Mitengo 3
3
Vanana va Aroni
1Ngu tiya tiveleko ta Aroni ni ta Mosi, mbimo yi Mkoma a nga womba-womba ka Mosi, mmangoni ka Sinayi. 2Matina a vanana va Aroni ngu awa: Nadhabhi, matiwula ngu msana ka Abhiyu, Eleyazari ni Itamari. 3Eyo matina a vanana va Aroni, vaphaxeli va nga totwa, ava va nga emiselwa kuthuma mthumo wa wuphaxeli. 4#Wona ni ka: Levh. 10:1-2; Mit. 26:61. Nadhabhi ni Abhiyu va fite masoni ka Mkoma, txiwulani ka Sinayi, mbimo yi va nga ningela mphaxo masoni ka Mkoma, ngu mndilo i singako wona. Vona va si nga ni vanana, ngu mhaka yeto, Eleyazari ni Itamari, ngu vona va nga teka mthumo wa wuphaxeli masoni ka Tate wawe Aroni.
Mithumo ya va ka Levhi
5Se Mkoma a to womba ka Mosi a txi khene:
6“Tshuketisa lihunzu la ka Levhi, u li veka hawa ko vhunetela Aroni, mphaxeli: Vona va na thuma nayo; 7se va na va ni mthumo wa wuwoneleli, ni kuwonelela wotshe msengeletano, amu ka ditenda da msengeletano, ngako va txi huma mu nyumbani. 8Va na xayisa sotshe siya sa mu ditendani ka msengeletano, ni kuxayisa asi si lumbako vanana va ka Israyeli, asi va fanelako ku si xayisa amu ka Dithepele. 9Ti di ngeto, u nga ningela Valevhi ka Aroni ni ka vanana vakwe, ti to veva txiningo txawe; mthumo wa kona wu na thumela vanana va ka Israyeli. 10Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”
11Se Mkoma a to engeta e womba ka Mosi a txi khene:
12 # Wona ni ka: Eks. 32:26-29. “Ngani nipune ni nga sawula Valevhi hagari ka vanana va ka Israyeli, wukhaloni ka otshe matiwula, a hagari ka vanana va ka Israyeli, avale va ngava situla-masembe ka vamame vawe, ngu mhaka yeto Valevhi mbangu. 13#Wona ni ka: 13:2. Nguko otshe matiwula ma ni lumba; kukhukhela ka ditshiku dile ni nga heta matiwula a vanana va Vaegipta, ni ti sawulete otshe matiwula a va ka Israyeli kukhukhela ka vathu, ni sihari, ma lumba ani! Ani ngani Mkoma!”
Kubalwa ka va ka Levhi
14Se Mkoma a to womba-womba ka Mosi txiwulani ka Sinayi, a txi khene: 15Bala vanana va Valevhi, ngu mimwaya ya vatate vawe, ni tihunzu tawe, u na bala vavamna votshe kukhukhela ka wu wa mtxima wumwewo ni kuya masoni. 16Se Mosi a to bala mtengo madingano ni kuleleta ka Mkoma. 17Ava, ngu vona vanana va Levhi ngu matina awe, Gerxoni ni Kohate ni Merari. 18Matina a vanana va Gerxoni ngu mimwaya yawe ngu awa: Libhini ni Simeyi. 19Vanana va Kohate ngu mimwaya yawe: Amramu, Izari, Hebroni, ni Uziyeli. 20Vanana va Merari ngu mimwaya yawe: Mahili ni Muxi. Asiya ngu sona sike sa Valevhi ni tinyumba ta vatate vawe.
21Liveleko la Gerxoni wa txike txa ka Libhini, ni txike txa va ka Simeyi: Asiya, ngu sona sike sa va ka Gerxoni. 22Kubala votshe vavamna kukhukhela ka va va ku ni tanga ya mtxima, kala ka va va ku masoni i ti ti 7.500 wa vathu. 23Tiveleko ta va ka Gerxoni ti txi zumba ngu msana ka txiluvelo ngu didhawa da mswa-ditambo. 24Se mthangeli wa nyumba ya ka Gerxoni i ti ti Eliyasafe, mwana Layeli. 25Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano. 26Va ti ningilwe kambe kuxayisa tinguwo ta mtendela ni nguwo ya ha txidingeni ka mtendela wu wu nga ranganyeta dithepele ni txiluvelo, ni tingoti ti ti lavekako ka wotshe mthumo wa kona.
