1 Samuwele 18
18
1Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene. 2Se ka donedo ditshiku, Sawule a to teka Dhavhidha e tsula nayo m'tini kwawke, asi tumeli taku e tshumela e tsula m'tini ka tate wakwe. 3Se Jonatani ni Dhavhidha va to maha txitumelelano, nguko Jonatani a ti ti mranda ku nga ti ene a ti randisako tona. 4Se Jonatani a to thavisa dijasi dile a nga ti nado e ninga Dhavhidha, kumweko ni syambalo sakwe, ni ditxhari dakwe, ni wulaho wakwe, ni libhande lakwe. 5Se Dhavhidha a ti ti huma eya kotshe amu Sawule a nga ti ti mruma kona, na a txi tsimbila ngu kululama; aniko Sawule a to m'veka kuva mthangeli wa vathu va yimbi, kambe a ti ti tsakelwa ngu votshe vathu, hambi ngu sithumi sa Sawule.
Dibava da Sawule
6Ku to maheka koko, taku, mbimo yi va nga wona Dhavhidha a txi wuya ngu kuya daya Vafilista, vavasikati va dotshe didhoropa da ka Israyeli va to huma ve hingeta mfumeli Sawule, na va txi embelela ni kusinya, singomana, ngu kutsaka ni sivetaveta sa wuembeleli. 7#Wona ni ka: 1 Sam. 21:11; 29:5. Se vavasikati va to womba mmwani ka mmwani, va txi kha vona: Sawule a date digumi da mazana, kambe Dhavhidha a date digumi da magumi a mazana.
8Sekoko Sawule a to henya ngutu, ni dipswi dile di to maneka di di bihile masoni kwakwe; se a txi khene: Digumi da magumi a mazana va ningile Dhavhidha, kambe ani digumi da mazana dwe; kha ditshuri, a kelelelwa ngu txani, hi nga mfumo dwe kani?
9Se kukhukhela ka ditshiku dile ni kuya masoni, Sawule a to bavela Dhavhidha.
10Se ku to maheka taku, ka dimwani ditshiku, moya wo biha wutako ngu ka Txizimu, wu to wulela ka Sawule, e khata kuprofeta nyumbani kwakwe; se Dhavhidha a ti veta txitende txakwe kufana ni mamwani masiku; Sawule koko, a ti ti ni ditxhari manzani kwakwe.
11Se Sawule a to mrinza ditxhari, a txi khene: Ni na thola Dhavhidha ni mpata ni diseta. Kambe Dhavhidha a to vhika sikhati simbidi.
12Sawule a ti thava Dhavhidha, nguko Mkoma a ti ni nene kambe a ti khukhile ka Sawule. 13Ngu kumaha keto, Sawule a to thavisa Dhavhidha, e m'veka kuva mthangeli wa dizana; se a ti wulela ni kuhuma masoni ka vathu. 14Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene. 15Sekoko ngako Sawule a di woni to Dhavhidha a tsimbila ngu kululama, a to ya masoni ngu ku mthava. 16Kambe votshe va ka Israyeli ni va ka Judha vi ti randa Dhavhidha, nguko i ti mthangeli wo tsana.
Dhavhidha e tekana ni mwanana Sawule
17Se Sawule a to khene ka Dhavhidha: Wona taku ni na kuninga Merabhe, mwanana wangu wa hombe, kuva msikati wako; tikombe kuva mwanana wa wu ndena dwe, ulwa tiyimbi ta Mkoma (Nguko Sawule a ti ti khene: Dianza dangu di nga mwukele, kambe a na dawe ngu dianza da Vafilista).
18Kambe Dhavhidha a to khene ka Sawule: Ni mani ani, ni ku wutomi wangu ngu wuhi, ni mwaya wa tate wangu kona Israyeli, aha koza ni maha mwane wa mfumeli kani?
19Ku to maheka taku, mbimo yi Merabhe, mwanana wa Sawule, a nga ti dingana kuningelwa ka Dhavhidha, a to ya ningelwa ka Adriyeli, wa Meyolati.
20Kambe Mikali, mwanana mmwani wa Sawule, a ti randa Dhavhidha; se a di zivisilwe Sawule, ti to maneka i di tinene masoni kwakwe. 21Se Sawule a to khene: Ani ni na mninga, kasiku e va mlawu ni ku dianza da Vafilista di txi wela txitimwi kwakwe. Ngu kumaha keto, Sawule a to khene ka Dhavhidha: Ngu kuteka mmwani, nyamsi u na maha mwane wangu.
22Se Sawule a to ninga sileleto ka sithumi sakwe, a txi khene: Wombawombani ni Dhavhidha ngu txihunja, mi txi khanu: Wona taku, mfumeli wa kutsakela ngutu, ni sotshe sithumi sakwe sa kuranda; konkuwa koko, tumela kumaha mwane wa mfumeli.
