Génesis 20
20
Abraham dawak Abimelec karak
1Abraham witing sakdai kidika kaupak kalahwi kiuna Néguev sauni yakat, dawak Gerar tawanni nuhni yakat kiwi watwi yalahna, kidika laih Cades dawak Shur karak walsah yakat ki. 2Kidika yakat kiwi kana kat, witing yulwadai Sara kidika witing wirahni yal.#Gn 12:13; 26:7. Kaput laih Abimelec, Gerar kingni yaklauwi muih sihna dai Sara kidika duwi kiwak witing yalni duna atnin. 3Kaunah kidika puknita Abimelec amana as talna, bahang kidika yakat Papang yaklauwi kalyulna: “Man dauma ki, kat yal dunaman kidika laih al duwi.”
4Kaput kaunah, witing baisa yalni kidika karak payayahwasdai bahang nangnitlana: “Dakiwan, ¿man muih as di dutni yamwas kidika inin kultamanh? 5Abraham witing palni yayulna, yal kidika laih witing wirahni, dawak yal kidika bik yayulna al kidika laih witing wirahni, kaput bahang yang yamnayang kidika laih kulnik yamni kau dutik yamnayang. Bahang yang di dutni as bik yamtasyang.”
6Dawak Papang yaklauwi biri nangnitlana amana kau: “Yang yamni amanglatayang man kasak kulnin yamni duta yamnaman kidika. Bahang yang datasyang dai man witing yak laihna atnam, kaput yamta yang niking yakat dutni yamnam-awas yulni. 7Bahang waralaih, alni adika yalni watta kalatah, kat witing laih prapit as ki bahang witing man yulma minit yulwarang ban sangka atnam yulni; kaunah man watta kalatas awama kat, man dawak walamabis balna, tawanma bitik laih dautanama.”
8Dawak payahlawak mapiris, Abimelec yaklauna dawak dini yamyang balna yakat yulwak uina, dawak pukta amana talna kidika bitik diyulna. Witingna kidika dakawi kasak yamaduduna. 9Usnit kat Abimelec yaklauwi Abraham yak yulwak kiuna dawak kalyulna:
—¡Talah man ais yanayamnaman kidika! ¿Man yakat ais dutni mayamnayang, kaput man yang mikit yakat dutni nuhni duainaman kidika, dawak yang muih balna minitna yakat bik? Kidika dini kaput yayamwas ki. 10¿Man ais kulta sakkauna adika dini bitik yamna mahn?
Kaput kalyulna Abimelec yaklauwi Abraham yakat, 11dawak Abraham biriwi nangnitlana:
—Yang kulnayang laih adika pāni akat Papang yakat rispik kukulwas ki, bahang kulnayang, yang yalki yulni sipki yaīnin. 12Kaunah rahm laih witing kidika yang wirahki yal: papangki walanbis yal, kaunah yang nanangki walanibis laih awaski; kaput bahang sip yang dai witing karak kaldunikna. 13Papang yaklauwi yapakna kat papangki ūni kaupak alahwinik, yang yal akat kalyulnayang dai, angdika pāni balna yakat mawarang kidika, man yulma, yang laih man wirahma al yang.
14Kaput laih Abimelec yaklauwi Abraham yakat witing yalni Sara kidika watwi kalana. Baisa minit yakat, sīp, turuh yayal, dini yamyang balna ahal dawak yayal bik kalana, 15dawak kalyulna:
—Talah, yang sauki kidika, angdika pāni man dukih mawa kidika duta yalahta.
16Sara yakat kalyulna:
—Yang wirahma al yakat di kalanayang kidika laih lalah tausin praisni ki, dawak kidika yaklauwi man ayangma nuhni kulna kidika nanit dakna karang, man karak bangkidika balna bitik niningna yakat. Muih as bik man yakat dutni#20.16 Man yakat dutni: kaput wirlana kidika yamni kapat ki. Hibru kau laih amangladas ki. mayulwas karang.
17Kaput laih Abraham Papang yak minit yulna; dawak Papang yaklauwi Abimelec muihni yak yamni kaldana dai dawak yalni yakat bik. Kaput bik laih dini yamyang balna kidika bik yamni diyamna, bahang sipdai witingna walabis yakna atnin, 18kat Sara yulni Dawan yaklauwi yamna dai Abimelec ūnipas kau yayal balna kidika bitik walabis yaknin-awas.
