Mitengo 22
22
Bhalake e rumisa mitumi ka Bhalahamu
1Msana keto, vanana va ka Israyeli va to khukha veya gova ka mikova ya Mowabhi, ngu mtxhatuko ka Jordhani, masoni ka Jeriko.
2Bhalake, mwana Zipora, a to wona totshe ti Israyeli a nga ti maha ka Vaamori. 3Se Mowabhi a to dhudhumela ngutu, ngu kuwona kutala ka vanana va ka Israyeli. 4Ngu kumaha keto, Mowabhi a to khene ka madhota a Vamidhiyani:
“Wonani msengeletano wuwa, wu na dya sotshe si si nga hi rendelekela, ku nga tihomu tidyako mwasi wa txitinga.
Ka yona yile mbimo, Bhalake, mwana Zipora, i ti mfumeli.” 5Ene a to ruma mitumi kuya dhana Bhalahamu, mwana Bheyori, ditikoni ka Petori, di ku hafuhi ni mnambo, ka ditiko da vanana va maxaka akwe, a txi khene: A hi ti woneleni, nguko vaho vathu va nga khukha ngu Egipta; va fenengetile otshe mafu, ve ta aka ni kugova ngu masoni kwangu! 6Ngono koko konkuwa, na ku kombela, u ta ni vhuna kuruketela vathu vava, nguko va ni mtamo ngutu ku ni pinda; no khani mwendo ni na sikota ku va daya, ni ku va tutumisa veya hahanze ka ditikoni; nguko na tiziva ti to ni wuhi wu u mkatekisako a na kateka; ni wuhi wu u mruketelako a na ruketelwa.
7Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake. 8Se Bhalahamu a ti khene kwawe:
Otelani wusiku wuwa, ni na mi xamula madingano ni ti Mkoma a no ni gela; sekoko vathangeli va ka Mowabhi, va to zumba ni Bhalahamu. 9Se Txizimu txi tota ka Bhalahamu txi txi ta kha txona: Mba mani vathu va u ku navo hawa kani?
10Se Bhalahamu a to khene ka Txizimu:
Bhalake, mwana Zipora, mthangeli wa Mowabhi, a rumete vathu kwangu, a txi khene: 11Wonani vathu va tako ngu Egipta, va fenengetile mafu! Ngono konkuwa u ta va phungeletela; mwendo na sikota ku va xula, ni txi va tutumisa mu ditikoni kwangu.
12Sekoko Txizimu txi to gela Bhalahamu txi txi kha txona:
“U nga tsule navo. Khu na mbi va xula evo vathu, nguko va katekisilwe.”
13Sekoko Ni mixo, Bhalahamu a to wuka e gela mitumi ya vathangeli ti ti nga rumwa ngu Bhalake, a txi khene:
“Tshumelani mi tsula ditikoni kwanu, nguko Mkoma wa lamba ti to ani ni tsula ni nanu.”
14Se vathangeli va Mowabhi va to tshumela ve wuya ka Bhalake, va txi ta kha vona: “Bhalahamu a lambile kuwuya ninathu.”
15Aniko Bhalake a to ruma kambe vamwani vathangeli, vo thaviseka ngutu kupinda vo khata. 16Va to tsula ka Bhalahamu va txi ya m'gela tito: “Bhalake, mwana Zipora, a khene: Ani na kukhongotela, u nga ni kanete, ngono kwangu. 17Nguko ani ni na ku mahela wudhumo wa hombe, totshe ti u no ni gela, ni na ti maha. Ngu konaho, ngono u ta ni lwela ka va vathu.”
18Bhalahamu a to xamula mitumi ya Bhalake, a txi khene: “Hambi a txo ni ninga nyumba yakwe yi di tate ngu silivhela ni nzalama, lambi, na mbi ka nga hambunyeta dipswi da Mkoma, Txizimu txangu, ni maha txilo txa txidotho, mwendo txa hombe; 19konkuwa koko, zumbani hawa wusiku wuwa, niza ni ziva ati Mkoma a no engeta e ni gela.”
20Se Txizimu txi tota koko ka Bhalahamu ni wusiku, txi txi ta kha txona kwakwe: “A ku vathu vava va tako ku ta kudhana, khukha u tsula navo, kambe awe u na ya maha ati ni no kugela tona.”
21Sekoko Bhalahamu a to wuka ni mixo e panisa mbongola yakwe, e tsula ni vathangeli vakwe Mowabhi.
