TEALIAN 26
26
Ishak dungol doi Gerar
1Doi lipudoo sumbot koidan komalaalan buno molapamo teali doi tempodoo Abraham. Ishak mangadap doi Abimelekh, Filistin miano natomundo, doi Gerar tukon mangkabi isin sulano nadungol imbali. 2Langgedoo kinubai sabab Temeneno lapamo okitakene kobutongo doi yana tukon bantile, “Inai motaus doi Mesir; dungolo nai lipu nia, buno molapamo Kumaparentakene doikoo. 3#Tea. 22:16-18 Yaku naikon lindungiyo tukon balakaatiyo ikoo. Sasaibino nawilayah nia naikon Kubeekene doi koo tukon doi mukatulunan. Yaku naikon tapaatiyo koperjanjian molapamo Kubeekene doi tamamu Abraham. 4Yaku naikon beekene doi koo kopau tumbu pokakana kobituwon pauno doi timbu kona kadaang, tukon sasaibino nawilayah nia naikon Kubeekene doi yanila. Sasaibino kobangsa doi dunia naikon kabiyo doi Yaku sulano Yaku balakaatiyo yanila salaku buno komo lapamo Yaku balakaatiyo komu katulunan. 5Yaku naikon balakaatiyo komuyu, sabab Abraham lapamo loingiyo Yaku tukon pialayo sasaibino kohukum tukon Kuparentah.”
6Jadi Ishak dungolo doi Gerar. 7#Tea. 12:13, 20:2 Salataa mian badaang idoo masadaikene Ribka, Ishak timbiliyo baikon yanadoo utuso pioto, tukon bolikon naboloki. Ishak matakutene komian madaangoo naikon naakateyo yana sulano nalaate Ribka motambongan tuuno. 8Salataa Ishak dungol imbali bubula konakalumbit, doi meeng kooloyo Tomundo Abimelekh tanggakene luwedoi nalolombong tukon kitayomo Ishak daanoon mopopiada tukon Ribka. 9Maka Ishak inuang tukon yana bantile, “Bolikon kai boinedoo muboloki? Bulaando ikoo mobantile baikon yana utusomu pioto?”
Ishak timbiliyo, “Yaku pikikene, yaku naikon inakate kalu yaku bantile baikon yana kuboloki.”
10“Oila komo lapamo ikoo kubaiyo motuuk doi kami?” Abimelekh bantile. “Kalu daano ko meeng komian luwedoi kumian moolakai namoolo, tukon muboloki, tukon kalu langgedoo teali, ikoo komo tanggunge komai saladoo.” 11Doibundu Abimelekh ingotiikene sasaibino kona mian buno naiya, “Indee komiano mogangguwo namian nia kai naboloki naikon inukum mate.”
12Ishak motipas kolibuang tuuk mosinakkanggon doi lipudoo, tukon taunoo malaat hasil sakat luunggon nasakat luwedoi motinipasoo, sabab Temeneno balakaatiyo yana. 13Kona kaasaan pololokon tosuungi tukon yana teali kaasa tuuno. 14Filistin miano misikitene yana sabab yana badaang kona ata, domba badaang tukon saapi. 15Maka yanila sokoiyo tukon buta sasaibino kobubung molapamo Abraham naata-ata kaliyo modaano yana motubo.
16Doibundu Abimelekh bantile doi Ishak, “Tauso luwedoi mai lipu. Ikoo lobiano komu kuasa doi kami.” 17Jadi Ishak tauso tukon mokubai sandung doi Gerar Peako. Idoo yana dungol bubula kona kalumbit. 18Yana kaliyo koidan ko bubung-bubung molapamo kinali doi tempo Abraham tukon molapamo Filistin miano sokoiyo tukon buta sambuno Abraham mate. Bubung-bubungoo binee sambu mopokakana buno tama nabineekon.
19Ishak naata-ata makali bubung doi Gerar Peako tukon pososuunggene kopaisu molobi-lobian. 20Bai kopadagai iyayon doi Gerar podangaani tukon Ishak napadagai iyayon. Yanila bantile, “Paisu nia kami kotumbuno.” Tobikon doiya Ishak beena sambu dobubung-bubungoo “Podangaanian”.
21Ishak naata-ata makali koidan bubung bailon, maka tealimo kopodangaanian tentang dobubungoo koidan. Tobikon doiya Ishak beena sambu do bubungoo “Pomusuan”. 22Doibundu yana biyol luwe idoo tukon makali bubung kotoluno luunggon. Naiya akimo nateali kopodangaanian. Tobikon doiya, Ishak beena sambu dobubungoo “Akiyono komo halangiyo”. Yana bantile, “Dia budodoo Temeneno lapamo beena kita akiyono komo halangiyo kita mo dungol nai lipu nia, tukon kita naikon teali sanaang dimbaa.”
