ Iesu, “Laomokou i hadua tauna i lalu kótá Ierusale,#26:18 i lalu kótá Ierusale: Mouláꞌ áturáraꞌ toIahudiꞌ, pandeꞌ Posusa Paska hangaa-ngaa raꞌandeꞌ i lalu kótá Ierusale. Básá Pohuleki 16:5-7. nihángáꞌá node: ‘Nauliꞌ Guru, Hungkuꞌ miꞌi tempó to napakanótó Pueꞌ Ala.#26:18 Bahangapa miꞌi kánina Iesu mampolaluita kaꞌina mateNa. (Básá Matiu 16:21; 17:12, 22-23; 20:18-19.) Kuꞌundeꞌ mamposusai Alo Mahile Posusa Paska i támbimu hingkakani hai topeguruNgkuꞌheꞌ.’ ” 19Lao mpuꞌumoheꞌ rodua topeguruna Iesu#26:19 rodua topeguruna Iesu: iamoheꞌ Peturuꞌ hai Iohane. Básá Lukasi 22:8. mampeuláꞌi apa to Nahángáꞌáheꞌ, hai mopatimamaheꞌ pandeꞌ Posusa Paska.#26:19 pandeꞌ Posusa Paska: ia miꞌi bauꞌ ánáꞌ dimbá, rótiꞌ to tiꞌara raragiꞌi, rampaꞌ-rampaꞌ to mapaiꞌ, rutuꞌ to rabábehi hangko i wuaꞌngkau nodo kurma, ara, kismis, hai mainuheꞌ woꞌo anggoroꞌ. Básá Pesuwuꞌá 12:3-10.
20Káindi miꞌi, Iesu hai topeguruNa to hampuloꞌ hai rodua mehodaheꞌ mandeꞌ. 21Tangaꞌraꞌ mandeꞌ, nauliꞌ Iesu, “Bona niꞌisá: hadua hangko i oloꞌmi ina mohuhuꞌAꞌ i ewálingkuꞌ.”
22Karahádina topeguruNa laluitaNa iti, masusa miꞌi laluraꞌ, haneꞌi mekuneꞌmoheꞌ upu-upu i Iesu, rauliꞌ, “Tiꞌara paꞌi woꞌo kódóꞌ to Nutunggái, Pueꞌ?”
23Nahániki Iesu, “Tauna to motubuká rótiꞌna i lalu pamboliá rutuꞌ hingkakani hai Kódóꞌ, ia miꞌi to ina mohuhuꞌAꞌ i ewálingkuꞌ.#26:23 Básá Sura Petóiá 41:10. 24Ánáꞌ Mánusiá bateꞌna ina mate nodo to tepakanótó miꞌi ami i lalu Sura Magasaꞌ.#26:24 Básá Sura Petóiá 22; 118:22 hai Iesaia gáláꞌna ka-53. Agáiáná ina rumihi karahukuna tauna to mohuhuꞌAꞌ i ewáliNgkuꞌ. Rángina miꞌi tauna iti tiꞌara rapoánáka.”
25Hangko ionoꞌ, nauliꞌ woꞌo Iudasiꞌ to ina mohuhuꞌ Iesu i ewáliNa, “Tiꞌara paꞌi woꞌo kódóꞌ to Nutunggái, Guru?”
Nahániki Iesu, “Io miꞌi haduduámu to manguliꞌ noꞌonoꞌ!”
Iesu mopaꞌara dándi to woꞌu
(Mrk. 14:22-25; Luk. 22:15-20; 1 Kor. 11:23-25)
26Tangaꞌraꞌ Iesu hai topeguruNa mandeꞌ pandeꞌ Posusa Paska, Iesu moala miꞌi rótiꞌ haneꞌi mekakae i Pueꞌ Ala. Roo onoꞌ, Nabiseꞌ-biseꞌ miꞌi rótiꞌ iti hai Nagáláꞌ-gáláꞌáheꞌ topeguruNa, haneꞌi Nauliꞌ, “Deꞌe miꞌi wátáNgkuꞌ. Niala miꞌi hai niandeꞌ.”
