Lukas 23
23
Yesus inggi kerle warogo wolok Pilatus oba waguka wene
(Matius 27:1-2, 11-14; Markus 15:1-5; Yohanes 18:28-38)
1Wene esigit diluk yisukasik, inebe welaguka mende yomenogo taʼbokogonat melagukasik nen, Yesus Pilatus oba wolok waguka. 2Wagukasik wene oba ʼbisi dogolik, men yogokuka,
“Ap yi nen akoni nit mende nuket diyigik, uang pemerintah inake ap nggok Kaisar etnogo wogosusak dek o, yigik,
Kinewe nendaganggok Kristus etnogo anat o, yigik, yiluk nit ninil oba yisi laga eti paga wolok wago,” yiluk yogokuka. 3Esigit diluk yogokukama at Pilatus nen Yesus oba kinok waganggo dogolik, men yogokike,
“Ap Yahudi mende inewe endaganggok etnogo karat mende yega a?” yiluk yogokikemo at Yesus nen,
“Kat yegen etiat o,” yiluk yogokikemo, 4at Pilatus nen ap Allah indewerek mende ineugi nggokndek inom, akoni dogalegat nandorlek welaguka mende yomenogo inom, yogisasi dogolik, men yisike,
“An nen, at yi endema waganggi mende, at weyak omanggi kagakemo kigi mondok dek o,” yiluk yogisasikemo, 5it yomenogo yabunggane inane mondok obatnerogo men yogokuka,
“Dek o. Ap yi wene yanggul isalik noko dogolik, akoni o Yudea yi ai ndi ai taʼbokogo inakla nggagalik liligogo. Nggeranem o Galilea etoma nen inakla nggagalik nggagalik, o yoma waga yi,” yiluk yogokuka.
Yesus Herodes oba wolok waguka wene
6Esigit diluk yogokukama at Pilatus etnogo asuk kolkikesik nen,
“Ap yi o Galilea mende a?” yiluk, akoni yomenogo yogisasikemo, 7it nen,
“At eti o, at nggok Herodes nen pagisek dogoligogoma yomenogo mende o,” yiluk yogokukama asuk kolkikesik nen, etinem, ap nggok Herodes ebe, o Yerusalem etoma wusasikesik werekma nogo nen, oba laʼbi wagike. 8Laʼbi wagikemo nen, at Herodes etnogo Yesus kagako lagike mende alebat asuk kolkikesik, akla nen
“Ebe nilenggen kalep o. Elalinat kagarinabik liligogo eti omanggi kagakonem nilenggen kalep o,” yiluk akla ambalok werekma nen, at Yesus ebe oba wolok wagukama ilenggen kalok akla arlenggen kasike. 9Akla arlenggen kalok, yi wene ndi wene dogalegat Yesus oba kinok waganggike mende, at nen onggo omanggi yogokidegat puk agike. 10Onggo yogokidek puk agikemo, it ap Allah indewerek mende ineugi nggokndek inom, it ap Allah wene kolal mbalek indewerek mende inom, yomenogo korokogo panggoka unggiluk, inane obatnerogo wene oba ʼbisi laguka. 11ʼBisi lagukama, at Herodes nen, agoromi tentara inom, Yesus ebe inakla nen kai diluk, inane aik dagok dogalegat yogoko lagukasik nen, su mondok pano ap nggokndek yirigogi mende omanggi yiʼbiluk, iyogoba Pilatus oba laʼbisike. 12Alebagik, at Herodes Pilatus imbisak wim mbalek negen welaguka mende, esigit diluk laʼbisike etinem imbisak pano aguka.
Yesus ebe mondok wasuwagaluk wene oba ʼbisuka wene
(Matius 27:15-26; Markus 15:6-15; Yohanes 18:39–19:16)
13Nen, at Yesus wolok lagukama nen, at Pilatus nen, it ap Allah indewerek mende ineugi nggokndek inom, it ap Yahudi mende nggokndek inom, inagoromi taʼbokogonat inom,
“Nandorli witni o,” yiluk yogisasikemo wagukama nen, 14wene me yogisasike,
“At yi nen akoni nuket diyalik liligogo yi yiluk, an noba wolok wagasip wene oba ʼbegepma, an nen kit kinilobaat wene erlo mbenaki mende, kit nen wene oba ʼbegep kak, kigidek o. 15Nen, at ap nggok Herodes esigit diluk omanggi kigidegat nen, nit ninoba yoma laʼbi waga o. Weyak kagakonem wene inoba ʼbiluk nen inarigogi eti negen, ap yi nen esigit diluk weyak omanggi kigi mondok dek o. 16Eti paga, ndugi laʼbisogat warogo kerle piyaligin o,” yiluk yogisasike. 17[Esigit diluk yogisasike eti pesta nggok endaga Paskah etnogo mende nasi nggorlek, at Pilatus nen ap ininggi kerle warek mende omanggiat kalok piyalogo wogisasi lagike etnogo paga, esigit diluk yogisasike o.] 18Esigit diluk yogisasike mende, it ap taʼbokogonat yomenogo nen, inaneyak nggokogo walko dogolik,
“Ap Barabas etiat piyal nisalok nen, ap eti watno o,” yiluk yogokuka. 19At Barabas eti alebat ap amberek inomat nen, akoni o kota nggok etnogo mende korlim nggagalogo,
“Nineugi nggokndek pemerintah ninaʼit,” yiluk wim ako dogolik, amberek inako lagikemo inggi kerle warogo ʼbisukama werekma esigit diluk yogokuka. 20Yogokukama, at Pilatus akla nen,
“Yesus eti inggi kerle piyalogo togot digin,” akla ambasi dogolik nogo nen, ane yabunggane dagakogo yogisasike mende, 21it nen inane onggo nggokogo yisi dogolik,
“O paga mendiluk watno o! O paga mendiluk watno o!” yiluk yogokukama, 22at Pilatus nen inggi mbere paga yogisasikesik nen yabunggane omanggi inom dagakogo yogisasi dogolik, men yogisasike,
“At yi nena mende weyak kagakemo nen. Weyak kagakonem inarigogi eti kak, an wene erlo mbenaki mende, at yi nen weyak omanggi kagakemo kigi dek o. Eti paga, ndugiat warogo inggi kerle piyalogo togot digin o,” yiluk yogisasike mende, 23o paga mendiluk wasuwagaluk inane obatnerogo nen nggino yogokukama it inane obatne agike. 24It inane obatne agikemo, at Pilatus nen it nen nggino yisuka ndak-ndagat wene ʼbogokogo yisikesik, 25at Barabas nen akoni korlim nggagalogo wim ako dogolik akoni inako lagikemo inggi kerle warogo ʼbisuka mende etnogo,
“Kerle piyalogo woknisausak,” yisuka etnogo wogosigik, nen, at Yesus etnogo, it inakla ambasuka mende ndak-ndagat kagasuwagaluk agoromi ininggi paga ʼbigik, kagakike.
