LUKAS 20
20
Fakfuken ḇekur papoik Yesus
20:1-8
(Mat. 21:23-27; Mrk. 11:27-33)
1Ro ras oso Yesus ḇyuk farkarkor faro kawasa ḇeḇor ro Allah Rum byedi ma ḇyaryas Ankankinem Ḇeḇye, mananir imam-imam ma ḇefawinananem Refo Yahudi fnoḇek ḇebararasya srama, 2ma sikofen faro Yesus: “Wakofen ḇadir papoik rosai buki ifrur roi ḇeḇor anna ma mansei ḇeḇuk papoik ani faro aw!”
3Yesus kyarem farosi: “Aya kako nari yaḇuk fakfuken oso faro mko. Mkokofen maro aya: 4Masasi Yohanes ḇyani, ryama ker boiyaswake ryamaker snonkaku?”
5Inja skara ro mankunsi ma sikofen: Rofyor koḇe: Ryamuma ro boiyaswa, nari ikofen: Rosai ḇeḇewari mkokyarḇa? 6Oroḇaido koḇe: Ryamaker snonkaku, nari kawasa sine sfarmun ko kuker karui, snar sifawi kaku, Yohanes nabi rirya. 7Raimnai skarem, nkofawi moḇ masasi ani ryamuma royaḇa.
8Yesus ikofen farosi: “Rarirya ido, aya kako yakofen faro mkoḇa kuker papoik rosai yaḇuki ifrur roi ḇeḇor annaya.”
Sarḇer ḇekur snon ḇefararur ro yaf anggur
20:9-19
(Mat. 21:33-46; Mrk. 12:1-12)
9 #
Yes. 5:1
Raimnai Yesus ikofen sarḇer ine faro snonkaku ḇeḇor ansi: “Snon oso isya ḇyas yaf anggur oso; posa ḇyuk yaf ani faro snon ḇefararursya raimnai ryaḇe sup ḇese rofafisu fyoro kaku. 10Ma rofafisu mamaremya ryama, iwan manfyan ḇyesi oso faro ḇefararur ansya, insa ssḇuk rarwas ro anggur bon anna faroi. Ḇape ḇefararur ansi siprer manfyan ani ma siwani fa ibur beidi. 11Inja iwan manfyan oso ḇese wer, ḇape manfyan ani sipreri ma skoryayei, raimnai siwani fa ibur beidi kako. 12Inja iwan manfyan ḇeḇe kiorya, ḇape smuni isof ḇyeparpar, posa sisaweni ro yafya ḇandiri. 13Inja tuan ḇena yaf anggur anine ikofen: Rosai nari yafrurya? Nari yawan romawa yaswar ani; snar ikada nari sesyowi i. 14Ḇape fafisu ḇefararur ro yaf ansi smam romawa ḇyani, sna wosi, ma sikofen: I ḇeḇeknam yaf anggur ine, mkorama komuni, insama yaf anggur ḇyedine konai. 15Inja smuni ma sisawen i ḇe yaf anggur ani ḇandiri, insape rosai nari tuan ḇena yaf anggur ani ifrur faro siya? 16Nari ryama ma myun pres si, ma ḇyuk yaf anggur ani faro ono ḇese.” Simnaf raririrya inja sikofen: “Rarirya awer!”
17 #
Mzm. 118:22
Ḇape Yesus myamsi ma ikofen: “Rarirya ido, kankunes rosai ḇero mnuk ineya: Karui kamasan ḇeḇaḇawes ansi sisawen kwar, iso nari ḇeḇe karui kakyarya. 18Mansei ḇesapi ro karui ani, nari ḇyekiskis, ma mansei karui ani kyamepenya ido, nari ḇyefafen.”
19Inja ḇefawinananem Refo Yahudi ma mananir imam sḇesewar fa sfor Yesus ro fafisu ani kako, snar sifawi, mboi siso ikofen ro sarḇer ani, ḇape simkak kawasa ḇeḇor ansi.
Ḇaḇyak som faro Kaisar
20:20-26
(Mat. 22:15-22; Mrk. 12:13-17)
20Ḇefawinananem Refo Yahudi ma mananir imam-imam sḇayir Yesus. Siwan manpan ono faro Yesus ma sifrur mankunsi ḇe snonkaku ḇenapes, insa sidenem i kuker fakfuken oso ma ssḇuki faro Gubernuri. 21Snonkaku ansi sifuken: “Guru, nkofawi wos ma farkarkor ḇena kam nanapes, ma mamkaryerḇa, mboi buk farkarkor ḇenapes ro Allah nyan ḇyena. 22Inja nari nkoḇak som faro Kaisarke, roḇa?”
