Lukas 11
11
Yesus nen sembayan yigit diluk yisi dogusak yiluk agoromi yanggul isasike wene
(Matius 6:9-13; 7:7-11)
1Ininggi omanggi paga, at Yesus o ninmoat dogolik sembayan yisi lagike. Sembayan arat yisikemo nen, at agoromi ane waganggo laguka mende yomenogo omanggiat nen,
“Newe. At Yohanes nen, at agoromi ane waganggo lagaka mende sembayan yisi dogowagaluk yanggul isasi laga etnogo kak, nit esigit dilugat sembayan yisi dogowagaluk omanggi yanggul nisan o,” yiluk yogokikemo, 2at Yesus nen,
“Kit sembayan yisi dogolik yigit diluk yisi dogono o,
Ninombae. Kenggaerak kendaga nggogot disi dogowagaluk, kagatninabi me o. Nit kapma dogowagaluk ʼbinani me o.
3Nit ninambiri kibitngge-yogongge nasi dogusak mende, kat nen erlokogonat woknisasi dogono o.
4Akoni nen weyak kagat ninabigogi mende inebe dombok nit nen sagalogo deget diligogi eti kak, nit nen weyak kagako mende kat nen sagalogo deget dinan o. Weyak kagasuwagaluk ninakla nggagaliginmo etoma togot dinanggidek, woknisegat lago dogono o, yiluk esigit diluk sembayan yisi dogono o,”
yiluk yanggul isasike.
5-6Esigit diluk yanggul isasikesik nen, agoromi ane waganggo laguka mende yomenogo men yogisasike,
“Ap kit mende omanggi kibanggo orlo kisogo agarlak oba lalok yogoko dogolik,
Nagarlak o! An nagarlak omanggi werlekma lagaluk nen, noba ʼbitniyilik wagasik werek mende, kimbiri melagasu mende dek agama. Kat nen kimbiri roti werago mende kenagan kalok omanggi woknisin o, yiluk, yogoko kalok, 7at agarlak etnogo uma nen ane wulagik,
An naʼburi ninom su lat diluk noge yisi nggorlek, niniluk-ninalakogo eti kagako ʼbuk. Naʼit. Noge yisinem iniluk atluk wokisusak, erlok dek o, yiluk esigit diluk yogosusak ambegep? 8Dek o. At eti akla nen,
Nagarlak mende nen yiligogo, yiluk melagidek togot dusak mende, at ane enggarli agidek nggino yisi mondogat yogoko dogumo, at melatluk nen, at nggino yigin mende ndak-ndagat wogosiginat ambigi. 9-10Eti kak, an wene omanggi yokisak. It akoni inebe dombok nen, Allah nggino yogokonem, at nen inebe dombogat wogisiligogo o. Nen, it amberek inebe dombok nen, yi mende ndi mende at oba kweyakonem, inebe dombok kweyakaligogiat o. Nen, it amberek inebe dombok nen, su mbumbu kasinem, at nen inebe dombok su kuwaliyiligogoat o. Eti paga, kit nen Allah nggino yogoko dogono o. Yogoko dogumo, wokisaginat o. Pano mende at oba kweyako dogono o. Kweyako dogumo, kweyasugunat o. Su mbumbu kasi dogono o. Mbumbukasi dogumo, at nen su kuwal kiyaginat o. 11Kit amberek kinaʼburi nen,
Ikan abu, yisi kalok, inombaelak nen ikan wogisigidek obalikmo warlo mbelal mende wogisiligogi nogo? 12At te, sewe enggen abu, yisi kalok, warlo aik werek mende wogisiligogi nogo? Mondok dek o. 13Kit kinobabut weyak kagarigogi mendeat, kinaʼburi eti, pano mende wogisiligogi kinilumo, pano mende wogisiligogi eti kak, kinombae Allah mbogot oba mende yogoko dogolik,
Kagurengge eti woknisan o, yiluk, nggino yogoko kalok, wokisagin dek ambegep? At nen wokisaginat o,” yiluk yogisasike.
