Mika 2
2
Txitsayiso txa vale va dyelelako sisiwana
1Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe! 2Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe. 3Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile. 4Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona:
Hi hoxotilwe do gwita!
A tekile thomba ya vathu vangu!
Eto a ni handisako tona!
A teka tithembwe tathu e ti abanisela!
5Ngu konaho, awe khu na mbi mana wo rinza ngoti yo pima mpeto, u di msengeletanoni ka Mkoma.
6Mi nga profeteni; ava va profetako, va nga profete ngu mahelo yiya, nguko ku nga humelela tingana. 7O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani?
Ina mapswi angu hi nga manene ka wule a tsimbilako ngu kululama kani? 8Kambe i ngadi konkuwa vathu vangu va nga ni wukela kufana ni mlala; mi runduwute dijasi txitimwi ka syambalo sa vale va nga ti ti pinda va di tsani, ku nga vavamna va nga ti ti wuya ngu yimbini. 9Mi va rinzile hahanze vavasikati va vathu vangu, ka tinyumba tawe to va tsakisa; ka vafana vawe mi thavisile wudhundo wangu, kala kupinduka. 10Khukhani mi tsula, nguko kha ku na mbi va hawa wukhalo wa kuhumula kwanu; ngu mhaka ya wukanganyisi wu hoxotako, ina, wu hoxotako kudotho-kudotho.
11Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.
Txizimu txa thembisa kuhanyisa vathu
12Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.
13Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.
Currently Selected:
Mika 2: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mika 2
2
Txitsayiso txa vale va dyelelako sisiwana
1Dikhombo ka vale va ku va di otete ve pimisa to hambana, ni kuluka makungo o biha; ve ti maha ngu kugwimba ka wuronga, nguko si mtamoni ka manza awe! 2Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe. 3Ngu toneto, Mkoma a khene: Wonani taku ni na yisa wubihi ka liveleko liya, ka lona kha mi na mbi thavisa tithamo tanu, se kha mi na mbi tsimbila ngu matshanza, nguko mbimo yi na va yi di bihile. 4Kedo ditshiku, va na thula divingu txitimwi kwanu, kambe va na wusa txidilo txo thisa, va txi kha vona:
Hi hoxotilwe do gwita!
A tekile thomba ya vathu vangu!
Eto a ni handisako tona!
A teka tithembwe tathu e ti abanisela!
5Ngu konaho, awe khu na mbi mana wo rinza ngoti yo pima mpeto, u di msengeletanoni ka Mkoma.
6Mi nga profeteni; ava va profetako, va nga profete ngu mahelo yiya, nguko ku nga humelela tingana. 7O, anu mi dhanwako ku nyumba ya Jakobe, ina wu khala ku hungulwa Moya wa Mkoma kani? Ngu yona yiya mithumo yakwe kani?
Ina mapswi angu hi nga manene ka wule a tsimbilako ngu kululama kani? 8Kambe i ngadi konkuwa vathu vangu va nga ni wukela kufana ni mlala; mi runduwute dijasi txitimwi ka syambalo sa vale va nga ti ti pinda va di tsani, ku nga vavamna va nga ti ti wuya ngu yimbini. 9Mi va rinzile hahanze vavasikati va vathu vangu, ka tinyumba tawe to va tsakisa; ka vafana vawe mi thavisile wudhundo wangu, kala kupinduka. 10Khukhani mi tsula, nguko kha ku na mbi va hawa wukhalo wa kuhumula kwanu; ngu mhaka ya wukanganyisi wu hoxotako, ina, wu hoxotako kudotho-kudotho.
11Ku txo maneka wokari wa zumbelo ya walo, e hemba a txi khene: Ani ni na ku profetela ngu vhinya ni wusuke wa mtamo; eyo a na va mprofeti wa vathu vava.
Txizimu txa thembisa kuhanyisa vathu
12Kha ditshuri ni na kusengeleta awe Jokobe; kha ditshuri ni na sengeleta votshe vale va nga sala va ka Israyeli; votshelele, ni na va veka ka wukhalo wumwewo, kufana ni tinvuta ta Bhozira; nga mtxhambi txibalani ka wona, va na maha diguwa ngu mhaka ya kutala kwawe.
13Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.