Mitengo 19
19
Mati o sawulekisa
1 Mkoma a to womba kambe ka Mosi ni ka Aroni a txi khene: 2Asiya, nzileleto sa mlayo awu Mkoma a leletako tito: Gela vanana va ka Israyeli ve kutisela dirole da makati do bhilivila, da kwa mbi soleka, na di si nga ni txibawa, di nga mbi sanzekwa dikange. 3Mi di ningela ka mphaxeli Eleyazari, ve huma nado hahanze ka wugovelo, va txi ya di daya, masoni kwakwe. 4Se mphaxeli Eleyazari, ngu msana, a na beta litiho lakwe mndani ka homu, e teka mnoha wa kona e xwayela ngu wona mtxhanu wa makhati ni mambidi, madhawani ka ditimba da ditenda da msengeletano. 5Sekoko msana keto, va na hisa homu masoni kwakwe, ve hisa ni didhowo da kona, ni nyama ya kona, ni mnoha, kumweko ni mxwanyi. 6Se mphaxeli a na teka dipulango da ndonga ya mkedhari ni hisope, ni nguwo yo bhilivila, e si rinza ha mndiloni hale ku hiswako homu. 7Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova. 8Ni ene ni wule a nga hisa homu, nene a na kuwula syambalo sakwe, e samba mmidi ngu mati, ngu msana a na zumba a txi yila kala ni minova. 9#Wona ni ka: Vaheb. 9:16. Se m'thu wu aku ha wukhaloni ko sawuleka, a na ola dikhuma da homu, atxi ya di vhunga hahandze ka wugovelo, ka wukhalo wo sawuleka, ku mahela ti to va na wu thumisa vanana va ka Israyeli, kumaha mati o basisa, wu maha mphaxo wo kuwula kuonha. 10Awule a nga ola dikhuma da homu, a na kuwula syambalo sakwe e zumba a txi yila kala ni minova. Atxiya, njileleto txo pinduka hagari ka vanana va ka Israyeli, ni ka mluveli wu a ku hagari kwawe.
11Awu a gwesako txirumbi, a na va a sa sawuleka, txipimo txa mtxhanu wa masiku ni mambidi. 12Ngu ditshiku da wuraru, a na ti basisa ngu mati, se ngu ditshiku da wutxhanu ni mambidi, a na va a di basile; aniko a txi dhuka asi ti basisi ka masiku awa a mararu, a na va a sa basa ka ditshiku da wutxhanu ni mambidi. 13Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.
14Se mlayo wa kufela ditendani ngu wuwa: Votshe va va manekako ditendani, kha ku na mbi fa m'thu, va fanete kuyila, nguko kha va sawuleka; kala mtxhanu wa masiku ni mambidi. 15Kambe sotshe siya si si nga mbi fenengetwa, si kuwalo sifenengeto so sungelelwa, kha sa sawuleka. 16Awule a no gwesa m'thu wo dawa ngu ditxhari txitingani, hambi wa kufa ngu mafelo akwe, mwendo marambu a vathu hambi dithitha; eyo m'thu a na va a sa sawuleka mtxhanu wa masiku ni mambidi.
17Ka m'thu wu a nga mbi sawuleka, va wela dikhuma da mphaxo wa kuonha amu ka txiya, ve thela mati mnamboni txitimwi ka dikhuma, amu ka txiya. 18Ngu msana, m'thu awu a nga basa ngene a no teka hisope e yi beta amu ka mati e xwanyela ditenda ni siya sotshe, ni vathu votshe ava va kuho, ni wu a nga gwesa marambu, mwendo awu a nga dawa, ni dithitha ni sirumbi. 19Se m'thu wu a nga basa, a na xwayela ka wu a nga mbi basa ngu ditshiku da wuraru, ni ditshiku da wutxhanu ni mambidi a txi msawulekisa; kambe a na kuwula syambalo sakwe, e samba amu ka mati, ni minova ya kona e ti basile.
20Awu asi ti sawulekisako, a na tutumiswa hagari ka msengeletano, nguko a nyenyezisile wukhalo wo sawuleka wa Mkoma; ni mati o basisa ngu ona kha ma nga xwayelwa txitimwi kwakwe, ngu konaho, ka sawuleka. 21Awuwa wu na va mlayo wo mbi gwita kwawe. Awu a no xwayela mati o sawuleka, a txi gwita a na kuwula syambalo sakwe; ni wu a no gwesa mati o sawulekisa ngu ona, a na va a sa sawuleka nene, kala ni minova 22Ni sotshe si si nga gweswa ngu m'thu wo mbi sawuleka, si na va si sa sawuleka, ni wu a no gwesa wu m'thu, nene kha sawuleka kala ni minova.
