Marakusi 2
2
Iesu mopakauriꞌ hadua to paluꞌ
(Mat. 9:1-8; Luk. 5:17-26)
1Bahangapai alona hangko ionoꞌ, Iesu mesuleꞌ wopiꞌi lao i wánuá Kapenau. Tebámbári miꞌi kaꞌárána Iesu i lalu támbi. 2Onoꞌ miꞌi haneꞌi handaꞌ tauna to haweꞌ, álána bukeꞌ ntepuꞌuheꞌ i lalu támbi iti. Mogalo riꞌi babaꞌ támbi iti bukeꞌ woꞌo tauna. Tempó iti, Iesu mopahaweꞌáheꞌ ngkóráꞌna Pueꞌ Ala. 3TangaꞌNa molaluita, haweꞌmoheꞌ iba tauna mokowaꞌ rángáraꞌ to paluꞌ, 4agáiáná tiꞌara ara ráráraꞌ lao mohungkuki Iesu láwiꞌ támbi iti bukeꞌ ntepuꞌu tauna. Onoꞌ miꞌi haneꞌi rapengkáheka lao i atuꞌ támbi, rahóngká atuꞌna to ara i wongkona Iesu, haneꞌi topaluꞌ iti raulu noꞌu hante paturuána. 5Kanaitána Iesu kamaróhóna pepoináláiraꞌ, Ia molaluita miꞌi i topaluꞌ iti, Nauliꞌ, “ÁnáꞌKuꞌ, teámpungi miꞌi dósámu.”
6Araheꞌ woꞌo bahangapa guru agama toIahudiꞌ to mehoda i lalu támbi iti, rauliꞌ i laluraꞌ, 7“Pebáiꞌ ntepuꞌu tauna deꞌe molaluita noꞌonoꞌ! Ia mopahibali kuasaꞌNa hai Pueꞌ Ala. Tiꞌara ara hadua tauna to peisá moámpungi dósá, bateꞌna peá Pueꞌ Ala.”#2:7 Mouláꞌ Paturoꞌna Musa, tauna to mopakóiꞌ Pueꞌ Ala hangaa-ngaa rahuku mate. Básá Áturá Menómbá 24:13-16; 1 Datu-datu 21:13.
8Agáiáná naisá miꞌi Iesu apa to ara i laluraꞌ,#2:8 Pueꞌ Ala peá to moisá apa to ara i laluraꞌ tauna. Iti miꞌi to mopatongawaꞌ kaꞌIesuna miꞌi Pueꞌ Ala. onoꞌ miꞌi haneꞌi Nahángáꞌáheꞌ, “Moapa riꞌi haneꞌi noꞌonoꞌ riꞌi pekirimi? 9Umbána to magampaꞌ rauliꞌ i topaluꞌ deꞌe, ‘Teámpungi miꞌi dósámu,’ ba ‘Pearó, nulóló miꞌi aleꞌmu, haneꞌi molumaomokoꞌ’. 10Agáiáná deꞌe-deꞌe ina Kupatongawaꞌákou kaꞌárána kuasaꞌna Ánáꞌ Mánusiá#2:10 Ánáꞌ Mánusiá: Básá Danieli 7:13-14 hai to teukiꞌ i Kahirámpuá Laluita. moámpungi dósá i duniáꞌ.” Hangko ionoꞌ, molaluita miꞌi Iesu i topaluꞌ iti, 11Nauliꞌ, “Mearómokoꞌ! Nulóló miꞌi aleꞌmu hai mesuleꞌmokoꞌ lao i támbimu!”
12Mearó mpuꞌu miꞌi topaluꞌ iti, molóló aleꞌna, hai molumao lao i rawa i lindoꞌraꞌ tauna to handaꞌ. Karaitána tauna to handaꞌ apa to pewaliꞌ iti, tingkáráꞌheꞌ upu-upu hai motóiáheꞌ Pueꞌ Ala, rauliꞌ, “Tiꞌara mani hangkani taita to nodeꞌe!”
