Levhi 24
24
Milayo madingano ni Dilambu
(Eksodha 25:31-40; 27:20-21)
1Se Mkoma a to womba ka Mosi a txi khene:
2Gela vanana va ka Israyeli tito, ve kutisela mtona wa wunene, wa miolivha, wo rukutwa wa txipande txa malambu, kasiku wu txi thelwa amu ka malambu, me tura yotshe mbimo. 3Aroni a na si txhatxhameta masoni ka Mkoma yotshe mbimo, kukhukhela ni minova kala mangwanani ka kona ni mixo, ngu hahanze ka txibhiya txa ditenda da msengeletano; mlayo wuwa wu fanete ku va ho yotshe mbimo, ka tiveleko tanu. 4Aroni a fanete kuveka malambu ka txipande txa nzalama ya yinene, atxi txi ku ngu masoni ka Mkoma, yotshe mbimo.
Dipawu do sawuleka
5 # Wona ni ka: Eks. 25:30. Se u na teka mpupu wa wunene, u bhika ngu wona digumi da sibhubhutela ni simbidi; txibhubhutela tximwetxo ni tximwetxo, txi na va txa mipimo yimbidi ya wugumi. 6U txi si folisa ngu titxhatxha timbidi, mtxhanu ni tximwetxo ka litxhatxha limwelo ni limwani, txitimwi ka meza yo sawuleka, masoni ka Mkoma. 7Ngu txitimwi ka litxhatxha ni litxhatxha, u na veka dibaselo do sawuleka, di na va da mapawu a mningelo wo hiswa, masoni ka Mkoma, ma txi maha txialakanyiso txa kwa mbi gwita. 8Ka ditshiku ni ditshiku da Sabbata, si fanete kutxhatxhametelwa masoni ka Mkoma, yotshe mbimo, ngu vanana va ka Israyeli, Njitumelelano txa kwa mbi na magwito. 9Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.
Txionho ni txitsayiso
10Se ku to humelela mwanana wa dijaha, mame wakwe i nga ti Muisrayeli, ni tate wakwe i ti ti Muegipta, a to ya ti pata ni va ka Israyeli; se a to wusa pfilu-pfilu wugoveloni, ni Muisrayeli wokari. 11Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani. 12Va to m'zumbisa a di ñotwe, kala kuza Mkoma e va gela ti va felako ku ti maha ngu ngene. 13Se Mkoma a to gela Mosi a txi khene:
14Humisa hahanze ka wugovelo m'thu wule a nga womba-womba mapswi o ruketela, votshe vale va nga mu engisa, va na sanzeke manza awe ha msungo kwakwe, se wotshe msengeletano wu na m'balisela ngu marigwi. 15U na womba ka vanana va ka Israyeli u txi khawe: Ni wuhi m'thu a ruketelako Txizimu txakwe, a na rwala kunemela ka txionho txakwe. 16Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.
17Se awule a dayako m'thu, ngu ditshuri a na fa. 18Ni wule a dayako txifuyo txa vane, a fanete kudihela ngu tximwani txo hanya; wutomi wu dihelwa ngu wutomi. 19Ni wule a vangelako txilonda mwakelani wakwe, hammidi kwakwe, a fanete nene e mahelwa ti a nga ti maha ka mkwawe: 20#Wona ni ka: Eks. 21:23-25; Dhewut. 19:21; Mat. 5:38. Kufunywa ka txihango kudihelwa ngu kufunywa ka txihango, diso ngu diso, dikwasa ngu dikwasa; ati ene a nga ti maha ka mmwani, ti na mahwa kwakwe nene. 21Awule a dayako txifuyo a na diha ngu tximwani txifuyo; awule a dayako m'thu a na diha ngu kudawa nene. 22Hambi i di txisumbulwa mwendo mluveli, awule a nga ta aka ditikoni kwanu, anu motshe mi vamwevo, masoni ka mlayo: Ani ngani Mkoma, Txizimu txanu.
23Mosi a manekile a txi tsanisa timhaka tiya ka vanana va ka Israyeli. Se va manekile va txi mteka m'thu wule a nga ruketela va txi m'yisa hahanze ka wugovelo, veya m'balisela ngu marigwi a txi fa. Ngu toneto, vanana va ka Israyeli va to maha nga ti Mkoma a nga leletisa tona Mosi.