27Liveleko la Kohate wa Amiramu, ni la Izari, ni Hebroni, ni Uziyeli; atiya ngu tona tiveleko ta va ka Kohate. 28Mtengo wotshe wa vanana va nga balwa, va tanga ya mtxima wumwewo ni kuya masoni, mbwa 8.600. 29Mimwaya ya ka Kohate yi to gova ka didhawa da wulambwe ka ditenda. 30Se mthangeli wa nyumba ya mimwaya ya ka Kohate, i ti ti Elisafani, mwana Uziyeli. 31Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.
32Se mthangeli wa vathangeli va ka Levhi, i ti ti Eleyazari, mwana Aroni, mphaxeli. Ene a ti ti ni mthumo wo thangela votshe vale va nga txi xayisa wukhalo wo sawuleka.
33Liveleko la ka Merari, wa ka Mahili, ni la ka Muxi; atiya, ngu tona tiveleko ta va ka Merari. 34Se avale va nga balwa hagari kwawe, ngu mtengo wa votshe vavamna va tanga ya mtxima ni kuya msoni, i ti ti 6.200. 35Mthangeli wa nyumbani ka vatate va mimwaya ya ka Merari, i ti Suriyeli, mwana Abhigayeli. Vona va ti ya gova ngu didhawa da wuphemba ka ditenda. 36Se mthumo wa vanana va ka Merari wu na va wa kuxayisa mapulango a nyumba, ni timbalelo ta kona, ni tiphande, ni siparako, ni sotshe si si nga txi laveka, ni sotshe siya sa kona. 37Kumweko ni mthumo wa kuxayisa tiphande ti ti nga txi ranganyeta diguma, siparako sa kona, sipande sa kona, ni tingoti ta kona.
38Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.
39Votshe vanana vavafana va Valevhi, ava va nga balwa ngu Mosi, ni Aroni, ngu kuruma ka Mkoma, madingano ni liveleko lawe, i ti ti 22.000.
Va ka Levhi va ka wukhalo wa vanana vo khata
40Se Mkoma a to khene ka Mosi: Bala votshe vanana va matiwula a vafana va va ka Israyeli, va tanga ya mtxima wumwewo ni kupinda, u bhala mtengo wa matina awe. 41Ni sawulele Valevhi, (ani ngani Mkoma) ka wukhalo wa otshe matiwula a vanana va ka Israyeli, ni sihari sa Valevhi ka wukhalo wa sihari sa vanana va ka Vaisrayeli.
42Se Mosi a to bala otshe matiwula a vanana va ka Israyeli, nga ti Mkoma a nga wombisa tona. 43Matina otshe a matiwula a vafana va tanga ya mtxima wumwewo ni kuya masoni, i ti mtengo wa 22.273 wa vathu.
44Se Mkoma a to womba ka Mosi, a txi khene:
45Teka Valevhi ka wukhalo wa otshe matiwula a vanana va ka Israyeli, se sihari sa Valevhi ka wukhalo wa sihari sa Vaisrayeli. Valevhi va na va vangu. Ani ngani Mkoma! 46Matiwula a vanana va ka Israyeli ma na pinda a Valevhi ngu mtengo wa 273 vale va no tirulwa. 47U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele . 48Se Male ya kutirulwa ka vale va nga sala hagari kwawe, u na yi ningela ka Aroni ni vanana vakwe.
49Sekoko Mosi a to teka male yo tirulisa, ya vale va nga sala kuhulukiswa ngu Valevhi. 50Ka matiwula a vanana va ka Israyeli a to teka male, ya 1.365 wa maxekele, madingano ni maxekele a wukhalo wo sawuleka. 51Se Mosi e ninga Aroni ni vanana vakwe, male yo tirulisa ngu yona, madingano ni kuruma ka Mkoma, nga ti Mkoma a nga wombisa tona ka Mosi.
Currently Selected:
Mitengo 3: BEC2016
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.
Mitengo 3
3
Vanana va Aroni
1Ngu tiya tiveleko ta Aroni ni ta Mosi, mbimo yi Mkoma a nga womba-womba ka Mosi, mmangoni ka Sinayi. 2Matina a vanana va Aroni ngu awa: Nadhabhi, matiwula ngu msana ka Abhiyu, Eleyazari ni Itamari. 3Eyo matina a vanana va Aroni, vaphaxeli va nga totwa, ava va nga emiselwa kuthuma mthumo wa wuphaxeli. 4#Wona ni ka: Levh. 10:1-2; Mit. 26:61. Nadhabhi ni Abhiyu va fite masoni ka Mkoma, txiwulani ka Sinayi, mbimo yi va nga ningela mphaxo masoni ka Mkoma, ngu mndilo i singako wona. Vona va si nga ni vanana, ngu mhaka yeto, Eleyazari ni Itamari, ngu vona va nga teka mthumo wa wuphaxeli masoni ka Tate wawe Aroni.
