Joxuwa 14
14
Kuabaniselwa ka ditiko da Kanana
1Atiya koko ngu tona tithomba ti vanana va ka Israyeli, va nga ningwa ditikoni ka Kanana. Eleyazari, mphaxeli, ni Joxuwa, mwana Nune, ni vathangeli va tihunzu ta vanana va ka Israyeli, va nga va abanisela. 2Ku to abaniselwa thomba, nga ti Mkoma a nga leleta ngu txisofu txa Mosi, ka tihunzu ta mtxhanu ni mune, ni hafu ya lihunzu. 3Nguko Mosi a ti ti abanisete thomba ka tihunzu ta timbidi ni ka yimwani hafu ya lihunzu, mtxhatuko ka Jordhani; aniko ka Valevhi kha va ningwa thomba hagari kwawe. 4Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho. 5Vanana va ka Israyeli va mahile nga ti Mkoma a nga ti leletete Mosi, se va to abanisela ditiko.
Josefa e ningela ditiko da Hebroni ka Kalebhi
6Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene:
Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya. 7Ani ni ti ti ni mune wa magumi a malembe, mbimo yi Mosi, txithumi txa Txizimu, a nga ni ruma, ni txi khukhela Kadhesi-Bharneya, kasiku ni ya xola ditiko, se ni m'wuyisela m'biko ngu yotshe mbilu yangu. 8Aniko vanathu, avale ni nga ti tsute navo, va to dhukisa vathu; kasi ani ni to simama ni themba Mkoma, Txizimu txangu. 9Ka donedo ditshiku, Mosi a xambanyile a txi khene: “Ngu ditshuri, ditiko di, di nga kandwa ngu mkondo wako, di na kulumba di txi maha thomba yako, ni ya vanana vako, kala kupinduka, nguko u engisile ngu kutsana Mkoma, Txizimu txangu.”
10Kukhukhela konako, Mkoma a ni xayisile ni txi hanya nga ti a nga themibisa.
Konkuwa ma pindile mune wa magumi ni mtxhanu wa malembe, Mkoma a di wombile timhaketo ka Mosi, txikhatini txi Israyeli a nga ti tsimbila txiwulani, se konkuwa ni na ni mtxhanu wa magumi ni mararu, ni mtxhanu wa malembe. 11Ni konkuwa, nyamsi ni ngadi tsani kufana ni ditshiku dile Mosi a nga ni ruma, mtamo wangu wa nyamsi, wu fana ni mtamo wangu wa kale, kasi kuya kulwani, kuhuma ni kuwuya. 12Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.
13Se Joxuwa a katekisile Kalebhi, mwana Jefoni, wa Mkenezi, e mninga Hebroni, yi maha thomba yakwe. 14Ngu tona eto, Hebroni i thomba ya Kalebhi, mwana Jefoni Mkenezi, kala nyamsi, nguko a londetile Mkoma, Txizimu txa Israyeli, asi rereki. 15Se kale, ditina da Hebroni i ti ti Kiriyati-Aribhe; Aribhe i ti m'thu wa hombe ngutu hagari ka va ka Anaki. Se kukhukhela konako ditiko di to humula tiyimbi.
Currently Selected:
Joxuwa 14: BEC2016
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Joxuwa 14
14
Kuabaniselwa ka ditiko da Kanana
1Atiya koko ngu tona tithomba ti vanana va ka Israyeli, va nga ningwa ditikoni ka Kanana. Eleyazari, mphaxeli, ni Joxuwa, mwana Nune, ni vathangeli va tihunzu ta vanana va ka Israyeli, va nga va abanisela. 2Ku to abaniselwa thomba, nga ti Mkoma a nga leleta ngu txisofu txa Mosi, ka tihunzu ta mtxhanu ni mune, ni hafu ya lihunzu. 3Nguko Mosi a ti ti abanisete thomba ka tihunzu ta timbidi ni ka yimwani hafu ya lihunzu, mtxhatuko ka Jordhani; aniko ka Valevhi kha va ningwa thomba hagari kwawe. 4Nguko vanana va Josefa va ti ti wumba tihunzu timbidi: Lihunzu la Manasi ni lihunzu la Efrayime; Valevhi kha va ningwa txilo amu ditikoni, hahanze ka madhoropa kasiku ve aka kona, ni tibala to dyisela kona mitxhambi yawe ya sifuyo sa hombe ni sa sidotho. 5Vanana va ka Israyeli va mahile nga ti Mkoma a nga ti leletete Mosi, se va to abanisela ditiko.
Josefa e ningela ditiko da Hebroni ka Kalebhi
6Sekoko vanana va ka Judha va to ta ka Joxuwa, ditikoni ka Giligali; se Kalebhi, mwana Jefoni, Mkenezi, a mgete ku khene:
Awe wa tiziva ti Mkoma a nga gela Mosi, m'thu wa Txizimu, ngu didhawa dangu ni didhawa dako, kona Kadhesi-Bharneya. 7Ani ni ti ti ni mune wa magumi a malembe, mbimo yi Mosi, txithumi txa Txizimu, a nga ni ruma, ni txi khukhela Kadhesi-Bharneya, kasiku ni ya xola ditiko, se ni m'wuyisela m'biko ngu yotshe mbilu yangu. 8Aniko vanathu, avale ni nga ti tsute navo, va to dhukisa vathu; kasi ani ni to simama ni themba Mkoma, Txizimu txangu. 9Ka donedo ditshiku, Mosi a xambanyile a txi khene: “Ngu ditshuri, ditiko di, di nga kandwa ngu mkondo wako, di na kulumba di txi maha thomba yako, ni ya vanana vako, kala kupinduka, nguko u engisile ngu kutsana Mkoma, Txizimu txangu.”
10Kukhukhela konako, Mkoma a ni xayisile ni txi hanya nga ti a nga themibisa.
Konkuwa ma pindile mune wa magumi ni mtxhanu wa malembe, Mkoma a di wombile timhaketo ka Mosi, txikhatini txi Israyeli a nga ti tsimbila txiwulani, se konkuwa ni na ni mtxhanu wa magumi ni mararu, ni mtxhanu wa malembe. 11Ni konkuwa, nyamsi ni ngadi tsani kufana ni ditshiku dile Mosi a nga ni ruma, mtamo wangu wa nyamsi, wu fana ni mtamo wangu wa kale, kasi kuya kulwani, kuhuma ni kuwuya. 12Se konkuwa, ni ninge mmango wuwa Mkoma a nga wu womba ka donedo ditshiku. U engisile ka donedo ditshiku ti to va ka Anaki va vaho mule, ni madhoropa a hombe, a mtamo maho mule: Kutilava Mkoma a na va ni nani, ani ni na va tutumisa, nga ti Mkoma a nga womba.
13Se Joxuwa a katekisile Kalebhi, mwana Jefoni, wa Mkenezi, e mninga Hebroni, yi maha thomba yakwe. 14Ngu tona eto, Hebroni i thomba ya Kalebhi, mwana Jefoni Mkenezi, kala nyamsi, nguko a londetile Mkoma, Txizimu txa Israyeli, asi rereki. 15Se kale, ditina da Hebroni i ti ti Kiriyati-Aribhe; Aribhe i ti m'thu wa hombe ngutu hagari ka va ka Anaki. Se kukhukhela konako ditiko di to humula tiyimbi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.