22Se kuhenya ka Txizimu ku to tura, nguko ene a ti ti tsula; se Ngelozi ya Mkoma yi to tsiva nzila, kasi ku asi pindi; ene a ti gadhile mbongola yakwe ni sithumi sakwe sa simbidi si txi mpangalata. 23Mbongola yi to wona Ngelozi ya Mkoma yi di emile hagari ka nzila, yi di ni ditxhari manzani do hinda, yi to jika yi txi hambukela thembweni. Bhalahamu a to peka mbongola kasi ku yi wuyisa hanzila. 24Konaho Ngelozi ya Mkoma yi to ema hanzila ko songa ngutu, ayi yi pindako ngu mu ka mivhinya, na ku di ni lisanzu ngu didhawa ka nzila. 25Se mbongola ngu kuwona Ngelozi ya Mkoma, yi to ti khweketa ha lisanzuni, Bhalahamu a txi phwitwa mnenge; a to engeta e peka mbongola. 26Ngelozi ya Mkoma yi to txitxa wukhalo yi txi ya ema ha ka wukhalo wo songa, aha ku nga si nga ni wukhalo wo pinda ngu didhawa da txinene mwendo da txibhabha. 27Se mbongola yi to wona Ngelozi ya Mkoma yi sowa hahatshi, konaho Bhalahamu a to henya ngutu, e engeta e peka mbongola ngu ndoga. 28Sekoko Mkoma a to tula txisofu txa mbongola, yi txi womba ku kha yona: Kasi nji txani ni nga kuonhela, kuza u ni peka sikhati siraru kani?
29Bhalahamu a to xamula mbongola a txi khene: Ni kupeka nguko, awe wa ni txangamela! I ti ku ni di ni ditxhari manzani, ni ndi na kuthola ngu dona.
30Mbongola yi xamula yi txi kha yona: Ina ani kha ni nga mbongola yako; ayi yi ku thumelako kugadha ka wotshe wutomi wako, kala ka ditshiku da nyamsi kani? Ina ni ti nga ku mahela tonti kani? Ene a to xamula a txi khene: “Ahim-him.”
31Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni. 32Sekoko Ngelozi ya Mkoma yi ti kha yona kwakwe:
Ngu kutxani u pekisa tiya mbongola yako, sikhati siraru kani? Ngani ni nga ta ku tsivela, nguko ni woni ti to ayiya i nzila yo kuyisa phangoni; 33aniko mbongola yi ni woni, yi hambuka sikhati siraru masoni kwangu; i ti kuyisa hambuka masoni kwangu, awe ni di ku date; kambe yona ni di yi lekile yi hanya.
34Sekoko Bhalahamu a to khene ka Ngelozi ya Mkoma:
“Ni onhile, nguko ni ya tiziva ti to awe u emile masoni kwangu ngu hanzila. Se konkuwa, ngako ti si tsakisi masoni kwako, ni na tshumela ni tsula mwani.”
35Se Ngelozi ya Mkoma yi to kha yona ka Bhalahamu: “Tsula navo vathu vava, aniko i nda ya womba ati ani ni no kugela dwe. Se Bhalahamu a to tsula ni mthangeli wa Bhalake.”
Bhalake e amukela Bhalahamu
36Mbimo yi Bhalake a nga ziva ti to Bhalahamu wata, a to m'hingeta, ngu didhawa ka Iri-Mowabhi, m'hinganoni ka Arnoni, magwito ka ditiko dakwe. 37Bhalake a to khene ka Bhalahamu: Ina ani kha na ruma mitumi ya ku ta kudhana kani? Ngu kutxani u nga mbita kwangu kani? Ina ngu ti to ani kha ni sikoti ku ku mahela nduma ya hombe kani?
38Sekoko Bhalahamu a to khene ka Bhalake: Ni wone ti to ni tile hafuhi kwako; kambe na mbi sikota kuwomba kuranda kwangu. Dipswi di Txizimu txi no ni ninga kuangula ngu txisofu txangu, ngu donedo ni no di womba.
39Se Bhalahamu a to tsula ni Bhalake va txi ya Kiriyati-Uzoti. 40Sekoko Bhalake a to daya tihomu ni tinvuta; e rumela nyama ya tona ka Bhalahamu, ni ka vathangeli va a nga ti navo.
41Se ku to maheka taku, ni mixo, Bhalake e teka Bhalahamu, e kwela nayo mmangoni ka Bhamoti-Bhahali, kasi kuya wona magwito ka wugovelo wa ka Israyeli.