Iesu mokióꞌ Lewi (Matiu) toperóróꞌ ásele, mewaliꞌ topeguruNa
(Mat. 9:9-13; Luk. 5:27-32)
13Roo onoꞌ, lao wopiꞌi Iesu hai topeguruNaheꞌ i wiwi rano Galilea. Handaꞌ ntepuꞌu tauna haweꞌ i Hia, hai Napaturoꞌheꞌ. 14Tangaꞌna Iesu molumao, Ia moita hadua tauna to rahangaꞌ Lewi ánáꞌna Alapeu.#2:14 Lewi ánáꞌna Alapeu: to rauliꞌ woꞌo Matiu. (Básá Matiu 9:9; 10:3.) Handaꞌ toIahudiꞌ ara bahangapa hangaꞌraꞌ. Lewi iti mehoda i kantóróna moróróꞌ ásele.#2:14 Mouláꞌ áturáraꞌ toIahudiꞌ, tiꞌaraheꞌ peisá mobaiari ásele i tauna to hangko i tampoꞌ ntániꞌna, agáiáná topopárentá toRoma moala ásele. Ara woꞌo bahangapaheꞌ toIahudiꞌ to mobágóꞌ modurei toRoma moróróꞌ ásele. Hira to rauliꞌ momata potimbali ba “tauna to madósá” láwiꞌ modureiheꞌ ewáliraꞌ toIahudiꞌ. Nahángáꞌá Iesu, “Meuláꞌmokoꞌ i Kódóꞌ!” Kásáliu meángkáꞌ haneꞌi meuláꞌ i Iesu.
15Roo onoꞌ, Iesu hai topeguruNa mandeꞌheꞌ i támbina Lewi. Araheꞌ woꞌo handaꞌ toperóróꞌ ásele hai tauna ntániꞌna to mandeꞌ hingkakani hai hira. Tauna iti rarekeꞌheꞌ tauna to tiꞌara maroꞌa, hai handaꞌheꞌ to meuláꞌ i Iesu. 16Araheꞌ ionoꞌ bahangapa guru agama to mouláꞌ paturoꞌraꞌ toParisi.#2:16 toParisi: Básá to teukiꞌ i Kahirámpuá Laluita. Karaitána guru agama iti Iesu mandeꞌ hingkakani hai tauna to tiꞌara maroꞌa, mekuneꞌheꞌ i topeguruNa, rauliꞌ, “Moapa riꞌi haneꞌi gurumi mandeꞌ hingkakani hai toperóróꞌ ásele hai tauna to tiꞌara maroꞌa?”#2:16 tauna to tiꞌara maroꞌa - I lalu básá Iunani: tomadósá. Hira tauna to tiꞌara raundeꞌ tauna ntániꞌna. Básá woꞌo to teukiꞌ i wóiꞌ Matiu 5:46.
17Nahádi Iesu pekuneꞌraꞌ iti, onoꞌ miꞌi haneꞌi Nahángáꞌáheꞌ, “Tauna to tiꞌara maduꞌa, tiꞌara paraluu mampeliꞌ sando, ngkáliꞌna riꞌi tauna to maduꞌa to mampeliꞌ sando. TiꞌaraꞌAꞌ mai mokióꞌ tauna to mampekiri maroꞌa bábehiáraꞌ, agáiáná maiAꞌ mokióꞌ tauna to moisá kamadósáraꞌ, bona menosoꞌheꞌ.”
ToParisi mosalaꞌiheꞌ topeguruna Iesu láwiꞌ tiꞌaraheꞌ mopuasaꞌ
(Mat. 9:14-15; Luk. 5:33-35)
18Hangkani tempó, topeguruna Iohane Toperiu hai toParisi tangaꞌraꞌ mopuasaꞌ. Araheꞌ tauna to lao mekuneꞌ i Iesu, rauliꞌ, “Topeguruna Iohane Toperiu pakaheꞌ mopuasaꞌ. Noꞌonoꞌ woꞌo topegururaꞌ toParisi. Mewaliꞌ, moapa riꞌi haneꞌi topeguruMu tiꞌaraheꞌ mopuasaꞌ?”
