Hoseya 6
6
Kutilaya ka wukanganyisi
1Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu. 2#Wona ni ka: Luk. 24:46; 1 Vak. 15:4. Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe. 3A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.
4Awe Efrayime ni na maha txani ngu ngawe kani? Na maha txani ngu ngawe, awe Judha kani? Nguko lirando lanu li fana ni direfu da mixo, ni ku nga mwando wa mabimbi-kutxa, wu kuluvetako kutshatsheka. 5Ngu toneto, ni va pekile ngu vaprofeti; ni va date ngu dipswi da txisofu txangu; kambe kulamula kwako ku na humelela kufana ni kuwonekela. 6#Wona ni ka: Mat. 9:13; 12:7. Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.
7Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa. 8Gileyadhi didhoropa da vale va mahako wubihi, di tate ngu mnoha. 9Kufana ni mitxawa ya sigevenga si solelako m'thu, ngu toneto, mtxawa wa vaphaxeli va daya vathu va vayako Sikemi; ina, va maha to nyenyeza. 10Ni wona timhaka to thisa ngutu nyumbani ka va ka Israyeli: Efrayime a maha wugelegele konemo, Israyeli a ti nyenyezisile.
11Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.
Currently Selected:
Hoseya 6: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Hoseya 6
6
Kutilaya ka wukanganyisi
1Ngonani, hi tshumelela ka Mkoma, nguko ene a hi phatulete, se a na hi kalamukisa; a hi lematile, aniko a na sungelela silonda sathu. 2#Wona ni ka: Luk. 24:46; 1 Vak. 15:4. Msana ka masiku mambidi, a na hi ninga wutomi; ngu ditshiku da wuraru a na hi wusa, hi hanya masoni kwakwe. 3A hi m'ziveni, a hi yeni masoni ngu kuziva Mkoma, kuhuma kwakwe ku na fana ni kugwimba ka wuronga; se a nata kwathu ku nga kuwa ka mati, ku nga mati matshutshelako me nakanisa mafu.
4Awe Efrayime ni na maha txani ngu ngawe kani? Na maha txani ngu ngawe, awe Judha kani? Nguko lirando lanu li fana ni direfu da mixo, ni ku nga mwando wa mabimbi-kutxa, wu kuluvetako kutshatsheka. 5Ngu toneto, ni va pekile ngu vaprofeti; ni va date ngu dipswi da txisofu txangu; kambe kulamula kwako ku na humelela kufana ni kuwonekela. 6#Wona ni ka: Mat. 9:13; 12:7. Nguko ani ni lava wumbilu, kha ni lavi mphaxo; ni kuziva Txizimu kupinda miningelo yo hiswa.
7Kambe vona va ndakile txitumelelano kufana ni Adhamu; se vona va tsimbite ngu nzila yo ni kanganyisa. 8Gileyadhi didhoropa da vale va mahako wubihi, di tate ngu mnoha. 9Kufana ni mitxawa ya sigevenga si solelako m'thu, ngu toneto, mtxawa wa vaphaxeli va daya vathu va vayako Sikemi; ina, va maha to nyenyeza. 10Ni wona timhaka to thisa ngutu nyumbani ka va ka Israyeli: Efrayime a maha wugelegele konemo, Israyeli a ti nyenyezisile.
11Na nawe Judha kufunyelwa kwako ku emisetwe, mbimo yile ani ni no humisa vathu vangu ngu wukhumbini.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.