Currently Selected:
Mitengo 22: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mitengo 22
22
Bhalake e rumisa mitumi ka Bhalahamu
1Msana keto, vanana va ka Israyeli va to khukha veya gova ka mikova ya Mowabhi, ngu mtxhatuko ka Jordhani, masoni ka Jeriko.
2Bhalake, mwana Zipora, a to wona totshe ti Israyeli a nga ti maha ka Vaamori. 3Se Mowabhi a to dhudhumela ngutu, ngu kuwona kutala ka vanana va ka Israyeli. 4Ngu kumaha keto, Mowabhi a to khene ka madhota a Vamidhiyani:
“Wonani msengeletano wuwa, wu na dya sotshe si si nga hi rendelekela, ku nga tihomu tidyako mwasi wa txitinga.
Ka yona yile mbimo, Bhalake, mwana Zipora, i ti mfumeli.” 5Ene a to ruma mitumi kuya dhana Bhalahamu, mwana Bheyori, ditikoni ka Petori, di ku hafuhi ni mnambo, ka ditiko da vanana va maxaka akwe, a txi khene: A hi ti woneleni, nguko vaho vathu va nga khukha ngu Egipta; va fenengetile otshe mafu, ve ta aka ni kugova ngu masoni kwangu! 6Ngono koko konkuwa, na ku kombela, u ta ni vhuna kuruketela vathu vava, nguko va ni mtamo ngutu ku ni pinda; no khani mwendo ni na sikota ku va daya, ni ku va tutumisa veya hahanze ka ditikoni; nguko na tiziva ti to ni wuhi wu u mkatekisako a na kateka; ni wuhi wu u mruketelako a na ruketelwa.
7Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake. 8Se Bhalahamu a ti khene kwawe:
Otelani wusiku wuwa, ni na mi xamula madingano ni ti Mkoma a no ni gela; sekoko vathangeli va ka Mowabhi, va to zumba ni Bhalahamu. 9Se Txizimu txi tota ka Bhalahamu txi txi ta kha txona: Mba mani vathu va u ku navo hawa kani?
10Se Bhalahamu a to khene ka Txizimu:
Bhalake, mwana Zipora, mthangeli wa Mowabhi, a rumete vathu kwangu, a txi khene: 11Wonani vathu va tako ngu Egipta, va fenengetile mafu! Ngono konkuwa u ta va phungeletela; mwendo na sikota ku va xula, ni txi va tutumisa mu ditikoni kwangu.
12Sekoko Txizimu txi to gela Bhalahamu txi txi kha txona:
“U nga tsule navo. Khu na mbi va xula evo vathu, nguko va katekisilwe.”
13Sekoko Ni mixo, Bhalahamu a to wuka e gela mitumi ya vathangeli ti ti nga rumwa ngu Bhalake, a txi khene:
“Tshumelani mi tsula ditikoni kwanu, nguko Mkoma wa lamba ti to ani ni tsula ni nanu.”
14Se vathangeli va Mowabhi va to tshumela ve wuya ka Bhalake, va txi ta kha vona: “Bhalahamu a lambile kuwuya ninathu.”
15Aniko Bhalake a to ruma kambe vamwani vathangeli, vo thaviseka ngutu kupinda vo khata. 16Va to tsula ka Bhalahamu va txi ya m'gela tito: “Bhalake, mwana Zipora, a khene: Ani na kukhongotela, u nga ni kanete, ngono kwangu. 17Nguko ani ni na ku mahela wudhumo wa hombe, totshe ti u no ni gela, ni na ti maha. Ngu konaho, ngono u ta ni lwela ka va vathu.”
18Bhalahamu a to xamula mitumi ya Bhalake, a txi khene: “Hambi a txo ni ninga nyumba yakwe yi di tate ngu silivhela ni nzalama, lambi, na mbi ka nga hambunyeta dipswi da Mkoma, Txizimu txangu, ni maha txilo txa txidotho, mwendo txa hombe; 19konkuwa koko, zumbani hawa wusiku wuwa, niza ni ziva ati Mkoma a no engeta e ni gela.”
20Se Txizimu txi tota koko ka Bhalahamu ni wusiku, txi txi ta kha txona kwakwe: “A ku vathu vava va tako ku ta kudhana, khukha u tsula navo, kambe awe u na ya maha ati ni no kugela tona.”
21Sekoko Bhalahamu a to wuka ni mixo e panisa mbongola yakwe, e tsula ni vathangeli vakwe Mowabhi.