19Iesu mohánikiheꞌ moliu ngkóráꞌ pándiriꞌ deꞌe, Nauliꞌ, “Tauna to i posusaꞌá petauna, ba mopuasaꞌheꞌ i tempóna tobaleilo to ratauna ara mani i oloꞌraꞌ? Tiꞌara. 20Agáiáná ina haweꞌ tempóna, tobaleilo to ratauna iti ina raꞌala hangko i oloꞌraꞌ. I tempó iti riꞌi hangko ina mopuasaꞌraheꞌ.”#2:20 Iesu mopándiriꞌ wátáNa haduduáNa hai tobaleilo to ratauna. Moliu laluitaNa “ina raꞌala”, Iesu mopahaweꞌáheꞌ kaꞌina rapapateNa. (Básá Iesaia 53:8.) Topeguruna Iesu rapándiriꞌ nodo rángána tobaleilo to ratauna. (Básá woꞌo Iohane 16:16-20.) I lalu Pototowiá to Sae, Pueꞌ Ala biásá rapándiriꞌ nodo toámána toSáráeliꞌ. (Rápáꞌna, básá Iesaia 54:4-5; 62:4-5; Hosea 2:16-20.)
Paturoꞌ to woꞌu tiꞌara peisá ragalo hai paturoꞌ to sae
(Mat. 9:16-17; Luk. 5:36-39)
21Roo onoꞌ, Iesu mopahaweꞌ wopiꞌi ngkóráꞌ pándiriꞌ to rompákáꞌ, Nauliꞌ, “Tiꞌara ara hadua tauna to motámpelei badu to sae hai báná to woꞌu, láwiꞌ báná to woꞌu iti ina mengkuruꞌ duuꞌna mohepaꞌ badu to sae iti, álána mantámbái riꞌi kamahepaꞌna. 22Noꞌonoꞌ woꞌo, tiꞌara ara tauna to mokándó anggoroꞌ to woꞌu i pemboliá#2:22 Hangkoia pemboliá anggoroꞌ rabábehi hangko i koliꞌ binataꞌ. to sae láwiꞌ matuꞌa miꞌi. Anggoroꞌ to woꞌu ina háwóá duuꞌna mahepaꞌ pemboliá to sae iti hai ina mabubu anggoroꞌna. Mewaliꞌ, anggoroꞌ to woꞌu hangaa-ngaa rakándó i pemboliá to woꞌu.”#2:21-22 Tunggáiána Iesu mopahaweꞌ ngkóráꞌ pándiriꞌ iti ia miꞌi: paturoꞌna Iesu paturoꞌ to woꞌu. Tiꞌara hintotoꞌ ane paturoꞌna Iesu ragalo hai ádá agama Iahudiꞌ to sae.
ToParisi mosalaꞌiheꞌ topeguruna Iesu láwiꞌ mobágóꞌheꞌ i alo penómbáꞌá
(Mat. 12:1-8; Luk. 6:1-5)
23Hangkani tempó i alo penómbáꞌá, Iesu hai topeguruNa melempóheꞌ i hamboloꞌ hinoe. Tangaꞌraꞌ moliu i hinoe iti, topeguruNa mopudókiheꞌ wuaꞌ bailoꞌ hai raꞌandeꞌ. 24ToParisi to ara ionoꞌ mekuneꞌheꞌ i Iesu, rauliꞌ, “Moapa riꞌi haneꞌi topeguruMu moliungiheꞌ áturá ágámántaꞌ? Mobágóꞌheꞌ i alo penómbáꞌá, láwiꞌ mopudókiheꞌ wuaꞌ bailoꞌ!”#2:24 Mouláꞌ Paturoꞌna Musa, ane melempó i hinoena tauna hai marimi, peisáheꞌ mopudóki wuaꞌ pare bona raꞌandeꞌ (básá Pohuleki 23:25). Agáiáná mouláꞌ toParisi, mopiroroꞌ ba mopinihá pare iti moliungi áturá ágámáraꞌ láwiꞌ rarekeꞌ miꞌi bágóꞌ.
