Lukas 19
19
Ap Zakheus nen kagakike wene
1Esigit diluk kagat diluk, at Yesus o Yeriko unggi lagikesik, o unggul etoma togot diluk mbiyokogo lagonem, 2ap omanggi endaga Zakheus uang pemerintah inake nggino yiluk nandoko lagike mende inewe nggok dogolik amende dogalegat welagike. 3Werekma,
“Yesus eti ebe ninggirlik,” yiluk ilenggen lakagaluk kagakike mende, akoni inebe mondok dogalegatma, at ebe ʼberorlagatma, ninggit diluk lakaʼbugat kagat lagike. 4Esigit diluk kagat lagikemo, at akla nen,
“Yesus kolak yi paga wagonem nilenggen lakagin,” yiluk, it akoni yomenogo yabungga diyalok, at ebe alebagik mbirlika lagikesik, o paga dagasike. 5Dagisikesik werekma, at Yesus eranogo lagikesik ilenggen liyakalok nen, endaga yanggukogo men yogokike,
“Zakheus. Yogondak kat kaguma nimbisak noge yi luwok nen, ibat wusa me o,” yiluk yogokikemo, 6at Zakheus etnogo ibat wusa wagikesik nen, Yesus ebe keyagi warogo waganggikesik, akla arlenggen kalok, at aguma imbisak laguka. 7Yesus imbisak lagonem, it akoni taʼbokogonat nen inilenggen lagiyalok, uwa mbalogo inane nggurli-nggurli inabok mbalko dogolik, men yisuka,
“Yesus, ap weyak kagarigogo mende etnogo aguma imbisak noge yi luwogoluk liligogi eti nayuk o!” yiluk yisuka mende, 8at Zakheus etnogo melagikesik nen, at ninewe Endaganggok men yogokike,
“Newe! An namende yi mende ndi mende taʼbokogonat ndumo kisogo minggirlogo it akoni inamende dek mende eti wogisagin o. Nen, an nen akoni nenggalat nuket diyigi mende kalok, onggo ninggi 4 paga nen yabunggane oba dukogo wogisagin o,” yiluk yogokike. 9Esigit diluk yogokikemo at Yesus nen,
“Kat kebe Abraham nen endago mende nogo nen, yogondak yiat kat kaʼburi kinomat Allah nen ndil kinakemo o! 10Ndil kinakemo mende an abat endak lasi wagagi etnogo, it akoni nuk arigogi mende kweyagogo ndil inabigiluk wagagi o,” yiluk yogisasike.
Uang emas mende oba lisogo yogisasike wene
(Matius 25:14-30)
11At Yesus nen esigit diluk yogisasikesik, inasuk kolek werek nggorlegat, o Yerusalem arat korokogo asi lagukasik nen, it akoni yomenogo inakla nen men ambasuka,
“Allah nen apma ʼbiyagin eti yogondak yaat ʼbinasinem ninilenggen kugun o,” yiluk inakla ambasuka eti paga, at Yesus nen wene omanggi oba lisogo men yogisasike,
12“Ap nggok mende aʼbut omanggi akla nen,
O ap inendaganggok mendiyiligogoma etoma lagonem an nendaganggok mendanumo niyogoba wisigin, yiluk akla ambasike. 13Esigit diluk akla ambasikesik dogolik at anduwanengge mende inebe 10 paga waisasikemo wagukama, uang emas nggok mende inebe dombok omanggindek sumbusogo wogisasi dogolik, men yogisasike,
An awan wagidek werek nggorlek, nauang yi paga sabusogo dogalekogo kagako dogono, yiluk yogisasikesik nen, at etnogo lagike. 14Lago nggorlek, it ewe agot yomenogo ap eti mondok inaʼit nen, wenemuk mbalkukasik,
At ap eti ninewe endaganggok dogusak ninaʼit, yiluk yogisa lano, yiluk, yonggo omborlik laʼbiyasuka. 15Esigit diluk wene warogo laʼbiyasuka mendeat, at etnogo endaganggok dogowagaluk mendisukama aguma suguluk wagike. Wagikesik nen,
