Mitengo 1
1
Kutilulamisela ka Vaisrayeli kukhukha gu mangoni ka Sinayi
(1:1--9:23)
Kubalwa kokhata ka vathu
(1:1--4:49)
1 Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:
2“Mahani bhalela ya wotshe msengeletano wa vanana va ka Israyeli, madingano ni tiveleko tawe, ni tinyumba ta vatate vawe, ngu matina a votshe vavamna, ngu mmweyo ni mmweyo;” 3votshe va kukhukhela ka tanga ya magumi mambidi a malembe kuya masoni, va ka Israyeli vale vo dingano kuya yimbini, mi na va bala madingano ni mabutho awe a tiyimbi, awe ni Aroni. 4Dhanani wamwamna mmweyo ka lihunzu ni lihunzu, ava va nova vathangeli, ka nyumba ni nyumba ya vatate vawe. 5Ndiya koko, matina a vavamna vale va fanelako kuva ni nanu:
Ka Rubheni, i Elizura, mwana Xedhura.
6Ka Simiyoni, i Xelumiyeli, mwana Zurixadhayi. 7Ka Judha, i Nasoni, mwana Aminadhabhe. 8Ka Isakari, i Nathaniyele, mwana Zuwari. 9Ka Zebhuloni, i Eliyabhe, mwana Heloni. 10Ka vanana va Josefa: Ka Efrayime, i Elisama, mwana Amiyudhe; ka Manasi, i Gamaliyeli, mwana Pedhazuri. 11Ka Bhenjamini, i Abhidhani, mwana Gidhiyoni.
12Ka Dhani, i Ahiyezeri, mwana Amixadhayi; 13ka Aseri, i Pajiyeli, mwana Okrani; 14ka Gadhi, i Eliyazafi, mwana Reweli; 15ka Naftali, i Ayira, mwana Enani. 16Avava ngu va va nga dhanwa ka msengeletano, i ku vathangeli va tihunzu ta vatate vawe, misungo ya magumi a mazana a va ka Israyeli.
17Sekoko Mosi ni Aroni, va to teka vavamna vale va nga ti sawutwe, ngu matina awe. 18Ngu mtxima wa wumbidi, va to ramba wotshe msengeletano ngu ditshiku do khata, se va to, madingano ngu ni tiveleko tawe, ngu mimwaya yawe, ni tinyumba ta vatate vawe, ngu mtengo wa matina a va kukhukhela magumi mambidi a malembe kuya masoni, ngu mmweyo ni mmweyo. 19Madingano ni kuleleta ka Mkoma, Mosi a to va bhalela mu txiwulani ka Sinayi. 20Vanana va Rubheni koko, i ku matiwula a Israyeli, tiveleko tawe, ngu mimwaya yawe, madingano ni nyumba ya vatate vawe, ngu mtengo wa matina awe, mmweyo ni mmweyo, votshe vavamna va magumi mambidi a malembe ni kuya masoni, avale va dinganako kuya yimbini.
21Ka lihunzu la ka Rubheni ku bhaletwe 46.500.
22Mbimo yi ku nga bhalelwa vanana va Simiyoni, ngu tiveleko tawe, ni mimwayaya, madingano ni tinyumba ta vatate vawe, va bhatwe mmweyo ni mmweyo, ngu matina a votshe vavamna va magumi mambidi a malembe kuya masoni, avale va dinganako kuya yimbini. 23Ku to bhaletwe 59.300, ka lihunzu la Simiyoni.
24Mbimo yi ku nga bhalelwa liveleko la vanana va Gadhi, ngu mimwaya yawe, madingano ni tinyumba ta vatate vawe, va bhatwe mmwani ni mmwani, ngu matina a votshe vavamna va magumi mambidi a malembe ni kuya masoni, va dinganako kuya yimbini. 25Kubhatwe ka lihunzu la ka Gadhi 45.650.
26Mbimo yi ku nga bhalelwa liveleko la vanana va ka Judha, ngu timwaya tawe madingano ni nyumba ya vatate vawe, kubhatwe ngu matina a votshe vavamna va magumi mambidi a malembe ni kuya masoni, avale va dinganako kuya yimbini, 27kubhatwe 74.600, ka lihunzu la ka Judha.
