KAJAJIYANG 25
25
Wija-wijanna Abraham polé ri bainéna laingngé
(1 Taw. 1:32-33)
1Mabbainési paimeng Abraham sibawa séddi makkunrai iya riyasengngé Ketura. 2Iyaro bainéna jajiyangngi ana'-ana' iya riyasengngé: Zimran, Yoksan, Médan, Midian, Isybak sibawa Suah. 3Yoksan ambo'na Syéba sibawa Dédan, na wija-wijanna Dédan iyanaritu tau Asyur, tau Létus sibawa tau Léum. 4Ana'-ana'na Midian iyanaritu: Ela, Efer, Hénokh, Abida sibawa Eldaa. Iya manenna mennang wija-wijanna Ketura.
5Namuni nappammanarengngi sininna waramparanna Abraham lao ri Ishak, 6ri wettu tuwona mabbéréi maéga hadiya lao ri ana'-ana'na iya nalolongengngé polé risining bainéna iya laingngé. Nainappa nasuro iyaro ana'-ana'é létté ri daéra seddé alauna Kanaan, kuwammengngi nabélaiwi Ishak ana'na.
Maténa Abraham sibawa rikuburu'na
7-8Matéi Abraham ri umuru iya macowa senna'é, iyanaritu 175 taung. 9Rikuburu'i ri ana'-ana'na, iyanaritu Ishak sibawa Ismaél, ri Gowa Makhpéla iya monroé ri dare seddé alauna Mamré. Riyolo iyaro dare'é appunnangenna Efron ana' Zohar, tau Hét, 10iyakiya purai naelli Abraham polé ri tau Hét-éro. Sara bainéna Abraham, rikuburu towi kuwaro. 11Maténana Abraham, Allataala barakkakiwi Ishak, ana'na Abraham. Iyaro wettué monroi Ishak ri seddéna bujung iya riyasengngé “Aléna Iya Jampangiyék-Ka”.
Wija-wijanna Ismaél
(1 Taw. 1:28-31)
12Ismaél iyanaritu ana'na Abraham sibawa Hagar, makkunrai Maséré, atanna Sara. 13-16Ismaél mappunnaiwi seppulo duwa ana' iya riteppué kuwaé situru sirappi ajajingenna: Nébayot, Kédar, Adbeel, Mibsam, Misyma, Duma, Masa, Hadad, Téma, Yétur, Nafis sibawa Kédma. Iyaro ana'-ana'é mancajiwi toriyolona seppulo duwa suku bangsa, sibawa désa enrengngé akkémanna mennang riteppui situru aseng-ngasenna mennang. 17Umuru'na Ismaél 137 taung wettunna maté. 18Wija-wijanna monroi ri daéra pallawangenna Hawila sibawa Syur ri seddé alauna Maséré mattuju ri Asyur. Tuwoi mennang mallaing polé ri wija-wijanna Abraham iya laingngé.
Ajajingenna Esau sibawa Yakub
19Iyanaé riwaya'na Ishak, ana'na Abraham. 20Patappulo taung umuru'na Ishak wettunna napobainé Ribka, anrinna Laban, ana'na Bétuél, séddiwi tau Aram polé ri Mésopotamia. 21Nasaba Ribka dé' nalolongeng ana', massempajanni Ishak lao ri Puwangnge untu' bainéna. Na Puwangnge tarimai sempajanna Ishak, angkanna mattampu'ni Ribka. 22Namattampu'na ana' dénru, na ri wettu dé'napa najaji iyaro ana'-ana'é, magguliccii mennang ri laleng parémmananna. Nakkeda Ribka, “Magi iyaé gau'é naharusu kajajiyang ri aléku?” Nainappa méllau panunju ri Puwangnge.
23Makkedai Puwangnge ri aléna,
“Duwa bangsa engka ri laleng parémmanammu;
jajiyakko matu duwa bangsa iya simusué
anrinna lebbi mawatangngi naiya kakana
iya macowaé tumaningiwi iya maloloé.”