Uang an mende yomenogo it nen ninggit diluk dogalekogo kagaka, yiluk, ilu asigiluk, anduwanengge mende yomenogo waisasike. 16Waisasikemo, at omanggi alebagik wagikesik nen, men yogokike,
Newe. Uang emas nggok mende omanggiat woknikigin etnogo paga yabunggane 10 oba dukogo sabusogo ʼbagagima yi o, yiluk yogokikemo 17at ewe etnogo nen,
Nagot wa! Kat kobabut pano kagako laganma kigi o. ʼBugurlagat mende kobabut dikogo kagako laganma eti paga, yogondak, o kota 10 paga yoma yabunggane kat inde dogolik pagisek dogonok nen yiluk arat mendagagi o, yiluk yogokike. 18Esigit diluk yogokikesikmo, yabunggane at omanggi omborlik wagikesik nen, men yogokike,
Newe! An uang emas nggok mende omanggiat woknikigin etnogo paga, an nen yabunggane 5 paga lambelogo sabusogo ʼbagagima yi o, yiluk yogokikemo 19at ewe etnogo nen,
Nagot wa! Eti paga, o kota 5 paga yoma yabunggane kat inde dogolik pagisek dogonok nen yiluk mendagagi o, yiluk yogokike. 20It esigit diluk yogisasikemo, yabunggane at omanggi wagikesik nen, men yogokike,
Newe. Uang emas nggok mende omanggiat woknikigin etnogo an su dikak korigogo mende akla yilogo pago welagarik nen, wokisi wagi yi o. 21Kat kobabut mondok aʼbet weyak dogolik, kat mende dekmaat, it amberek mende korligik, nen, kat nen ai pilogo laʼbigidek, it amberek nen ai pilogo laʼbiligogi mende kinggi abusak enggen mbaligik, kagarigogon etnogo paga, karen mbalkirik, nayuk nen kagaki o, yiluk yogokike. 22Esigit diluk yogokikemo, at ap nggok etnogo nen,
Kat kobabut weyak mondogat kagaken o. Kat kane yegen eti pagaat wene koba ʼbiluk weyagat kabigin o. An nobabut aʼbet weyak dogolik, an nen ʼbigidek mende korligik, ai an nen yakidek mendeat, enggen mbalkigik, kagarigogoma, nobabut kat kilu kalok, 23an niyogoba suguluk witluk nauang ebe mende inom, oba lambelogo ʼbiligogo mende inom, an korla wisuwagaluk, it akoni amberek uang pago dogolik, sabusogo omanggi inom oba lambelogo ʼbiligogi mende yomenogo wogisaemat, nenaluk wogisigidek welagan, yiluk yogokike. 24Esigit diluk yogokikesik it akoni eragalilu mendek welaguka mende men yogisasike,
Uang emas nggok omanggiat mende ap eti pago werek eti waganogo, ap omanggi 10 paga sabusogo nggogorake mende eti wogotni o, yiluk yogisasikemo, 25it akoni yomenogo nen, men yogokuka,
Newe! At yi auang emas nggok mende 10 paga arat werek yoma, yiluk yogokukama, 26at ap nggok etnogo nen, men yogisasike,
It akoni amberek ininggimo pago werek mende eti inebe dombok yabunggane amberek inom oba lambelogo wogisagin o. Nen, it amberek ininggimo dek mende eti mbererlagat pago werek mende etiat, ininggimo nen ndilogo korlagin eti paga, at ap etiat wogisubagik nen yiluk yokisigi o. 27Esigit diluk yogisasikesik,
It ap an ninom inasili mende negen kagat nakasik yisi dogolik,
At eti nit ninewe endaganggok dogusak ninaʼit, yiluk yega mende eti inebe wogisek witluk nen, an nil oba yaat inasubagik o, yiluk yogisasike,” yiluk at Yesus nen akoni yomenogo yogisasike.