“At Yesus eti Beelzebul oba duksek werekma kagarik liligogo,” yiluk yisuka wene
(Matius 12:22-30; Markus 3:20-27)
14Ininggi omanggi paga, at Yesus nen ap omanggi kugi obabut weyak mende akla unggisikesik werekma, ane mondok dek welagike mende etnogo akla nen nggigilogo wula ʼbisikemo, ane kuwak yisike. Ane kuwak yisikemo akoni dogalegat yomenogo nen,
“Iya! Ninayuk a,” yiluk pogorakuka. 15Esigit diluk pogorakuka mende, it amberek nen men yisuka,
“At Yesus eti kugi inobabut weyak mende inewe nggok endaga Beelzebul etnogo obatne paga kugi at agoromi negen, inobabut weyak mende akoni inakla unggiluk werekma nggigilogo wula ʼbiyiligogo,” yiluk yisinem, 16it amberek nen at Yesus aren mbaluwogoluk,
“Kat kebe Allah nen laʼbagi wagama wagan kalok, nit nen, didaguwok nen, kat nen ninonggodek mende elalinat omanggi kagasin nda,” yiluk yogokuka. 17Esigit diluk yogokukama, at Yesus nen it inakla ebekuka mende enggagat didiyalok, men yogisasike,
“O ap inendaganggok inagoromi inapma pagisek dogoligogomangge dombok, it-it inom minggirlogo kurli ʼbiluk inom weyak dogogun kalok, kai asugun o. Nen, ap inebe dombok inaʼburi inom kurli ʼbiluk inom weyak dogogun kalok, esigit dilugat weyak asugunat o. 18Mende, kit nen an yoknoko dogolik,
Kugi inobabut weyak mende inewe endaga Beelzebul etnogo koba duksek dogolik, at obatne paga kugi inobabut weyak mende amberek akoni inakla unggiluk werekma, nggigilogo wula ʼbiyaligogon, yiluk yoknirigogi eti, at Iblis eti enggaerek agoromi inom minggirlogo kurli ʼbiluk inom weyak atlepma, at agoromi pagisek dogoligogo mende ninggidiluk inobatne dogolep? Erlok dek o. 19Eti kak, an nen kugi inobabut weyak mende inewe endaga Beelzebul eti obatne paga kugi inobabut weyak mende amberek wula ʼbiyaligogo kalok, kit kinaʼburi eti ta obatne paga wula ʼbiyiligogi ambegep. Kinagoromi nen esigit diluk kagarigogi eti paga, it nen,
Kit nen, wene at Yesus pasik yegep eti, nggorlo yegep o, yiluk, wene kinoba ʼbu kak kagarigogi o. 20Mende, an nen Allah obatne eti paga kugi inobabut weyak mende eti nggigilogo wula ʼbiyiligogo kalok, Allah nen at apma ʼbiyagin etnogo arat kinoba panggok yi waga o. 21Ap omanggi obatne werek mende nen asike arege pulogo ʼbakalok aguma etnogo anggorlem dogogin kalok, amende yi mende ndi mende yomenogo taʼbokogon at pano nggarelek dogogin o. 22Mende, ap omanggi obatne at eti obatne kak dek. At te, obatne mondok pakalok mende, ap etnogo aguma unggiluk nen, ebe kaiyet diluk, asike arege oba kimbilik dogogin mende etnogo ndilko dogolik, amende yi mende ndi mende yomenogo waganogo mondok it amberek sumbusogo wogisagin o. 23Ta nen an werekmangge agidek kalok, at eti an ninom wim mbalek mendeat o. Nen, ta nen an ninom nandorinabigogo dek kalok, at eti nenat mukogo laʼbiyiligogo o,” yiluk yogisasike.
“Kugi obabut weyak mende iyogoba wirigogo,” yiluk yogisasike wene
(Matius 12:43-45)
24Esigit diluk yogisalok nen wene omanggi men yogisasike:
“Kugi obabut weyak mende eti akoni inakla nen dukiluk,
An naguma nggomangge dogik nan lak, yiluk set walogo dogusak oba obalik kweyarik o limo i mondok dekma nikekerek-wikekerek, kweyarigogo, mondok dek nen, men yiligogo:
An naguma alep welagima etnogo niyogoba lalok unggigin, yiluk, wirigogo. 25Witluk unggiluk nen, o etnogo mondok amumul wulabogo nggarelek werekma kalok nen 26yabunggane iyogoba duki lalok, at obabut weyak mende etnogo nen kugi amberek at obabut kak dek. At te, inobabut mondok weyak mende inebe 7 paga inayonggo ʼbiluk wogisek witluk nen, ap eti akla unggiluk dogoligogi o. Esigit diluk unggi witluk werekma, ap eti alebagik, obabut pano negen welagike mendeat, yabunggane obabut mondok weyagat kagat lasigin o,” yiluk yogisasike.
“Ta akla arlenggen kiligogo,” yiluk yogisasike wene
27Wene esigit diluk arat yogisasikemo nen, it akoni dogalegat yomenogo kwe omanggi nen ane nggokogo Yesus yogoko dogolik,
“Kat kagoya kebe endak kakikesik irlak wokogo lagike mende etnogo akla arlenggen kasi dogowak o,” yiluk esigit diluk yogokikemo, 28at Yesus nen,
“At eti arligat dek o. Allah wene eti inasuk kol diluk motogo kagako dogogun kalok inakla arlenggen mondok kasi dogowagat o,” yiluk yogokike.