27Roo onoꞌ, Ia moala miꞌi painuá anggoroꞌ, mekakae i Pueꞌ Ala, haneꞌi Nahuhuꞌáheꞌ, Nauliꞌ, “Mainumokou upu-upu, 28láwiꞌ anggoroꞌ deꞌe mampopotandaꞌ waheꞌKuꞌ to ina mabubu i kamateNgkuꞌ.#26:28 Kamatena Datu Topehómpóꞌ hai tunggáiána kamateNa iti tepakanótó woꞌo i Iesaia 53:10,12. WaheꞌKuꞌ deꞌe mopakaróhó podándi to woꞌu to ina napaꞌara Pueꞌ Ala, bona moliu waheꞌKuꞌ, handaꞌ tauna peisá mohintuwuꞌ hai Pueꞌ Ala, hai ina Naꞌámpungi dósáraꞌ.#26:28 Podándi to woꞌu…: Básá to teukiꞌ i Kahirámpuá Laluita. 29Bona niꞌisá: mantepuꞌu deꞌe-deꞌe, tiꞌara piꞌi ina Kuinu anggoroꞌ duuꞌKuꞌ ina mainu anggoroꞌ to woꞌu hingkakani hai kómu i lalu popárentána UmáNgkuꞌ.”#26:29 Ina ara susa mahile i lalu surugáꞌ. Upu-upu taunána Pueꞌ Ala ina ara ionoꞌ, tepasuaꞌ Burahima, Isakiꞌ hai Iako. Básá Matiu 8:11.
Iesu mampopaisá kaꞌina mesápuákana Peturuꞌ
(Mrk. 14:26-31; Luk. 22:31-34; Ioh. 13:36-38)
30Roo onoꞌ, monaniheꞌ nani petóiá.#26:30 Sura Petóiá 113-114 raponani hangko tiꞌara maniheꞌ mandeꞌ pandeꞌ Posusa Paska, hai Sura Petóiá 115-118 raponani upuheꞌ mandeꞌ. Karooraꞌ monani, pohuꞌmoheꞌ hangko i kótá lao i buluꞌ Saitu.
31Hangko ionoꞌ, Iesu molaluita i topeguruNa, Nauliꞌ, “Ánti kapári to ina morampeAꞌ, deiná káindi kómu upu-upu ina mopálehiAꞌ. Kuisá kaꞌina mewaliꞌna, láwiꞌ teukiꞌ miꞌi i lalu Ngkóráꞌna Pueꞌ Ala node:
‘Ina Kupapate topoewu,
álána dimbáNa mahawuꞌ.’ (Sakaria 13:7)
32Agáiáná i katueꞌKuꞌ huleꞌ, ina moioruAꞌ lao i tampoꞌ Galilea, hai ina Kupegiákou ionoꞌ.”
33Nauliꞌ Peturuꞌ, “Pueꞌ! Kehapiꞌ upu-upu tauna mopálehiKoꞌ, agáiáná kódóꞌ tiꞌara!”
34Nauliꞌ Iesu, “Toꞌu ntepuꞌu to Kuhángáꞌáꞌákoꞌ: káindi deꞌe, hangko tiꞌara mani motuturuꞌuá manuꞌ, tálu miꞌi kánina nusápuákaꞌAꞌ.”
35Agáiáná nauliꞌ Peturuꞌ, “Pueꞌ, kehapiꞌaꞌ mate hingkakani hai Io, tiꞌara mpuꞌu ina kusápuáka kakuisáMu!” Noꞌonoꞌ woꞌo laluitaraꞌ topeguruNa to ntániꞌna.
Iesu mekakae i Gesemani
(Mrk. 14:32-42; Luk. 22:39-46)
36I kahaweꞌraꞌ i hinoe to rahangaꞌ Gesemani,#26:36 Gesemani - lempóna: “popieꞌá lana”. Hinoe Gesemani ara i hambalina buluꞌ Saitu. Wuaꞌ saitu rapieꞌ i popieꞌá mewaliꞌ lana. Iesu mampolaluitaꞌáheꞌ topeguruNa, Nauliꞌ, “Mehodamokou ieneꞌ, ina laoAꞌ hampaiꞌ mekakae.” 37Agáiáná Peturuꞌ hai ánáꞌna Sebedeu to rodua, iamoheꞌ Iakobu hai Iohane Naꞌántiheꞌ bona meuláꞌ i Hia. I tempó iti, mapári Nahádi hai wiora laluNa. 38Nahángáꞌáheꞌ, “Masusa ntepuꞌu laluNgkuꞌ, nodoAꞌ to ina mate. Ieneꞌmokou sieruꞌ, niporángáꞌAꞌ mekakae. Ineeꞌkou letaꞌ!”