Mithumo ya va ka Levhi
5Se Mkoma a to womba ka Mosi a txi khene:
6“Tshuketisa lihunzu la ka Levhi, u li veka hawa ko vhunetela Aroni, mphaxeli: Vona va na thuma nayo; 7se va na va ni mthumo wa wuwoneleli, ni kuwonelela wotshe msengeletano, amu ka ditenda da msengeletano, ngako va txi huma mu nyumbani. 8Va na xayisa sotshe siya sa mu ditendani ka msengeletano, ni kuxayisa asi si lumbako vanana va ka Israyeli, asi va fanelako ku si xayisa amu ka Dithepele. 9Ti di ngeto, u nga ningela Valevhi ka Aroni ni ka vanana vakwe, ti to veva txiningo txawe; mthumo wa kona wu na thumela vanana va ka Israyeli. 10Aniko Aroni ni vanana vakwe, ngu vona va no thuma mthumo wa wuphaxeli. Kasike, awule i ku wa matiko, ku nga ti a txi tshuketa, a na puluwundiswa ngu lifo.”
11Se Mkoma a to engeta e womba ka Mosi a txi khene:
12 # Wona ni ka: Eks. 32:26-29. “Ngani nipune ni nga sawula Valevhi hagari ka vanana va ka Israyeli, wukhaloni ka otshe matiwula, a hagari ka vanana va ka Israyeli, avale va ngava situla-masembe ka vamame vawe, ngu mhaka yeto Valevhi mbangu. 13#Wona ni ka: 13:2. Nguko otshe matiwula ma ni lumba; kukhukhela ka ditshiku dile ni nga heta matiwula a vanana va Vaegipta, ni ti sawulete otshe matiwula a va ka Israyeli kukhukhela ka vathu, ni sihari, ma lumba ani! Ani ngani Mkoma!”
Kubalwa ka va ka Levhi
14Se Mkoma a to womba-womba ka Mosi txiwulani ka Sinayi, a txi khene: 15Bala vanana va Valevhi, ngu mimwaya ya vatate vawe, ni tihunzu tawe, u na bala vavamna votshe kukhukhela ka wu wa mtxima wumwewo ni kuya masoni. 16Se Mosi a to bala mtengo madingano ni kuleleta ka Mkoma. 17Ava, ngu vona vanana va Levhi ngu matina awe, Gerxoni ni Kohate ni Merari. 18Matina a vanana va Gerxoni ngu mimwaya yawe ngu awa: Libhini ni Simeyi. 19Vanana va Kohate ngu mimwaya yawe: Amramu, Izari, Hebroni, ni Uziyeli. 20Vanana va Merari ngu mimwaya yawe: Mahili ni Muxi. Asiya ngu sona sike sa Valevhi ni tinyumba ta vatate vawe.
21Liveleko la Gerxoni wa txike txa ka Libhini, ni txike txa va ka Simeyi: Asiya, ngu sona sike sa va ka Gerxoni. 22Kubala votshe vavamna kukhukhela ka va va ku ni tanga ya mtxima, kala ka va va ku masoni i ti ti 7.500 wa vathu. 23Tiveleko ta va ka Gerxoni ti txi zumba ngu msana ka txiluvelo ngu didhawa da mswa-ditambo. 24Se mthangeli wa nyumba ya ka Gerxoni i ti ti Eliyasafe, mwana Layeli. 25Vanana va Gerxoni amu ka ditenda da msengeletano, va ti ningilwe mthumo wo xayisa txiluvelo, ni kutshulela, ni nguwo ya ha txikeni ka ditenda da msengeletano. 26Va ti ningilwe kambe kuxayisa tinguwo ta mtendela ni nguwo ya ha txidingeni ka mtendela wu wu nga ranganyeta dithepele ni txiluvelo, ni tingoti ti ti lavekako ka wotshe mthumo wa kona.