28Ka vanana va ka Isakari, ngu tiveleko tawe ni mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe kuya masoni, avale va dinganako kuya yimbini, 29ku batwe 54.400, ka lihunzu la ka Isakari.
30Mbimo yi ku nga balelwa liveleko la vanana va ka Zebhuloni, ngu mimwaya yawe, madingano ni nyumba ya vatate vawe, va bhatwe ngu matina a votshe vavamna va magumi mambidi a malembe ni kuya masoni, ava va dinganako kuya yimbini, 31ku batwe 57.400, ka linzu la Zebhuloni.
32Ka vanana va Josefa, ni ka vanana va Efrayime, ngu tiveleko tawe ni mimwaya yawe, madingano ni tinyumba ta vatate vawe, va bhatwe ngu matina a votshe vavamna va magumi mambidi a malembe ni kuya masoni, avale va dingano kuya yimbini. 33Ku batwe kwawe 40.500, ka lihunzu la Efrayime.
34Ka vanana va ka Manasi, liveleko lawe, ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe kuya masoni, avale va dinganako kuya yimbini. 35Ka lihunzu la ka Manasi, kubhatwe 3.200.
36Mbimo yi ku nga bhalelwa liveleko la vanana va ka Bhenjamini ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe ni kuya masoni, avale va dinganako kuya yimbini. 37Ka lihunzu la Bhenjamini, ku batwe, 35.400.
38Mbimo yi ku nga bhalelwa liveleko la vanana va ka Dhani, ngu mimwaya yawe, madingano ni nyumba ya vatate vawe, kubhatwe, ngu matina a votshe vavamna va magumi mambidi a malembe ni kuya masoni, avale va dinganako kuya yimbini. 39Ku batwe kwawe 62.700, ka lihunzu la ka Dhani.
40Mbimo yi ku nga bhalelwa liveleko la vanana va Aseri, ngu mimwaya yawe, madingano ni nyumba ya vatate vawe, kubhatwe, ngu matina a votshe vavamna va magumi mambidi a malembe ni kuya masoni, ava va dinganako kuya yimbini. 41Ku batwe kwawe, ka lihunzu la Aseri 41.500.
42Mbimo yi ku nga bhalelwa liveleko la vanana va ka Naftali, ngu mimwaya yawe, madingano ni nyumba ya vatate vawe, va bhatwe ngu matina a votshe vavamna va magumi mambidi a malembe ni kuya masoni, ava va dinganako kuya yimbini. 43Ka lihunzu la Naftali ku batwe 53.400.
44Avava, ngu va va nga balelwa ngu Mosi ni Aroni, va txi vhunwa ngu digumi da vathangeli ni vambidi va ka Israyeli, i ngadi vaemeli va tinyumba ta vatate. 45#Wona ni ka: Mit. 26:1-51. Vanana va ka Israyeli va magumi mambidi a malembe ni kuya masoni, vo dingana kuya yimbini, va batwe madingano ni tinyumba ya vatate vawe; 46Votshe va nga balwa i 603.550.
Va ka Levhi
47Ti di ngeto, va ka Levhi, madingano ni lihunzu la vatate vawe, kha va balwa ni vamwani, 48nguko Mkoma a ti wombile ka Mosi, a txi khene:
49Lihunzu la ka Levhi lokha, u nga li bale, hambi kupata mtenga wawe, ka va ka Israyeli; 50aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela. 51Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa. 52Vanana va ka Israyeli va na zumba mmwani ni mmwani ka wukhalo wakwe, hafuhi ka m'jeke wakwe, ngu mabutho awe a yimbi. 53Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.
54Vanana va ka Israyeli va to maha nga ti Mkoma a nga leletisa tona ka Mosi.
Currently Selected:
Mitengo 1: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mitengo 1
1
Kutilulamisela ka Vaisrayeli kukhukha gu mangoni ka Sinayi
(1:1--9:23)
Kubalwa kokhata ka vathu
(1:1--4:49)
1 Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene:
2“Mahani bhalela ya wotshe msengeletano wa vanana va ka Israyeli, madingano ni tiveleko tawe, ni tinyumba ta vatate vawe, ngu matina a votshe vavamna, ngu mmweyo ni mmweyo;” 3votshe va kukhukhela ka tanga ya magumi mambidi a malembe kuya masoni, va ka Israyeli vale vo dingano kuya yimbini, mi na va bala madingano ni mabutho awe a tiyimbi, awe ni Aroni. 4Dhanani wamwamna mmweyo ka lihunzu ni lihunzu, ava va nova vathangeli, ka nyumba ni nyumba ya vatate vawe. 5Ndiya koko, matina a vavamna vale va fanelako kuva ni nanu:
Ka Rubheni, i Elizura, mwana Xedhura.
