Levhi 2
2
Miningleo ya timbewu
1Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona. 2A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona. 3Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.
4Se ngako wu txi mahwa mningelo wa sakudya so bhikwa, ku na mahwa sibhubhutela ngu mpupu wa wunene, wo mbi tshumbelwa, wo vhuvwa ni mtona, ni sibhubhutela so mbi tshumbelwa, si di thetwe mtona.
5Se ngako u txi lava kumaha mningelo ngu sakudya, so katingwa mu ka dipani, maha mhamba ngu mpupu wa wunene ngutu, awu wu nga vhuvwa ni mtona, wu si nga ni mtshumbelo. 6U na bhandisela ngu sikhwemu, u txi si thela mtona; mningelo wa sakudya.
7Kambe ngako mningelo wako i ti mningelo wa sakudya sa dibhotani, si fanete ku va i di sa mpupu wa wunene, ni mtona.
8Sekoko u na teka mningelo wako, awu wu nga lulamiselwa kuva wa Mkoma, u txi wu ningela ka mphaxeli, kasiku ene, e wu veka hafuhi ka txiluvelo. 9Se mphaxeli a na hungula ka wona didhawa di i ku da txialakanyiso, kasi ku e wu hisa aha ka txiluvelo. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona. 10Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.
11Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma. 12Eso ma sikota kumaha ngu sona mningelo ka Mkoma, i ku txialakanyiso txa mihando yo khata; aniko, mi nga si hiseni txitimwi ka txiluvelo, ku nga mningelo wo bhumula wo tsakisa Mkoma. 13Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.
14Se ngako u txi ningela mningelo wa sakudya sa kuelula ko khata masoni ka Mkoma, u na ningela mningelo wa sakudya sa mi'buru ya kuelula ko khata, so kaxulelwa ha mndiloni, eko, sa tinyingi ta mi'buru yo pfuna. 15Se ngu txitimwi ka mningelo u na thela mtona, u sanzeka dibaselo; mningelo wa sakudya. 16Ngu kumaha keto, mphaxeli a na hisa txialakanyiso ngu tindoho takwe to sinzwa, ni mtona, ni dotshe dibaselo da kona; ewo mningelo, wo hiswa ka Mkoma.
Currently Selected:
Levhi 2: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Levhi 2
2
Miningleo ya timbewu
1Se ngako m'thu a txi ningela mningelo wa sakudya ka Mkoma, a na phaxa ngu mpupu wa wunene, e thela mtona ni dibaselo txitimwi ka wona. 2A na wu teka e wu yisa ka vaphaxeli, vanana va Aroni, aha mmweyo wawe a no wela dianza di txi tala ngu mpupu wonewo, wu ku ni mtona ni dibaselo, a txi si hisa ha txiluveloni, si txi va i di txialakanyiso. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona. 3Asi si salako ka mningelo wa sakudya, nza Aroni ni vanana vakwe, asiya nzilo sa kusawuleka ngutu, si nga sala ka mhamba yo mahelwa Mkoma.
4Se ngako wu txi mahwa mningelo wa sakudya so bhikwa, ku na mahwa sibhubhutela ngu mpupu wa wunene, wo mbi tshumbelwa, wo vhuvwa ni mtona, ni sibhubhutela so mbi tshumbelwa, si di thetwe mtona.
5Se ngako u txi lava kumaha mningelo ngu sakudya, so katingwa mu ka dipani, maha mhamba ngu mpupu wa wunene ngutu, awu wu nga vhuvwa ni mtona, wu si nga ni mtshumbelo. 6U na bhandisela ngu sikhwemu, u txi si thela mtona; mningelo wa sakudya.
7Kambe ngako mningelo wako i ti mningelo wa sakudya sa dibhotani, si fanete ku va i di sa mpupu wa wunene, ni mtona.
8Sekoko u na teka mningelo wako, awu wu nga lulamiselwa kuva wa Mkoma, u txi wu ningela ka mphaxeli, kasiku ene, e wu veka hafuhi ka txiluvelo. 9Se mphaxeli a na hungula ka wona didhawa di i ku da txialakanyiso, kasi ku e wu hisa aha ka txiluvelo. I mhamba yo hiswa, mningelo wu fanelako kuhiswa kasi kudhumisa Mkoma, ni ku mtsakisa ngu kubhumula ka wona. 10Asi si nga sala aha ka mningelo si na va sa Aroni ni vanana vakwe, i ku didhawa do sawuleka ngutu, ka si si lumbako Mkoma.
11Mningelo wuhi ni wuhi wa sakudya, awu wu mahelwako Mkoma, wu nga ve wa simbwanda so tshumbelwa; kambe mi nga theleni mtshumbelo hambi wulombe, ka mningelo wuwa wo hiselwa Mkoma. 12Eso ma sikota kumaha ngu sona mningelo ka Mkoma, i ku txialakanyiso txa mihando yo khata; aniko, mi nga si hiseni txitimwi ka txiluvelo, ku nga mningelo wo bhumula wo tsakisa Mkoma. 13Se u fanete u txi lunga ngu mnyu, yotshe miningelo ya sa sakudya; kambe ku nga pwateke mnyu ka sakudya sa sako sa mningelo, wa txitumelelano txa Txizimu txako; Lunga ngu mnyu yotshe miningelo yako ya sakudya.
14Se ngako u txi ningela mningelo wa sakudya sa kuelula ko khata masoni ka Mkoma, u na ningela mningelo wa sakudya sa mi'buru ya kuelula ko khata, so kaxulelwa ha mndiloni, eko, sa tinyingi ta mi'buru yo pfuna. 15Se ngu txitimwi ka mningelo u na thela mtona, u sanzeka dibaselo; mningelo wa sakudya. 16Ngu kumaha keto, mphaxeli a na hisa txialakanyiso ngu tindoho takwe to sinzwa, ni mtona, ni dotshe dibaselo da kona; ewo mningelo, wo hiswa ka Mkoma.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.