23Doibundu Ishak ampakon tukon polong doi Bersyeba. 24Dopopookoo Temeneno okitakene kobutongo doi yana tukon bantile, “Yakumo tamamu Abraham na Mian Bisa. Inai matakut; Yaku lindungikon. Yaku naikon balakaatiyo ikoo tukon beena doi koo katulunan mobadaang sabab Kuperjanjian doi Kuata Abraham.” 25Maka Ishak mokubai balabaan tukon sosubaiyo ko Temeneno doi tampatoo. Yana kubaiyo kona sandung idoo tukon naata-ata makali bubung bailon.
Perjanjian antara Ishak tukon Abimelekh
26 #
Tea. 21:22
Doi oloyo meeng lubato Abimelekh luwedoi Gerar, tukon Ahusat, napongotinau, tukon Pikhol, nasuludadu kapalano, tuuk mopososuung Ishak. 27Maka Ishak masadaikene, “Bulaando komuyu molubat pososuung yaku diabudodoo, bai doi lolukoo komuyu musuwo tukon sikayo yaku luwedoi komuyu natano?”
28Maka yanila timbiliyo, “Diabudodoo kami toiyo baikon Temeneno lindungiyo ikoo tukon komai pikiran namonondokan kita mokubai perjanjian. Batotopimo 29baikon ikoo aki naikon mokubai lokis tuuk doi kami, bunomo lakon kamidoo aki namoola mokubai lokis doi ikoo. Kami lapamo pokita monondok tuuk doikoo tukon sobiiyo ikoo taus tukon dame. Lapamo tontong doi kami baikon ikoo Temeneno balakaatiyo.” 30Doibundu Ishak asampuwo yanila, tukon yanila kaan tukon monginum. 31Modoakon kooloyo dowa-dowa soono suwe-suwele bantile koperjanjian mosinakkanggon tukon totopi. Maka Ishak bantile salamat ampakon doi yaniladoo tukon yanila poalaaso salaku sobat.
32Doi oloyodoo koidan Ishak naata-ata lubat tukon pelenggene doi yana ko kaliangano do bubungoo molapamo yanila kaliyo. Yanila bantile, “Kami lapamo malaat paisu.” 33Maka Ishak beena sambu dobubungoo “Batotopian”. Doiyamo kona luwean kotadoo sinombuikon Bersyeba.
Esau naboloki-boloki luwedoi bangsa benseno molulubaton
34Salataa Esau naumur sangkapolono kotaun, yana pokila tukon lua koboine luwedoi bangsa Het benseno, doiyamo Yudit Beeri napau, tukon Basmat Elon napau. 35Lua boinedoo kubaiyo susa Ishak natuboan tukon Ribka.
Currently Selected:
TEALIAN 26: LAIBGZ
Highlight
Share
Copy
Want to have your highlights saved across all your devices? Sign up or sign in
TEALIAN 26
26
Ishak dungol doi Gerar
1Doi lipudoo sumbot koidan komalaalan buno molapamo teali doi tempodoo Abraham. Ishak mangadap doi Abimelekh, Filistin miano natomundo, doi Gerar tukon mangkabi isin sulano nadungol imbali. 2Langgedoo kinubai sabab Temeneno lapamo okitakene kobutongo doi yana tukon bantile, “Inai motaus doi Mesir; dungolo nai lipu nia, buno molapamo Kumaparentakene doikoo. 3#Tea. 22:16-18 Yaku naikon lindungiyo tukon balakaatiyo ikoo. Sasaibino nawilayah nia naikon Kubeekene doi koo tukon doi mukatulunan. Yaku naikon tapaatiyo koperjanjian molapamo Kubeekene doi tamamu Abraham. 4Yaku naikon beekene doi koo kopau tumbu pokakana kobituwon pauno doi timbu kona kadaang, tukon sasaibino nawilayah nia naikon Kubeekene doi yanila. Sasaibino kobangsa doi dunia naikon kabiyo doi Yaku sulano Yaku balakaatiyo yanila salaku buno komo lapamo Yaku balakaatiyo komu katulunan. 5Yaku naikon balakaatiyo komuyu, sabab Abraham lapamo loingiyo Yaku tukon pialayo sasaibino kohukum tukon Kuparentah.”
6Jadi Ishak dungolo doi Gerar. 7#Tea. 12:13, 20:2 Salataa mian badaang idoo masadaikene Ribka, Ishak timbiliyo baikon yanadoo utuso pioto, tukon bolikon naboloki. Ishak matakutene komian madaangoo naikon naakateyo yana sulano nalaate Ribka motambongan tuuno. 8Salataa Ishak dungol imbali bubula konakalumbit, doi meeng kooloyo Tomundo Abimelekh tanggakene luwedoi nalolombong tukon kitayomo Ishak daanoon mopopiada tukon Ribka. 9Maka Ishak inuang tukon yana bantile, “Bolikon kai boinedoo muboloki? Bulaando ikoo mobantile baikon yana utusomu pioto?”
Ishak timbiliyo, “Yaku pikikene, yaku naikon inakate kalu yaku bantile baikon yana kuboloki.”
10“Oila komo lapamo ikoo kubaiyo motuuk doi kami?” Abimelekh bantile. “Kalu daano ko meeng komian luwedoi kumian moolakai namoolo, tukon muboloki, tukon kalu langgedoo teali, ikoo komo tanggunge komai saladoo.” 11Doibundu Abimelekh ingotiikene sasaibino kona mian buno naiya, “Indee komiano mogangguwo namian nia kai naboloki naikon inukum mate.”
