MARKUS 3
3
Yesus ḇyuk pararei faro snon ḇedufya ro ras Mananai Yahudi
3:1-6
(Mat. 12:9-14; Luk. 6:6-11)
1Ḇarpur Yesus syun wer ḇe rum nadi. Ro diya snon ḇramin ḇar ḇemar oso daksun. 2Snon Farisi ono sisya ssḇair, imbude Yesus ḇyuk pararei faro snon anya ro ras Mananai Yahudi yandi, insama rarirya ido ssḇuk sasar ḇe Yesus. 3Yesus ikofen faro snon ḇramin ḇar ḇemar anya ḇo doḇe: “Rwama wores ro fa-du!” 4Raimnai ikofen faro si ḇo doḇe: “Ne, rosai ssḇuk fa kofrur ro ras Mananai Yahudi yani, ḇaḇe naḇye ya ke, frur fanor i, kofanaḇak kankenem snonkaku ke komun si?” Ḇape ssḇe fasis monda. 5Yesus Fyafayaf snar ḇaḇe marares sena ma kuker masasor myam yar si ḇo Ikofen faro snon ḇramin ḇar ḇemar anya ḇo doḇe: “Fos ḇramsi!” Ma snon anya fyos ḇrasi ma iprei. 6Ro diya snon Farisi nansya si sasyar ma se sne oser kuker snon Herodiani sya fa soḇe ssmun Yesus.
Yesus ḇyuk pararei faro snon ḇeḇor ḇedufsya
3:7-12
7Ḇarpur Yesus kuker manfamyan ḇyesi sisusu bur ḇe danosen ya, ma kawasa Galilea siḇor sisoi. 8Siya sibor kako sra ker Yudea, Yerusalem, Idumea, war Yordan ḇar iwara, Tirus ma Sidon, srama faroi, snar simnaf Yesus fararur ḇyena. 9#Mrk. 4:1; Luk. 5:1-3 Yesus iwan manfamyan ḇyesya fa ssfasos wai ya faroi snar imkak donek ya sifyosepen indi. 10Snar snonkaku ḇeduf ifrur fa ḇeprei sibore, ro diya ḇeḇeroro ro dafduf sibor sra yoḇ i ma sifyos apepeni imfa siḇe sspan roi. 11Rofyor rur ḇemaḇak sya smam i, sisapi ma sḇansuba faroi ro ḇarpon ḇyedi ma sar naba: “Au ine Rumkun Allah.”
12Ḇape Yesus ḇyewef si snar imewer kaku ssḇaryas indi.
Yesus kyinfir manfamyan samfur seser risuru
3:13-19
(Mat. 10:1-4; Luk. 6:12-16)
13Imnai ro diya Yesus dek ro urek oso. Dor snon imarisen sya ma srama yoḇi. 14Kyinfir snon samfur seser risuru fa sifnoḇek i, insa nya si ḇe manfamyan fa ssḇaryas Ankankinem Ḇeḇye ya, 15ma ḇyuk papoik faro si fa ssḇukyau rur ḇemaḇak sya.
16Snon samfur seser risuru isiḇer ansya sisosine: Simon, nyir i kako ḇe Petrus, 17Yakobus Zebedeus mandaḇendi ma Yohanes Yakobus ḇedardi, snon suine nyir su ḇe Boanerges isoine romawa karadu, 18ḇefnoḇek kako sya sisosine Andreas, Pilipus, Bartolomeus, Matius, Tomas, Yakobus Alfeus mandaḇendi, Tadeus, Simon snon Selot, 19ma Yudas Iskariot, na ḇeḇoḇ Yesus.
Yesus ma Beelzebul
3:20-30
(Mat. 12:22-32; Luk. 11:14-23)
20Ḇarpur wer Yesus syun ro rum oso. Kawasa sibor kaku ssfanjur wer isof skoḇe skonano jadi ḇa. 21Fyor ya Yesus naek ḇyesya simnaf moḇ ine, ssrama ssiḇe ssun i, snar soḇe swar user ḇyena namnis ḇa kwar.
22 #
Mat. 9:34, 10:25 Rofyor ya kako ḇefawi nananem Refo Yahudi ḇera ker Yerusalemsya sikofen ḇo soḇe: “Rodur Ḇeelzeḇul syouri, ma: ‘Kuker snopor mananir rur ḇemaḇak iyau rur ḇemaḇak sya.’ ”
23Ro diya Yesus dor si ma fyarkor si kuker wos sarḇer, ḇo doḇe: “Rariso ro kakara mkoḇena ibiris iyau ibirisya? 24Ḇaḇesasoser oso fyarmafmef ido na isonem ḇa, 25ma sim oso kina byena sun besisya, sim ani ipok isonemba kako. 26Rarirya kako rur ḇemaḇak ya, ḇye mbroḇ mankundi isof irarwas ido na ipok fa isonem ḇa, imnis ra fafisu ḇyeja iḇro kwar.
