Hoseya 9
9
Hoseya a zivisa kutsayiswa ka Israyeli
1U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho. 2Dithala ni mkawu kha si na mbi mi zumbisa; se vhinya yi na pwateka. 3Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala. 4Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma. 5Mi na maha txani anu ka ditshiku da mpipi ni ka ditshiku da m'buso wa Mkoma kani? 6Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe. 7#Wona ni ka: Luk. 21:22. Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.
8Efrayime i ti muwoneleli kumweko ni Txizimu txangu, kambe mprofeti a fana ni litshenga la mxoti wa sinyana ka totshe tinzila takwe, m'lala nyumbani ka Txizimu txakwe. 9#Wona ni ka: Val. 19:1-30. Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.
10 # Wona ni ka: Mit. 25:1-5. Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa. 11Ka Efrayime, wudhumo wakwe wu na puruma ku nga txinyana; kha ku na mbi va ni liveleko, kha ku na mbi va ni vanana, hambi sirumbu. 12Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!
13Efrayime, ngu nga ti ni nga muwonisa tona Tiro,
a phayilwe ka wukhalo wo tsakisa ngutu;
kambe Efrayime a na yisa vanana vakwe ka m'dayi.
14Va ninge, awe Mkoma; aniko u na va ninga txani kani?
Va ninge mame wule a no tshumela ngu msana,
wa titshumbu to oma.
15Wotshe wubihi wawe wu maneka Giligali
nguko nguho ni nga va nyenyela kona;
ngu mhaka ya wubihi wa mithumo yawe, ni na va
tshotsha hahanze ka nyumba yangu, kha ni na
mbi va randa kambe;
votshe vathangeli vawe mba kutitsimba.
16Efrayime a dawisilwe,
m'twi wakwe u omile;
va na mbi veleka mihando:
Ina, hambi va txo veleka,
ani na daya mihando yo dhundeka mndani kwawe.
17Txizimu txangu txi na va lamba, nguko
kha va txi engisi; va na tsimbila-tsimbila
hagari ka matiko va si thumi txilo.
Currently Selected:
Hoseya 9: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Hoseya 9
9
Hoseya a zivisa kutsayiswa ka Israyeli
1U nga tsake, awe Israyeli, u tshumela u ndaka-ndaka, kufana ni vathu; nguko u lekile Txizimu txako kufana ni digelegele; U randile kuholelwa ngu otshe mathala a fulaho. 2Dithala ni mkawu kha si na mbi mi zumbisa; se vhinya yi na pwateka. 3Ka ditiko da Mkoma kha mi na mbi zumba; kambe Efrayime a na tshumelela Egipta, ni Asiriya va na dya sakudya sa manyala. 4Kha va na mbi humesela vhinya Mkoma, hambi miningelo yawe kha yi na mbi mtsakisa; ka vona miphaxo yawe yi na fana ni sakudya sa txidilo; votshe vale va no sidya va na nyenyeziswa ngu sona, nguko sakudya sawe si na va so enela vona; kha si na mbi wulela Nyumbani ka Mkoma. 5Mi na maha txani anu ka ditshiku da mpipi ni ka ditshiku da m'buso wa Mkoma kani? 6Nguko wona taku vona va tsute ngu mhaka yo hoxotwa, kambe Egipta a na va amukela, Menfisi a na va tshotsha; kunavela ka silivhela yawe ku na fenengetwa ngu maxexwe, ni mipa yi na mila matendani kwawe. 7#Wona ni ka: Luk. 21:22. Ma hokile masiku o tsayiswa, ma hokile masiku a kupharela; Israyeli a na tiziva; mprofeti kha na mapimo, m'thu wa moya, njiphukuphuku; ngu mhaka ya kutala ka wubihi wako, ni lona livengo li na kula.
8Efrayime i ti muwoneleli kumweko ni Txizimu txangu, kambe mprofeti a fana ni litshenga la mxoti wa sinyana ka totshe tinzila takwe, m'lala nyumbani ka Txizimu txakwe. 9#Wona ni ka: Val. 19:1-30. Va ti wisile kuonhani ka hombe ngutu, kufana ni masiku a Gibheya. Ene a na alakanya wubihi wawe, e va tsayisa ngu mhaka ya sionho sawe.
10 # Wona ni ka: Mit. 25:1-5. Ni mani Israyeli ku nga mauvha txiwulani, ni woni vatate vanu ku nga mihando yo khata ya mkuwu wo tewula; kambe vona va toya Bhahali-Peyori, veya ti ningetetela ka tximahetxo txa tingana, ve maha manyala kufana ni txile va nga txi randa. 11Ka Efrayime, wudhumo wakwe wu na puruma ku nga txinyana; kha ku na mbi va ni liveleko, kha ku na mbi va ni vanana, hambi sirumbu. 12Hambi va txi ta wunja vanana vawe, ani ni na va tekela, ku si sali m'thu ni wammweyo; nguko dikhombo kwawe, ngako kambe vona va txi ni leka!
13Efrayime, ngu nga ti ni nga muwonisa tona Tiro,
a phayilwe ka wukhalo wo tsakisa ngutu;
kambe Efrayime a na yisa vanana vakwe ka m'dayi.
14Va ninge, awe Mkoma; aniko u na va ninga txani kani?
Va ninge mame wule a no tshumela ngu msana,
wa titshumbu to oma.
15Wotshe wubihi wawe wu maneka Giligali
nguko nguho ni nga va nyenyela kona;
ngu mhaka ya wubihi wa mithumo yawe, ni na va
tshotsha hahanze ka nyumba yangu, kha ni na
mbi va randa kambe;
votshe vathangeli vawe mba kutitsimba.
16Efrayime a dawisilwe,
m'twi wakwe u omile;
va na mbi veleka mihando:
Ina, hambi va txo veleka,
ani na daya mihando yo dhundeka mndani kwawe.
17Txizimu txangu txi na va lamba, nguko
kha va txi engisi; va na tsimbila-tsimbila
hagari ka matiko va si thumi txilo.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.