Currently Selected:
Levhi 24: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Levhi 24
24
Milayo madingano ni Dilambu
(Eksodha 25:31-40; 27:20-21)
1Se Mkoma a to womba ka Mosi a txi khene:
2Gela vanana va ka Israyeli tito, ve kutisela mtona wa wunene, wa miolivha, wo rukutwa wa txipande txa malambu, kasiku wu txi thelwa amu ka malambu, me tura yotshe mbimo. 3Aroni a na si txhatxhameta masoni ka Mkoma yotshe mbimo, kukhukhela ni minova kala mangwanani ka kona ni mixo, ngu hahanze ka txibhiya txa ditenda da msengeletano; mlayo wuwa wu fanete ku va ho yotshe mbimo, ka tiveleko tanu. 4Aroni a fanete kuveka malambu ka txipande txa nzalama ya yinene, atxi txi ku ngu masoni ka Mkoma, yotshe mbimo.
Dipawu do sawuleka
5 # Wona ni ka: Eks. 25:30. Se u na teka mpupu wa wunene, u bhika ngu wona digumi da sibhubhutela ni simbidi; txibhubhutela tximwetxo ni tximwetxo, txi na va txa mipimo yimbidi ya wugumi. 6U txi si folisa ngu titxhatxha timbidi, mtxhanu ni tximwetxo ka litxhatxha limwelo ni limwani, txitimwi ka meza yo sawuleka, masoni ka Mkoma. 7Ngu txitimwi ka litxhatxha ni litxhatxha, u na veka dibaselo do sawuleka, di na va da mapawu a mningelo wo hiswa, masoni ka Mkoma, ma txi maha txialakanyiso txa kwa mbi gwita. 8Ka ditshiku ni ditshiku da Sabbata, si fanete kutxhatxhametelwa masoni ka Mkoma, yotshe mbimo, ngu vanana va ka Israyeli, Njitumelelano txa kwa mbi na magwito. 9Si na lumba Aroni ni vanana vakwe, va na dyela ha wukhaloni ko sawuleka; nguko nzilo so sawuleka, ngutu ka sile si mahelwako Mkoma, si lumba vona; mlayo wuwa mbwa kwa mbi na magwito.
Txionho ni txitsayiso
10Se ku to humelela mwanana wa dijaha, mame wakwe i nga ti Muisrayeli, ni tate wakwe i ti ti Muegipta, a to ya ti pata ni va ka Israyeli; se a to wusa pfilu-pfilu wugoveloni, ni Muisrayeli wokari. 11Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani. 12Va to m'zumbisa a di ñotwe, kala kuza Mkoma e va gela ti va felako ku ti maha ngu ngene. 13Se Mkoma a to gela Mosi a txi khene:
14Humisa hahanze ka wugovelo m'thu wule a nga womba-womba mapswi o ruketela, votshe vale va nga mu engisa, va na sanzeke manza awe ha msungo kwakwe, se wotshe msengeletano wu na m'balisela ngu marigwi. 15U na womba ka vanana va ka Israyeli u txi khawe: Ni wuhi m'thu a ruketelako Txizimu txakwe, a na rwala kunemela ka txionho txakwe. 16Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.
17Se awule a dayako m'thu, ngu ditshuri a na fa. 18Ni wule a dayako txifuyo txa vane, a fanete kudihela ngu tximwani txo hanya; wutomi wu dihelwa ngu wutomi. 19Ni wule a vangelako txilonda mwakelani wakwe, hammidi kwakwe, a fanete nene e mahelwa ti a nga ti maha ka mkwawe: 20#Wona ni ka: Eks. 21:23-25; Dhewut. 19:21; Mat. 5:38. Kufunywa ka txihango kudihelwa ngu kufunywa ka txihango, diso ngu diso, dikwasa ngu dikwasa; ati ene a nga ti maha ka mmwani, ti na mahwa kwakwe nene. 21Awule a dayako txifuyo a na diha ngu tximwani txifuyo; awule a dayako m'thu a na diha ngu kudawa nene. 22Hambi i di txisumbulwa mwendo mluveli, awule a nga ta aka ditikoni kwanu, anu motshe mi vamwevo, masoni ka mlayo: Ani ngani Mkoma, Txizimu txanu.
23Mosi a manekile a txi tsanisa timhaka tiya ka vanana va ka Israyeli. Se va manekile va txi mteka m'thu wule a nga ruketela va txi m'yisa hahanze ka wugovelo, veya m'balisela ngu marigwi a txi fa. Ngu toneto, vanana va ka Israyeli va to maha nga ti Mkoma a nga leletisa tona Mosi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.