27Liveleko la Kohate wa Amiramu, ni la Izari, ni Hebroni, ni Uziyeli; atiya ngu tona tiveleko ta va ka Kohate. 28Mtengo wotshe wa vanana va nga balwa, va tanga ya mtxima wumwewo ni kuya masoni, mbwa 8.600. 29Mimwaya ya ka Kohate yi to gova ka didhawa da wulambwe ka ditenda. 30Se mthangeli wa nyumba ya mimwaya ya ka Kohate, i ti ti Elisafani, mwana Uziyeli. 31Mthumo wawe i ti wo xayisa dibhokiso, ni meza, ni phande ya malambu, ni siluvelo, se ni siya sa wukhalo wo sawuleka so thuma ngu sona, ni m'jiyo, ni sotshe si lumbako mthumo.
32Se mthangeli wa vathangeli va ka Levhi, i ti ti Eleyazari, mwana Aroni, mphaxeli. Ene a ti ti ni mthumo wo thangela votshe vale va nga txi xayisa wukhalo wo sawuleka.
33Liveleko la ka Merari, wa ka Mahili, ni la ka Muxi; atiya, ngu tona tiveleko ta va ka Merari. 34Se avale va nga balwa hagari kwawe, ngu mtengo wa votshe vavamna va tanga ya mtxima ni kuya msoni, i ti ti 6.200. 35Mthangeli wa nyumbani ka vatate va mimwaya ya ka Merari, i ti Suriyeli, mwana Abhigayeli. Vona va ti ya gova ngu didhawa da wuphemba ka ditenda. 36Se mthumo wa vanana va ka Merari wu na va wa kuxayisa mapulango a nyumba, ni timbalelo ta kona, ni tiphande, ni siparako, ni sotshe si si nga txi laveka, ni sotshe siya sa kona. 37Kumweko ni mthumo wa kuxayisa tiphande ti ti nga txi ranganyeta diguma, siparako sa kona, sipande sa kona, ni tingoti ta kona.
38Didhawa da wutxani, masoni ka ditenda da msengeletano, ngu didhawa da wutxani, Mosi, ni Aroni, ni vanana vawe, va na gwimba matenda awe masoni ka ditenda do sawuleka, va txi xayisa wukhalo wo sawuleka, kasi ku va vawoneleti va vanana va ka Israyeli; ngako m'thu wa walo a txo tshuketa, a fanete a txi fa.
39Votshe vanana vavafana va Valevhi, ava va nga balwa ngu Mosi, ni Aroni, ngu kuruma ka Mkoma, madingano ni liveleko lawe, i ti ti 22.000.
Va ka Levhi va ka wukhalo wa vanana vo khata
40Se Mkoma a to khene ka Mosi: Bala votshe vanana va matiwula a vafana va va ka Israyeli, va tanga ya mtxima wumwewo ni kupinda, u bhala mtengo wa matina awe. 41Ni sawulele Valevhi, (ani ngani Mkoma) ka wukhalo wa otshe matiwula a vanana va ka Israyeli, ni sihari sa Valevhi ka wukhalo wa sihari sa vanana va ka Vaisrayeli.
42Se Mosi a to bala otshe matiwula a vanana va ka Israyeli, nga ti Mkoma a nga wombisa tona. 43Matina otshe a matiwula a vafana va tanga ya mtxima wumwewo ni kuya masoni, i ti mtengo wa 22.273 wa vathu.
44Se Mkoma a to womba ka Mosi, a txi khene:
45Teka Valevhi ka wukhalo wa otshe matiwula a vanana va ka Israyeli, se sihari sa Valevhi ka wukhalo wa sihari sa Vaisrayeli. Valevhi va na va vangu. Ani ngani Mkoma! 46Matiwula a vanana va ka Israyeli ma na pinda a Valevhi ngu mtengo wa 273 vale va no tirulwa. 47U na teka mtxhanu wa maxekele ka m'thu mmwani ni mmwani; ngu kuya ngu maxekele a wukhalo wo sawuleka, u teka magumi mambidi a magera ngu dixekele . 48Se Male ya kutirulwa ka vale va nga sala hagari kwawe, u na yi ningela ka Aroni ni vanana vakwe.
49Sekoko Mosi a to teka male yo tirulisa, ya vale va nga sala kuhulukiswa ngu Valevhi. 50Ka matiwula a vanana va ka Israyeli a to teka male, ya 1.365 wa maxekele, madingano ni maxekele a wukhalo wo sawuleka. 51Se Mosi e ninga Aroni ni vanana vakwe, male yo tirulisa ngu yona, madingano ni kuruma ka Mkoma, nga ti Mkoma a nga wombisa tona ka Mosi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Txitxopi © Bible Society in Mozambique, 2016.