23Ḇape Yesus ifawi swaruser mandaw sena, inja ikofen farosi: 24“Mkofasna dinar osoma ro aya: fanir ma fasfas mansei ḇeroiya?” Skarem: “Kaisar.”
25Raimnai Yesus kyarem farosi: “Rarirya ido mkoḇuk faro Kaisar rosai nari mkoḇuk faro Kaisar ma faro Allah rosai nari mkoḇuk faro Allah!”
26Inja sipok fa sidenem iba snar sikandor kankarem ḇyena ro ḇarpon kawasa ansi, inja sefasis.
Snon Sadukisya sifuken ro aḇiḇerya
20:27-40
(Mat. 22:23-33; Mrk. 12:18-27)
27 #
Kis. 23:8
Snon Saduki ono sra fa sisrow Yesus, snar sima sikyar faro ḇaḇawesya ḇa. Inja sifuken faroi: 28#Ul. 25:5“Guru, Moses fyas sasoser ine maḇe inko, ḇo doḇo: Rofyor snon oso, imar ma isma romawaḇa ido, nari naek ḇyeja ḇyekawin swari insa ḇyuk romawayo faro naek ḇyani. 29Manbekanaek rifik sisya. Ḇeponya ḇyekawin kuker bin oso raimnai imar ḇape isma romawaḇa. 30Inja ḇeḇesuruya ḇyekawin bin ani, 31ma ḇeḇekiorya rarirya pdef isof ḇeḇefikya, simar kam ma sna romawaḇa. 32Ḇarpurya bin ani kako dakmar. 33Rariso kuker bin ani, mansei rofandu snon ansi ḇeḇeswa faroi ro ras aḇiḇerya? Snar skoḇe fik skofakawin kam kukeri kwar.”
34Yesus kyarem farosi: “Snonkaku rofafisu ine ro supswan inesya sḇekawin ma sfakawin si, 35ḇape faro snonkaku skara ḇesyus fa ḇesma rarwas ro supswan ḇese ani ma ro aḇiḇer fandu snonkaku ḇemarsya, sḇekawin ḇa ma sfakawin siḇa. 36Snar nari simar werḇa; imboi simnis kuker malaikat-malaikat ma seromawa Allah, snar sḇeḇeḇawes kwar. 37#Kel. 3:6Ro mnuk snonkaku ḇemarsya siḇer si, Moses ikofen ḇadir kwar ro mnuk manuk borek, ro moḇ rosai sap Manseren ḇe Allah Abraham, Allah Ishak ma Allah Yakub. 38Inja Allah ḇye Allah faro snonkaku bemarsya ḇa, ḇape ḇye Allah faro snonkaku ḇekenemsya, snar snonkaku syakam nari sikenem ro ḇarpon ḇyedi.”
39Simnaf rarirya snonkaku ḇefawinananem Refo Yahudi ono sikofen: “Guru, kankarem bedi imnis kaku.” 40Rarirya simku fa sifuken roi ono ro Yesus wer ḇa.
Nana rofandu Yesus ma Daud
20:41-44
(Mat. 22:41-46; Mrk. 12:35-37)
41Ḇape Yesus ikofen farosi: “Rariso snonkakusya soḇo, Wairek ḇeḇuk koreri (Mesias) ikada Daud romawa ḇyedirya? 42#Mzm. 110:1Snar Daud mankundi ikofen ro syap Mazmur ḇo doḇo:
Manseren ikofen faro Manseren yedi; kwainkada ro ḇar raku yedi;
43isof yaḇe mbroḇ besi fa seararef ro wemsu.
44Inja Daud dapiḇe Manseren ḇyedi, rariso nari ḇye romawa faroi wer?”
Yesus danun insa sesasor si ro ḇefawinananem Refo Yahudisya
20:45-47
(Mat. 23:5-7; Mrk. 12:38-40)
45Fafisu snonkaku ḇeḇor ansi simnaf Yesus ikofen faro manfamyan ḇyesi: 46#Luk. 11:43“Mkoḇe sasor mko ro ḇefawinananem Refo Yahudi ḇesansun syatu ḇekwan ḇo ḇemarisen ḇembran ḇeḇesewar syom ro buḇes (pasar) ḇemarisen ḇekain ro ḇarpon ro rum ari ma moḇ sisma syom ro munara, 47ma ḇeyoren pekwam kabomsya rum sena, ḇepanwarek kawasa simkasna kuker nadi ḇekwan sena. Nari sisma samamyai ḇemarḇak syadi.”