6Ka Simiyoni, i Xelumiyeli, mwana Zurixadhayi. 7Ka Judha, i Nasoni, mwana Aminadhabhe. 8Ka Isakari, i Nathaniyele, mwana Zuwari. 9Ka Zebhuloni, i Eliyabhe, mwana Heloni. 10Ka vanana va Josefa: Ka Efrayime, i Elisama, mwana Amiyudhe; ka Manasi, i Gamaliyeli, mwana Pedhazuri. 11Ka Bhenjamini, i Abhidhani, mwana Gidhiyoni.
12Ka Dhani, i Ahiyezeri, mwana Amixadhayi; 13ka Aseri, i Pajiyeli, mwana Okrani; 14ka Gadhi, i Eliyazafi, mwana Reweli; 15ka Naftali, i Ayira, mwana Enani. 16Avava ngu va va nga dhanwa ka msengeletano, i ku vathangeli va tihunzu ta vatate vawe, misungo ya magumi a mazana a va ka Israyeli.
17Sekoko Mosi ni Aroni, va to teka vavamna vale va nga ti sawutwe, ngu matina awe. 18Ngu mtxima wa wumbidi, va to ramba wotshe msengeletano ngu ditshiku do khata, se va to, madingano ngu ni tiveleko tawe, ngu mimwaya yawe, ni tinyumba ta vatate vawe, ngu mtengo wa matina a va kukhukhela magumi mambidi a malembe kuya masoni, ngu mmweyo ni mmweyo. 19Madingano ni kuleleta ka Mkoma, Mosi a to va bhalela mu txiwulani ka Sinayi. 20Vanana va Rubheni koko, i ku matiwula a Israyeli, tiveleko tawe, ngu mimwaya yawe, madingano ni nyumba ya vatate vawe, ngu mtengo wa matina awe, mmweyo ni mmweyo, votshe vavamna va magumi mambidi a malembe ni kuya masoni, avale va dinganako kuya yimbini.
21Ka lihunzu la ka Rubheni ku bhaletwe 46.500.
22Mbimo yi ku nga bhalelwa vanana va Simiyoni, ngu tiveleko tawe, ni mimwayaya, madingano ni tinyumba ta vatate vawe, va bhatwe mmweyo ni mmweyo, ngu matina a votshe vavamna va magumi mambidi a malembe kuya masoni, avale va dinganako kuya yimbini. 23Ku to bhaletwe 59.300, ka lihunzu la Simiyoni.
24Mbimo yi ku nga bhalelwa liveleko la vanana va Gadhi, ngu mimwaya yawe, madingano ni tinyumba ta vatate vawe, va bhatwe mmwani ni mmwani, ngu matina a votshe vavamna va magumi mambidi a malembe ni kuya masoni, va dinganako kuya yimbini. 25Kubhatwe ka lihunzu la ka Gadhi 45.650.
26Mbimo yi ku nga bhalelwa liveleko la vanana va ka Judha, ngu timwaya tawe madingano ni nyumba ya vatate vawe, kubhatwe ngu matina a votshe vavamna va magumi mambidi a malembe ni kuya masoni, avale va dinganako kuya yimbini, 27kubhatwe 74.600, ka lihunzu la ka Judha.
28Ka vanana va ka Isakari, ngu tiveleko tawe ni mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe kuya masoni, avale va dinganako kuya yimbini, 29ku batwe 54.400, ka lihunzu la ka Isakari.
30Mbimo yi ku nga balelwa liveleko la vanana va ka Zebhuloni, ngu mimwaya yawe, madingano ni nyumba ya vatate vawe, va bhatwe ngu matina a votshe vavamna va magumi mambidi a malembe ni kuya masoni, ava va dinganako kuya yimbini, 31ku batwe 57.400, ka linzu la Zebhuloni.