Yesus pogorako nggorlek o Yerusalem unggisike wene
(Matius 21:1-11; Markus 11:1-11; Yohanes 12:12-19)
28Wene esigit diluk arat yogisasikesik nen, akoni yomenogo awan werek nggorlek, at Yesus ebe alebagik o Yerusalem dagasike. 29Dagasi lagikesik, ndom Zaitun apma o unggul omanggi endaga Betfage, omanggi endaga Betania etoma mot-mot asi dagisikesik nen, at agoromi ane waganggo laguka mende inebe mbere wene warogo alebagik laʼbiyasi dogolik, 30men yogisasike,
“O unggul kinelokoma eli unggi lani o. Nen, etoma unggi lugun kak, wam keledai eyak awan akoni ambot oba yasukogo wogisek lagidek mende nggombi yirlelek werekma kinilenggen kugun etnaga. Nen, arat kinilenggen kalok kalok, nggombi piyalogo wolok witno o. 31Esigit diluk nggombi piyalkonem, it akoni etoma mende omanggi nen,
Keledai nggombi piyaligogi eti nenaluk, yiluk kinok waganggo kalok, kit nen, men yogisan o,
Dek o. Nit ninewe Endaganggok etnogo nen keledai yi mende dek nen, wolok luwogoluk nggombi piyaligogi, yiluk yogisano,” yiluk wene warogo laʼbiyasike. 32Esigit diluk laʼbiyasikemo, it etnogo laguka mende, at nen yisike kagat werekma kasuka. 33Kasukasik nen, keledai etnogo nggombi piyalkonem, it ap inanggo indewerek mende nen,
“Keledai eti nenaluk nggombi piyaligogi,” yiluk yogisasukama, 34it nen,
“Dek o. Nit ninewe Endaganggok etnogo keledai yi mende dek nen, wagani wago,” yiluk yogisasukasik nen, 35keledai etnogo wolok Yesus oba waguka. Wagukasik nen, iniyom sikmangge yugu mende nonggorlogo keledai etnogo ambot oba ndal diluk nen, Yesus ebe keledai etnogo ambot oba yasuk disuka. 36Esigit diluk yasuk disukama, keledai ambot oba yasuk lagikesik lagonem, it yomenogo iniyom yugu mende nonggorlogo nen, kolagarlemngge ndalik laguka. 37Ndalik lagukasik nen, o Yerusalem korokogo lagukasik, kolak ndom Zaitun oba nen wusiligogoma etoma wusawogoluk at agoromi omborlik noko laguka mende inebe dogalegat yomenogo, at Yesus kagasusak dek mende elalinat kagako lagike yomenogo inilenggen kasi lagukasikmo eti paga, inakla arlenggen kasi dogolik, inane nggokogo amitmit luk-luk Allah pogorarik wusasuka. 38Amitmit luk-luk wusasi dogolik men yisuka,
“Allah nen ninewe Endaganggok laʼbagi wagama wagan yi, at nenat panot kabuwak o! (Mzm. 118:26)
It mbogot oba dogoligogi mende etoma inendainggen dirlukogo dogowak o. Nen, Allah nggok mbogot abel ombongge dogoligogo mende etiat pogorako doguwok o,” yiluk esigit diluk yilik-yilik wusasuka.
39Esigit diluk yilik wusasinem, it ap Farisi mende pelakngge akoni dogalegat yomenogo inakla wusasi dogolik, Yesus men yogokuka,
“Ninewe! Kagoromi inane dek asuwagaluk inasuk wasin,” yiluk yisukama 40at Yesus nen, men yogisasike,
“Nane eberogonat yokisak. It akoni yi inane yigidek togot dilepma, nggit yoma inane amitmit luk-luk yilebat o,” yiluk yogisasike.
Yesus nen o Yerusalem arle akike wene
41At Yesus nen esigit diluk yogisilik korokogonat asi wusasukasik, at ilenggen o kota Yerusalem etnogo lakalok nen, arle akike. 42Arle ako dogolik, men yisike,
“Kit akoni o Yerusalem mende eti kinakla nen,
Nit pano dambukogo doguwok nen esigit diluk kagasuwok, yiluk yogondak yaat kinakla ebesuwem ebekidek werek eti iya! Kinaʼbuwarek o! Mende, yogondak wene eti kit kinil oba kimago werek paga didigidek werek. 43-44Allah nen panot kinabigiluk kinoba waga mendeat, kit didigidek werek eti paga, kit yabunggane kinaguma nen lo duki launogo yiluk, kit kinasili mende nen leget negen dagakogo palogo ʼbinagaluk nen, pelak pelak nen dagakogo lat-lat unggi wisugun o. Unggi witluk nen, kinago nggit mende sapmbalmbal palek etoma omanggi obalikmo palek togot digidek miyalko dogolik kinebe mondok taʼbokogonat kinaʼburi kinom olin ndamelogo kinasugun o,” yiluk inarle akike.