39Roo onoꞌ, Iesu lao karaoꞌ hantóiꞌ, haneꞌi mopalumbá mekakae,#26:39 mopalumbá mekakae: Ane toIahudiꞌ mekakae, biásáheꞌ meángkáꞌ hai moángkáꞌheꞌ taeraꞌ. Iesu mopalumbá ánti kamapárina laluNa. Nauliꞌ, “UmáNgkuꞌ, ane peisái, Nupakaraoꞌ hangko i Kódóꞌ kapári to ina morampeAꞌ deꞌe.#26:39 Nupakaraoꞌ hangko i Kódóꞌ kapári to ina morampeAꞌ deꞌe - I lalu básá Iunani: Nupatodáhi mangku deꞌe mokaraohiAꞌ. Laluita “mangku” molempónga “apa to ina rahampei.” Mewaliꞌ Iesu mekakae mokana i kapári to ina Nahádiá i tempóna ina nahuku Pueꞌ Ala ánti dósá tauna. Agáiáná Kupembiáꞌ bona tiꞌara peundeꞌáNgkuꞌ to mewaliꞌ; ngkáliꞌna riꞌi peundeꞌáMu Umaꞌ.”
40Roo onoꞌ, mesuleꞌ wopiꞌi Iesu lao i topeguruNa to tálu iti, Nahumbaheꞌ tangaꞌraꞌ letaꞌ. Mewaliꞌ Nauliꞌ i Peturuꞌ, “Tiꞌara paꞌi nibuku mamporángáꞌAꞌ, kehapiꞌ hajaa peá? 41Maingáꞌ-ingáꞌ hai mekakaekou bona tiꞌarakou narampe pekeloꞌ. I lalumi niundeꞌ mobábehi to maroꞌa, agáiáná wátámi maledeꞌ haneꞌi tiꞌara nibuku.”
42Roo onoꞌ, Iesu lao wopiꞌi mekakae haduduáNa, Nauliꞌ, “UmáNgkuꞌ, ane kapári deꞌe tiꞌara piꞌi peisá Nupakaraoꞌ hangko i Kódóꞌ, Nupopewaliꞌ miꞌi hintotoꞌ hai peundeꞌáMu.” 43Roo mekakae, Iesu mesuleꞌ wopiꞌi lao i topeguruNaheꞌ. Naita letaꞌ wopaheꞌ ánti kamalelueraꞌ.
44I katáluna kánina, Iesu lao mekakae. PekakaeNa iti hibali hai pekakaeNa to karongkánina ininá. 45KarooNa mekakae, mesuleꞌ miꞌi lao i topeguruNa to tálu iti, Nahángáꞌáheꞌ, “Letaꞌ manikou paꞌi? Bona niꞌisá, haweꞌ miꞌi tempóna Ánáꞌ Mánusiá ina rasápuáka hai rahuhuꞌ i taeraꞌ tauna to kadake. 46Mearómokou, laomokeꞌ! Tauna to ina mohuhuꞌAꞌ i ewálingkuꞌ haweꞌ miꞌi.”