12Ishak motipas kolibuang tuuk mosinakkanggon doi lipudoo, tukon taunoo malaat hasil sakat luunggon nasakat luwedoi motinipasoo, sabab Temeneno balakaatiyo yana. 13Kona kaasaan pololokon tosuungi tukon yana teali kaasa tuuno. 14Filistin miano misikitene yana sabab yana badaang kona ata, domba badaang tukon saapi. 15Maka yanila sokoiyo tukon buta sasaibino kobubung molapamo Abraham naata-ata kaliyo modaano yana motubo.
16Doibundu Abimelekh bantile doi Ishak, “Tauso luwedoi mai lipu. Ikoo lobiano komu kuasa doi kami.” 17Jadi Ishak tauso tukon mokubai sandung doi Gerar Peako. Idoo yana dungol bubula kona kalumbit. 18Yana kaliyo koidan ko bubung-bubung molapamo kinali doi tempo Abraham tukon molapamo Filistin miano sokoiyo tukon buta sambuno Abraham mate. Bubung-bubungoo binee sambu mopokakana buno tama nabineekon.
19Ishak naata-ata makali bubung doi Gerar Peako tukon pososuunggene kopaisu molobi-lobian. 20Bai kopadagai iyayon doi Gerar podangaani tukon Ishak napadagai iyayon. Yanila bantile, “Paisu nia kami kotumbuno.” Tobikon doiya Ishak beena sambu dobubung-bubungoo “Podangaanian”.
21Ishak naata-ata makali koidan bubung bailon, maka tealimo kopodangaanian tentang dobubungoo koidan. Tobikon doiya Ishak beena sambu do bubungoo “Pomusuan”. 22Doibundu yana biyol luwe idoo tukon makali bubung kotoluno luunggon. Naiya akimo nateali kopodangaanian. Tobikon doiya, Ishak beena sambu dobubungoo “Akiyono komo halangiyo”. Yana bantile, “Dia budodoo Temeneno lapamo beena kita akiyono komo halangiyo kita mo dungol nai lipu nia, tukon kita naikon teali sanaang dimbaa.”
23Doibundu Ishak ampakon tukon polong doi Bersyeba. 24Dopopookoo Temeneno okitakene kobutongo doi yana tukon bantile, “Yakumo tamamu Abraham na Mian Bisa. Inai matakut; Yaku lindungikon. Yaku naikon balakaatiyo ikoo tukon beena doi koo katulunan mobadaang sabab Kuperjanjian doi Kuata Abraham.” 25Maka Ishak mokubai balabaan tukon sosubaiyo ko Temeneno doi tampatoo. Yana kubaiyo kona sandung idoo tukon naata-ata makali bubung bailon.
Perjanjian antara Ishak tukon Abimelekh
26 #
Tea. 21:22
Doi oloyo meeng lubato Abimelekh luwedoi Gerar, tukon Ahusat, napongotinau, tukon Pikhol, nasuludadu kapalano, tuuk mopososuung Ishak. 27Maka Ishak masadaikene, “Bulaando komuyu molubat pososuung yaku diabudodoo, bai doi lolukoo komuyu musuwo tukon sikayo yaku luwedoi komuyu natano?”
28Maka yanila timbiliyo, “Diabudodoo kami toiyo baikon Temeneno lindungiyo ikoo tukon komai pikiran namonondokan kita mokubai perjanjian. Batotopimo 29baikon ikoo aki naikon mokubai lokis tuuk doi kami, bunomo lakon kamidoo aki namoola mokubai lokis doi ikoo. Kami lapamo pokita monondok tuuk doikoo tukon sobiiyo ikoo taus tukon dame. Lapamo tontong doi kami baikon ikoo Temeneno balakaatiyo.” 30Doibundu Ishak asampuwo yanila, tukon yanila kaan tukon monginum. 31Modoakon kooloyo dowa-dowa soono suwe-suwele bantile koperjanjian mosinakkanggon tukon totopi. Maka Ishak bantile salamat ampakon doi yaniladoo tukon yanila poalaaso salaku sobat.
32Doi oloyodoo koidan Ishak naata-ata lubat tukon pelenggene doi yana ko kaliangano do bubungoo molapamo yanila kaliyo. Yanila bantile, “Kami lapamo malaat paisu.” 33Maka Ishak beena sambu dobubungoo “Batotopian”. Doiyamo kona luwean kotadoo sinombuikon Bersyeba.
Esau naboloki-boloki luwedoi bangsa benseno molulubaton
34Salataa Esau naumur sangkapolono kotaun, yana pokila tukon lua koboine luwedoi bangsa Het benseno, doiyamo Yudit Beeri napau, tukon Basmat Elon napau. 35Lua boinedoo kubaiyo susa Ishak natuboan tukon Ribka.
Currently Selected:
:
Highlight
Share
Copy
Want to have your highlights saved across all your devices? Sign up or sign in