Yesus nen Allah ago palekma unggisikesik nggarelkike wene
(Matius 21:12-17; Markus 11:15-19; Yohanes 2:13-22)
45Esigit diluk yogisasikesik nen, Allah ago palekma unggisikesik it akoni onggo mbalko laguka mende mukogo wula ʼbiyasi dogolik, men yogisasike,
46“Allah nen,
An nago palek yi, o sembayan yisi dogogunmoat o. (Yes. 56:7)
yiluk, kolal mbalek werek mendeat, kit nen, it ap akoni inamende ininggi abusak ndilogo korliligogi mende inago salek palogo ʼbiyaligogi yi!” (Yer. 7:11)
yiluk mberisasike. 47Esigit diluk mberisasikesik nen, at Yesus nen kibitngge-yogongge Allah ago palekma wene yanggul isasi mondok welagike. Esigit diluk yanggul isasinem, it ap Allah indewerek ineugi nggokndek inom, Allah wene kolal mbalek indewerek mende inom, it Yahudi mende nggokndek inendaga werek mende inomat,
“At Yesus ebe ninggit diluk wasuwok,” yiluk abok mbalko laguka. 48Esigit diluk abok mbalko laguka mende, it akoni dogalegatmangge nen, at Yesus ane yisinem inasuk kolek mondok welaguka eti paga, at ebe ninggit diluk wasuʼbugat kagat lagike.
Currently Selected:
Lukas 19: DNA
Highlight
Share
Copy
Want to have your highlights saved across all your devices? Sign up or sign in
Lukas 19
19
Ap Zakheus nen kagakike wene
1Esigit diluk kagat diluk, at Yesus o Yeriko unggi lagikesik, o unggul etoma togot diluk mbiyokogo lagonem, 2ap omanggi endaga Zakheus uang pemerintah inake nggino yiluk nandoko lagike mende inewe nggok dogolik amende dogalegat welagike. 3Werekma,
“Yesus eti ebe ninggirlik,” yiluk ilenggen lakagaluk kagakike mende, akoni inebe mondok dogalegatma, at ebe ʼberorlagatma, ninggit diluk lakaʼbugat kagat lagike. 4Esigit diluk kagat lagikemo, at akla nen,
“Yesus kolak yi paga wagonem nilenggen lakagin,” yiluk, it akoni yomenogo yabungga diyalok, at ebe alebagik mbirlika lagikesik, o paga dagasike. 5Dagisikesik werekma, at Yesus eranogo lagikesik ilenggen liyakalok nen, endaga yanggukogo men yogokike,
“Zakheus. Yogondak kat kaguma nimbisak noge yi luwok nen, ibat wusa me o,” yiluk yogokikemo, 6at Zakheus etnogo ibat wusa wagikesik nen, Yesus ebe keyagi warogo waganggikesik, akla arlenggen kalok, at aguma imbisak laguka. 7Yesus imbisak lagonem, it akoni taʼbokogonat nen inilenggen lagiyalok, uwa mbalogo inane nggurli-nggurli inabok mbalko dogolik, men yisuka,
“Yesus, ap weyak kagarigogo mende etnogo aguma imbisak noge yi luwogoluk liligogi eti nayuk o!” yiluk yisuka mende, 8at Zakheus etnogo melagikesik nen, at ninewe Endaganggok men yogokike,
“Newe! An namende yi mende ndi mende taʼbokogonat ndumo kisogo minggirlogo it akoni inamende dek mende eti wogisagin o. Nen, an nen akoni nenggalat nuket diyigi mende kalok, onggo ninggi 4 paga nen yabunggane oba dukogo wogisagin o,” yiluk yogokike. 9Esigit diluk yogokikemo at Yesus nen,
“Kat kebe Abraham nen endago mende nogo nen, yogondak yiat kat kaʼburi kinomat Allah nen ndil kinakemo o! 10Ndil kinakemo mende an abat endak lasi wagagi etnogo, it akoni nuk arigogi mende kweyagogo ndil inabigiluk wagagi o,” yiluk yogisasike.
