TEALIAN 11
11
Menara doi Babel
1Tumbeno, kobangsa-bangsa doi posaapon kodunia tolongo meeng konasilingan tukon yanila mapake bantilan-bantilan mopokakana. 2Doi tempo napoo bosikanano motaus taalikon doi tolopot, yanila polong doi meeng kopeak doi Babilonia, maka tataap dungol idoo. 3Yanila bantile meeng komian doi bailonggon, “Maimo nda mokubai batutela tukon ndasuayo polong matikas.” Bunomokai doiya yanila mangabos batutela tuuk bonua tukon teel tuuk pangalapoto. 4Yanila bantile, “Mai nda mokokondong kota tukon meeng komenara konakatandak polong doi timbu, sulano ndatongotoi tukon aki nda tasabukon doi posaapon kodunia.”
5Maka ko Temeneno obulus tuuk mokitayo kota tukon menara bangkapi mokubaiyo tukon mokekendenge. 6Maka yana bantile, “Yanila nia meeng kobangsa tukon meeng konasilingan, tukon naiya sodo tambuun luwedoi yanila natetel. Aki namalumbit koidan yanila naikon moolamo kubaiyo oila konapoo mongiasan. 7Konamonondokan kita obulus tukon ponggobutikene konapoo silingan sulano yanila naaki napotoikon koidan meeng tukon bailon.” 8Bunomo doiya ko Temeneno napoalaasanano yanila posaapon kodunia. Maka yanila tade mokubaiyo dokotadoo. 9Tobikon doiya dokotadoo sinombuikon Babel, sabab idoo ko Temeneno nggabutemo sasaibino kobangsa nasilingan tukon luwe idoo ko Temeneno poalaasene yanila doi posaapon kodunia.
Sem nakatulunan
(1Tund. 1:24-27)
10Naiyamo Sem nakatulunan. Lua kotaun salataa lapa koeaba mobabasal, sambuno Sem konaumur 100 kotaun, yana malaat meeng kopau malaneno, kosambuno Arpaksad. 11Lapa doiya yana daano motubo 500 kotaun koidan, tukon malaat pau-pau bailon.
12Doi tempo Arpaksad naumur 35 kotaun yana malaat pau malaneno, kosambuno Selah. 13Lapa doiya Arpaksad daano motubo 403 kotaun koidan, tukon malaat pau-pau bailon.
14Doi tempo Selah naumur 30 kotaun, yana malaat pau malaneno, kosambuno Eber. 15Lapa doiya Selah daano motubo 403 kotaun koidan, tukon malaat pau-pau bailon.
16Doi tempo Eber naumur 34 kotaun, yana malaat pau malaneno, kosambuno Peleg. 17Lapa doiya Eber daano motubo 430 kotaun koidan, tukon malaat pau-pau bailon.
18Doi tempo Peleg naumur 30 kotaun, yana malaat pau malaneno, kosambuno Rehu. 19Lapa doiya Peleg daano motubo 209 kotaun koidan, tukon malaat pau-pau bailon.
20Doi tempo Rehu naumur 32 kotaun, yana malaat pau malaneno, kosambuno Serug. 21Lapa doiya Rehu daano motubo 207 kotaun koidan, tukon malaat pau-pau bailon.
22Doi tempo Serug naumur 30 kotaun, yana malaat pau malaneno, kosambuno Nahor. 23Lapa doiya Serug daano motubo 200 kotaun koidan, tukon malaat pau-pau bailon.
24Doi tempo Nahor naumur 29 kotaun, yana malaat pau malaneno, kosambuno Terah. 25Lapa doiya Nahor daano motubo 119 kotaun koidan, tukon malaat pau-pau bailon.
26Salataa Terah naumur 70 kotaun, yana malaat tolu konapau malaneno, doiyamo Abram, Nahor tukon Haran.
Terah nakatulunan
27Naiyamo Terah nakatulunan: Abram, Nahor tukon Haran kotamano Terah. Haran daano konapau malaneno, kosambuno Lot. 28Haran mate doi nalipu sinuungan, doiyamo Ur doi Babilonia, doi tempodoo tamano daano motubo. 29Abram osowaan tukon Sarai, tukon Nahor poala tukon Milka Haran napau moluko. Haran daano konapau malaneno bailon kosambuno Yiska. 30Sarai komba.
31Terah tinggale kokota Ur doi Babilonia polaing-laing tukon napau Abram, Lot natumbu, tukon Sarai namonianan, doiyamo Abram naboloki. Yana palaluuwo motaus doi lipu Kanaan. Bai kona polongan doi Haran, yanila tataapo imbali. 32Tukon doi tampatoo koidan Terah mate kona umur 205 kotaun.