Currently Selected:
Génesis 20: SUMU
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998
Génesis 20
20
Abraham dawak Abimelec karak
1Abraham witing sakdai kidika kaupak kalahwi kiuna Néguev sauni yakat, dawak Gerar tawanni nuhni yakat kiwi watwi yalahna, kidika laih Cades dawak Shur karak walsah yakat ki. 2Kidika yakat kiwi kana kat, witing yulwadai Sara kidika witing wirahni yal.#Gn 12:13; 26:7. Kaput laih Abimelec, Gerar kingni yaklauwi muih sihna dai Sara kidika duwi kiwak witing yalni duna atnin. 3Kaunah kidika puknita Abimelec amana as talna, bahang kidika yakat Papang yaklauwi kalyulna: “Man dauma ki, kat yal dunaman kidika laih al duwi.”
4Kaput kaunah, witing baisa yalni kidika karak payayahwasdai bahang nangnitlana: “Dakiwan, ¿man muih as di dutni yamwas kidika inin kultamanh? 5Abraham witing palni yayulna, yal kidika laih witing wirahni, dawak yal kidika bik yayulna al kidika laih witing wirahni, kaput bahang yang yamnayang kidika laih kulnik yamni kau dutik yamnayang. Bahang yang di dutni as bik yamtasyang.”
6Dawak Papang yaklauwi biri nangnitlana amana kau: “Yang yamni amanglatayang man kasak kulnin yamni duta yamnaman kidika. Bahang yang datasyang dai man witing yak laihna atnam, kaput yamta yang niking yakat dutni yamnam-awas yulni. 7Bahang waralaih, alni adika yalni watta kalatah, kat witing laih prapit as ki bahang witing man yulma minit yulwarang ban sangka atnam yulni; kaunah man watta kalatas awama kat, man dawak walamabis balna, tawanma bitik laih dautanama.”
8Dawak payahlawak mapiris, Abimelec yaklauna dawak dini yamyang balna yakat yulwak uina, dawak pukta amana talna kidika bitik diyulna. Witingna kidika dakawi kasak yamaduduna. 9Usnit kat Abimelec yaklauwi Abraham yak yulwak kiuna dawak kalyulna:
—¡Talah man ais yanayamnaman kidika! ¿Man yakat ais dutni mayamnayang, kaput man yang mikit yakat dutni nuhni duainaman kidika, dawak yang muih balna minitna yakat bik? Kidika dini kaput yayamwas ki. 10¿Man ais kulta sakkauna adika dini bitik yamna mahn?
Kaput kalyulna Abimelec yaklauwi Abraham yakat, 11dawak Abraham biriwi nangnitlana:
—Yang kulnayang laih adika pāni akat Papang yakat rispik kukulwas ki, bahang kulnayang, yang yalki yulni sipki yaīnin. 12Kaunah rahm laih witing kidika yang wirahki yal: papangki walanbis yal, kaunah yang nanangki walanibis laih awaski; kaput bahang sip yang dai witing karak kaldunikna. 13Papang yaklauwi yapakna kat papangki ūni kaupak alahwinik, yang yal akat kalyulnayang dai, angdika pāni balna yakat mawarang kidika, man yulma, yang laih man wirahma al yang.
14Kaput laih Abimelec yaklauwi Abraham yakat witing yalni Sara kidika watwi kalana. Baisa minit yakat, sīp, turuh yayal, dini yamyang balna ahal dawak yayal bik kalana, 15dawak kalyulna:
—Talah, yang sauki kidika, angdika pāni man dukih mawa kidika duta yalahta.
16Sara yakat kalyulna:
—Yang wirahma al yakat di kalanayang kidika laih lalah tausin praisni ki, dawak kidika yaklauwi man ayangma nuhni kulna kidika nanit dakna karang, man karak bangkidika balna bitik niningna yakat. Muih as bik man yakat dutni#20.16 Man yakat dutni: kaput wirlana kidika yamni kapat ki. Hibru kau laih amangladas ki. mayulwas karang.
17Kaput laih Abraham Papang yak minit yulna; dawak Papang yaklauwi Abimelec muihni yak yamni kaldana dai dawak yalni yakat bik. Kaput bik laih dini yamyang balna kidika bik yamni diyamna, bahang sipdai witingna walabis yakna atnin, 18kat Sara yulni Dawan yaklauwi yamna dai Abimelec ūnipas kau yayal balna kidika bitik walabis yaknin-awas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Sumo
Texto © Sociedad Bíblica de Nicaragua 1998