Uang emas mende oba lisogo yogisasike wene
(Matius 25:14-30)
11At Yesus nen esigit diluk yogisasikesik, inasuk kolek werek nggorlegat, o Yerusalem arat korokogo asi lagukasik nen, it akoni yomenogo inakla nen men ambasuka,
“Allah nen apma ʼbiyagin eti yogondak yaat ʼbinasinem ninilenggen kugun o,” yiluk inakla ambasuka eti paga, at Yesus nen wene omanggi oba lisogo men yogisasike,
12“Ap nggok mende aʼbut omanggi akla nen,
O ap inendaganggok mendiyiligogoma etoma lagonem an nendaganggok mendanumo niyogoba wisigin, yiluk akla ambasike. 13Esigit diluk akla ambasikesik dogolik at anduwanengge mende inebe 10 paga waisasikemo wagukama, uang emas nggok mende inebe dombok omanggindek sumbusogo wogisasi dogolik, men yogisasike,
An awan wagidek werek nggorlek, nauang yi paga sabusogo dogalekogo kagako dogono, yiluk yogisasikesik nen, at etnogo lagike. 14Lago nggorlek, it ewe agot yomenogo ap eti mondok inaʼit nen, wenemuk mbalkukasik,
At ap eti ninewe endaganggok dogusak ninaʼit, yiluk yogisa lano, yiluk, yonggo omborlik laʼbiyasuka. 15Esigit diluk wene warogo laʼbiyasuka mendeat, at etnogo endaganggok dogowagaluk mendisukama aguma suguluk wagike. Wagikesik nen,
Uang an mende yomenogo it nen ninggit diluk dogalekogo kagaka, yiluk, ilu asigiluk, anduwanengge mende yomenogo waisasike. 16Waisasikemo, at omanggi alebagik wagikesik nen, men yogokike,
Newe. Uang emas nggok mende omanggiat woknikigin etnogo paga yabunggane 10 oba dukogo sabusogo ʼbagagima yi o, yiluk yogokikemo 17at ewe etnogo nen,
Nagot wa! Kat kobabut pano kagako laganma kigi o. ʼBugurlagat mende kobabut dikogo kagako laganma eti paga, yogondak, o kota 10 paga yoma yabunggane kat inde dogolik pagisek dogonok nen yiluk arat mendagagi o, yiluk yogokike. 18Esigit diluk yogokikesikmo, yabunggane at omanggi omborlik wagikesik nen, men yogokike,
Newe! An uang emas nggok mende omanggiat woknikigin etnogo paga, an nen yabunggane 5 paga lambelogo sabusogo ʼbagagima yi o, yiluk yogokikemo 19at ewe etnogo nen,
Nagot wa! Eti paga, o kota 5 paga yoma yabunggane kat inde dogolik pagisek dogonok nen yiluk mendagagi o, yiluk yogokike. 20It esigit diluk yogisasikemo, yabunggane at omanggi wagikesik nen, men yogokike,
Newe. Uang emas nggok mende omanggiat woknikigin etnogo an su dikak korigogo mende akla yilogo pago welagarik nen, wokisi wagi yi o. 21Kat kobabut mondok aʼbet weyak dogolik, kat mende dekmaat, it amberek mende korligik, nen, kat nen ai pilogo laʼbigidek, it amberek nen ai pilogo laʼbiligogi mende kinggi abusak enggen mbaligik, kagarigogon etnogo paga, karen mbalkirik, nayuk nen kagaki o, yiluk yogokike. 22Esigit diluk yogokikemo, at ap nggok etnogo nen,
Kat kobabut weyak mondogat kagaken o. Kat kane yegen eti pagaat wene koba ʼbiluk weyagat kabigin o. An nobabut aʼbet weyak dogolik, an nen ʼbigidek mende korligik, ai an nen yakidek mendeat, enggen mbalkigik, kagarigogoma, nobabut kat kilu kalok, 23an niyogoba suguluk witluk nauang ebe mende inom, oba lambelogo ʼbiligogo mende inom, an korla wisuwagaluk, it akoni amberek uang pago dogolik, sabusogo omanggi inom oba lambelogo ʼbiligogi mende yomenogo wogisaemat, nenaluk wogisigidek welagan, yiluk yogokike. 24Esigit diluk yogokikesik it akoni eragalilu mendek welaguka mende men yogisasike,