23Se sithumi sa Sawule si to gela Dhavhidha otshe mapswi awa. Sekoko Dhavhidha a to khene: Ina yi maneka i di mhaka ya yidhoto kwanu kuva mwane wa mfumeli, aku ani ni ku txisiwana txo eyiseka, kani?
24Se sithumi sa Sawule si to m'zivisa eto, si txi kha sona: Ngu ona mapswi a nga ma womba Dhavhidha. 25Sekoko Sawule a to khene: Gelani Dhavhidha mi txi khanu: Mfumeli kha lavi lowolo, aniko a lava dizana wa wukhuna wa Vafilista, kasi kuphota ka valala va mfumeli. Ngu kumaha keto, Sawule a ti lava kudaya Dhavhidha ngu dianza da Vafilista. 26Se sithumi sakwe si to ya zivisa Dhavhidha mapswi awa, aniko mhakeyo yi to maneka i di ya yinene masoni ka Dhavhidha, yaku e maha mwane wa mfumeli; kambe masiku ma sanzi kutatiseka. 27Sekoko Dhavhidha a to khukha e tsula ene ni vavamna vale a nga ti navo, veya daya 200 wa vavamna hagari ka Vafilista; se Dhavhidha e tisa wukhuna wawe e ta wu ningela wotshe ka mfumeli, kasiku e va mwane wa mfumeli; sekoko Sawule a to mninga mwanana wakwe kuva msikati wakwe. 28Se Sawule a to wona taku kha ditshuri Mkoma a ti ti ni Dhavhidha; ni ku Mikali, mwanana wa Sawule, a ti ti randa Dhavhidha. 29Sekoko Sawule a to thava ngutu Dhavhidha, se Sawule a to maha mlala wa Dhavhidha ka otshe masiku a kuhanya kwakwe.
30Se ngako vathangeli va Vafilista va di humile kuya kulwani, ku to maheka taku Dhavhidha a to ya masoni ngu kumaha kululama kupinda sotshe sithumi sa Sawule; ngu kumaha keto, ditina dakwe di ti ti dhundeka ngutu.
Currently Selected:
1 Samuwele 18: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
1 Samuwele 18
18
1Kambe ku to maheka taku, a di gwitile kuwombawomba ni Sawule, mhefemulo wa Jonatani wu to patana ni mhefemulo wa Dhavhidha; se Jonatani a to m'randa kufana ni ti a ti randisako tona ene. 2Se ka donedo ditshiku, Sawule a to teka Dhavhidha e tsula nayo m'tini kwawke, asi tumeli taku e tshumela e tsula m'tini ka tate wakwe. 3Se Jonatani ni Dhavhidha va to maha txitumelelano, nguko Jonatani a ti ti mranda ku nga ti ene a ti randisako tona. 4Se Jonatani a to thavisa dijasi dile a nga ti nado e ninga Dhavhidha, kumweko ni syambalo sakwe, ni ditxhari dakwe, ni wulaho wakwe, ni libhande lakwe. 5Se Dhavhidha a ti ti huma eya kotshe amu Sawule a nga ti ti mruma kona, na a txi tsimbila ngu kululama; aniko Sawule a to m'veka kuva mthangeli wa vathu va yimbi, kambe a ti ti tsakelwa ngu votshe vathu, hambi ngu sithumi sa Sawule.
Dibava da Sawule
6Ku to maheka koko, taku, mbimo yi va nga wona Dhavhidha a txi wuya ngu kuya daya Vafilista, vavasikati va dotshe didhoropa da ka Israyeli va to huma ve hingeta mfumeli Sawule, na va txi embelela ni kusinya, singomana, ngu kutsaka ni sivetaveta sa wuembeleli. 7#Wona ni ka: 1 Sam. 21:11; 29:5. Se vavasikati va to womba mmwani ka mmwani, va txi kha vona: Sawule a date digumi da mazana, kambe Dhavhidha a date digumi da magumi a mazana.
8Sekoko Sawule a to henya ngutu, ni dipswi dile di to maneka di di bihile masoni kwakwe; se a txi khene: Digumi da magumi a mazana va ningile Dhavhidha, kambe ani digumi da mazana dwe; kha ditshuri, a kelelelwa ngu txani, hi nga mfumo dwe kani?
9Se kukhukhela ka ditshiku dile ni kuya masoni, Sawule a to bavela Dhavhidha.
10Se ku to maheka taku, ka dimwani ditshiku, moya wo biha wutako ngu ka Txizimu, wu to wulela ka Sawule, e khata kuprofeta nyumbani kwakwe; se Dhavhidha a ti veta txitende txakwe kufana ni mamwani masiku; Sawule koko, a ti ti ni ditxhari manzani kwakwe.
