Genesisi 34
34
Kumahiswa ka Dhina
1Se Dhina, mwana Jakobe ni Leya, a to huma kasi kuya wona vanana vamahorana a ditiko donedo. 2Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa. 3Aniko msana keto, a to randa wule wa dihorana#34:3 Txihebheru a wombawombile mbiluni ka muhorana. ngu ditshuri, se e maha ngu kuwombawomba nayo ngu lirando. 4Sikemi a to womba ka Hamori, tate wakwe, a txi khene:
“Ni lowolele mbiri yiya, yi txi maha msikati wangu.”
5Mbimo yile Jakobe a nga ziva taku, Sikemi a onhile mwanana wakwe Dhina, kambe, ngako vanana vakwe va mazambi va nga ti si nga ho, va nga ti bhuwani, kudyisani ka sifuyo, a to malala kala kuza ve wuya. 6Hamori, tate wa Sikemi, a to ya ka Jakobe kasi kuya womba-womba nayo. 7Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila. 8Sekoko Hamori a to womba kwawe, a txi khene:
“Mwanana wangu Sikemi wa randa ngu mbilu yotshe yakwe, mwanana wanu wa dihorana; na kombela mi txi ni tumelela, e tekana nayo.” 9Ngu mhaka yeto, a hi pfananeni: Anu mi na hi ninga vanana vanu vamahorana, se nanu mi na teka vanana vathu vamahorana, va txi maha vasikati vanu. 10Mi na zumba ni nathu, ditiko diya di na va mtamoni kwanu: Mi na aka ka dona, mi txi maha wukwewu ni ku ti lavela tithomba.
11Sikemi a to womba ka tate ni ka tindiya ta Dhina, a txi khene:
“Sizani mi txi ni tumelela, ni na mi ninga ni txihi mi no ni kombela! 12Engetelani lowolo yayingi kwangu, ni txiningo, se ni na mi ninga si mi no si kombela; anu koko ni ningeni mwanana wanu, e maha msikati wangu!”
13Sekoko, vanana va Jakobe va xamute ngu wukanganyisi ka Sikemi ni Hamori, tate wakwe, ve womba-womba ngu ku va phungeletela, nguko Sikemi a ti ti nyenyezisile ndiyawe Dhina. 14Vona va va gete va txi kha vona:
“Kha hi sikoti ku ti maha eto: Kuningela ndiyathu ka dikhutu, nguko hagari kwathu ta yila. 15Hi na tumela dwe ngako hi txi pfana ka yiya mhaka: Mi fanete kutumela, ti to votshe vavamna hagari kwanu ve sinyiswa wukwera, kufana ni nathu, 16sekoko hi na mi ninga vanana vathu vamahorana, nanu mi hi ninga vanana vanu vamahorana, se hi na zumba kumweko ni nanu, hi maha vamwevo. 17Aniko, ngako mi si tumeli mhaka ya wukwera, kha hi na mbi pfana, hi na teka mwanana wathu hi txi tsula.”
18Mapswi awe ma to tsakisa Hamori ni Sikemi, mwanana wakwe. 19Dizambi diya di to kuluveta kumaha ati ti nga kombelwa, nguko di ti ti mranda ta tinene Dhina, mwana Jakobe, wa dihorana; hahanze keto, Sikemi i ti wo thembeka ngutu hagari ka wotshe m'ti wa tate wakwe.
20Hamori ni Sikemi mwanana wakwe, va to ya ha txikeni ka didhoropa dawe, va txi ya womba ka votshe vathu va didhoropa dawe va txi kha vona:
21“Vathu vava va ku hagari kwathu, mbathu vavanene: Va na ake amu ditikoni kwathu, ve zumba ni nathu, ve maha mabhindu awe ngu kutxhatxheka, ditiko diya nda hombe, da sikota ku va amukela; hi na teka vanana vawe vamahorana va txi maha vasikati vathu, nanathu hi na va ninga vanana vathu vamahorana. 22Aniko vathu vava, va tumela dwe kuzumba ni nathu va txi maha vamwevo ni nathu, ngako votshe vavamna va hagari kwathu va txi sinyiswa wukwera, nga ti ni vona va nga sinyiswa wukwera. 23Mitxhambi yawe, sifuyo sawe, ni totshe tithomba tawe, ina kha si na mbi hi lumba kani? He tumeleni ati va wombako kasiku ve zumba ni nathu.”
