1 Samuwele 3
3
Txizimu txi woneka ka Samuwele
1Se mfana Samuwele a ti ti thumela Mkoma masoni ka Eli. Se ka masiku oneyo dipswi da Mkoma di ti txiva ngutu; ni siwoniso si singaho. 2Se ku to maheka tito, ka donedo ditshiku, Eli a di otete ka wukhalo wakwe (maso akwe ma to khata kuphuma, a si sikoti kuwona). 3Na kambe a di ngadi otete Samuwele, ni dilambu da Txizimu di sanzi kutimeka dithepeleni ka Mkoma, amu ku nga ti ni dibhokiso da Txizimu, 4Mkoma a to dhana Samuwele, se ene a to khene:
“Ngani wuwa hawa!” 5Se a to tutuma eya ka Eli, a txi khene:
Ngani wuwa hawa, nguko awe u ni dhani.
Aniko Eli a to khene:
Ani kha na kudhana! Tshumela u txi ya otela.
Se Samuwele a to tsula eya otela.
6Se Mkoma a to engeta kambe e dhana Samuwele. Samuwele a to wuka, eya ka Eli, a txiya khene:
Ngani wuwa hawa, nguko awe u ni dhani.
Aniko Eli, a to khene:
Kha na kudhana ani, mwanangu, tshumela u txi ya otela.
7Nguko Samuwele a sanzi kuziva Mkoma, kambe asi khali kupfa dipswi da Mkoma.
8 Mkoma koko, a to engeta e dhana Samuwele da wuraru, se ene a to wuka, e tsula ka Eli, a txiya khene:
Ngani wuwa hawa, nguko awe u ni dhani.
Sekoko Eli a to pfisisa taku i Mkoma a nga ti dhana mfana. 9Ngu kumaha keto, Eli a to khene ka Samuwele:
Tsula u txiya otela, se va txi engeta kambe ve kudhana, u na womba tiya: “Womba-womba Mkoma, nguko txithumi txako txa engisa.”
Sekoko Samuwele a to tsula eya otela ka wukhalo wakwe.
10Sekoko Mkoma a to ta ema, e dhana kufana ni simwani sikhati, a txi khene:
Samuwele, Samuwele!
Se Samuwele a to xamula, a txi khene:
Womba-womba, nguko txithumi txako txa engisa.
11Se Mkoma a to khene ka Samuwele:
Wona tito, ani ni na maha mhaka yokari ka Israyeli, a yi yi no kwangula tinzeveni ka ni wuhi a yi pfako. 12Ka ditshiku donedo, ni na wusa ka Eli totshe tile ni nga ti womba, to wukela nyumba yakwe; na khata an'ze ni heta. 13Nguko ani se ni m'zivisile taku, ni na lamula nyumba yakwe kala kupinduka, ngu mhaka ya sionho si ene asi zivako. Nguko mbimo yi vanana vakwe va nga maha mhaka yo nyenyeza, kha va kawuka. 14Ngu toneto, ni xambanyete nyumba ya Eli, ti taku kuonha ka nyumba ya Eli kha ku na mbi dhuka kudivalelwa kambe, ngu miphaxo, hambi ngu mningelo wa sakudya.
15Se Samuwele a to otela kala di txitxa, sekoko a to tula matimba a Nyumba ya Mkoma; kambe Samuwele a ti ti thava kugela Eli mloro wuwa. 16Sekoko Eli a to dhana Samuwele, a txi khene:
Samuwele, mwanangu!
Se ene a to khene: “Ngani wuwa hawa!”
17Se Eli a to khene: Dipswi muni di a nga kugela kani? Na ku kombela ti to u nga ni sisele; aniko Txizimu txi na mahe eto kwako ni ti timwani to tala, ngako u txi ni sisela mhaka yokari ka totshe timhaka tile txi nga kugela.
18Sekoko Samuwele a to m'gela totshe timhaka tile, asi msiseli txilo. Se Eli a to khene:
I Mkoma; a na mahe ti i ku ta tinene masoni kwakwe!
19Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi. 20Se dotshe ditiko da Israyeli, kukhukhela Dhani kala Bherisebha, va to ziva ti to Samuwele a vekilwe kumaha mprofeti wa Mkoma. 21Se Mkoma a to engeta kambe e humelela kona Silo, ngako Mkoma a nga ti tiwonekisa ka Samuwele, kona Silo, ngu dipswi da Mkoma.
