Hoseya 2
2
1“Gelani vananu mi txi khanu: Ami; ni tindiyanu mi txi khanu: Ruwama.”
Kwa mbi thembeka ka va ka Israyeli
2Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe. 3Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora, 4ni si pfeli wumbilu vanana vakwe, nguko vanana va wugelegele. 5Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.
6Ngu kumaha keto, wona taku ni na tsiva nzila yako ngu mipa, kambe ni na guleta diguma da makhukhu, kasiku asi mani tisoko takwe. 7Se a na londeta sigango sakwe, aniko kha na mbi si manela; a na si lava aniko kha na mbi si mana. Sekoko a na khene: “Ni na tsula, ni tshumelela ka mwamna wangu wo khata, nguko kona ni ti tshuko kupinda kuwa.” 8Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali. 9Ngu toneto, ni na mtekela mafaka angu, ngu mbimo yo funyela, ni vhinya yangu, ngu mbimo ya kona; ni na m'honyola matoya angu ni linyu yangu, sile a nga ti fenengeta ngu sona wumbwiri wakwe. 10Se konkuwa, ni na vhunungula wumbwiri wakwe masoni ka sigango sakwe, kambe kha ku na wu a no mtxhatxhisa manzani kwangu. 11Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe. 12Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga. 13Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.
Txizimu txa randa vathu va txona
14Wonani taku, ani ni na mndinda, ni m'yisa txiwulani, ni ya womba-womba mbiluni kwakwe. 15“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.” 16Se ku na maheka ka dona ditshiku dile, kuwomba Mkoma, ti to u ni dhana, ku khawe: “Mkatangu, kambe khu na mbi ni dhana kambe ku khawe: Bhahali wangu.” 17Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.
18Se ka ditshiku dile ni na maha ngu vona txitumelelano, ni sihari sa tshofu sa txitinga, ni sinyana sa nzumani, ni sihari so tsimbila ngu mrumbu sa ha mafuni; kambe ni na thavisa wulaho ni ditxhari, ni gumisa ni yimbi ditikoni, ni va maha ve zumba ngu kutsana.
19Se ni na kuteka u va msikati wangu ngu ha ku si gwitiko; na kuteka ngu kululama, ni wulamuli, ni wumbilu, ni wunene. 20Se ni na kuteka ngu kuthembeka, kambe u na ziva Mkoma. 21Se ku na maheka ka dona ditshiku dile ani ni no xamula, kuwomba Mkoma, ani ni na xamula nzuma, kambe yona yi na xamula mafu. 22Se mafu ma na xamula ka fulaho, ni ka dosi, ni ka mafura; sona si na xamula ka Jezireyeli. 23#Wona ni ka: Var. 9:25; 1 Ped. 2:10. Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!
Currently Selected:
Hoseya 2: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Hoseya 2
2
1“Gelani vananu mi txi khanu: Ami; ni tindiyanu mi txi khanu: Ruwama.”
Kwa mbi thembeka ka va ka Israyeli
2Khongotelani mame wanu, mkhongoteleni, nguko ene hi nga msikati wangu, se ani kha ni nga mwamna wakwe; a na hambane ni wugelegele khoheni kwakwe, ni wungango wakwe titshumbuni kwakwe. 3Kasiku ani ni si mleki a sa ambala txilo, ni m'veka kufana ni ditshiku dile a nga velekwa ngu dona, ni mmaha e fana ni txiwula, ni m'veka kufana ni ditiko da txihaha, ni m'daya ngu ditora, 4ni si pfeli wumbilu vanana vakwe, nguko vanana va wugelegele. 5Nguko mame wawe a mahile wugelegele, awule a nga va veleka a mahile mhaka ya tingana, nguko a khene: Na londetela singango sangu, sile si ni ningako sakudya sangu, ni mati angu, matoya a tinvuta ni linyu yangu, mafura angu ni sa kusela sangu.
6Ngu kumaha keto, wona taku ni na tsiva nzila yako ngu mipa, kambe ni na guleta diguma da makhukhu, kasiku asi mani tisoko takwe. 7Se a na londeta sigango sakwe, aniko kha na mbi si manela; a na si lava aniko kha na mbi si mana. Sekoko a na khene: “Ni na tsula, ni tshumelela ka mwamna wangu wo khata, nguko kona ni ti tshuko kupinda kuwa.” 8Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali. 9Ngu toneto, ni na mtekela mafaka angu, ngu mbimo yo funyela, ni vhinya yangu, ngu mbimo ya kona; ni na m'honyola matoya angu ni linyu yangu, sile a nga ti fenengeta ngu sona wumbwiri wakwe. 10Se konkuwa, ni na vhunungula wumbwiri wakwe masoni ka sigango sakwe, kambe kha ku na wu a no mtxhatxhisa manzani kwangu. 11Se na heta kutsaka kwakwe kotshe, ni mibuso yakwe, ni kumeka ka mitxima yakwe, ni Masabbata akwe, ni yotshe mibuso yakwe. 12Se ni na onhetela mivhinya yakwe, ni mikuwu yakwe, yile a wombako ngu yona, a txi khene: Ayiya i hakhelo yi ni nga ningwa ngu sigango sangu; ani koko, ni na si hundula si maha txitinga, se si na dyiwa ngu sihari sa tshofu sa txitinga. 13Na mtsayisa ngu mhaka ya masiku a Bhahali, ale a nga m'hisela ngu ona dibaselo, a txi ti bombisa ngu singeda sakwe ni wusekenya mkoloni kwakwe, ni kulondetela sigango sakwe, aniko ani a ni divate, kuwomba Mkoma.
Txizimu txa randa vathu va txona
14Wonani taku, ani ni na mndinda, ni m'yisa txiwulani, ni ya womba-womba mbiluni kwakwe. 15“Ni na mninga mivhinya yakwe koneyo, ni mkova wa Akori, si maha txike txa kuthemba; se koneyo a na embelela kufana ni masiku a wuhorana wakwe, ni ku nga ditshiku dile a nga huma ngu ditikoni ka Egipta.” 16Se ku na maheka ka dona ditshiku dile, kuwomba Mkoma, ti to u ni dhana, ku khawe: “Mkatangu, kambe khu na mbi ni dhana kambe ku khawe: Bhahali wangu.” 17Ni na thavisa matina a va ka bhahali txisofuni kwako, ni matina awe kha ma na mbi khumbukwa kambe.
18Se ka ditshiku dile ni na maha ngu vona txitumelelano, ni sihari sa tshofu sa txitinga, ni sinyana sa nzumani, ni sihari so tsimbila ngu mrumbu sa ha mafuni; kambe ni na thavisa wulaho ni ditxhari, ni gumisa ni yimbi ditikoni, ni va maha ve zumba ngu kutsana.
19Se ni na kuteka u va msikati wangu ngu ha ku si gwitiko; na kuteka ngu kululama, ni wulamuli, ni wumbilu, ni wunene. 20Se ni na kuteka ngu kuthembeka, kambe u na ziva Mkoma. 21Se ku na maheka ka dona ditshiku dile ani ni no xamula, kuwomba Mkoma, ani ni na xamula nzuma, kambe yona yi na xamula mafu. 22Se mafu ma na xamula ka fulaho, ni ka dosi, ni ka mafura; sona si na xamula ka Jezireyeli. 23#Wona ni ka: Var. 9:25; 1 Ped. 2:10. Ni na tiphayela ene ha mafuni, ni pfela wumbilu Lo-Ruwama; se ka Lo-Ami ni na khani: Awe u ditiko dangu! Se ene a na khene: Awe u Txizimu txangu!
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.