Génesis 12
12
Papang yaklauwi Abram yakat kalyulnawiting yakat kiunin
1Mani as kat Dawan yaklauwi Abram yakat kalyulna: “Sauma kidika datah, wanaihma balna, dawak papangma ūni data yawah bahang yang sau as namangkaki.#Ap.w 7:2-3; Hib 11:8. 2Man sulama balna karak nisan nuhni as yamkiki, dawak blisin maki, ayangma nuhni mayamki, bahang man laih blisin as awama muih ūk balna nining yakat. 3Wais man yak yamni mayamwarang kidika yang lawik witing yak blisin kalaki; dawak wais man yak dutni mayulwarang kidika, yang lawik witing yak la kaltuhki; dawak man munah muih balna bitik blisin diaki.”#Ap.w 3:25; Gal 3:8.
4Abram kalahwi kiuna Harán kaupak, Dawan yaklauwi pakna dai kaput. Bahang witing kalahna kidika Canaán yakat kiuna atnin witing uman kurih 75 duwadai. 5Witing yalni Sarai kidika duwi kiuna, dawak āniwalas Lot bik duwi kiuna, di duwa balna bitik dawak Harán yakat witing muih duna dai kidika dini yamna atnin, kidika dini yamna, kidika balna bitik duwi kiuna. Dawak Canaán yakat uiwi kakana kat, 6Abram witing, kidika sauni kidika bitik yakat bayakna dawak Siquem kat kiuna, kidika yakat More kirahni panan holi kulna sakkidika. Kaput laih Cananeo balna kidika, kidik sauni yakat yalalahwa dai. 7Kidika yakat Dawan laih kalahwi kalyulna: “Adika sauni man sulama balna yak diaki.”#Ap.w 7:5; Gal 3:16.
Kaput laih sakripais busnin pāni as yamna Dawan risnipik kau, kat kidika pāni yakat laih kalahna dai bahang. 8Usnit kat Betel tawanni nuhni kaupak ma kilwa niningkauh asangpas yakat kiuna, dawak kidika yakat ūni labanni pakna. Witing ūni labanni pakna kidika kaupak ma kawa niningyakat pakdai Betel kidika, dawak Hai tawanni nuhni laih ma kilwa niningyak pakdai. Kidika pāni yakat Abram witing sakripais yamnin pāni as yamna. 9Usnit kat tani tani laih Néguev sauni nining yakat kiuna,
Abram Egipto yak
10Kidika mani, balna yuhlakna dai, kidika sauni yakat dai, dawak Abram Egipto yak kiuna dai ma as kidika yakat yalahna atnin, kat witing yalahwa pāni yakat kasnin dini balna kidika dis kalna dai bahang. 11Mahka Egipto yakat uiwi kakawakat, Abram witing yalni Sarai kat kalyulna: “Talah, yang yamni amanglatayang, man kidika yal as nuhni yamni man, 12bahang Egipto muihni balna matatalwarang kat, witingna yuyulwarang: ‘Adika yalni laih kidika alni kidika yalni.’ Kaput laih yang akat yaihiwarang, dawak man laih sangka madadawarang madunin yulni. 13Kaput bahang, yang yamni atnik dawak yaīwas atnin man yulma, bahang diyulma man laih yang wirahki man.”#Gn 20:2; 26:7.
14Dawak Abram Egipto yak kiwi kana kat, Egipto muihni balna tatalna Sarai kidika yal as nuhni yaksinh dai. 15Dawak fero, Egipto kingni ahalni balna bik tatalna, dawak uiwi kalyuyulna kidika yalni laih nuhni yamni yaksihni ki. Kaput laih fero ūni yakat duwi uina.
16Sarai yulni fero yaklauwi Abram yak yamni palni prisant kalana dai, sīp turuh yayal, dini yamyang ahal, yayal, biriku dawak kiamil. 17Kaunah kaput bik Sarai yulni Dawan yaklauwi fero yak wah kalana, dawak fero wanaihni balna yak bik wah nuhni diana. 18Kaput dawak fero yaklauwi Abram yakat yulwak kiwak kalyulna: “¿Ais adika kaput yayamna manh? ¿Dawak ais yamta yayultasman daih, adika yal laih man yalma? 19Man yayulna man adika yal laih man wirahma yal, bahang yang sip yang dai yalki dunik. Aduh akat sakki. ¡Duta mahka yawah!” 20Dawak fero yaklauwi ahalni balna yak diyulna, Abram kidika Egipto sauni kaupak mahka yakpamna atnin, yalni karak, dawak di duna balna dai kidika bitik bik.