25Nauliꞌ Iesu, “Tiꞌara paꞌi nibásá i Ngkóráꞌna Pueꞌ apa to rabábehi Datu Daudiꞌ hai rángánaheꞌ hangkoia i tempóraꞌ marimi?#2:25-26 Básá 1 Semueli 21:1-6. 26I tempóna Abiata mewaliꞌ Tadulako Menómbá Mahile, mesuaꞌ miꞌi Daudiꞌ i lalu bambaruꞌ penómbáꞌá, haneꞌi mandeꞌ rótiꞌ to rapopenómbá i Pueꞌ Ala,#2:26 rótiꞌ to rapopenómbá i Pueꞌ Ala: Básá Áturá Menómbá 24:5-9. haneꞌi nagáláꞌ-gáláꞌáheꞌ woꞌo rángána. Mouláꞌ ádá ágámántaꞌ, tadulako-takulako menómbá peá to peisá moandeꞌ rótiꞌ iti, {agáiáná kehapiꞌ noꞌonoꞌ, bábehiána Daudiꞌ iti tiꞌara rasalaꞌi}.” 27Hangko ionoꞌ, nauliꞌ wopiꞌi Iesu, “Pueꞌ Ala tiꞌara mopaꞌara alo penómbáꞌá bona mopakapári tauna {hai áturá-áturá to matimi}, ngkáliꞌna riꞌi Napaꞌara alo penómbáꞌá bona motulungi tauna.#2:27 Alo kapitu mewaliꞌ alo pengkarooá, (básá Pewaliꞌána 2:2-3; Pesuwuꞌá 20:8-11; 23:12), agáiáná toParisi mopamatimiheꞌ tauna hai áturáraꞌ. (Básá Matiu 23:4). 28Mewaliꞌ Ánáꞌ Mánusiá makuasaꞌ mopakanótó apa to peisá rabábehi i alo penómbáꞌá.”#2:28 Moliu laluita iti, Iesu manguliꞌ kaꞌIana Pueꞌ Ala.
Currently Selected:
Marakusi 2: NTBEP
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.
Marakusi 2
2
Iesu mopakauriꞌ hadua to paluꞌ
(Mat. 9:1-8; Luk. 5:17-26)
1Bahangapai alona hangko ionoꞌ, Iesu mesuleꞌ wopiꞌi lao i wánuá Kapenau. Tebámbári miꞌi kaꞌárána Iesu i lalu támbi. 2Onoꞌ miꞌi haneꞌi handaꞌ tauna to haweꞌ, álána bukeꞌ ntepuꞌuheꞌ i lalu támbi iti. Mogalo riꞌi babaꞌ támbi iti bukeꞌ woꞌo tauna. Tempó iti, Iesu mopahaweꞌáheꞌ ngkóráꞌna Pueꞌ Ala. 3TangaꞌNa molaluita, haweꞌmoheꞌ iba tauna mokowaꞌ rángáraꞌ to paluꞌ, 4agáiáná tiꞌara ara ráráraꞌ lao mohungkuki Iesu láwiꞌ támbi iti bukeꞌ ntepuꞌu tauna. Onoꞌ miꞌi haneꞌi rapengkáheka lao i atuꞌ támbi, rahóngká atuꞌna to ara i wongkona Iesu, haneꞌi topaluꞌ iti raulu noꞌu hante paturuána. 5Kanaitána Iesu kamaróhóna pepoináláiraꞌ, Ia molaluita miꞌi i topaluꞌ iti, Nauliꞌ, “ÁnáꞌKuꞌ, teámpungi miꞌi dósámu.”
6Araheꞌ woꞌo bahangapa guru agama toIahudiꞌ to mehoda i lalu támbi iti, rauliꞌ i laluraꞌ, 7“Pebáiꞌ ntepuꞌu tauna deꞌe molaluita noꞌonoꞌ! Ia mopahibali kuasaꞌNa hai Pueꞌ Ala. Tiꞌara ara hadua tauna to peisá moámpungi dósá, bateꞌna peá Pueꞌ Ala.”#2:7 Mouláꞌ Paturoꞌna Musa, tauna to mopakóiꞌ Pueꞌ Ala hangaa-ngaa rahuku mate. Básá Áturá Menómbá 24:13-16; 1 Datu-datu 21:13.
