1 Johani 3
3
1Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva. 2Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe. 3Wuhi ni wuhi a ku ni txithembo txiya ni nene, wa ti sawulekisa apune, nga ti nene Jesu i ku wo sawuleka.
4Wuhi ni wuhi a mahako txionho, a ndaka mlayo, nguko txionho ngu kundaka mlayo. 5#Wona ni ka: Joh. 1:29. Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho. 6Votshe va va zumbako kwakwe kha va onhi. Votshe va va onhako kha va mu wona, kambe kha va m'ziva.
7Sivananananu, m'thu a nga thuke e mi timeta. Awu a mahako to lulama, a lulamile kufana ni nene Jesu a nga lulama. 8Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.
9Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu. 10Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.
Randanani!
11 # Wona ni ka: Joh. 13:34. Txiziviso txi hi nga txi engisa kukhukhela makhatoni ngu txiya: Ti to hi randana. 12#Wona ni ka: Gen. 4:8. Hi nga faneni ni Kayini; awuwa, ngukuva i di m'bihi, a date mnanda wakwe. Se a m'dayete txani kani? Mithumo yakwe i ti yo biha, kasi mithumo ya mnanda wakwe i ti yo lulama.
13Mi nga xamaleni, vanathu, ngako ditiko di txi mi vengela. 14#Wona ni ka: Joh. 5:24. Athu ha tiziva ti to hi humile kufani hi txi ya wutomini, nguko ha randa vanathu. Awu asi randiko a ngadi zumbile kufani. 15Votshe va va vengelako vanawe mbadayi va vathu; se ma tiziva ti to kuwalo wu i ku m'dayi, awu wutomi wo mbi guma wu sikotako kuzumba kwakwe. 16Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu. 17Ngako m'thu a di ni tithomba ta ha mafuni hawa, a txi wona mwanawe a si nga naso, se asi mkhataleli, li nga zumbisa kutxani kwakwe lirando la Txizimu kani? 18Sivananananu sangu, hi nga randeni ngu txisofu ni lidimi, aniko he randaneni ngu mithumo ni ditshuri.
Hi na ni kuthemba masoni ka Txizimu
19Ngu kona hi no tiziva ti to hi vathu va ditshuri, se timbilu tathu ti na ka tsana Txizimu. 20Ngako yona mbilu yathu yi txi hi mangala, Txizimu nja hombe kupinda timbilu tathu, kambe Txizimu txa ziva totshe. 21Vorandeka, ngako mbilu yi si hi mangali, hi na ni txithembo ka Txizimu; 22se txihi ni txihi hi no kombela hi na ningwa ngu Txizimu; nguko ha veketa sirumo sa txona ni kumaha ati ti txi tsakisako. 23#Wona ni ka: Joh. 13:34; 15:12,17. Txirumo txa Txizimu ngu txiya: Kukholwa ka ditina da Mwanana wa txona Jesu Kristu, ni kurandana nga ti a nga hi rumisa tona. 24Awule a veketako sirumo sa Txizimu, a zumba ka Txizimu, se Txizimu ni txona txi zumba kwakwe. Ha tiziva ti to Txizimu txi zumba ni nathu; ngu Moya wu txi nga hi ninga.
Currently Selected:
1 Johani 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
1 Johani 3
3
1Wonani lirando la kuxamalisa la Tata; a nga hi ninga mathomo a ku hi maha vanana va Txizimu! Hi vanana va txona ngu ditshuri. Ngu toneto, ditiko kha di hi zivi; nguko ni Txizimu kha da txi ziva. 2Vorandeka, konkuwa hi vanana va Txizimu, kambe kha zivaneki ati hi no va hi di txona. Ha tiziva ti to mbimo yi a nota Kristu, hi nata fana nayo, nguko hi nata muwona ngu wutumbu wakwe. 3Wuhi ni wuhi a ku ni txithembo txiya ni nene, wa ti sawulekisa apune, nga ti nene Jesu i ku wo sawuleka.
4Wuhi ni wuhi a mahako txionho, a ndaka mlayo, nguko txionho ngu kundaka mlayo. 5#Wona ni ka: Joh. 1:29. Aniko anu ma tiziva ti to ene a ti wonekisile kasi ku ta thavisa sionho; kambe kwakwe kuwalo txionho. 6Votshe va va zumbako kwakwe kha va onhi. Votshe va va onhako kha va mu wona, kambe kha va m'ziva.
7Sivananananu, m'thu a nga thuke e mi timeta. Awu a mahako to lulama, a lulamile kufana ni nene Jesu a nga lulama. 8Awule a mahako txionho mbwa Sathani nguko Sathani, njionhi kukhukhela makhatoni. Mwanana wa Txizimu a ti wonekisile, kasi ku ta fuvisa mithumo ya Sathani.
9Votshe va va nga velekwa ngu Txizimu, kha va mahi txionho, nguko mbewu ya Txizimu yi mite kwawe. Vona kha va na kuonha, nguko va velekilwe ngu Txizimu. 10Txikombiso txa vanana va Txizimu, ni txa vanana va Sathani ngu txiya: Votshe vale va si mahiko to lulama ni vale va si randiko vanawe kha va lumbi Txizimu.
Randanani!
11 # Wona ni ka: Joh. 13:34. Txiziviso txi hi nga txi engisa kukhukhela makhatoni ngu txiya: Ti to hi randana. 12#Wona ni ka: Gen. 4:8. Hi nga faneni ni Kayini; awuwa, ngukuva i di m'bihi, a date mnanda wakwe. Se a m'dayete txani kani? Mithumo yakwe i ti yo biha, kasi mithumo ya mnanda wakwe i ti yo lulama.
13Mi nga xamaleni, vanathu, ngako ditiko di txi mi vengela. 14#Wona ni ka: Joh. 5:24. Athu ha tiziva ti to hi humile kufani hi txi ya wutomini, nguko ha randa vanathu. Awu asi randiko a ngadi zumbile kufani. 15Votshe va va vengelako vanawe mbadayi va vathu; se ma tiziva ti to kuwalo wu i ku m'dayi, awu wutomi wo mbi guma wu sikotako kuzumba kwakwe. 16Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu. 17Ngako m'thu a di ni tithomba ta ha mafuni hawa, a txi wona mwanawe a si nga naso, se asi mkhataleli, li nga zumbisa kutxani kwakwe lirando la Txizimu kani? 18Sivananananu sangu, hi nga randeni ngu txisofu ni lidimi, aniko he randaneni ngu mithumo ni ditshuri.
Hi na ni kuthemba masoni ka Txizimu
19Ngu kona hi no tiziva ti to hi vathu va ditshuri, se timbilu tathu ti na ka tsana Txizimu. 20Ngako yona mbilu yathu yi txi hi mangala, Txizimu nja hombe kupinda timbilu tathu, kambe Txizimu txa ziva totshe. 21Vorandeka, ngako mbilu yi si hi mangali, hi na ni txithembo ka Txizimu; 22se txihi ni txihi hi no kombela hi na ningwa ngu Txizimu; nguko ha veketa sirumo sa txona ni kumaha ati ti txi tsakisako. 23#Wona ni ka: Joh. 13:34; 15:12,17. Txirumo txa Txizimu ngu txiya: Kukholwa ka ditina da Mwanana wa txona Jesu Kristu, ni kurandana nga ti a nga hi rumisa tona. 24Awule a veketako sirumo sa Txizimu, a zumba ka Txizimu, se Txizimu ni txona txi zumba kwakwe. Ha tiziva ti to Txizimu txi zumba ni nathu; ngu Moya wu txi nga hi ninga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.