32Ka vanana va Josefa, ni ka vanana va Efrayime, ngu tiveleko tawe ni mimwaya yawe, madingano ni tinyumba ta vatate vawe, va bhatwe ngu matina a votshe vavamna va magumi mambidi a malembe ni kuya masoni, avale va dingano kuya yimbini. 33Ku batwe kwawe 40.500, ka lihunzu la Efrayime.
34Ka vanana va ka Manasi, liveleko lawe, ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe kuya masoni, avale va dinganako kuya yimbini. 35Ka lihunzu la ka Manasi, kubhatwe 3.200.
36Mbimo yi ku nga bhalelwa liveleko la vanana va ka Bhenjamini ngu mimwaya yawe, madingano ni nyumba ya vatate vawe, va bhatwe, ngu matina a votshe vavamna va magumi mambidi a malembe ni kuya masoni, avale va dinganako kuya yimbini. 37Ka lihunzu la Bhenjamini, ku batwe, 35.400.
38Mbimo yi ku nga bhalelwa liveleko la vanana va ka Dhani, ngu mimwaya yawe, madingano ni nyumba ya vatate vawe, kubhatwe, ngu matina a votshe vavamna va magumi mambidi a malembe ni kuya masoni, avale va dinganako kuya yimbini. 39Ku batwe kwawe 62.700, ka lihunzu la ka Dhani.
40Mbimo yi ku nga bhalelwa liveleko la vanana va Aseri, ngu mimwaya yawe, madingano ni nyumba ya vatate vawe, kubhatwe, ngu matina a votshe vavamna va magumi mambidi a malembe ni kuya masoni, ava va dinganako kuya yimbini. 41Ku batwe kwawe, ka lihunzu la Aseri 41.500.
42Mbimo yi ku nga bhalelwa liveleko la vanana va ka Naftali, ngu mimwaya yawe, madingano ni nyumba ya vatate vawe, va bhatwe ngu matina a votshe vavamna va magumi mambidi a malembe ni kuya masoni, ava va dinganako kuya yimbini. 43Ka lihunzu la Naftali ku batwe 53.400.
44Avava, ngu va va nga balelwa ngu Mosi ni Aroni, va txi vhunwa ngu digumi da vathangeli ni vambidi va ka Israyeli, i ngadi vaemeli va tinyumba ta vatate. 45#Wona ni ka: Mit. 26:1-51. Vanana va ka Israyeli va magumi mambidi a malembe ni kuya masoni, vo dingana kuya yimbini, va batwe madingano ni tinyumba ya vatate vawe; 46Votshe va nga balwa i 603.550.
Va ka Levhi
47Ti di ngeto, va ka Levhi, madingano ni lihunzu la vatate vawe, kha va balwa ni vamwani, 48nguko Mkoma a ti wombile ka Mosi, a txi khene:
49Lihunzu la ka Levhi lokha, u nga li bale, hambi kupata mtenga wawe, ka va ka Israyeli; 50aniko, awe, ninga mthumo ka va ka Levhi, wa kuxayisa Nyumba ya Wufakazi, ni siya sa yona, ni sotshe si si yi lumbako. Vona va na rwala Nyumba ni sotshe siya sa kona, va na thumela ka yona mthumo wa yona, kambe va na zumbisa ku yi randela. 51Nyumba yi txi lava kuthaviswa, va ka Levhi va na yi khunulela; ngako yi txi dingana kuphemberuswa, va ka Levhi va na yi aketa. Ni wuhi m'thu wa walo a tshuketako hafuhi ka yona a na fa. 52Vanana va ka Israyeli va na zumba mmwani ni mmwani ka wukhalo wakwe, hafuhi ka m'jeke wakwe, ngu mabutho awe a yimbi. 53Kambe va ka Levhi va na gwimba matenda awe ngu madhawani ka Nyumba ya Wufakazi, kasi Txiviti txa Txizimu txi si weli txitimwi ka msengeletano wa vanana va ka Israyeli; ngu kumaha keto, va ka Levhi va na ñola mthumo wo xayisa Nyumba ya Wufakazi.
54Vanana va ka Israyeli va to maha nga ti Mkoma a nga leletisa tona ka Mosi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.