24Narapini wettunna Ribka untu' mémmana, nanajajiyanna duwa ana' worowané dénru. 25Iya macowaé macella-cella tappana, sibawa olina pada-pada jumba iya mabbulué. Rimakkuwannanaro nariyaseng Esau.#Esau: Iyaé asengngé rikira-kirai engka assisumpungenna sibawa Séir, iyanaritu daéra iya ri wettu ri munri naonroiwi wijanna Esau; Séir oninna pada-pada ada Ibrani iya bettuwanna “mabbulu”. 26Wettunna ana' maduwaé rijajiyang, limanna nakkatenningngi amputuna Esau. Narimakkuwannanaro nariyaseng Yakub.#Yakub: Iyaé asengngé oninna pada-pada ada Ibrani iya bettuwanna “amputu”. Enneng pulona taung umuru'na Ishak wettunna mennang jaji.
Nabalu'na Esau ha'na selaku ana' macowa
27Natattamba battowana iya duwa ana'éro. Esau mancajiwi paddengngeng iya maccaé sibawa napoji monro ri padangngé, iyakiya Yakub tennangngi sipa'na sibawa napoji monro ri bolaé. 28Ishak lebbi naéloriwi Esau, nasaba napoji Ishak manré juku lampa. Iyakiya Ribka lebbi naéloriwi Yakub.
29Riséuwaé esso wettunna Yakub mannasu buwé cella, poléni Esau ri rengngengenna. Namalupuna. 30Adanna lao ri Yakub, “Malupu senna'ka. Wérékka céddé buwé cella'éro.” (Iyanaro saba'na nariyaseng Edom.)#Edom: Iyaé asengngé oninna pada-pada ada Ibrani iya bettuwanna “macella”.
31Nappébali Yakub, “Makessinni, assaleng muwérékka lebbi riyolo ha'mu selaku ana' macowa.”
32Adanna Esau, “Paduli aga iyaro ha'é untu' aléku. Malupuka sitengnga maté!”
33Adanna Yakub paimeng, “Attanrono riyolo makkedaé muwérékka ha'mu.”
Mattanroni Esau sibawa mpéréngngi ha'na lao ri Yakub. 34Purairo nabbéréyanni Yakub lao ri aléna roti sibawa sibagiyang polé ri ukkaju buwé cella'éro. Manré ménunni Esau nainappa lao. Makkuwaniro Esau pakariyawai ha'na selaku ana' macowa.
Currently Selected:
KAJAJIYANG 25: LAIBUG
Highlight
Share
Copy
Want to have your highlights saved across all your devices? Sign up or sign in
KAJAJIYANG 25
25
Wija-wijanna Abraham polé ri bainéna laingngé
(1 Taw. 1:32-33)
1Mabbainési paimeng Abraham sibawa séddi makkunrai iya riyasengngé Ketura. 2Iyaro bainéna jajiyangngi ana'-ana' iya riyasengngé: Zimran, Yoksan, Médan, Midian, Isybak sibawa Suah. 3Yoksan ambo'na Syéba sibawa Dédan, na wija-wijanna Dédan iyanaritu tau Asyur, tau Létus sibawa tau Léum. 4Ana'-ana'na Midian iyanaritu: Ela, Efer, Hénokh, Abida sibawa Eldaa. Iya manenna mennang wija-wijanna Ketura.
5Namuni nappammanarengngi sininna waramparanna Abraham lao ri Ishak, 6ri wettu tuwona mabbéréi maéga hadiya lao ri ana'-ana'na iya nalolongengngé polé risining bainéna iya laingngé. Nainappa nasuro iyaro ana'-ana'é létté ri daéra seddé alauna Kanaan, kuwammengngi nabélaiwi Ishak ana'na.
Maténa Abraham sibawa rikuburu'na
7-8Matéi Abraham ri umuru iya macowa senna'é, iyanaritu 175 taung. 9Rikuburu'i ri ana'-ana'na, iyanaritu Ishak sibawa Ismaél, ri Gowa Makhpéla iya monroé ri dare seddé alauna Mamré. Riyolo iyaro dare'é appunnangenna Efron ana' Zohar, tau Hét, 10iyakiya purai naelli Abraham polé ri tau Hét-éro. Sara bainéna Abraham, rikuburu towi kuwaro. 11Maténana Abraham, Allataala barakkakiwi Ishak, ana'na Abraham. Iyaro wettué monroi Ishak ri seddéna bujung iya riyasengngé “Aléna Iya Jampangiyék-Ka”.