27Rarirya snon oso ipok syun fa fyasyar snon ḇesambraḇ oso arasa ḇyena ro rum ḇyedi ḇa rofyor snon ḇesambraḇ ani ḇyeḇefes ḇaim. Rofyor snon ḇesambraḇ ani siyaḇeki kwar in sape arasa ḇyena sfasyarna.
28Yakofen wos ḇekaku faro mko: Sasar ma anonef ḇeḇor romawa snonkaku sya sena kam nari nasma ampun. 29#Luk. 12:10 Ḇape oso doḇe donef Rur-ḇesren ya ido, ima na isma ampun ḇa fyoro-fyoro, mboi syasar snar ifrur sasar ḇekain fyoro-fyoro.” 30Yesus ikofen rarirya snar soḇe rur ḇemaḇak ya syouri.
Yesus kuker naek ḇyesi
3:31-35
(Mat. 12:46-50; Luk. 8:19-21)
31Yesus snari ma naek ḇyesya sra yoḇi. Sores ro ḇandi ḇo siwan ono ḇese fa sor Yesusi. 32Kawasa ḇeḇor ḇekain yar-yar Yesus sya sikofen faroi ḇo soḇe: “Ne, mam kada snami ma naek Bansi ḇeyores ro ḇandi siwa, ssewar fa siḇe sisrow Au.”
33Yesus kyarem faro si ḇo doḇe: “Mansei Yana ḇe sna ma naek?” 34Myam yoḇ kawasa ḇekain yar-yar i ansya raimnai ikofen faro si ḇo doḇe: “Sine sna ma naek srar Ayesi rya. 35Mansei ḇeḇeuser Allah marisen ḇyena, sirya naek snon ma srar bin ma sna Ayesi rya.”
Currently Selected:
MARKUS 3: LAIBHW
Highlight
Share
Copy
Want to have your highlights saved across all your devices? Sign up or sign in
MARKUS 3
3
Yesus ḇyuk pararei faro snon ḇedufya ro ras Mananai Yahudi
3:1-6
(Mat. 12:9-14; Luk. 6:6-11)
1Ḇarpur Yesus syun wer ḇe rum nadi. Ro diya snon ḇramin ḇar ḇemar oso daksun. 2Snon Farisi ono sisya ssḇair, imbude Yesus ḇyuk pararei faro snon anya ro ras Mananai Yahudi yandi, insama rarirya ido ssḇuk sasar ḇe Yesus. 3Yesus ikofen faro snon ḇramin ḇar ḇemar anya ḇo doḇe: “Rwama wores ro fa-du!” 4Raimnai ikofen faro si ḇo doḇe: “Ne, rosai ssḇuk fa kofrur ro ras Mananai Yahudi yani, ḇaḇe naḇye ya ke, frur fanor i, kofanaḇak kankenem snonkaku ke komun si?” Ḇape ssḇe fasis monda. 5Yesus Fyafayaf snar ḇaḇe marares sena ma kuker masasor myam yar si ḇo Ikofen faro snon ḇramin ḇar ḇemar anya ḇo doḇe: “Fos ḇramsi!” Ma snon anya fyos ḇrasi ma iprei. 6Ro diya snon Farisi nansya si sasyar ma se sne oser kuker snon Herodiani sya fa soḇe ssmun Yesus.
Yesus ḇyuk pararei faro snon ḇeḇor ḇedufsya
3:7-12
7Ḇarpur Yesus kuker manfamyan ḇyesi sisusu bur ḇe danosen ya, ma kawasa Galilea siḇor sisoi. 8Siya sibor kako sra ker Yudea, Yerusalem, Idumea, war Yordan ḇar iwara, Tirus ma Sidon, srama faroi, snar simnaf Yesus fararur ḇyena. 9#Mrk. 4:1; Luk. 5:1-3 Yesus iwan manfamyan ḇyesya fa ssfasos wai ya faroi snar imkak donek ya sifyosepen indi. 10Snar snonkaku ḇeduf ifrur fa ḇeprei sibore, ro diya ḇeḇeroro ro dafduf sibor sra yoḇ i ma sifyos apepeni imfa siḇe sspan roi. 11Rofyor rur ḇemaḇak sya smam i, sisapi ma sḇansuba faroi ro ḇarpon ḇyedi ma sar naba: “Au ine Rumkun Allah.”