“Nit nen didaguwok nen, elalin mende omanggi kagasin nda,” yiluk yogokukama, Yesus nen onggo yogisasike wene
(Matius 12:38-42)
29Esigit diluk yogikikemo, akoni mondok dogalegat Yesus oba nandorli wagukama, at nen men yogisasike,
“Kit akoni o yogondak werek mende yoma kinobabut mondok weyak o. Kit nen,
Nit nen didaguwok nen, ninonggodek mende elalinat omanggi kagasin, yiluk yoknirigogi mendeat, an nebe didanubagik nen yiluk an nen elalin ninat mende omanggi kagasigin dek o. At te, at Yunus akoni nen diduwagaluk kagakike etnogo kagat kagakonem niyagun o. 30At Yunus eti akoni o Niniwe mende etoma diduwagaluk welagike etnogo kak, an abat endaklasi wagagi yi, kit akoni o yogondak werek mende yoma nen didanubagik nen yiluk werek o. 31Paganeat, at kwe endaganggok mende ago o selatan walegat ilugun oba etoma nen ap Salomo akla nggagalek mondok dogolik yogisasi lagike mende etnogo asuk koligiluk wagike. Mende, ap Salomo eti erlok dek negen welagike. Mende, an yogondak ya werek yiat, mondok nggogatma, o ilugun kurli paga Allah nen akoni wene inoba ʼbigik, nggokik, kagasigin etinem, at kwe endaganggok eti ebe melatluk nen, kit akoni o yogondak werek mende yi men yokisagin,
Kit weyak, kinenggarli, yiluk yokisagin o. 32At Yunus eti nen akoni o Niniwe mende yomenogo Allah wene yogisasi lagikemo, inobabut kwalatluk yi weyak ndi weyak kagako laguka mende yomenogo togot disuka o. Mende, at Yunus eti endaga dek negenat o. Nen, an yoma werek yiat, mondok nggogat o, yiluk, yabunggane Allah nen o ilugun oba akoni wene inoba ʼbigik nggokik, kagasigin etinem, akoni o Niniwe mende etoma nebe melatluk nen, kit akoni yogondak werek mende yi men yokisagun,
Kit weyak, kinenggarli, yiluk, yokisagunat o,” yiluk yogisasike.
“Kinebe o liya negen werek eti erlo kinilenggen eti nenat o,” yiluk yogisasike wene
(Matius 5:15; 6:22-23)
33Esigit diluk yogisasikesik,
“Akoni nen isagal yibarlogo nen aberama limago ʼbigik, sogorluwak akla sebelogo ʼbigik, ʼbiligogi mondok dek. At te, yibarlogo nen, akoni uma unggisi dogolik o liya werekma enggagat kowagaluk, o iyok ndilik oba ʼbiligogi. 34Ninebe liyarogo isagal yibarlek negen, ninilenggen etiat werek o. Kinilenggen eti pano kalok, kinebe abirat liya mondok dogogun o. Mendeat, kinilenggen eti weyak werek kalok, kinebe abit o amum mondogat dogogun o. 35Eti paga, o liya mende kinakla werek etnogo amum asunogo yiluk, kinobabut kwalogo dogono o. 36Nen, kit kinebe abirat, o amum negen omanggi dek, at te, liya mondok arlek werek kalok, isagal yibat lago dogolik kinoba yagogo liligogo kak, kinebe abirat liya dogogun o,” yiluk yogisasike.
Ap Farisi mende inom, Allah wene yanggul isasi laguka mende inom, Yesus nen inenggarli diyasike wene
(Matius 23:1-36; Markus 12:38-40)
37Yesus nen wene eti yanggul isalok werekma, ap Farisi mende omanggi nen, Yesus men yogokike,
“Yesus, an werekma kimbiri nimbisak na luwok nen, eme o,” yiluk ayonggo ʼbisike. Ayonggo ʼbisikemo, aguma unggisukasik nen, kimbiri nuwogoluk korek laguka. 38At Yesus inggi paga kokidegat kimbiri nagaluk korek lagikemo nen, ap Farisi mende etnogo nen ilenggen kalok,
“Iya! Nayuk o!” yiluk akla ambasike. 39Esigit diluk ambasinem at Yesus nen men yogokike,