Currently Selected:
1 Samuwele 3: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
1 Samuwele 3
3
Txizimu txi woneka ka Samuwele
1Se mfana Samuwele a ti ti thumela Mkoma masoni ka Eli. Se ka masiku oneyo dipswi da Mkoma di ti txiva ngutu; ni siwoniso si singaho. 2Se ku to maheka tito, ka donedo ditshiku, Eli a di otete ka wukhalo wakwe (maso akwe ma to khata kuphuma, a si sikoti kuwona). 3Na kambe a di ngadi otete Samuwele, ni dilambu da Txizimu di sanzi kutimeka dithepeleni ka Mkoma, amu ku nga ti ni dibhokiso da Txizimu, 4Mkoma a to dhana Samuwele, se ene a to khene:
“Ngani wuwa hawa!” 5Se a to tutuma eya ka Eli, a txi khene:
Ngani wuwa hawa, nguko awe u ni dhani.
Aniko Eli a to khene:
Ani kha na kudhana! Tshumela u txi ya otela.
Se Samuwele a to tsula eya otela.
6Se Mkoma a to engeta kambe e dhana Samuwele. Samuwele a to wuka, eya ka Eli, a txiya khene:
Ngani wuwa hawa, nguko awe u ni dhani.
Aniko Eli, a to khene:
Kha na kudhana ani, mwanangu, tshumela u txi ya otela.
7Nguko Samuwele a sanzi kuziva Mkoma, kambe asi khali kupfa dipswi da Mkoma.
8 Mkoma koko, a to engeta e dhana Samuwele da wuraru, se ene a to wuka, e tsula ka Eli, a txiya khene:
Ngani wuwa hawa, nguko awe u ni dhani.
Sekoko Eli a to pfisisa taku i Mkoma a nga ti dhana mfana. 9Ngu kumaha keto, Eli a to khene ka Samuwele:
Tsula u txiya otela, se va txi engeta kambe ve kudhana, u na womba tiya: “Womba-womba Mkoma, nguko txithumi txako txa engisa.”
Sekoko Samuwele a to tsula eya otela ka wukhalo wakwe.
10Sekoko Mkoma a to ta ema, e dhana kufana ni simwani sikhati, a txi khene:
Samuwele, Samuwele!
Se Samuwele a to xamula, a txi khene:
Womba-womba, nguko txithumi txako txa engisa.
11Se Mkoma a to khene ka Samuwele:
Wona tito, ani ni na maha mhaka yokari ka Israyeli, a yi yi no kwangula tinzeveni ka ni wuhi a yi pfako. 12Ka ditshiku donedo, ni na wusa ka Eli totshe tile ni nga ti womba, to wukela nyumba yakwe; na khata an'ze ni heta. 13Nguko ani se ni m'zivisile taku, ni na lamula nyumba yakwe kala kupinduka, ngu mhaka ya sionho si ene asi zivako. Nguko mbimo yi vanana vakwe va nga maha mhaka yo nyenyeza, kha va kawuka. 14Ngu toneto, ni xambanyete nyumba ya Eli, ti taku kuonha ka nyumba ya Eli kha ku na mbi dhuka kudivalelwa kambe, ngu miphaxo, hambi ngu mningelo wa sakudya.
15Se Samuwele a to otela kala di txitxa, sekoko a to tula matimba a Nyumba ya Mkoma; kambe Samuwele a ti ti thava kugela Eli mloro wuwa. 16Sekoko Eli a to dhana Samuwele, a txi khene:
Samuwele, mwanangu!
Se ene a to khene: “Ngani wuwa hawa!”
17Se Eli a to khene: Dipswi muni di a nga kugela kani? Na ku kombela ti to u nga ni sisele; aniko Txizimu txi na mahe eto kwako ni ti timwani to tala, ngako u txi ni sisela mhaka yokari ka totshe timhaka tile txi nga kugela.
18Sekoko Samuwele a to m'gela totshe timhaka tile, asi msiseli txilo. Se Eli a to khene:
I Mkoma; a na mahe ti i ku ta tinene masoni kwakwe!
19Se Samuwele a to kula, na Mkoma a di kumweko nayo, kambe asi leki ni da dimwedo ka otshe mapswi akwe mewa hahatshi. 20Se dotshe ditiko da Israyeli, kukhukhela Dhani kala Bherisebha, va to ziva ti to Samuwele a vekilwe kumaha mprofeti wa Mkoma. 21Se Mkoma a to engeta kambe e humelela kona Silo, ngako Mkoma a nga ti tiwonekisa ka Samuwele, kona Silo, ngu dipswi da Mkoma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.