12Ḇape Yesus ḇyewef si snar imewer kaku ssḇaryas indi.
Yesus kyinfir manfamyan samfur seser risuru
3:13-19
(Mat. 10:1-4; Luk. 6:12-16)
13Imnai ro diya Yesus dek ro urek oso. Dor snon imarisen sya ma srama yoḇi. 14Kyinfir snon samfur seser risuru fa sifnoḇek i, insa nya si ḇe manfamyan fa ssḇaryas Ankankinem Ḇeḇye ya, 15ma ḇyuk papoik faro si fa ssḇukyau rur ḇemaḇak sya.
16Snon samfur seser risuru isiḇer ansya sisosine: Simon, nyir i kako ḇe Petrus, 17Yakobus Zebedeus mandaḇendi ma Yohanes Yakobus ḇedardi, snon suine nyir su ḇe Boanerges isoine romawa karadu, 18ḇefnoḇek kako sya sisosine Andreas, Pilipus, Bartolomeus, Matius, Tomas, Yakobus Alfeus mandaḇendi, Tadeus, Simon snon Selot, 19ma Yudas Iskariot, na ḇeḇoḇ Yesus.
Yesus ma Beelzebul
3:20-30
(Mat. 12:22-32; Luk. 11:14-23)
20Ḇarpur wer Yesus syun ro rum oso. Kawasa sibor kaku ssfanjur wer isof skoḇe skonano jadi ḇa. 21Fyor ya Yesus naek ḇyesya simnaf moḇ ine, ssrama ssiḇe ssun i, snar soḇe swar user ḇyena namnis ḇa kwar.
22 #
Mat. 9:34, 10:25 Rofyor ya kako ḇefawi nananem Refo Yahudi ḇera ker Yerusalemsya sikofen ḇo soḇe: “Rodur Ḇeelzeḇul syouri, ma: ‘Kuker snopor mananir rur ḇemaḇak iyau rur ḇemaḇak sya.’ ”
23Ro diya Yesus dor si ma fyarkor si kuker wos sarḇer, ḇo doḇe: “Rariso ro kakara mkoḇena ibiris iyau ibirisya? 24Ḇaḇesasoser oso fyarmafmef ido na isonem ḇa, 25ma sim oso kina byena sun besisya, sim ani ipok isonemba kako. 26Rarirya kako rur ḇemaḇak ya, ḇye mbroḇ mankundi isof irarwas ido na ipok fa isonem ḇa, imnis ra fafisu ḇyeja iḇro kwar.
27Rarirya snon oso ipok syun fa fyasyar snon ḇesambraḇ oso arasa ḇyena ro rum ḇyedi ḇa rofyor snon ḇesambraḇ ani ḇyeḇefes ḇaim. Rofyor snon ḇesambraḇ ani siyaḇeki kwar in sape arasa ḇyena sfasyarna.
28Yakofen wos ḇekaku faro mko: Sasar ma anonef ḇeḇor romawa snonkaku sya sena kam nari nasma ampun. 29#Luk. 12:10 Ḇape oso doḇe donef Rur-ḇesren ya ido, ima na isma ampun ḇa fyoro-fyoro, mboi syasar snar ifrur sasar ḇekain fyoro-fyoro.” 30Yesus ikofen rarirya snar soḇe rur ḇemaḇak ya syouri.
Yesus kuker naek ḇyesi
3:31-35
(Mat. 12:46-50; Luk. 8:19-21)
31Yesus snari ma naek ḇyesya sra yoḇi. Sores ro ḇandi ḇo siwan ono ḇese fa sor Yesusi. 32Kawasa ḇeḇor ḇekain yar-yar Yesus sya sikofen faroi ḇo soḇe: “Ne, mam kada snami ma naek Bansi ḇeyores ro ḇandi siwa, ssewar fa siḇe sisrow Au.”
33Yesus kyarem faro si ḇo doḇe: “Mansei Yana ḇe sna ma naek?” 34Myam yoḇ kawasa ḇekain yar-yar i ansya raimnai ikofen faro si ḇo doḇe: “Sine sna ma naek srar Ayesi rya. 35Mansei ḇeḇeuser Allah marisen ḇyena, sirya naek snon ma srar bin ma sna Ayesi rya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in