11Se Sawule a to mrinza ditxhari, a txi khene: Ni na thola Dhavhidha ni mpata ni diseta. Kambe Dhavhidha a to vhika sikhati simbidi.
12Sawule a ti thava Dhavhidha, nguko Mkoma a ti ni nene kambe a ti khukhile ka Sawule. 13Ngu kumaha keto, Sawule a to thavisa Dhavhidha, e m'veka kuva mthangeli wa dizana; se a ti wulela ni kuhuma masoni ka vathu. 14Se Dhavhidha a to tsimbila ngu kululama ka totshe tinzila takwe, aniko Mkoma a ti ti ni nene. 15Sekoko ngako Sawule a di woni to Dhavhidha a tsimbila ngu kululama, a to ya masoni ngu ku mthava. 16Kambe votshe va ka Israyeli ni va ka Judha vi ti randa Dhavhidha, nguko i ti mthangeli wo tsana.
Dhavhidha e tekana ni mwanana Sawule
17Se Sawule a to khene ka Dhavhidha: Wona taku ni na kuninga Merabhe, mwanana wangu wa hombe, kuva msikati wako; tikombe kuva mwanana wa wu ndena dwe, ulwa tiyimbi ta Mkoma (Nguko Sawule a ti ti khene: Dianza dangu di nga mwukele, kambe a na dawe ngu dianza da Vafilista).
18Kambe Dhavhidha a to khene ka Sawule: Ni mani ani, ni ku wutomi wangu ngu wuhi, ni mwaya wa tate wangu kona Israyeli, aha koza ni maha mwane wa mfumeli kani?
19Ku to maheka taku, mbimo yi Merabhe, mwanana wa Sawule, a nga ti dingana kuningelwa ka Dhavhidha, a to ya ningelwa ka Adriyeli, wa Meyolati.
20Kambe Mikali, mwanana mmwani wa Sawule, a ti randa Dhavhidha; se a di zivisilwe Sawule, ti to maneka i di tinene masoni kwakwe. 21Se Sawule a to khene: Ani ni na mninga, kasiku e va mlawu ni ku dianza da Vafilista di txi wela txitimwi kwakwe. Ngu kumaha keto, Sawule a to khene ka Dhavhidha: Ngu kuteka mmwani, nyamsi u na maha mwane wangu.
22Se Sawule a to ninga sileleto ka sithumi sakwe, a txi khene: Wombawombani ni Dhavhidha ngu txihunja, mi txi khanu: Wona taku, mfumeli wa kutsakela ngutu, ni sotshe sithumi sakwe sa kuranda; konkuwa koko, tumela kumaha mwane wa mfumeli.
23Se sithumi sa Sawule si to gela Dhavhidha otshe mapswi awa. Sekoko Dhavhidha a to khene: Ina yi maneka i di mhaka ya yidhoto kwanu kuva mwane wa mfumeli, aku ani ni ku txisiwana txo eyiseka, kani?
24Se sithumi sa Sawule si to m'zivisa eto, si txi kha sona: Ngu ona mapswi a nga ma womba Dhavhidha. 25Sekoko Sawule a to khene: Gelani Dhavhidha mi txi khanu: Mfumeli kha lavi lowolo, aniko a lava dizana wa wukhuna wa Vafilista, kasi kuphota ka valala va mfumeli. Ngu kumaha keto, Sawule a ti lava kudaya Dhavhidha ngu dianza da Vafilista. 26Se sithumi sakwe si to ya zivisa Dhavhidha mapswi awa, aniko mhakeyo yi to maneka i di ya yinene masoni ka Dhavhidha, yaku e maha mwane wa mfumeli; kambe masiku ma sanzi kutatiseka. 27Sekoko Dhavhidha a to khukha e tsula ene ni vavamna vale a nga ti navo, veya daya 200 wa vavamna hagari ka Vafilista; se Dhavhidha e tisa wukhuna wawe e ta wu ningela wotshe ka mfumeli, kasiku e va mwane wa mfumeli; sekoko Sawule a to mninga mwanana wakwe kuva msikati wakwe. 28Se Sawule a to wona taku kha ditshuri Mkoma a ti ti ni Dhavhidha; ni ku Mikali, mwanana wa Sawule, a ti ti randa Dhavhidha. 29Sekoko Sawule a to thava ngutu Dhavhidha, se Sawule a to maha mlala wa Dhavhidha ka otshe masiku a kuhanya kwakwe.
30Se ngako vathangeli va Vafilista va di humile kuya kulwani, ku to maheka taku Dhavhidha a to ya masoni ngu kumaha kululama kupinda sotshe sithumi sa Sawule; ngu kumaha keto, ditina dakwe di ti ti dhundeka ngutu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.