Currently Selected:
LUKAS 20: LAIBHW
Highlight
Share
Copy
Want to have your highlights saved across all your devices? Sign up or sign in
LUKAS 20
20
Fakfuken ḇekur papoik Yesus
20:1-8
(Mat. 21:23-27; Mrk. 11:27-33)
1Ro ras oso Yesus ḇyuk farkarkor faro kawasa ḇeḇor ro Allah Rum byedi ma ḇyaryas Ankankinem Ḇeḇye, mananir imam-imam ma ḇefawinananem Refo Yahudi fnoḇek ḇebararasya srama, 2ma sikofen faro Yesus: “Wakofen ḇadir papoik rosai buki ifrur roi ḇeḇor anna ma mansei ḇeḇuk papoik ani faro aw!”
3Yesus kyarem farosi: “Aya kako nari yaḇuk fakfuken oso faro mko. Mkokofen maro aya: 4Masasi Yohanes ḇyani, ryama ker boiyaswake ryamaker snonkaku?”
5Inja skara ro mankunsi ma sikofen: Rofyor koḇe: Ryamuma ro boiyaswa, nari ikofen: Rosai ḇeḇewari mkokyarḇa? 6Oroḇaido koḇe: Ryamaker snonkaku, nari kawasa sine sfarmun ko kuker karui, snar sifawi kaku, Yohanes nabi rirya. 7Raimnai skarem, nkofawi moḇ masasi ani ryamuma royaḇa.
8Yesus ikofen farosi: “Rarirya ido, aya kako yakofen faro mkoḇa kuker papoik rosai yaḇuki ifrur roi ḇeḇor annaya.”
Sarḇer ḇekur snon ḇefararur ro yaf anggur
20:9-19
(Mat. 21:33-46; Mrk. 12:1-12)
9 #
Yes. 5:1
Raimnai Yesus ikofen sarḇer ine faro snonkaku ḇeḇor ansi: “Snon oso isya ḇyas yaf anggur oso; posa ḇyuk yaf ani faro snon ḇefararursya raimnai ryaḇe sup ḇese rofafisu fyoro kaku. 10Ma rofafisu mamaremya ryama, iwan manfyan ḇyesi oso faro ḇefararur ansya, insa ssḇuk rarwas ro anggur bon anna faroi. Ḇape ḇefararur ansi siprer manfyan ani ma siwani fa ibur beidi. 11Inja iwan manfyan oso ḇese wer, ḇape manfyan ani sipreri ma skoryayei, raimnai siwani fa ibur beidi kako. 12Inja iwan manfyan ḇeḇe kiorya, ḇape smuni isof ḇyeparpar, posa sisaweni ro yafya ḇandiri. 13Inja tuan ḇena yaf anggur anine ikofen: Rosai nari yafrurya? Nari yawan romawa yaswar ani; snar ikada nari sesyowi i. 14Ḇape fafisu ḇefararur ro yaf ansi smam romawa ḇyani, sna wosi, ma sikofen: I ḇeḇeknam yaf anggur ine, mkorama komuni, insama yaf anggur ḇyedine konai. 15Inja smuni ma sisawen i ḇe yaf anggur ani ḇandiri, insape rosai nari tuan ḇena yaf anggur ani ifrur faro siya? 16Nari ryama ma myun pres si, ma ḇyuk yaf anggur ani faro ono ḇese.” Simnaf raririrya inja sikofen: “Rarirya awer!”
17 #
Mzm. 118:22
Ḇape Yesus myamsi ma ikofen: “Rarirya ido, kankunes rosai ḇero mnuk ineya: Karui kamasan ḇeḇaḇawes ansi sisawen kwar, iso nari ḇeḇe karui kakyarya. 18Mansei ḇesapi ro karui ani, nari ḇyekiskis, ma mansei karui ani kyamepenya ido, nari ḇyefafen.”
19Inja ḇefawinananem Refo Yahudi ma mananir imam sḇesewar fa sfor Yesus ro fafisu ani kako, snar sifawi, mboi siso ikofen ro sarḇer ani, ḇape simkak kawasa ḇeḇor ansi.
Ḇaḇyak som faro Kaisar
20:20-26
(Mat. 22:15-22; Mrk. 12:13-17)
20Ḇefawinananem Refo Yahudi ma mananir imam-imam sḇayir Yesus. Siwan manpan ono faro Yesus ma sifrur mankunsi ḇe snonkaku ḇenapes, insa sidenem i kuker fakfuken oso ma ssḇuki faro Gubernuri. 21Snonkaku ansi sifuken: “Guru, nkofawi wos ma farkarkor ḇena kam nanapes, ma mamkaryerḇa, mboi buk farkarkor ḇenapes ro Allah nyan ḇyena. 22Inja nari nkoḇak som faro Kaisarke, roḇa?”