8Agáiáná naisá miꞌi Iesu apa to ara i laluraꞌ,#2:8 Pueꞌ Ala peá to moisá apa to ara i laluraꞌ tauna. Iti miꞌi to mopatongawaꞌ kaꞌIesuna miꞌi Pueꞌ Ala. onoꞌ miꞌi haneꞌi Nahángáꞌáheꞌ, “Moapa riꞌi haneꞌi noꞌonoꞌ riꞌi pekirimi? 9Umbána to magampaꞌ rauliꞌ i topaluꞌ deꞌe, ‘Teámpungi miꞌi dósámu,’ ba ‘Pearó, nulóló miꞌi aleꞌmu, haneꞌi molumaomokoꞌ’. 10Agáiáná deꞌe-deꞌe ina Kupatongawaꞌákou kaꞌárána kuasaꞌna Ánáꞌ Mánusiá#2:10 Ánáꞌ Mánusiá: Básá Danieli 7:13-14 hai to teukiꞌ i Kahirámpuá Laluita. moámpungi dósá i duniáꞌ.” Hangko ionoꞌ, molaluita miꞌi Iesu i topaluꞌ iti, 11Nauliꞌ, “Mearómokoꞌ! Nulóló miꞌi aleꞌmu hai mesuleꞌmokoꞌ lao i támbimu!”
12Mearó mpuꞌu miꞌi topaluꞌ iti, molóló aleꞌna, hai molumao lao i rawa i lindoꞌraꞌ tauna to handaꞌ. Karaitána tauna to handaꞌ apa to pewaliꞌ iti, tingkáráꞌheꞌ upu-upu hai motóiáheꞌ Pueꞌ Ala, rauliꞌ, “Tiꞌara mani hangkani taita to nodeꞌe!”
Iesu mokióꞌ Lewi (Matiu) toperóróꞌ ásele, mewaliꞌ topeguruNa
(Mat. 9:9-13; Luk. 5:27-32)
13Roo onoꞌ, lao wopiꞌi Iesu hai topeguruNaheꞌ i wiwi rano Galilea. Handaꞌ ntepuꞌu tauna haweꞌ i Hia, hai Napaturoꞌheꞌ. 14Tangaꞌna Iesu molumao, Ia moita hadua tauna to rahangaꞌ Lewi ánáꞌna Alapeu.#2:14 Lewi ánáꞌna Alapeu: to rauliꞌ woꞌo Matiu. (Básá Matiu 9:9; 10:3.) Handaꞌ toIahudiꞌ ara bahangapa hangaꞌraꞌ. Lewi iti mehoda i kantóróna moróróꞌ ásele.#2:14 Mouláꞌ áturáraꞌ toIahudiꞌ, tiꞌaraheꞌ peisá mobaiari ásele i tauna to hangko i tampoꞌ ntániꞌna, agáiáná topopárentá toRoma moala ásele. Ara woꞌo bahangapaheꞌ toIahudiꞌ to mobágóꞌ modurei toRoma moróróꞌ ásele. Hira to rauliꞌ momata potimbali ba “tauna to madósá” láwiꞌ modureiheꞌ ewáliraꞌ toIahudiꞌ. Nahángáꞌá Iesu, “Meuláꞌmokoꞌ i Kódóꞌ!” Kásáliu meángkáꞌ haneꞌi meuláꞌ i Iesu.