Wija-wijanna Ismaél
(1 Taw. 1:28-31)
12Ismaél iyanaritu ana'na Abraham sibawa Hagar, makkunrai Maséré, atanna Sara. 13-16Ismaél mappunnaiwi seppulo duwa ana' iya riteppué kuwaé situru sirappi ajajingenna: Nébayot, Kédar, Adbeel, Mibsam, Misyma, Duma, Masa, Hadad, Téma, Yétur, Nafis sibawa Kédma. Iyaro ana'-ana'é mancajiwi toriyolona seppulo duwa suku bangsa, sibawa désa enrengngé akkémanna mennang riteppui situru aseng-ngasenna mennang. 17Umuru'na Ismaél 137 taung wettunna maté. 18Wija-wijanna monroi ri daéra pallawangenna Hawila sibawa Syur ri seddé alauna Maséré mattuju ri Asyur. Tuwoi mennang mallaing polé ri wija-wijanna Abraham iya laingngé.
Ajajingenna Esau sibawa Yakub
19Iyanaé riwaya'na Ishak, ana'na Abraham. 20Patappulo taung umuru'na Ishak wettunna napobainé Ribka, anrinna Laban, ana'na Bétuél, séddiwi tau Aram polé ri Mésopotamia. 21Nasaba Ribka dé' nalolongeng ana', massempajanni Ishak lao ri Puwangnge untu' bainéna. Na Puwangnge tarimai sempajanna Ishak, angkanna mattampu'ni Ribka. 22Namattampu'na ana' dénru, na ri wettu dé'napa najaji iyaro ana'-ana'é, magguliccii mennang ri laleng parémmananna. Nakkeda Ribka, “Magi iyaé gau'é naharusu kajajiyang ri aléku?” Nainappa méllau panunju ri Puwangnge.
23Makkedai Puwangnge ri aléna,
“Duwa bangsa engka ri laleng parémmanammu;
jajiyakko matu duwa bangsa iya simusué
anrinna lebbi mawatangngi naiya kakana
iya macowaé tumaningiwi iya maloloé.”
24Narapini wettunna Ribka untu' mémmana, nanajajiyanna duwa ana' worowané dénru. 25Iya macowaé macella-cella tappana, sibawa olina pada-pada jumba iya mabbulué. Rimakkuwannanaro nariyaseng Esau.#Esau: Iyaé asengngé rikira-kirai engka assisumpungenna sibawa Séir, iyanaritu daéra iya ri wettu ri munri naonroiwi wijanna Esau; Séir oninna pada-pada ada Ibrani iya bettuwanna “mabbulu”. 26Wettunna ana' maduwaé rijajiyang, limanna nakkatenningngi amputuna Esau. Narimakkuwannanaro nariyaseng Yakub.#Yakub: Iyaé asengngé oninna pada-pada ada Ibrani iya bettuwanna “amputu”. Enneng pulona taung umuru'na Ishak wettunna mennang jaji.
Nabalu'na Esau ha'na selaku ana' macowa
27Natattamba battowana iya duwa ana'éro. Esau mancajiwi paddengngeng iya maccaé sibawa napoji monro ri padangngé, iyakiya Yakub tennangngi sipa'na sibawa napoji monro ri bolaé. 28Ishak lebbi naéloriwi Esau, nasaba napoji Ishak manré juku lampa. Iyakiya Ribka lebbi naéloriwi Yakub.
29Riséuwaé esso wettunna Yakub mannasu buwé cella, poléni Esau ri rengngengenna. Namalupuna. 30Adanna lao ri Yakub, “Malupu senna'ka. Wérékka céddé buwé cella'éro.” (Iyanaro saba'na nariyaseng Edom.)#Edom: Iyaé asengngé oninna pada-pada ada Ibrani iya bettuwanna “macella”.
31Nappébali Yakub, “Makessinni, assaleng muwérékka lebbi riyolo ha'mu selaku ana' macowa.”
32Adanna Esau, “Paduli aga iyaro ha'é untu' aléku. Malupuka sitengnga maté!”
33Adanna Yakub paimeng, “Attanrono riyolo makkedaé muwérékka ha'mu.”
Mattanroni Esau sibawa mpéréngngi ha'na lao ri Yakub. 34Purairo nabbéréyanni Yakub lao ri aléna roti sibawa sibagiyang polé ri ukkaju buwé cella'éro. Manré ménunni Esau nainappa lao. Makkuwaniro Esau pakariyawai ha'na selaku ana' macowa.
Currently Selected:
:
Highlight
Share
Copy
Want to have your highlights saved across all your devices? Sign up or sign in