2 Timoti 4
4
1Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe: 2Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi. 3Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi. 4Vona va na hambukisa tinzeve tawe ka ditshuri, se va na rendekela mabhulo awalo. 5Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako. 6Nguko ani se ni hafuhi ni kuningelwa nga mhamba ya kubhawa; txikhati txa kurura kwangu txi hokile. 7Ni lwite yimbi ya yinene, ni hetile mnava wa kututuma kwangu, ni veketile likholo. 8Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.
Sialakanyiso ka Timoti
9Zama kuta kheno kwangu ngu kukuluveta. 10#Wona ni ka: Vakl. 4:14; Film. 24; 2 Vak. 8:23; Vag. 2:3; Tit. 1:4. Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya. 11#Wona ni ka: Vakl. 4:14; Film. 24; Mith. 12:12,25; 13:13; 15:37-39; Vakl. 4:10. Luka ngene ekha a ku ni nani. Ngono ni Marku nguko wa ni vhuna ngutu mthumoni. 12Ani Tikikusi ni mrumete Efesu. 13#Wona ni ka: Mith. 20:6. Ngako u txi ta, neha dijasi diya ni ngadi siya Trowasi ka Karpusi, kumweko ni mabhuku, ngutu-ngutu mapapilo a madhowo. 14#Wona ni ka: 1 Tim. 1:20; Mas. 62:12; Var. 2:6. Alexandre mtshuli, a ni mahete tshofu yo biha ngutu. Mkoma a na mtshumetele madingano ni mithumo yakwe. 15Nanawe ti wonele ngu ngene, nguko ene a tshurarete mapswi athu ngu mtamo.
16Kutiangulelani kwangu ko khata, kuwalo ni wammweyo a nga ni emela, votshe va ni lekile ha mpfhukani. Kambe va nga thuke va txi ningwa mnandu ka mhaka yiya. 17Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo. 18Mkoma a na ni hulusa ni ka yotshe mithumo yo biha; a na ni ponisa kasiku e ni yisa ka Mfumo wakwe wa nzumani. Kupfaliswa ku nave kwakwe ngu malembe ni malembe. Amen.
Madingulisa o gwitisa
19Dingula Priskila ni Akila, kufana ni mwaya wa Onesiforo. 20#Wona ni ka: Mith. 19:22; Var. 16:23; Mith. 20:4; 21:29. Erasto a sate Korinto. Ni site Trofimo a txi lwala didhoropani ka Mileto. 21Kuluveta u txi ta kheno wu sinzi kuhoka wuxika. Va kudingula: Eubhulusi, ni Pudhente ni Lino ni Klawudhiyo ni votshe vanathu.
22Mkoma a nave ni moya wako! Kateko yi nave ni nanu motshenu!
Currently Selected:
2 Timoti 4: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
2 Timoti 4
4
1Na ku xambanyisa masoni ka Txizimu ni ka Jesu Kristu, awu a nota lamula vohanya ni vofa ngu kutiwonekisa kwakwe ni mfumo wakwe: 2Txhumayela dipswi, khutala ka mbimo yi yi fanelako ni ka mbimo yi yi si faneliko; kawuka, laya, gondisa ngu kuhonisela ni wuzivi. 3Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi. 4Vona va na hambukisa tinzeve tawe ka ditshuri, se va na rendekela mabhulo awalo. 5Aniko, awe, zumba u di tsani yotshe mbimo, timisela amu ka sixaniso, ti ningetele ka mthumo wa Evhangeli, hetisa mthumo wako. 6Nguko ani se ni hafuhi ni kuningelwa nga mhamba ya kubhawa; txikhati txa kurura kwangu txi hokile. 7Ni lwite yimbi ya yinene, ni hetile mnava wa kututuma kwangu, ni veketile likholo. 8Konkuwa ni lulamisetwe m'bhoti wo lulama, awu ni nota ningwa ngu Mkoma, mlamuli wo lulama, ka ditshiku da hombe, i si nga ani nokha, aniko ni ka votshe vale va no va va di rinzete ngu lirando kuhumelela kwakwe.
Sialakanyiso ka Timoti
9Zama kuta kheno kwangu ngu kukuluveta. 10#Wona ni ka: Vakl. 4:14; Film. 24; 2 Vak. 8:23; Vag. 2:3; Tit. 1:4. Nguko Dhamasi, ngu kuranda sa mafu awa, a ni thavile e tsula Tesalonika, Kreseka a tsute Galatiya, ni Titosi a tsute Dhalmatiya. 11#Wona ni ka: Vakl. 4:14; Film. 24; Mith. 12:12,25; 13:13; 15:37-39; Vakl. 4:10. Luka ngene ekha a ku ni nani. Ngono ni Marku nguko wa ni vhuna ngutu mthumoni. 12Ani Tikikusi ni mrumete Efesu. 13#Wona ni ka: Mith. 20:6. Ngako u txi ta, neha dijasi diya ni ngadi siya Trowasi ka Karpusi, kumweko ni mabhuku, ngutu-ngutu mapapilo a madhowo. 14#Wona ni ka: 1 Tim. 1:20; Mas. 62:12; Var. 2:6. Alexandre mtshuli, a ni mahete tshofu yo biha ngutu. Mkoma a na mtshumetele madingano ni mithumo yakwe. 15Nanawe ti wonele ngu ngene, nguko ene a tshurarete mapswi athu ngu mtamo.
16Kutiangulelani kwangu ko khata, kuwalo ni wammweyo a nga ni emela, votshe va ni lekile ha mpfhukani. Kambe va nga thuke va txi ningwa mnandu ka mhaka yiya. 17Aniko Mkoma a ni emete, a txi ni tsanisa, kasiku dipswi di txi txhumayelwa ngu ngani, ngu kuhetiseka, ti to di txi mana kuengiswa ngu votshe vamatiko. Ani ni hulukisilwe ka txisofu txa ngonyamo. 18Mkoma a na ni hulusa ni ka yotshe mithumo yo biha; a na ni ponisa kasiku e ni yisa ka Mfumo wakwe wa nzumani. Kupfaliswa ku nave kwakwe ngu malembe ni malembe. Amen.
Madingulisa o gwitisa
19Dingula Priskila ni Akila, kufana ni mwaya wa Onesiforo. 20#Wona ni ka: Mith. 19:22; Var. 16:23; Mith. 20:4; 21:29. Erasto a sate Korinto. Ni site Trofimo a txi lwala didhoropani ka Mileto. 21Kuluveta u txi ta kheno wu sinzi kuhoka wuxika. Va kudingula: Eubhulusi, ni Pudhente ni Lino ni Klawudhiyo ni votshe vanathu.
22Mkoma a nave ni moya wako! Kateko yi nave ni nanu motshenu!
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.