24Hamori ni Sikemi mwanakwe, va to engiswa ngu votshe avale va nga ti ngu ha txikeni ka didhoropa dawe, se votshe vavamna va to tumela kusinyiswa wukwera. 25Ka ditshiku da wuraru, ngako avale vavamna va txi ngadi va txi pfa kupanda, vafana va vambidi va Jakobe, Simiyoni ni Levhi, tindiya ta Dhina, mmweyo ni mmweyo wawe a to teka ditxhari, va txi ya wulela didhoropani va si wonwi ngu m'thu, va txi ya dayetela votshe vavamna. 26Va to daya ngu ditxhari nene Hamori ni Sikemi mwanakwe, ve teka Dhina ndiyawe, amu nyumbani ka Sikemi, ve tsula nayo. 27Vafana va Jakobe va to handa simaha sa vale va nga va dayela, va txi ya handa kambe didhoropani, kufela kupharela mhaka ya kunyenyeza, ayi va nga yi maha ka Dhina, ndiyawe.
28Va to teketela tinvuta tawe, ni tihomu tawe, ni timbongola tawe, ni sotshe asi si nga ti didhoropani ni si si nga ti tithembweni kwawe. 29Va to handa tithomba tawe totshe, ni vasikati vawe, ve handa ni sotshe si si nga ti tinyumbani kwakwe. 30Sekoko Jakobe a to womba ka Simiyoni ni ka Levhi, a txi khene:
“Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”
31Vona va to womba, va txi kha vona:
“Ina ndinene kutekwa ndiyathu e mahwa digelegele kani?”
Currently Selected:
Genesisi 34: BEC2016
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Genesisi 34
34
Kumahiswa ka Dhina
1Se Dhina, mwana Jakobe ni Leya, a to huma kasi kuya wona vanana vamahorana a ditiko donedo. 2Sikemi mwana Hamori, muhevhi, mfumeli wa ditiko, mbimo yi a nga mu wona, a to mñola, a txi otela nayo ngu kummahisa. 3Aniko msana keto, a to randa wule wa dihorana#34:3 Txihebheru a wombawombile mbiluni ka muhorana. ngu ditshuri, se e maha ngu kuwombawomba nayo ngu lirando. 4Sikemi a to womba ka Hamori, tate wakwe, a txi khene:
“Ni lowolele mbiri yiya, yi txi maha msikati wangu.”
5Mbimo yile Jakobe a nga ziva taku, Sikemi a onhile mwanana wakwe Dhina, kambe, ngako vanana vakwe va mazambi va nga ti si nga ho, va nga ti bhuwani, kudyisani ka sifuyo, a to malala kala kuza ve wuya. 6Hamori, tate wa Sikemi, a to ya ka Jakobe kasi kuya womba-womba nayo. 7Mbimo yi vanana va majaha va Jakobe va nga wuya ngu bhuwani, ve ta engisa mhakeyo ya ndiyawe, vona va to henya ni kupandiseka ngutu, ngu mhakeyo yo nyenyeza yi nga mahwa ngu Sikemi nyumbani ka Israyeli, ngu kuotela ni mwana Jakobe, wa dihorana: Ayi i ku mhaka ya kuyila. 8Sekoko Hamori a to womba kwawe, a txi khene:
“Mwanana wangu Sikemi wa randa ngu mbilu yotshe yakwe, mwanana wanu wa dihorana; na kombela mi txi ni tumelela, e tekana nayo.” 9Ngu mhaka yeto, a hi pfananeni: Anu mi na hi ninga vanana vanu vamahorana, se nanu mi na teka vanana vathu vamahorana, va txi maha vasikati vanu. 10Mi na zumba ni nathu, ditiko diya di na va mtamoni kwanu: Mi na aka ka dona, mi txi maha wukwewu ni ku ti lavela tithomba.
11Sikemi a to womba ka tate ni ka tindiya ta Dhina, a txi khene:
“Sizani mi txi ni tumelela, ni na mi ninga ni txihi mi no ni kombela! 12Engetelani lowolo yayingi kwangu, ni txiningo, se ni na mi ninga si mi no si kombela; anu koko ni ningeni mwanana wanu, e maha msikati wangu!”