“Kit ap Farisi mende kinagiyak eti inom, piring eti inom, sikmangge arlek korigogi mendeat, kinakla akoni inamende kininggi abusak maklarik liligogi mende inom, yi weyak ndi weyak kagarigogi mende inom, mondok dogalegat nggerlek werek eti nggorlo o! 40Iya! Kit eti kinebe nggembu kagarigogi. Ninowado sikmangge kagarogo ʼbinasike mende nenat, ninakla kagarogo ʼbinasike dek nogo? At Allah nenat kagarogo ʼbinasike o. 41Kit mende yi mende ndi mende piring akla ndemerogo ʼbiligogi mende eti, akoni inamende dek mende sumbusogo wogisasi kalok, kit kinake yi mende ndi mende taʼbokogonat oba sobalek dogu kak dogogin o. 42Iya, kit ap Farisi mende Allah nen weyagat kinabigin o. Kit nen, akoni Allah ebe inendainggen kunik dogoligogi mende inom, akoni amberek motogo kagarigogi mende inom, kagasusak werek nggorlegat, esigit diluk kagakidek dogolik, dibongga negen inom, kindengga negen inom, wulebengga negen inom, kininggi wenago 10 paga ago kalok, omanggiat Allah amende ʼbiyiligogi eti, ʼbusak mendeat ʼbiyiligogi. Mende, nggok mende kagako dogusak mende kagakidek togot diligogi eti nggorlo! 43Iya! Kit ap Farisi mende Allah nen weyagat kinabigin o. O ap Yahudi mende sembayan yiligogoma ap nggokndek inobalikmo ilem-ilem korek lasi unggigik, nen pasar yi mende ndi mende onggo waganigogoma etoma akoni nen keyagi panorogo watninabuwagaluk unggigik, kagako dogu warlok dogoligogi o. 44Kit kinebe, men negen werek. Akoni watlagonem agatma sal diyalok, inakla enggerlogo kurli ʼbigidek togot diyiligogoma, akoni inonggodek dogolik iniyok nen sebelogo ʼbilik liligogi kak, kit eti esigit diluk weyak werek nggorlegat, akoni inonggodek dogolik kinom dogoligogi eti paga, iya, Allah nen weyagat kinabigin o,” yiluk yogisasike.
45Esigit diluk yogisasikemo, ap Allah wene yanggul isasi lagike mende omanggi nen, Yesus men yogokike,
“Newe, kat yegen eti nit ninomat ninenggarli wat dinanggen kigi!” yiluk yisikemo, 46at Yesus nen,
“Kit ap Allah wene yanggul isaligogi mende yiat, iya, Allah nen weyagat kinabiginat o. Kit nen wene anggin weyak eti ambigidegat akoni inoba ʼbisi dogolik, anggin mende eti kininggi siksik omanggingge yamagiyigidek dogolik, inoba ʼbiligogi yoma! 47Kinakombalak nen akoni Allah wene yogisasi laguka mende inako laguka yomenogo, kit, it nen endago mende yi, inebe salinakuka paga o palogo ʼbiyiligogi eti, iya, Allah nen weyagat kinabigin o. 48Kinakombalak nen ap Allah wene yogisasi laguka mende inakuka yomenogo, inebe salinakuka paga o palogo ʼbiyaligogi eti paga,
Ninakombalak kagakuka eti morat kagakuka yiluk yu kagat kagarigogi o. 49At Allah Akla Nggagalek mondok eti nen yisi dogolik,
An nen it ap an nane yogisiligogo mende inom, inayonggo ʼbiluk laʼbiya wirigogo mende inom, it akoni amberek inoba laʼbiya wagonem, it nen amberek inakik, amberek weyak kagarinakik kagasugun o, yiluk yisike. 50-51At nen yisike ndak-ndagat, mbogot agat walkasike eti kurli paga nen, alebagik Habel etnogo ebe ewe nen amep wulabogo wakike eti nen, lok-logat it ap Allah wene yogisasi laguka mende inarik inarik, kurli ap Sakaria Allah ago palek kogol nggerlek, at anggo warogo kali kunggo lagukama kogol nggerlek, ndumo etoma amep wulabogo wakuka eti kurli, inamep wusasike eti taʼbokogonat kit akoni yogondak werek mende yi kinoba ʼbigin o. 52Eti paga, ap Allah wene yanggul isaligogi mende yi, akoni nen uma su kuwalogo ungguwogoluk walkiligogi kak, it akoni amberek yi wene ndi wene inilu asuwogoluk walkasinem, kit nen kunci ndilogo pago dogolik, kinenggaerek kinilu asuwogoluk yanggul kidek dogolik, it amberek yanggul uwogoluk kagakonem, kit nen,
yanggul usak dek o, yiluk, mberisaligogi eti paga, iya, Allah nen weyagat kinabigin o,” yiluk esigit diluk yogisalok nen, 53-54o etoma togot diyalok sikman duki lagikemo, it ap Allah wene kolal mbalek indewerek mende inom, ap Farisi mende inom, inakla agaga at oba ʼbisi dogolik,
“At Yesus eti ane yigin oba wene oba ʼbiluk ebe wasuwok nen yiluk,” endema nggok waganggik, ʼbugurlagat waganggik, kagako dogolik inil waganggo laguka.