Currently Selected:
TEALIAN 11: LAIBGZ
Highlight
Share
Copy
Want to have your highlights saved across all your devices? Sign up or sign in
TEALIAN 11
11
Menara doi Babel
1Tumbeno, kobangsa-bangsa doi posaapon kodunia tolongo meeng konasilingan tukon yanila mapake bantilan-bantilan mopokakana. 2Doi tempo napoo bosikanano motaus taalikon doi tolopot, yanila polong doi meeng kopeak doi Babilonia, maka tataap dungol idoo. 3Yanila bantile meeng komian doi bailonggon, “Maimo nda mokubai batutela tukon ndasuayo polong matikas.” Bunomokai doiya yanila mangabos batutela tuuk bonua tukon teel tuuk pangalapoto. 4Yanila bantile, “Mai nda mokokondong kota tukon meeng komenara konakatandak polong doi timbu, sulano ndatongotoi tukon aki nda tasabukon doi posaapon kodunia.”
5Maka ko Temeneno obulus tuuk mokitayo kota tukon menara bangkapi mokubaiyo tukon mokekendenge. 6Maka yana bantile, “Yanila nia meeng kobangsa tukon meeng konasilingan, tukon naiya sodo tambuun luwedoi yanila natetel. Aki namalumbit koidan yanila naikon moolamo kubaiyo oila konapoo mongiasan. 7Konamonondokan kita obulus tukon ponggobutikene konapoo silingan sulano yanila naaki napotoikon koidan meeng tukon bailon.” 8Bunomo doiya ko Temeneno napoalaasanano yanila posaapon kodunia. Maka yanila tade mokubaiyo dokotadoo. 9Tobikon doiya dokotadoo sinombuikon Babel, sabab idoo ko Temeneno nggabutemo sasaibino kobangsa nasilingan tukon luwe idoo ko Temeneno poalaasene yanila doi posaapon kodunia.
Sem nakatulunan
(1Tund. 1:24-27)
10Naiyamo Sem nakatulunan. Lua kotaun salataa lapa koeaba mobabasal, sambuno Sem konaumur 100 kotaun, yana malaat meeng kopau malaneno, kosambuno Arpaksad. 11Lapa doiya yana daano motubo 500 kotaun koidan, tukon malaat pau-pau bailon.
12Doi tempo Arpaksad naumur 35 kotaun yana malaat pau malaneno, kosambuno Selah. 13Lapa doiya Arpaksad daano motubo 403 kotaun koidan, tukon malaat pau-pau bailon.
14Doi tempo Selah naumur 30 kotaun, yana malaat pau malaneno, kosambuno Eber. 15Lapa doiya Selah daano motubo 403 kotaun koidan, tukon malaat pau-pau bailon.
16Doi tempo Eber naumur 34 kotaun, yana malaat pau malaneno, kosambuno Peleg. 17Lapa doiya Eber daano motubo 430 kotaun koidan, tukon malaat pau-pau bailon.
18Doi tempo Peleg naumur 30 kotaun, yana malaat pau malaneno, kosambuno Rehu. 19Lapa doiya Peleg daano motubo 209 kotaun koidan, tukon malaat pau-pau bailon.
20Doi tempo Rehu naumur 32 kotaun, yana malaat pau malaneno, kosambuno Serug. 21Lapa doiya Rehu daano motubo 207 kotaun koidan, tukon malaat pau-pau bailon.
22Doi tempo Serug naumur 30 kotaun, yana malaat pau malaneno, kosambuno Nahor. 23Lapa doiya Serug daano motubo 200 kotaun koidan, tukon malaat pau-pau bailon.
24Doi tempo Nahor naumur 29 kotaun, yana malaat pau malaneno, kosambuno Terah. 25Lapa doiya Nahor daano motubo 119 kotaun koidan, tukon malaat pau-pau bailon.
26Salataa Terah naumur 70 kotaun, yana malaat tolu konapau malaneno, doiyamo Abram, Nahor tukon Haran.
Terah nakatulunan
27Naiyamo Terah nakatulunan: Abram, Nahor tukon Haran kotamano Terah. Haran daano konapau malaneno, kosambuno Lot. 28Haran mate doi nalipu sinuungan, doiyamo Ur doi Babilonia, doi tempodoo tamano daano motubo. 29Abram osowaan tukon Sarai, tukon Nahor poala tukon Milka Haran napau moluko. Haran daano konapau malaneno bailon kosambuno Yiska. 30Sarai komba.
31Terah tinggale kokota Ur doi Babilonia polaing-laing tukon napau Abram, Lot natumbu, tukon Sarai namonianan, doiyamo Abram naboloki. Yana palaluuwo motaus doi lipu Kanaan. Bai kona polongan doi Haran, yanila tataapo imbali. 32Tukon doi tampatoo koidan Terah mate kona umur 205 kotaun.
Currently Selected:
:
Highlight
Share
Copy
Want to have your highlights saved across all your devices? Sign up or sign in