Iesu rahakaꞌ
(Mrk. 14:43-50; Luk. 22:47-53; Ioh. 18:1-11)
47Tangaꞌna mani Iesu molaluita, haweꞌ miꞌi Iudasiꞌ, hadua hangko i topeguruna Iesu to hampuloꞌ hai rodua, hingkakani hai handaꞌ tauna to moánti pihoꞌ hai pebóbáꞌ. Tauna iti rapohawaꞌáheꞌ kapalaꞌ-kapalaꞌ tadulako menómbá hai totosaeraꞌ toIahudiꞌ to ntániꞌna bona laoheꞌ mohakaꞌ Iesu.#26:47 Básá woꞌo Iohane 18:3 hai to teukiꞌ i wóiꞌ. 48Nahángáꞌámoheꞌ ami Iudasiꞌ tandaꞌ bona raisá kaumbánaNa Iesu, nauliꞌ, “Heáná to kuángki, onoꞌ miꞌi tauna to nipeliꞌ. Ia to hangaa-ngaa nihakaꞌ.” 49Mewaliꞌ, i kahaweꞌraꞌ ionoꞌ, lao miꞌi Iudasiꞌ mampohidupaꞌá Iesu, nauliꞌ, “Tabe, Guru!” haneꞌi naꞌángki.#26:49 Mouláꞌ ádáraꞌ toIahudiꞌ, guru hangaa-ngaa motabe sieruꞌ topeguruna. Agáiáná Iudasiꞌ to motabe Iesu, tandaꞌna tiꞌara piꞌi mobiláꞌ Iesu.
50Nauliꞌ Iesu, “Ale, ara rikaa paꞌi tunggáiámu haneꞌikoꞌ haweꞌ?” Hangkaꞌ-hangkaꞌ perái tauna to handaꞌ iti mohungkuki Iesu haneꞌi rahakaꞌ. 51Ionoꞌ, hadua topeguruNa#26:51 Topeguruna Iesu to motárási talingana hawiꞌna Tadulako Menómbá Mahile ia miꞌi Peturuꞌ. Básá Iohane 18:10. to ara hingkakani hai Iesu mobutuꞌ pihoꞌna motárási hawiꞌna Tadulako Menómbá Mahile. Kana peá talingana haneꞌi mawehángi. 52Nauliꞌ Iesu, “Pusaꞌ huleꞌ pihoꞌmu! Heáná to mepapate mopakeꞌ pihoꞌ, bateꞌna ina rapapate woꞌo hai pihoꞌ. 53Tiꞌara paꞌi nuisá, ane kemembiáꞌAꞌ tulungi i UmáNgkuꞌ, kásáliu ina Napárentái mai hampuloꞌ hai rontobu surudadoꞌ malaꞌekaNa,#26:53 hampuloꞌ hai rontobu surudadoꞌ malaꞌeka: Ane tantara toRoma, hantobu ia miꞌi tálu sábuna haweꞌ ini sábuna surudadoꞌ. Mewaliꞌ hampuloꞌ hai rontobu malaꞌeka peisá haweꞌ pitu puloꞌna hai rosábu malaꞌeka. Lempóna, Pueꞌ Ala peisá mokámpái Iesu. ba melábinto riꞌi! 54Agáiáná ane taewaꞌheꞌ to mohakaꞌAꞌ deꞌe, tiꞌara ina tebukeki apa to teukiꞌ hangkoia i lalu Sura Magasaꞌ to manguliꞌ upu-upu iti hangaa-ngaa mewaliꞌ i Kódóꞌ.”
55I tempó iti woꞌo, nauliꞌ Iesu i tauna to handaꞌ, “Moapa riꞌi haneꞌi maiAꞌ nihakaꞌ moántikou pihoꞌ hai pebóbáꞌ? Ba niuliꞌ ripaꞌi tauna to kadakeAꞌ noeneꞌ? Alo-alona mehodaꞌAꞌ i Támbina Pueꞌ Ala mepaturoꞌ. Moapa riꞌi haneꞌi i tempó iti tiꞌaraꞌAꞌ nihakaꞌ? 56Agáiáná upu-upu deꞌe hangaa-ngaa mewaliꞌ, bona tebukeki apa to raukiꞌ nabiꞌ-nabiꞌ hangkoia i lalu Sura Magasaꞌ.”#26:56 Básá Sura Petóiá 41:10; Sakaria 13:7.
Roo onoꞌ, upu-upu topeguruNa melangkaheꞌ mopálehi Iesu.#26:56 melangkaheꞌ mopálehi Iesu: Básá to nauliꞌ miꞌi Iesu (wátiꞌna ka-31).
Iesu i lindoꞌna Topepáresáꞌ Mahile Agama Iahudiꞌ#26:56 Topepáresáꞌ Mahile agama Iahudiꞌ - I lalu básá Indonesia: Mahkama Agama. Hira pitu puloꞌna hai hadua totosaeraꞌ toIahudiꞌ to i reá ntepuꞌu, to mobutusi kara-kara tauna hai mourusi ágámáraꞌ toIahudiꞌ.