Currently Selected:
Lukas 11: DNA
Highlight
Share
Copy
Want to have your highlights saved across all your devices? Sign up or sign in
Lukas 11
11
Yesus nen sembayan yigit diluk yisi dogusak yiluk agoromi yanggul isasike wene
(Matius 6:9-13; 7:7-11)
1Ininggi omanggi paga, at Yesus o ninmoat dogolik sembayan yisi lagike. Sembayan arat yisikemo nen, at agoromi ane waganggo laguka mende yomenogo omanggiat nen,
“Newe. At Yohanes nen, at agoromi ane waganggo lagaka mende sembayan yisi dogowagaluk yanggul isasi laga etnogo kak, nit esigit dilugat sembayan yisi dogowagaluk omanggi yanggul nisan o,” yiluk yogokikemo, 2at Yesus nen,
“Kit sembayan yisi dogolik yigit diluk yisi dogono o,
Ninombae. Kenggaerak kendaga nggogot disi dogowagaluk, kagatninabi me o. Nit kapma dogowagaluk ʼbinani me o.
3Nit ninambiri kibitngge-yogongge nasi dogusak mende, kat nen erlokogonat woknisasi dogono o.
4Akoni nen weyak kagat ninabigogi mende inebe dombok nit nen sagalogo deget diligogi eti kak, nit nen weyak kagako mende kat nen sagalogo deget dinan o. Weyak kagasuwagaluk ninakla nggagaliginmo etoma togot dinanggidek, woknisegat lago dogono o, yiluk esigit diluk sembayan yisi dogono o,”
yiluk yanggul isasike.
5-6Esigit diluk yanggul isasikesik nen, agoromi ane waganggo laguka mende yomenogo men yogisasike,
“Ap kit mende omanggi kibanggo orlo kisogo agarlak oba lalok yogoko dogolik,
Nagarlak o! An nagarlak omanggi werlekma lagaluk nen, noba ʼbitniyilik wagasik werek mende, kimbiri melagasu mende dek agama. Kat nen kimbiri roti werago mende kenagan kalok omanggi woknisin o, yiluk, yogoko kalok, 7at agarlak etnogo uma nen ane wulagik,
An naʼburi ninom su lat diluk noge yisi nggorlek, niniluk-ninalakogo eti kagako ʼbuk. Naʼit. Noge yisinem iniluk atluk wokisusak, erlok dek o, yiluk esigit diluk yogosusak ambegep? 8Dek o. At eti akla nen,
Nagarlak mende nen yiligogo, yiluk melagidek togot dusak mende, at ane enggarli agidek nggino yisi mondogat yogoko dogumo, at melatluk nen, at nggino yigin mende ndak-ndagat wogosiginat ambigi. 9-10Eti kak, an wene omanggi yokisak. It akoni inebe dombok nen, Allah nggino yogokonem, at nen inebe dombogat wogisiligogo o. Nen, it amberek inebe dombok nen, yi mende ndi mende at oba kweyakonem, inebe dombok kweyakaligogiat o. Nen, it amberek inebe dombok nen, su mbumbu kasinem, at nen inebe dombok su kuwaliyiligogoat o. Eti paga, kit nen Allah nggino yogoko dogono o. Yogoko dogumo, wokisaginat o. Pano mende at oba kweyako dogono o. Kweyako dogumo, kweyasugunat o. Su mbumbu kasi dogono o. Mbumbukasi dogumo, at nen su kuwal kiyaginat o. 11Kit amberek kinaʼburi nen,
Ikan abu, yisi kalok, inombaelak nen ikan wogisigidek obalikmo warlo mbelal mende wogisiligogi nogo? 12At te, sewe enggen abu, yisi kalok, warlo aik werek mende wogisiligogi nogo? Mondok dek o. 13Kit kinobabut weyak kagarigogi mendeat, kinaʼburi eti, pano mende wogisiligogi kinilumo, pano mende wogisiligogi eti kak, kinombae Allah mbogot oba mende yogoko dogolik,
Kagurengge eti woknisan o, yiluk, nggino yogoko kalok, wokisagin dek ambegep? At nen wokisaginat o,” yiluk yogisasike.