15Roo onoꞌ, Iesu hai topeguruNa mandeꞌheꞌ i támbina Lewi. Araheꞌ woꞌo handaꞌ toperóróꞌ ásele hai tauna ntániꞌna to mandeꞌ hingkakani hai hira. Tauna iti rarekeꞌheꞌ tauna to tiꞌara maroꞌa, hai handaꞌheꞌ to meuláꞌ i Iesu. 16Araheꞌ ionoꞌ bahangapa guru agama to mouláꞌ paturoꞌraꞌ toParisi.#2:16 toParisi: Básá to teukiꞌ i Kahirámpuá Laluita. Karaitána guru agama iti Iesu mandeꞌ hingkakani hai tauna to tiꞌara maroꞌa, mekuneꞌheꞌ i topeguruNa, rauliꞌ, “Moapa riꞌi haneꞌi gurumi mandeꞌ hingkakani hai toperóróꞌ ásele hai tauna to tiꞌara maroꞌa?”#2:16 tauna to tiꞌara maroꞌa - I lalu básá Iunani: tomadósá. Hira tauna to tiꞌara raundeꞌ tauna ntániꞌna. Básá woꞌo to teukiꞌ i wóiꞌ Matiu 5:46.
17Nahádi Iesu pekuneꞌraꞌ iti, onoꞌ miꞌi haneꞌi Nahángáꞌáheꞌ, “Tauna to tiꞌara maduꞌa, tiꞌara paraluu mampeliꞌ sando, ngkáliꞌna riꞌi tauna to maduꞌa to mampeliꞌ sando. TiꞌaraꞌAꞌ mai mokióꞌ tauna to mampekiri maroꞌa bábehiáraꞌ, agáiáná maiAꞌ mokióꞌ tauna to moisá kamadósáraꞌ, bona menosoꞌheꞌ.”
ToParisi mosalaꞌiheꞌ topeguruna Iesu láwiꞌ tiꞌaraheꞌ mopuasaꞌ
(Mat. 9:14-15; Luk. 5:33-35)
18Hangkani tempó, topeguruna Iohane Toperiu hai toParisi tangaꞌraꞌ mopuasaꞌ. Araheꞌ tauna to lao mekuneꞌ i Iesu, rauliꞌ, “Topeguruna Iohane Toperiu pakaheꞌ mopuasaꞌ. Noꞌonoꞌ woꞌo topegururaꞌ toParisi. Mewaliꞌ, moapa riꞌi haneꞌi topeguruMu tiꞌaraheꞌ mopuasaꞌ?”
19Iesu mohánikiheꞌ moliu ngkóráꞌ pándiriꞌ deꞌe, Nauliꞌ, “Tauna to i posusaꞌá petauna, ba mopuasaꞌheꞌ i tempóna tobaleilo to ratauna ara mani i oloꞌraꞌ? Tiꞌara. 20Agáiáná ina haweꞌ tempóna, tobaleilo to ratauna iti ina raꞌala hangko i oloꞌraꞌ. I tempó iti riꞌi hangko ina mopuasaꞌraheꞌ.”#2:20 Iesu mopándiriꞌ wátáNa haduduáNa hai tobaleilo to ratauna. Moliu laluitaNa “ina raꞌala”, Iesu mopahaweꞌáheꞌ kaꞌina rapapateNa. (Básá Iesaia 53:8.) Topeguruna Iesu rapándiriꞌ nodo rángána tobaleilo to ratauna. (Básá woꞌo Iohane 16:16-20.) I lalu Pototowiá to Sae, Pueꞌ Ala biásá rapándiriꞌ nodo toámána toSáráeliꞌ. (Rápáꞌna, básá Iesaia 54:4-5; 62:4-5; Hosea 2:16-20.)
Paturoꞌ to woꞌu tiꞌara peisá ragalo hai paturoꞌ to sae
(Mat. 9:16-17; Luk. 5:36-39)
21Roo onoꞌ, Iesu mopahaweꞌ wopiꞌi ngkóráꞌ pándiriꞌ to rompákáꞌ, Nauliꞌ, “Tiꞌara ara hadua tauna to motámpelei badu to sae hai báná to woꞌu, láwiꞌ báná to woꞌu iti ina mengkuruꞌ duuꞌna mohepaꞌ badu to sae iti, álána mantámbái riꞌi kamahepaꞌna. 22Noꞌonoꞌ woꞌo, tiꞌara ara tauna to mokándó anggoroꞌ to woꞌu i pemboliá#2:22 Hangkoia pemboliá anggoroꞌ rabábehi hangko i koliꞌ binataꞌ. to sae láwiꞌ matuꞌa miꞌi. Anggoroꞌ to woꞌu ina háwóá duuꞌna mahepaꞌ pemboliá to sae iti hai ina mabubu anggoroꞌna. Mewaliꞌ, anggoroꞌ to woꞌu hangaa-ngaa rakándó i pemboliá to woꞌu.”#2:21-22 Tunggáiána Iesu mopahaweꞌ ngkóráꞌ pándiriꞌ iti ia miꞌi: paturoꞌna Iesu paturoꞌ to woꞌu. Tiꞌara hintotoꞌ ane paturoꞌna Iesu ragalo hai ádá agama Iahudiꞌ to sae.