Uang emas nggok omanggiat mende ap eti pago werek eti waganogo, ap omanggi 10 paga sabusogo nggogorake mende eti wogotni o, yiluk yogisasikemo, 25it akoni yomenogo nen, men yogokuka,
Newe! At yi auang emas nggok mende 10 paga arat werek yoma, yiluk yogokukama, 26at ap nggok etnogo nen, men yogisasike,
It akoni amberek ininggimo pago werek mende eti inebe dombok yabunggane amberek inom oba lambelogo wogisagin o. Nen, it amberek ininggimo dek mende eti mbererlagat pago werek mende etiat, ininggimo nen ndilogo korlagin eti paga, at ap etiat wogisubagik nen yiluk yokisigi o. 27Esigit diluk yogisasikesik,
It ap an ninom inasili mende negen kagat nakasik yisi dogolik,
At eti nit ninewe endaganggok dogusak ninaʼit, yiluk yega mende eti inebe wogisek witluk nen, an nil oba yaat inasubagik o, yiluk yogisasike,” yiluk at Yesus nen akoni yomenogo yogisasike.
Yesus pogorako nggorlek o Yerusalem unggisike wene
(Matius 21:1-11; Markus 11:1-11; Yohanes 12:12-19)
28Wene esigit diluk arat yogisasikesik nen, akoni yomenogo awan werek nggorlek, at Yesus ebe alebagik o Yerusalem dagasike. 29Dagasi lagikesik, ndom Zaitun apma o unggul omanggi endaga Betfage, omanggi endaga Betania etoma mot-mot asi dagisikesik nen, at agoromi ane waganggo laguka mende inebe mbere wene warogo alebagik laʼbiyasi dogolik, 30men yogisasike,
“O unggul kinelokoma eli unggi lani o. Nen, etoma unggi lugun kak, wam keledai eyak awan akoni ambot oba yasukogo wogisek lagidek mende nggombi yirlelek werekma kinilenggen kugun etnaga. Nen, arat kinilenggen kalok kalok, nggombi piyalogo wolok witno o. 31Esigit diluk nggombi piyalkonem, it akoni etoma mende omanggi nen,
Keledai nggombi piyaligogi eti nenaluk, yiluk kinok waganggo kalok, kit nen, men yogisan o,
Dek o. Nit ninewe Endaganggok etnogo nen keledai yi mende dek nen, wolok luwogoluk nggombi piyaligogi, yiluk yogisano,” yiluk wene warogo laʼbiyasike. 32Esigit diluk laʼbiyasikemo, it etnogo laguka mende, at nen yisike kagat werekma kasuka. 33Kasukasik nen, keledai etnogo nggombi piyalkonem, it ap inanggo indewerek mende nen,
“Keledai eti nenaluk nggombi piyaligogi,” yiluk yogisasukama, 34it nen,
“Dek o. Nit ninewe Endaganggok etnogo keledai yi mende dek nen, wagani wago,” yiluk yogisasukasik nen, 35keledai etnogo wolok Yesus oba waguka. Wagukasik nen, iniyom sikmangge yugu mende nonggorlogo keledai etnogo ambot oba ndal diluk nen, Yesus ebe keledai etnogo ambot oba yasuk disuka. 36Esigit diluk yasuk disukama, keledai ambot oba yasuk lagikesik lagonem, it yomenogo iniyom yugu mende nonggorlogo nen, kolagarlemngge ndalik laguka. 37Ndalik lagukasik nen, o Yerusalem korokogo lagukasik, kolak ndom Zaitun oba nen wusiligogoma etoma wusawogoluk at agoromi omborlik noko laguka mende inebe dogalegat yomenogo, at Yesus kagasusak dek mende elalinat kagako lagike yomenogo inilenggen kasi lagukasikmo eti paga, inakla arlenggen kasi dogolik, inane nggokogo amitmit luk-luk Allah pogorarik wusasuka. 38Amitmit luk-luk wusasi dogolik men yisuka,
“Allah nen ninewe Endaganggok laʼbagi wagama wagan yi, at nenat panot kabuwak o! (Mzm. 118:26)
It mbogot oba dogoligogi mende etoma inendainggen dirlukogo dogowak o. Nen, Allah nggok mbogot abel ombongge dogoligogo mende etiat pogorako doguwok o,” yiluk esigit diluk yilik-yilik wusasuka.