23Ḇape Yesus ifawi swaruser mandaw sena, inja ikofen farosi: 24“Mkofasna dinar osoma ro aya: fanir ma fasfas mansei ḇeroiya?” Skarem: “Kaisar.”
25Raimnai Yesus kyarem farosi: “Rarirya ido mkoḇuk faro Kaisar rosai nari mkoḇuk faro Kaisar ma faro Allah rosai nari mkoḇuk faro Allah!”
26Inja sipok fa sidenem iba snar sikandor kankarem ḇyena ro ḇarpon kawasa ansi, inja sefasis.
Snon Sadukisya sifuken ro aḇiḇerya
20:27-40
(Mat. 22:23-33; Mrk. 12:18-27)
27 #
Kis. 23:8
Snon Saduki ono sra fa sisrow Yesus, snar sima sikyar faro ḇaḇawesya ḇa. Inja sifuken faroi: 28#Ul. 25:5“Guru, Moses fyas sasoser ine maḇe inko, ḇo doḇo: Rofyor snon oso, imar ma isma romawaḇa ido, nari naek ḇyeja ḇyekawin swari insa ḇyuk romawayo faro naek ḇyani. 29Manbekanaek rifik sisya. Ḇeponya ḇyekawin kuker bin oso raimnai imar ḇape isma romawaḇa. 30Inja ḇeḇesuruya ḇyekawin bin ani, 31ma ḇeḇekiorya rarirya pdef isof ḇeḇefikya, simar kam ma sna romawaḇa. 32Ḇarpurya bin ani kako dakmar. 33Rariso kuker bin ani, mansei rofandu snon ansi ḇeḇeswa faroi ro ras aḇiḇerya? Snar skoḇe fik skofakawin kam kukeri kwar.”
34Yesus kyarem farosi: “Snonkaku rofafisu ine ro supswan inesya sḇekawin ma sfakawin si, 35ḇape faro snonkaku skara ḇesyus fa ḇesma rarwas ro supswan ḇese ani ma ro aḇiḇer fandu snonkaku ḇemarsya, sḇekawin ḇa ma sfakawin siḇa. 36Snar nari simar werḇa; imboi simnis kuker malaikat-malaikat ma seromawa Allah, snar sḇeḇeḇawes kwar. 37#Kel. 3:6Ro mnuk snonkaku ḇemarsya siḇer si, Moses ikofen ḇadir kwar ro mnuk manuk borek, ro moḇ rosai sap Manseren ḇe Allah Abraham, Allah Ishak ma Allah Yakub. 38Inja Allah ḇye Allah faro snonkaku bemarsya ḇa, ḇape ḇye Allah faro snonkaku ḇekenemsya, snar snonkaku syakam nari sikenem ro ḇarpon ḇyedi.”
39Simnaf rarirya snonkaku ḇefawinananem Refo Yahudi ono sikofen: “Guru, kankarem bedi imnis kaku.” 40Rarirya simku fa sifuken roi ono ro Yesus wer ḇa.
Nana rofandu Yesus ma Daud
20:41-44
(Mat. 22:41-46; Mrk. 12:35-37)
41Ḇape Yesus ikofen farosi: “Rariso snonkakusya soḇo, Wairek ḇeḇuk koreri (Mesias) ikada Daud romawa ḇyedirya? 42#Mzm. 110:1Snar Daud mankundi ikofen ro syap Mazmur ḇo doḇo:
Manseren ikofen faro Manseren yedi; kwainkada ro ḇar raku yedi;
43isof yaḇe mbroḇ besi fa seararef ro wemsu.
44Inja Daud dapiḇe Manseren ḇyedi, rariso nari ḇye romawa faroi wer?”
Yesus danun insa sesasor si ro ḇefawinananem Refo Yahudisya
20:45-47
(Mat. 23:5-7; Mrk. 12:38-40)
45Fafisu snonkaku ḇeḇor ansi simnaf Yesus ikofen faro manfamyan ḇyesi: 46#Luk. 11:43“Mkoḇe sasor mko ro ḇefawinananem Refo Yahudi ḇesansun syatu ḇekwan ḇo ḇemarisen ḇembran ḇeḇesewar syom ro buḇes (pasar) ḇemarisen ḇekain ro ḇarpon ro rum ari ma moḇ sisma syom ro munara, 47ma ḇeyoren pekwam kabomsya rum sena, ḇepanwarek kawasa simkasna kuker nadi ḇekwan sena. Nari sisma samamyai ḇemarḇak syadi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in