Currently Selected:
Génesis 12: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Génesis 12
12
Papang yaklauwi Abram yakat kalyulnawiting yakat kiunin
1Mani as kat Dawan yaklauwi Abram yakat kalyulna: “Sauma kidika datah, wanaihma balna, dawak papangma ūni data yawah bahang yang sau as namangkaki.#Ap.w 7:2-3; Hib 11:8. 2Man sulama balna karak nisan nuhni as yamkiki, dawak blisin maki, ayangma nuhni mayamki, bahang man laih blisin as awama muih ūk balna nining yakat. 3Wais man yak yamni mayamwarang kidika yang lawik witing yak blisin kalaki; dawak wais man yak dutni mayulwarang kidika, yang lawik witing yak la kaltuhki; dawak man munah muih balna bitik blisin diaki.”#Ap.w 3:25; Gal 3:8.
4Abram kalahwi kiuna Harán kaupak, Dawan yaklauwi pakna dai kaput. Bahang witing kalahna kidika Canaán yakat kiuna atnin witing uman kurih 75 duwadai. 5Witing yalni Sarai kidika duwi kiuna, dawak āniwalas Lot bik duwi kiuna, di duwa balna bitik dawak Harán yakat witing muih duna dai kidika dini yamna atnin, kidika dini yamna, kidika balna bitik duwi kiuna. Dawak Canaán yakat uiwi kakana kat, 6Abram witing, kidika sauni kidika bitik yakat bayakna dawak Siquem kat kiuna, kidika yakat More kirahni panan holi kulna sakkidika. Kaput laih Cananeo balna kidika, kidik sauni yakat yalalahwa dai. 7Kidika yakat Dawan laih kalahwi kalyulna: “Adika sauni man sulama balna yak diaki.”#Ap.w 7:5; Gal 3:16.
Kaput laih sakripais busnin pāni as yamna Dawan risnipik kau, kat kidika pāni yakat laih kalahna dai bahang. 8Usnit kat Betel tawanni nuhni kaupak ma kilwa niningkauh asangpas yakat kiuna, dawak kidika yakat ūni labanni pakna. Witing ūni labanni pakna kidika kaupak ma kawa niningyakat pakdai Betel kidika, dawak Hai tawanni nuhni laih ma kilwa niningyak pakdai. Kidika pāni yakat Abram witing sakripais yamnin pāni as yamna. 9Usnit kat tani tani laih Néguev sauni nining yakat kiuna,
Abram Egipto yak
10Kidika mani, balna yuhlakna dai, kidika sauni yakat dai, dawak Abram Egipto yak kiuna dai ma as kidika yakat yalahna atnin, kat witing yalahwa pāni yakat kasnin dini balna kidika dis kalna dai bahang. 11Mahka Egipto yakat uiwi kakawakat, Abram witing yalni Sarai kat kalyulna: “Talah, yang yamni amanglatayang, man kidika yal as nuhni yamni man, 12bahang Egipto muihni balna matatalwarang kat, witingna yuyulwarang: ‘Adika yalni laih kidika alni kidika yalni.’ Kaput laih yang akat yaihiwarang, dawak man laih sangka madadawarang madunin yulni. 13Kaput bahang, yang yamni atnik dawak yaīwas atnin man yulma, bahang diyulma man laih yang wirahki man.”#Gn 20:2; 26:7.
14Dawak Abram Egipto yak kiwi kana kat, Egipto muihni balna tatalna Sarai kidika yal as nuhni yaksinh dai. 15Dawak fero, Egipto kingni ahalni balna bik tatalna, dawak uiwi kalyuyulna kidika yalni laih nuhni yamni yaksihni ki. Kaput laih fero ūni yakat duwi uina.
16Sarai yulni fero yaklauwi Abram yak yamni palni prisant kalana dai, sīp turuh yayal, dini yamyang ahal, yayal, biriku dawak kiamil. 17Kaunah kaput bik Sarai yulni Dawan yaklauwi fero yak wah kalana, dawak fero wanaihni balna yak bik wah nuhni diana. 18Kaput dawak fero yaklauwi Abram yakat yulwak kiwak kalyulna: “¿Ais adika kaput yayamna manh? ¿Dawak ais yamta yayultasman daih, adika yal laih man yalma? 19Man yayulna man adika yal laih man wirahma yal, bahang yang sip yang dai yalki dunik. Aduh akat sakki. ¡Duta mahka yawah!” 20Dawak fero yaklauwi ahalni balna yak diyulna, Abram kidika Egipto sauni kaupak mahka yakpamna atnin, yalni karak, dawak di duna balna dai kidika bitik bik.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998