“At Yesus eti Beelzebul oba duksek werekma kagarik liligogo,” yiluk yisuka wene
(Matius 12:22-30; Markus 3:20-27)
14Ininggi omanggi paga, at Yesus nen ap omanggi kugi obabut weyak mende akla unggisikesik werekma, ane mondok dek welagike mende etnogo akla nen nggigilogo wula ʼbisikemo, ane kuwak yisike. Ane kuwak yisikemo akoni dogalegat yomenogo nen,
“Iya! Ninayuk a,” yiluk pogorakuka. 15Esigit diluk pogorakuka mende, it amberek nen men yisuka,
“At Yesus eti kugi inobabut weyak mende inewe nggok endaga Beelzebul etnogo obatne paga kugi at agoromi negen, inobabut weyak mende akoni inakla unggiluk werekma nggigilogo wula ʼbiyiligogo,” yiluk yisinem, 16it amberek nen at Yesus aren mbaluwogoluk,
“Kat kebe Allah nen laʼbagi wagama wagan kalok, nit nen, didaguwok nen, kat nen ninonggodek mende elalinat omanggi kagasin nda,” yiluk yogokuka. 17Esigit diluk yogokukama, at Yesus nen it inakla ebekuka mende enggagat didiyalok, men yogisasike,
“O ap inendaganggok inagoromi inapma pagisek dogoligogomangge dombok, it-it inom minggirlogo kurli ʼbiluk inom weyak dogogun kalok, kai asugun o. Nen, ap inebe dombok inaʼburi inom kurli ʼbiluk inom weyak dogogun kalok, esigit dilugat weyak asugunat o. 18Mende, kit nen an yoknoko dogolik,
Kugi inobabut weyak mende inewe endaga Beelzebul etnogo koba duksek dogolik, at obatne paga kugi inobabut weyak mende amberek akoni inakla unggiluk werekma, nggigilogo wula ʼbiyaligogon, yiluk yoknirigogi eti, at Iblis eti enggaerek agoromi inom minggirlogo kurli ʼbiluk inom weyak atlepma, at agoromi pagisek dogoligogo mende ninggidiluk inobatne dogolep? Erlok dek o. 19Eti kak, an nen kugi inobabut weyak mende inewe endaga Beelzebul eti obatne paga kugi inobabut weyak mende amberek wula ʼbiyaligogo kalok, kit kinaʼburi eti ta obatne paga wula ʼbiyiligogi ambegep. Kinagoromi nen esigit diluk kagarigogi eti paga, it nen,
Kit nen, wene at Yesus pasik yegep eti, nggorlo yegep o, yiluk, wene kinoba ʼbu kak kagarigogi o. 20Mende, an nen Allah obatne eti paga kugi inobabut weyak mende eti nggigilogo wula ʼbiyiligogo kalok, Allah nen at apma ʼbiyagin etnogo arat kinoba panggok yi waga o. 21Ap omanggi obatne werek mende nen asike arege pulogo ʼbakalok aguma etnogo anggorlem dogogin kalok, amende yi mende ndi mende yomenogo taʼbokogon at pano nggarelek dogogin o. 22Mende, ap omanggi obatne at eti obatne kak dek. At te, obatne mondok pakalok mende, ap etnogo aguma unggiluk nen, ebe kaiyet diluk, asike arege oba kimbilik dogogin mende etnogo ndilko dogolik, amende yi mende ndi mende yomenogo waganogo mondok it amberek sumbusogo wogisagin o. 23Ta nen an werekmangge agidek kalok, at eti an ninom wim mbalek mendeat o. Nen, ta nen an ninom nandorinabigogo dek kalok, at eti nenat mukogo laʼbiyiligogo o,” yiluk yogisasike.
“Kugi obabut weyak mende iyogoba wirigogo,” yiluk yogisasike wene
(Matius 12:43-45)
24Esigit diluk yogisalok nen wene omanggi men yogisasike:
“Kugi obabut weyak mende eti akoni inakla nen dukiluk,
An naguma nggomangge dogik nan lak, yiluk set walogo dogusak oba obalik kweyarik o limo i mondok dekma nikekerek-wikekerek, kweyarigogo, mondok dek nen, men yiligogo:
An naguma alep welagima etnogo niyogoba lalok unggigin, yiluk, wirigogo. 25Witluk unggiluk nen, o etnogo mondok amumul wulabogo nggarelek werekma kalok nen 26yabunggane iyogoba duki lalok, at obabut weyak mende etnogo nen kugi amberek at obabut kak dek. At te, inobabut mondok weyak mende inebe 7 paga inayonggo ʼbiluk wogisek witluk nen, ap eti akla unggiluk dogoligogi o. Esigit diluk unggi witluk werekma, ap eti alebagik, obabut pano negen welagike mendeat, yabunggane obabut mondok weyagat kagat lasigin o,” yiluk yogisasike.
“Ta akla arlenggen kiligogo,” yiluk yogisasike wene
27Wene esigit diluk arat yogisasikemo nen, it akoni dogalegat yomenogo kwe omanggi nen ane nggokogo Yesus yogoko dogolik,
“Kat kagoya kebe endak kakikesik irlak wokogo lagike mende etnogo akla arlenggen kasi dogowak o,” yiluk esigit diluk yogokikemo, 28at Yesus nen,
“At eti arligat dek o. Allah wene eti inasuk kol diluk motogo kagako dogogun kalok inakla arlenggen mondok kasi dogowagat o,” yiluk yogokike.