ToParisi mosalaꞌiheꞌ topeguruna Iesu láwiꞌ mobágóꞌheꞌ i alo penómbáꞌá
(Mat. 12:1-8; Luk. 6:1-5)
23Hangkani tempó i alo penómbáꞌá, Iesu hai topeguruNa melempóheꞌ i hamboloꞌ hinoe. Tangaꞌraꞌ moliu i hinoe iti, topeguruNa mopudókiheꞌ wuaꞌ bailoꞌ hai raꞌandeꞌ. 24ToParisi to ara ionoꞌ mekuneꞌheꞌ i Iesu, rauliꞌ, “Moapa riꞌi haneꞌi topeguruMu moliungiheꞌ áturá ágámántaꞌ? Mobágóꞌheꞌ i alo penómbáꞌá, láwiꞌ mopudókiheꞌ wuaꞌ bailoꞌ!”#2:24 Mouláꞌ Paturoꞌna Musa, ane melempó i hinoena tauna hai marimi, peisáheꞌ mopudóki wuaꞌ pare bona raꞌandeꞌ (básá Pohuleki 23:25). Agáiáná mouláꞌ toParisi, mopiroroꞌ ba mopinihá pare iti moliungi áturá ágámáraꞌ láwiꞌ rarekeꞌ miꞌi bágóꞌ.
25Nauliꞌ Iesu, “Tiꞌara paꞌi nibásá i Ngkóráꞌna Pueꞌ apa to rabábehi Datu Daudiꞌ hai rángánaheꞌ hangkoia i tempóraꞌ marimi?#2:25-26 Básá 1 Semueli 21:1-6. 26I tempóna Abiata mewaliꞌ Tadulako Menómbá Mahile, mesuaꞌ miꞌi Daudiꞌ i lalu bambaruꞌ penómbáꞌá, haneꞌi mandeꞌ rótiꞌ to rapopenómbá i Pueꞌ Ala,#2:26 rótiꞌ to rapopenómbá i Pueꞌ Ala: Básá Áturá Menómbá 24:5-9. haneꞌi nagáláꞌ-gáláꞌáheꞌ woꞌo rángána. Mouláꞌ ádá ágámántaꞌ, tadulako-takulako menómbá peá to peisá moandeꞌ rótiꞌ iti, {agáiáná kehapiꞌ noꞌonoꞌ, bábehiána Daudiꞌ iti tiꞌara rasalaꞌi}.” 27Hangko ionoꞌ, nauliꞌ wopiꞌi Iesu, “Pueꞌ Ala tiꞌara mopaꞌara alo penómbáꞌá bona mopakapári tauna {hai áturá-áturá to matimi}, ngkáliꞌna riꞌi Napaꞌara alo penómbáꞌá bona motulungi tauna.#2:27 Alo kapitu mewaliꞌ alo pengkarooá, (básá Pewaliꞌána 2:2-3; Pesuwuꞌá 20:8-11; 23:12), agáiáná toParisi mopamatimiheꞌ tauna hai áturáraꞌ. (Básá Matiu 23:4). 28Mewaliꞌ Ánáꞌ Mánusiá makuasaꞌ mopakanótó apa to peisá rabábehi i alo penómbáꞌá.”#2:28 Moliu laluita iti, Iesu manguliꞌ kaꞌIana Pueꞌ Ala.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bahasa Behoa Shorter Bible © Indonesian Bible Society, 2015.