(Mrk. 14:53-65; Luk. 22:54-55,63-71; Ioh. 18:12-14,19-24)
57Karoona Iesu rahakaꞌ, Ia raꞌánti lao i támbina Tadulako Menómbá Mahile Kaiapa.#26:57 Iesu raꞌánti sieruꞌ i lindoꞌna Hanasa, Tadulako Menómbá Mahile hangkoia. Básá Iohane 18:12-14,19-24. Guru-guru agama hai totosaeraꞌ toIahudiꞌ to ntániꞌna hirámpumoheꞌ ionoꞌ. 58Peturuꞌ meuláꞌ ngkaraoꞌ, duuꞌna haweꞌ i tangabaa támbina Tadulako Menómbá Mahile. Ia mesuaꞌ i tangabaa hai mehoda hingkakani hai topokámpái, láwiꞌ mampoinao moisá apa to ina mewaliꞌ i Iesu.
59I tempó iti, kapalaꞌ-kapalaꞌ tadulako menómbá hai upu-upu Topepáresáꞌ Mahile, mampeliꞌheꞌ sabiꞌ dongkoꞌ#26:59 Mouláꞌ áturáraꞌ toIahudiꞌ, sabiꞌ dongkoꞌ hangaa-ngaa molámbiꞌ pehuku to ina raweꞌi tauna to rasalaꞌi. Básá Pohuleki 19:16-21. bona Iesu peisá rahuku mate. 60Kehapiꞌ handaꞌ miꞌi sabiꞌ to mosalaꞌi Iesu, agáiáná tiꞌara ralámbiꞌ salaꞌNa to hintotoꞌ rahukuá mate. Kaupuána, ara rodua sabiꞌ dongkoꞌ to hibali laluitaraꞌ#26:60 Mouláꞌ áturáraꞌ toIahudiꞌ, hangaa-ngaa ara rodua sabiꞌ to hibali posabiꞌraꞌ bona tauna rahuku mate. Básá Poimbaꞌ 35:30; Pohuleki 17:6; 19:5. to lao i lindoꞌraꞌ Topepáresáꞌ Mahile iti, 61rauliꞌ, “Tauna deꞌe manguliꞌ, ‘Támbina Pueꞌ Ala peisá Kugero,#26:61 Támbina Pueꞌ Ala peisá Kugero: Mouláꞌ topopárentá toRoma, tauna to mopakarugiꞌ támbi penómbáꞌá hangaa-ngaa rahuku mate. Agáiáná, tiꞌara iti to nauliꞌ Iesu. (Básá Iohane 2:19-20.) To Natunggái ia miꞌi wátáNa haduduáNa. hai i lalu tálu peá alona ina Kuaró huleꞌ.’ ”
62Meángkáꞌ miꞌi Tadulako Menómbá Mahile, mohángáꞌá Iesu, “Tiꞌara paꞌi Nuhániki to mosalaꞌiKoꞌ iti?” 63Agáiáná Iesu tiꞌara mehániꞌ.#26:63 Rekeꞌ-rekeꞌna pitu átuna parena hangko tiꞌara mewaliꞌ, Iesaia moukiꞌ miꞌi ami Datu Topehómpóꞌ ina rasalaꞌi, agáiáná tiꞌara ina mohániki to mosalaꞌiá. (Básá Iesaia 53:7. Básá woꞌo Matiu 26:52-54,63; 27:12-14.) Kehapiꞌ Iesu tiꞌara ara salaꞌNa haweꞌ hampákáꞌ, tiꞌara mehániꞌ láwiꞌ Naisá apa to hangaa-ngaa mewaliꞌ bona Ia mobukeki tunggáiáNa i duniáꞌ. Nauliꞌ wopiꞌi Tadulako Menómbá Mahile, “I lalu hangaꞌna Pueꞌ Ala to tueꞌ, Nuhángáꞌáꞌáꞌangkaiꞌ i katoꞌu-toꞌuána, ba toꞌu mpuꞌu kaꞌIoNa Datu Topehómpóꞌ, Ánáꞌna Pueꞌ Ala?”