13Sekoko, vanana va Jakobe va xamute ngu wukanganyisi ka Sikemi ni Hamori, tate wakwe, ve womba-womba ngu ku va phungeletela, nguko Sikemi a ti ti nyenyezisile ndiyawe Dhina. 14Vona va va gete va txi kha vona:
“Kha hi sikoti ku ti maha eto: Kuningela ndiyathu ka dikhutu, nguko hagari kwathu ta yila. 15Hi na tumela dwe ngako hi txi pfana ka yiya mhaka: Mi fanete kutumela, ti to votshe vavamna hagari kwanu ve sinyiswa wukwera, kufana ni nathu, 16sekoko hi na mi ninga vanana vathu vamahorana, nanu mi hi ninga vanana vanu vamahorana, se hi na zumba kumweko ni nanu, hi maha vamwevo. 17Aniko, ngako mi si tumeli mhaka ya wukwera, kha hi na mbi pfana, hi na teka mwanana wathu hi txi tsula.”
18Mapswi awe ma to tsakisa Hamori ni Sikemi, mwanana wakwe. 19Dizambi diya di to kuluveta kumaha ati ti nga kombelwa, nguko di ti ti mranda ta tinene Dhina, mwana Jakobe, wa dihorana; hahanze keto, Sikemi i ti wo thembeka ngutu hagari ka wotshe m'ti wa tate wakwe.
20Hamori ni Sikemi mwanana wakwe, va to ya ha txikeni ka didhoropa dawe, va txi ya womba ka votshe vathu va didhoropa dawe va txi kha vona:
21“Vathu vava va ku hagari kwathu, mbathu vavanene: Va na ake amu ditikoni kwathu, ve zumba ni nathu, ve maha mabhindu awe ngu kutxhatxheka, ditiko diya nda hombe, da sikota ku va amukela; hi na teka vanana vawe vamahorana va txi maha vasikati vathu, nanathu hi na va ninga vanana vathu vamahorana. 22Aniko vathu vava, va tumela dwe kuzumba ni nathu va txi maha vamwevo ni nathu, ngako votshe vavamna va hagari kwathu va txi sinyiswa wukwera, nga ti ni vona va nga sinyiswa wukwera. 23Mitxhambi yawe, sifuyo sawe, ni totshe tithomba tawe, ina kha si na mbi hi lumba kani? He tumeleni ati va wombako kasiku ve zumba ni nathu.”
24Hamori ni Sikemi mwanakwe, va to engiswa ngu votshe avale va nga ti ngu ha txikeni ka didhoropa dawe, se votshe vavamna va to tumela kusinyiswa wukwera. 25Ka ditshiku da wuraru, ngako avale vavamna va txi ngadi va txi pfa kupanda, vafana va vambidi va Jakobe, Simiyoni ni Levhi, tindiya ta Dhina, mmweyo ni mmweyo wawe a to teka ditxhari, va txi ya wulela didhoropani va si wonwi ngu m'thu, va txi ya dayetela votshe vavamna. 26Va to daya ngu ditxhari nene Hamori ni Sikemi mwanakwe, ve teka Dhina ndiyawe, amu nyumbani ka Sikemi, ve tsula nayo. 27Vafana va Jakobe va to handa simaha sa vale va nga va dayela, va txi ya handa kambe didhoropani, kufela kupharela mhaka ya kunyenyeza, ayi va nga yi maha ka Dhina, ndiyawe.
28Va to teketela tinvuta tawe, ni tihomu tawe, ni timbongola tawe, ni sotshe asi si nga ti didhoropani ni si si nga ti tithembweni kwawe. 29Va to handa tithomba tawe totshe, ni vasikati vawe, ve handa ni sotshe si si nga ti tinyumbani kwakwe. 30Sekoko Jakobe a to womba ka Simiyoni ni ka Levhi, a txi khene:
“Anu mi ni wusete dikhombo da hombe, ni livengo, masoni ka vanyamne va ditiko diya, Vakanana, ni Vaferezi: Athu hi vadotho, ngako vona va txo sengeletana ve hi wukela, hi na fuviswa, ani, ni mwaya wangu.”
31Vona va to womba, va txi kha vona:
“Ina ndinene kutekwa ndiyathu e mahwa digelegele kani?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.