“Nit nen didaguwok nen, elalin mende omanggi kagasin nda,” yiluk yogokukama, Yesus nen onggo yogisasike wene
(Matius 12:38-42)
29Esigit diluk yogikikemo, akoni mondok dogalegat Yesus oba nandorli wagukama, at nen men yogisasike,
“Kit akoni o yogondak werek mende yoma kinobabut mondok weyak o. Kit nen,
Nit nen didaguwok nen, ninonggodek mende elalinat omanggi kagasin, yiluk yoknirigogi mendeat, an nebe didanubagik nen yiluk an nen elalin ninat mende omanggi kagasigin dek o. At te, at Yunus akoni nen diduwagaluk kagakike etnogo kagat kagakonem niyagun o. 30At Yunus eti akoni o Niniwe mende etoma diduwagaluk welagike etnogo kak, an abat endaklasi wagagi yi, kit akoni o yogondak werek mende yoma nen didanubagik nen yiluk werek o. 31Paganeat, at kwe endaganggok mende ago o selatan walegat ilugun oba etoma nen ap Salomo akla nggagalek mondok dogolik yogisasi lagike mende etnogo asuk koligiluk wagike. Mende, ap Salomo eti erlok dek negen welagike. Mende, an yogondak ya werek yiat, mondok nggogatma, o ilugun kurli paga Allah nen akoni wene inoba ʼbigik, nggokik, kagasigin etinem, at kwe endaganggok eti ebe melatluk nen, kit akoni o yogondak werek mende yi men yokisagin,
Kit weyak, kinenggarli, yiluk yokisagin o. 32At Yunus eti nen akoni o Niniwe mende yomenogo Allah wene yogisasi lagikemo, inobabut kwalatluk yi weyak ndi weyak kagako laguka mende yomenogo togot disuka o. Mende, at Yunus eti endaga dek negenat o. Nen, an yoma werek yiat, mondok nggogat o, yiluk, yabunggane Allah nen o ilugun oba akoni wene inoba ʼbigik nggokik, kagasigin etinem, akoni o Niniwe mende etoma nebe melatluk nen, kit akoni yogondak werek mende yi men yokisagun,
Kit weyak, kinenggarli, yiluk, yokisagunat o,” yiluk yogisasike.
“Kinebe o liya negen werek eti erlo kinilenggen eti nenat o,” yiluk yogisasike wene
(Matius 5:15; 6:22-23)
33Esigit diluk yogisasikesik,
“Akoni nen isagal yibarlogo nen aberama limago ʼbigik, sogorluwak akla sebelogo ʼbigik, ʼbiligogi mondok dek. At te, yibarlogo nen, akoni uma unggisi dogolik o liya werekma enggagat kowagaluk, o iyok ndilik oba ʼbiligogi. 34Ninebe liyarogo isagal yibarlek negen, ninilenggen etiat werek o. Kinilenggen eti pano kalok, kinebe abirat liya mondok dogogun o. Mendeat, kinilenggen eti weyak werek kalok, kinebe abit o amum mondogat dogogun o. 35Eti paga, o liya mende kinakla werek etnogo amum asunogo yiluk, kinobabut kwalogo dogono o. 36Nen, kit kinebe abirat, o amum negen omanggi dek, at te, liya mondok arlek werek kalok, isagal yibat lago dogolik kinoba yagogo liligogo kak, kinebe abirat liya dogogun o,” yiluk yogisasike.
Ap Farisi mende inom, Allah wene yanggul isasi laguka mende inom, Yesus nen inenggarli diyasike wene
(Matius 23:1-36; Markus 12:38-40)
37Yesus nen wene eti yanggul isalok werekma, ap Farisi mende omanggi nen, Yesus men yogokike,
“Yesus, an werekma kimbiri nimbisak na luwok nen, eme o,” yiluk ayonggo ʼbisike. Ayonggo ʼbisikemo, aguma unggisukasik nen, kimbiri nuwogoluk korek laguka. 38At Yesus inggi paga kokidegat kimbiri nagaluk korek lagikemo nen, ap Farisi mende etnogo nen ilenggen kalok,
“Iya! Nayuk o!” yiluk akla ambasike. 39Esigit diluk ambasinem at Yesus nen men yogokike,