Currently Selected:
Mitengo 19: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mitengo 19
19
Mati o sawulekisa
1 Mkoma a to womba kambe ka Mosi ni ka Aroni a txi khene: 2Asiya, nzileleto sa mlayo awu Mkoma a leletako tito: Gela vanana va ka Israyeli ve kutisela dirole da makati do bhilivila, da kwa mbi soleka, na di si nga ni txibawa, di nga mbi sanzekwa dikange. 3Mi di ningela ka mphaxeli Eleyazari, ve huma nado hahanze ka wugovelo, va txi ya di daya, masoni kwakwe. 4Se mphaxeli Eleyazari, ngu msana, a na beta litiho lakwe mndani ka homu, e teka mnoha wa kona e xwayela ngu wona mtxhanu wa makhati ni mambidi, madhawani ka ditimba da ditenda da msengeletano. 5Sekoko msana keto, va na hisa homu masoni kwakwe, ve hisa ni didhowo da kona, ni nyama ya kona, ni mnoha, kumweko ni mxwanyi. 6Se mphaxeli a na teka dipulango da ndonga ya mkedhari ni hisope, ni nguwo yo bhilivila, e si rinza ha mndiloni hale ku hiswako homu. 7Sekoko mphaxeli a di gwitile, a na kuwula syambalo sakwe, e samba mmidi wakwe amu ka mati; se e wulela wugoveloni, a na zumba a txi yila, kala ni minova. 8Ni ene ni wule a nga hisa homu, nene a na kuwula syambalo sakwe, e samba mmidi ngu mati, ngu msana a na zumba a txi yila kala ni minova. 9#Wona ni ka: Vaheb. 9:16. Se m'thu wu aku ha wukhaloni ko sawuleka, a na ola dikhuma da homu, atxi ya di vhunga hahandze ka wugovelo, ka wukhalo wo sawuleka, ku mahela ti to va na wu thumisa vanana va ka Israyeli, kumaha mati o basisa, wu maha mphaxo wo kuwula kuonha. 10Awule a nga ola dikhuma da homu, a na kuwula syambalo sakwe e zumba a txi yila kala ni minova. Atxiya, njileleto txo pinduka hagari ka vanana va ka Israyeli, ni ka mluveli wu a ku hagari kwawe.
11Awu a gwesako txirumbi, a na va a sa sawuleka, txipimo txa mtxhanu wa masiku ni mambidi. 12Ngu ditshiku da wuraru, a na ti basisa ngu mati, se ngu ditshiku da wutxhanu ni mambidi, a na va a di basile; aniko a txi dhuka asi ti basisi ka masiku awa a mararu, a na va a sa basa ka ditshiku da wutxhanu ni mambidi. 13Awule a gwesako m'thu wa kufa, asi ti sawulekisi, a nyenyezisile Nyumba ya Mkoma. Eyo m'thu a na tutumiswa hagari ka va ka Israyeli, nguko kha nga xwanyelwa ngu mati o sawuleka; a nga txi yila; kunyenyeza kwakwe ku nga diho hammidini kwakwe.
14Se mlayo wa kufela ditendani ngu wuwa: Votshe va va manekako ditendani, kha ku na mbi fa m'thu, va fanete kuyila, nguko kha va sawuleka; kala mtxhanu wa masiku ni mambidi. 15Kambe sotshe siya si si nga mbi fenengetwa, si kuwalo sifenengeto so sungelelwa, kha sa sawuleka. 16Awule a no gwesa m'thu wo dawa ngu ditxhari txitingani, hambi wa kufa ngu mafelo akwe, mwendo marambu a vathu hambi dithitha; eyo m'thu a na va a sa sawuleka mtxhanu wa masiku ni mambidi.
17Ka m'thu wu a nga mbi sawuleka, va wela dikhuma da mphaxo wa kuonha amu ka txiya, ve thela mati mnamboni txitimwi ka dikhuma, amu ka txiya. 18Ngu msana, m'thu awu a nga basa ngene a no teka hisope e yi beta amu ka mati e xwanyela ditenda ni siya sotshe, ni vathu votshe ava va kuho, ni wu a nga gwesa marambu, mwendo awu a nga dawa, ni dithitha ni sirumbi. 19Se m'thu wu a nga basa, a na xwayela ka wu a nga mbi basa ngu ditshiku da wuraru, ni ditshiku da wutxhanu ni mambidi a txi msawulekisa; kambe a na kuwula syambalo sakwe, e samba amu ka mati, ni minova ya kona e ti basile.
20Awu asi ti sawulekisako, a na tutumiswa hagari ka msengeletano, nguko a nyenyezisile wukhalo wo sawuleka wa Mkoma; ni mati o basisa ngu ona kha ma nga xwayelwa txitimwi kwakwe, ngu konaho, ka sawuleka. 21Awuwa wu na va mlayo wo mbi gwita kwawe. Awu a no xwayela mati o sawuleka, a txi gwita a na kuwula syambalo sakwe; ni wu a no gwesa mati o sawulekisa ngu ona, a na va a sa sawuleka nene, kala ni minova 22Ni sotshe si si nga gweswa ngu m'thu wo mbi sawuleka, si na va si sa sawuleka, ni wu a no gwesa wu m'thu, nene kha sawuleka kala ni minova.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.