22Se kuhenya ka Txizimu ku to tura, nguko ene a ti ti tsula; se Ngelozi ya Mkoma yi to tsiva nzila, kasi ku asi pindi; ene a ti gadhile mbongola yakwe ni sithumi sakwe sa simbidi si txi mpangalata. 23Mbongola yi to wona Ngelozi ya Mkoma yi di emile hagari ka nzila, yi di ni ditxhari manzani do hinda, yi to jika yi txi hambukela thembweni. Bhalahamu a to peka mbongola kasi ku yi wuyisa hanzila. 24Konaho Ngelozi ya Mkoma yi to ema hanzila ko songa ngutu, ayi yi pindako ngu mu ka mivhinya, na ku di ni lisanzu ngu didhawa ka nzila. 25Se mbongola ngu kuwona Ngelozi ya Mkoma, yi to ti khweketa ha lisanzuni, Bhalahamu a txi phwitwa mnenge; a to engeta e peka mbongola. 26Ngelozi ya Mkoma yi to txitxa wukhalo yi txi ya ema ha ka wukhalo wo songa, aha ku nga si nga ni wukhalo wo pinda ngu didhawa da txinene mwendo da txibhabha. 27Se mbongola yi to wona Ngelozi ya Mkoma yi sowa hahatshi, konaho Bhalahamu a to henya ngutu, e engeta e peka mbongola ngu ndoga. 28Sekoko Mkoma a to tula txisofu txa mbongola, yi txi womba ku kha yona: Kasi nji txani ni nga kuonhela, kuza u ni peka sikhati siraru kani?
29Bhalahamu a to xamula mbongola a txi khene: Ni kupeka nguko, awe wa ni txangamela! I ti ku ni di ni ditxhari manzani, ni ndi na kuthola ngu dona.
30Mbongola yi xamula yi txi kha yona: Ina ani kha ni nga mbongola yako; ayi yi ku thumelako kugadha ka wotshe wutomi wako, kala ka ditshiku da nyamsi kani? Ina ni ti nga ku mahela tonti kani? Ene a to xamula a txi khene: “Ahim-him.”
31Sekoko koneko, Mkoma a to tula maso a Bhalahamu, ti to e wona Ngelozi ya Mkoma yi di emile ha nzila, yi di ni ditxhari do hinda manzani; a to khizama e namisa khohe yakwe ha mafuni. 32Sekoko Ngelozi ya Mkoma yi ti kha yona kwakwe:
Ngu kutxani u pekisa tiya mbongola yako, sikhati siraru kani? Ngani ni nga ta ku tsivela, nguko ni woni ti to ayiya i nzila yo kuyisa phangoni; 33aniko mbongola yi ni woni, yi hambuka sikhati siraru masoni kwangu; i ti kuyisa hambuka masoni kwangu, awe ni di ku date; kambe yona ni di yi lekile yi hanya.
34Sekoko Bhalahamu a to khene ka Ngelozi ya Mkoma:
“Ni onhile, nguko ni ya tiziva ti to awe u emile masoni kwangu ngu hanzila. Se konkuwa, ngako ti si tsakisi masoni kwako, ni na tshumela ni tsula mwani.”
35Se Ngelozi ya Mkoma yi to kha yona ka Bhalahamu: “Tsula navo vathu vava, aniko i nda ya womba ati ani ni no kugela dwe. Se Bhalahamu a to tsula ni mthangeli wa Bhalake.”
Bhalake e amukela Bhalahamu
36Mbimo yi Bhalake a nga ziva ti to Bhalahamu wata, a to m'hingeta, ngu didhawa ka Iri-Mowabhi, m'hinganoni ka Arnoni, magwito ka ditiko dakwe. 37Bhalake a to khene ka Bhalahamu: Ina ani kha na ruma mitumi ya ku ta kudhana kani? Ngu kutxani u nga mbita kwangu kani? Ina ngu ti to ani kha ni sikoti ku ku mahela nduma ya hombe kani?
38Sekoko Bhalahamu a to khene ka Bhalake: Ni wone ti to ni tile hafuhi kwako; kambe na mbi sikota kuwomba kuranda kwangu. Dipswi di Txizimu txi no ni ninga kuangula ngu txisofu txangu, ngu donedo ni no di womba.
39Se Bhalahamu a to tsula ni Bhalake va txi ya Kiriyati-Uzoti. 40Sekoko Bhalake a to daya tihomu ni tinvuta; e rumela nyama ya tona ka Bhalahamu, ni ka vathangeli va a nga ti navo.
41Se ku to maheka taku, ni mixo, Bhalake e teka Bhalahamu, e kwela nayo mmangoni ka Bhamoti-Bhahali, kasi kuya wona magwito ka wugovelo wa ka Israyeli.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.