Mitengo 25
25
Vathu va ka Israyeli ve khozela Bhahali-Peyori
1Se mbimo yile Israyeli a nga zumba Sitime, vathu va to khata kumaha wugango ni vanana vamahorana a Vamowabhi. 2Vona va to ramba vathu kuya phaxela sizimu sawe; vathu va to dya, ve khizamela sizimu sawe. 3Israyeli koko a to ti tshanganisa ni Bhahali-Peyori, kuhenya ka Mkoma ku to tura masoni ka Israyeli. 4Mkoma a to khene ka Mosi:
Teka votshe vathangeli va vathu, u ta va aneka ha lisanini, nguko va hambukile, Mkoma a henyile; mwendo Mkoma a na boxa txiviti a ku natxo ngu va ka Israyeli.
5Sekoko Mosi a to khene ka valamuli va ka Israyeli: Va na dawe votshe ava va nga ti tshanganisa ni Bhahali-Peyori.
6Wona taku kutota wamwamna wokari ngu ka vanana va ka Israyeli, a txi neha wamsikati wa Mumedhiyani ka vanawe, hafuhi ka Mosi ni msengeletano wotshe wa va ka Israyeli, konaho msengeletano wu nga ti dila, ha txikeni ka Ditenda da Msengeletano. 7Se aha a nga wona tiya Finiyasi, mwana Eleyazari, wa Aroni mphaxeli, a to khukha hagari ka msengeletano, a di ni ditxhari manzani. 8Mamoyo a to londeta wamwamna wule wa Muisrayeli ditendani, a txi ya va thola votshe vavambidi, wamwamna wule wa Muisrayeli ni wamsikati wule, ngu ha ka mirumbu, sekoko mtungu wu to ema ka vanana va ka Israyeli. 9Se ava va nga dawa ngu mtungu wule, i 24.000.
10Sekoko Mkoma a to womba ka Mosi a txi khene:
11Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu. 12Ngu toneto, i nda khawe: Ni na mninga txitumelelano txa kudikha. 13Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.
14Se ditina da Muisrayeli wu a nga dawa ni wamsikati wa mmidhiyani, i ti ti Ziniri, mwana Salu, wa hombe wa nyumba ya vatate va ka Simiyoni. 15Kasi ditina da wamsikati wa Mumedhiyani a nga dawa i Kozibhi, mwana Zuri, i nga ti mthangeli wa nyumba ya Vamidhiyani.
16 Mkoma a to womba kambe ka Mosi a txi khene:
17Xuphani Vamidhiyani, mi va dayela, 18nguko nanu va mi xanisile, va mi xengetete ngu wurindi wawe, nga ha va nga mi kanganyisa ngu mahungu a Peyori, ni mhaka ya Kozibhi, i ku mwanana wa wahombe wa mmidhiyani, ndiya ya wu a nga dawa ditshikudo da mtungu wu wu nga humelela ngu mhaka ya Peyori.
Currently Selected:
Mitengo 25: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mitengo 25
25
Vathu va ka Israyeli ve khozela Bhahali-Peyori
1Se mbimo yile Israyeli a nga zumba Sitime, vathu va to khata kumaha wugango ni vanana vamahorana a Vamowabhi. 2Vona va to ramba vathu kuya phaxela sizimu sawe; vathu va to dya, ve khizamela sizimu sawe. 3Israyeli koko a to ti tshanganisa ni Bhahali-Peyori, kuhenya ka Mkoma ku to tura masoni ka Israyeli. 4Mkoma a to khene ka Mosi:
Teka votshe vathangeli va vathu, u ta va aneka ha lisanini, nguko va hambukile, Mkoma a henyile; mwendo Mkoma a na boxa txiviti a ku natxo ngu va ka Israyeli.
5Sekoko Mosi a to khene ka valamuli va ka Israyeli: Va na dawe votshe ava va nga ti tshanganisa ni Bhahali-Peyori.
6Wona taku kutota wamwamna wokari ngu ka vanana va ka Israyeli, a txi neha wamsikati wa Mumedhiyani ka vanawe, hafuhi ka Mosi ni msengeletano wotshe wa va ka Israyeli, konaho msengeletano wu nga ti dila, ha txikeni ka Ditenda da Msengeletano. 7Se aha a nga wona tiya Finiyasi, mwana Eleyazari, wa Aroni mphaxeli, a to khukha hagari ka msengeletano, a di ni ditxhari manzani. 8Mamoyo a to londeta wamwamna wule wa Muisrayeli ditendani, a txi ya va thola votshe vavambidi, wamwamna wule wa Muisrayeli ni wamsikati wule, ngu ha ka mirumbu, sekoko mtungu wu to ema ka vanana va ka Israyeli. 9Se ava va nga dawa ngu mtungu wule, i 24.000.
10Sekoko Mkoma a to womba ka Mosi a txi khene:
11Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu. 12Ngu toneto, i nda khawe: Ni na mninga txitumelelano txa kudikha. 13Ku nava kwakwe ni ka liveleko lakwe, msana kwakwe ku nava ni txitumelelano txa wuphaxeli wa kala kupinduka, nguko a khutate ka Txizimu txakwe, e mahela vanana va ka Israyeli, mphaxo wo va tekisa.
14Se ditina da Muisrayeli wu a nga dawa ni wamsikati wa mmidhiyani, i ti ti Ziniri, mwana Salu, wa hombe wa nyumba ya vatate va ka Simiyoni. 15Kasi ditina da wamsikati wa Mumedhiyani a nga dawa i Kozibhi, mwana Zuri, i nga ti mthangeli wa nyumba ya Vamidhiyani.
16 Mkoma a to womba kambe ka Mosi a txi khene:
17Xuphani Vamidhiyani, mi va dayela, 18nguko nanu va mi xanisile, va mi xengetete ngu wurindi wawe, nga ha va nga mi kanganyisa ngu mahungu a Peyori, ni mhaka ya Kozibhi, i ku mwanana wa wahombe wa mmidhiyani, ndiya ya wu a nga dawa ditshikudo da mtungu wu wu nga humelela ngu mhaka ya Peyori.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.