64Nahániki Iesu, “Io haduduámu to manguliꞌ noꞌonoꞌ. Hai Kuhángáꞌákou: ina niꞌita Ánáꞌ Mánusiá mehoda tándáꞌ i kuánána Pueꞌ Ala to makuasaꞌ, hai ina niꞌita woꞌo i wongko gawu mendáulu mai hangko i surugáꞌ.”#26:64 Básá Sura Petóiá 110:1; Danieli 7:13-14.
65Kanahádina Tadulako Menómbá Mahile apa to nauliꞌ Iesu, ia mohepaꞌ miꞌi baduna ánti kamabukoꞌna haneꞌi nauliꞌ, “Tauna deꞌe mopahibali kuasaꞌNa hai Pueꞌ Ala! Tiꞌara piꞌi mobunduꞌ ara sabiꞌ! Nihádi miꞌi haduduámi laluitaNa to mopakóiꞌ Pueꞌ Ala. 66Mewaliꞌ noumbá pobutusimi mokana i tauna deꞌe?”
Rahániki totosaeraꞌ toIahudiꞌ iti, “Hangaa-ngaa rahuku mate!”
67Mantepuꞌu hangko ionoꞌ, araheꞌ to motinuduhi lindoꞌNa hai mojangguruꞌ wátáNa, araheꞌ woꞌo to mopakóiꞌ. {Rapiriꞌ mátáNa} haneꞌi ratampedaꞌ hai rahángáꞌá: 68“Ane toꞌu-toꞌu Io Datu Topehómpóꞌ, Nuꞌuliꞌ ba heáná to motampedaꞌKoꞌ?”#26:67-68 rapiriꞌ mátáNa, ratampedaꞌ…: Básá Marakusi 14:65, Lukasi 22:64. Rabábehi noꞌonoꞌ bona mampampeitai ba toꞌu-toꞌu mpuꞌui Ia Datu Topehómpóꞌ ba tiꞌara. Iti mentóáꞌ hangko i Iesaia 11:3 to manguliꞌ, “Tiꞌara mángkiꞌ Naita mata ina Nabutusi.”
Peturuꞌ mosápuáka peuláꞌna i Iesu
(Mrk. 14:66-72; Luk. 22:56-62; Ioh. 18:15-18,25-27)
69I tempóna Peturuꞌ mehoda i tangabaa, haweꞌ miꞌi hadua towawine mohángáꞌá Peturuꞌ, “Io woꞌo hadua rángána Iesu toGalilea iti.”
70Agáiáná nasápuáka Peturuꞌ i lindoꞌraꞌ upu-upu tauna, nauliꞌ, “Tiꞌara kuisá apa tunggáiámu!”
71Hangko ionoꞌ, ia lao meángkáꞌ hungkuꞌ i babaꞌá. Ionoꞌ, ara woꞌo hadua towawine to moita Peturuꞌ hai mohángáꞌáheꞌ tauna to ionoꞌ, “Ia deꞌe to paka hingkakani hai Iesu toNasare iti.”
72Nasápuáka wopiꞌi Peturuꞌ hai mokambo, nauliꞌ, “Kupomate ane kuisái tauna iti!”
73Tiꞌara marue hangko ionoꞌ, tauna to meángkáꞌheꞌ woꞌo i babaꞌá mohungkuki woꞌo Peturuꞌ, rahángáꞌá, “Io mpuꞌu hadua rángáNa! Tongawaꞌ hangko i polaluitamu, io woꞌo toGalilea.”
74Mokambo wopiꞌi Peturuꞌ, nauliꞌ, “Mate-mateaꞌ! Tiꞌara mpuꞌu kuisá tauna iti!” I tempó iti, motuturuꞌuá miꞌi manuꞌ, 75mewaliꞌ nabuhinao miꞌi Peturuꞌ laluitana Iesu to manguliꞌ, “Hangko tiꞌara mani motuturuꞌuá manuꞌ, tálu miꞌi kánimu mosápuákaꞌAꞌ.”#26:75 Básá wátiꞌna ka-34. Pohuꞌ miꞌi Peturuꞌ lao i rawa teriaꞌ, hai rumihi kawiorana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.