“Kit ap Farisi mende kinagiyak eti inom, piring eti inom, sikmangge arlek korigogi mendeat, kinakla akoni inamende kininggi abusak maklarik liligogi mende inom, yi weyak ndi weyak kagarigogi mende inom, mondok dogalegat nggerlek werek eti nggorlo o! 40Iya! Kit eti kinebe nggembu kagarigogi. Ninowado sikmangge kagarogo ʼbinasike mende nenat, ninakla kagarogo ʼbinasike dek nogo? At Allah nenat kagarogo ʼbinasike o. 41Kit mende yi mende ndi mende piring akla ndemerogo ʼbiligogi mende eti, akoni inamende dek mende sumbusogo wogisasi kalok, kit kinake yi mende ndi mende taʼbokogonat oba sobalek dogu kak dogogin o. 42Iya, kit ap Farisi mende Allah nen weyagat kinabigin o. Kit nen, akoni Allah ebe inendainggen kunik dogoligogi mende inom, akoni amberek motogo kagarigogi mende inom, kagasusak werek nggorlegat, esigit diluk kagakidek dogolik, dibongga negen inom, kindengga negen inom, wulebengga negen inom, kininggi wenago 10 paga ago kalok, omanggiat Allah amende ʼbiyiligogi eti, ʼbusak mendeat ʼbiyiligogi. Mende, nggok mende kagako dogusak mende kagakidek togot diligogi eti nggorlo! 43Iya! Kit ap Farisi mende Allah nen weyagat kinabigin o. O ap Yahudi mende sembayan yiligogoma ap nggokndek inobalikmo ilem-ilem korek lasi unggigik, nen pasar yi mende ndi mende onggo waganigogoma etoma akoni nen keyagi panorogo watninabuwagaluk unggigik, kagako dogu warlok dogoligogi o. 44Kit kinebe, men negen werek. Akoni watlagonem agatma sal diyalok, inakla enggerlogo kurli ʼbigidek togot diyiligogoma, akoni inonggodek dogolik iniyok nen sebelogo ʼbilik liligogi kak, kit eti esigit diluk weyak werek nggorlegat, akoni inonggodek dogolik kinom dogoligogi eti paga, iya, Allah nen weyagat kinabigin o,” yiluk yogisasike.
45Esigit diluk yogisasikemo, ap Allah wene yanggul isasi lagike mende omanggi nen, Yesus men yogokike,
“Newe, kat yegen eti nit ninomat ninenggarli wat dinanggen kigi!” yiluk yisikemo, 46at Yesus nen,
“Kit ap Allah wene yanggul isaligogi mende yiat, iya, Allah nen weyagat kinabiginat o. Kit nen wene anggin weyak eti ambigidegat akoni inoba ʼbisi dogolik, anggin mende eti kininggi siksik omanggingge yamagiyigidek dogolik, inoba ʼbiligogi yoma! 47Kinakombalak nen akoni Allah wene yogisasi laguka mende inako laguka yomenogo, kit, it nen endago mende yi, inebe salinakuka paga o palogo ʼbiyiligogi eti, iya, Allah nen weyagat kinabigin o. 48Kinakombalak nen ap Allah wene yogisasi laguka mende inakuka yomenogo, inebe salinakuka paga o palogo ʼbiyaligogi eti paga,
Ninakombalak kagakuka eti morat kagakuka yiluk yu kagat kagarigogi o. 49At Allah Akla Nggagalek mondok eti nen yisi dogolik,
An nen it ap an nane yogisiligogo mende inom, inayonggo ʼbiluk laʼbiya wirigogo mende inom, it akoni amberek inoba laʼbiya wagonem, it nen amberek inakik, amberek weyak kagarinakik kagasugun o, yiluk yisike. 50-51At nen yisike ndak-ndagat, mbogot agat walkasike eti kurli paga nen, alebagik Habel etnogo ebe ewe nen amep wulabogo wakike eti nen, lok-logat it ap Allah wene yogisasi laguka mende inarik inarik, kurli ap Sakaria Allah ago palek kogol nggerlek, at anggo warogo kali kunggo lagukama kogol nggerlek, ndumo etoma amep wulabogo wakuka eti kurli, inamep wusasike eti taʼbokogonat kit akoni yogondak werek mende yi kinoba ʼbigin o. 52Eti paga, ap Allah wene yanggul isaligogi mende yi, akoni nen uma su kuwalogo ungguwogoluk walkiligogi kak, it akoni amberek yi wene ndi wene inilu asuwogoluk walkasinem, kit nen kunci ndilogo pago dogolik, kinenggaerek kinilu asuwogoluk yanggul kidek dogolik, it amberek yanggul uwogoluk kagakonem, kit nen,
yanggul usak dek o, yiluk, mberisaligogi eti paga, iya, Allah nen weyagat kinabigin o,” yiluk esigit diluk yogisalok nen, 53-54o etoma togot diyalok sikman duki lagikemo, it ap Allah wene kolal mbalek indewerek mende inom, ap Farisi mende inom, inakla agaga at oba ʼbisi dogolik,
“At Yesus eti ane yigin oba wene oba ʼbiluk ebe wasuwok nen yiluk,” endema nggok waganggik, ʼbugurlagat waganggik, kagako dogolik inil waganggo laguka.
Currently Selected:
:
Highlight
Share
Copy
Want to have your highlights saved across all your devices? Sign up or sign in