39Esigit diluk yilik wusasinem, it ap Farisi mende pelakngge akoni dogalegat yomenogo inakla wusasi dogolik, Yesus men yogokuka,
“Ninewe! Kagoromi inane dek asuwagaluk inasuk wasin,” yiluk yisukama 40at Yesus nen, men yogisasike,
“Nane eberogonat yokisak. It akoni yi inane yigidek togot dilepma, nggit yoma inane amitmit luk-luk yilebat o,” yiluk yogisasike.
Yesus nen o Yerusalem arle akike wene
41At Yesus nen esigit diluk yogisilik korokogonat asi wusasukasik, at ilenggen o kota Yerusalem etnogo lakalok nen, arle akike. 42Arle ako dogolik, men yisike,
“Kit akoni o Yerusalem mende eti kinakla nen,
Nit pano dambukogo doguwok nen esigit diluk kagasuwok, yiluk yogondak yaat kinakla ebesuwem ebekidek werek eti iya! Kinaʼbuwarek o! Mende, yogondak wene eti kit kinil oba kimago werek paga didigidek werek. 43-44Allah nen panot kinabigiluk kinoba waga mendeat, kit didigidek werek eti paga, kit yabunggane kinaguma nen lo duki launogo yiluk, kit kinasili mende nen leget negen dagakogo palogo ʼbinagaluk nen, pelak pelak nen dagakogo lat-lat unggi wisugun o. Unggi witluk nen, kinago nggit mende sapmbalmbal palek etoma omanggi obalikmo palek togot digidek miyalko dogolik kinebe mondok taʼbokogonat kinaʼburi kinom olin ndamelogo kinasugun o,” yiluk inarle akike.
Yesus nen Allah ago palekma unggisikesik nggarelkike wene
(Matius 21:12-17; Markus 11:15-19; Yohanes 2:13-22)
45Esigit diluk yogisasikesik nen, Allah ago palekma unggisikesik it akoni onggo mbalko laguka mende mukogo wula ʼbiyasi dogolik, men yogisasike,
46“Allah nen,
An nago palek yi, o sembayan yisi dogogunmoat o. (Yes. 56:7)
yiluk, kolal mbalek werek mendeat, kit nen, it ap akoni inamende ininggi abusak ndilogo korliligogi mende inago salek palogo ʼbiyaligogi yi!” (Yer. 7:11)
yiluk mberisasike. 47Esigit diluk mberisasikesik nen, at Yesus nen kibitngge-yogongge Allah ago palekma wene yanggul isasi mondok welagike. Esigit diluk yanggul isasinem, it ap Allah indewerek ineugi nggokndek inom, Allah wene kolal mbalek indewerek mende inom, it Yahudi mende nggokndek inendaga werek mende inomat,
“At Yesus ebe ninggit diluk wasuwok,” yiluk abok mbalko laguka. 48Esigit diluk abok mbalko laguka mende, it akoni dogalegatmangge nen, at Yesus ane yisinem inasuk kolek mondok welaguka eti paga, at ebe ninggit diluk wasuʼbugat kagat lagike.
Currently Selected:
:
Highlight
Share
Copy
Want to have your highlights saved across all your devices? Sign up or sign in