Yesus o paga mendiluk wakuka wene
(Matius 27:32-44; Markus 15:21-32; Yohanes 19:17-27)
26Esigit diluk wogisasikemo wolok waguka kak, ap endaga Simon, ago o Kirene mende omanggi o sikmangge nen o kota unggigiluk lagonem, ebe pakasukasik o Yesus mendiluk wasugun mende etnogo wolok, Yesus omborlik wisuwagaluk aʼit werek nggorlek yogokuka. 27Yesus ebe wolok wagonem akoni dogalegat inomborlik wago dogolik, kumi amberek at arle ako dogolik, inendainggen ininggi nen kuselilik waguka. 28Esigit diluk kagarik wagonem, at Yesus eloke mirlokogo lagiyasikesik nen, men yogisasike,
“Kit kumi o Yerusalem mende yi, an narle akup o. Kit nen kineyagi kinom kinenggaerek kinarle akani o. 29Yabunggane weyak asigin werek. Etinem, it akoni nen yisi dogolik,
Kumi abirli mende, ineyagi endaginakidek mende, inirlak ambusu elege ninggidek mende, etiat, inakla arlenggen kausak negen o, yugun. 30Etinem, akoni nen,
Ninebe al debel ninabin, yiluk ndom nggokndek mende yogokik,
Ninebe sebelogo ʼbinanin, yiluk ndom ʼbugurlakndek mende yogokik, yugun o. (Hos. 10:8)
31Eti kak, yogondak ya o ngget oba negen dogolik kagat nabigogi yi, yabunggane o mbuk oba negen asi lago dogolik ninggit diluk kagasugun ambegep,” yiluk yogisasike.
32Nen, at wolok wago dogolik, it ap inobabut mondok weyak kagako laguka mende inebe mbere inom inasuwogoluk wogisek wagukaat. 33Wogisek o endaga Inunggulowak Mbalegem oba wagukasik nen, at Yesus ebe o paga mendasi dogolik, ap inebe mbere inobabut weyak kagako laguka mende eranogo inomat, omanggi inggi ebengge, nen omanggi inggi mbaikngge, o paga mendiyalok inom inakuka. 34Esigit diluk o paga mendiyasukama dogolik, at Yesus nen Allah men yogokike,
“Nombae o! It yi inonggodek dogolik kagat nabigogi yi, wene inoba ʼbigidek sagalogo togot diyan o,” yiluk yogokike. Nen, it ap tentara mende yomenogo nen, esigit diluk mendiyalok,
“At Yesus iyom nonggorlek etnogo ta kak korlagin,” yiluk omandok senggerlogo walkiligogi kak, nggit mbunundek mende walkasukasik nen minggirlogo korlasuka. (Mzm. 22:18=TB 22:19) 35It akoni yomenogo eta mendek dogolik inilenggen ʼbirogo werek nggorlek, it ap Yahudi mende ineugi nggokndek yomenogo inagubak singgin yilik, Yesus inane aik dagok yogoko dogolik, men yisuka,
“At yi Allah nen Kristus mendiluk laʼbi wisigin yisike etnogo ebe arat kalok, it akoni erlok ndilinako laga etnogo kak, enggaerek nen esigit diluk ndilanek nda,” yiluk yisuka. 36-37Nen, it ap tentara yomenogo oba korokogo wagukasik, anggur enggen ambusu arle weyak mende si kasukasik nen, inane aik dagok men yogokuka,
“Kat akoni Yahudi mende inewe kendaganggok eberogonat kalok, kenggaerek nen ndilan nda,” yiluk yogokuka. 38Nen, it nen,
“AKONI YAHUDI MENDE INEWE ENDAGANGGOK EBE YIAT O,”
yiluk kolal mbalogo o Yesus mendisuka etnogo paga ʼbisuka.
39At Yesus esigit diluk warogo mendisi dogolik, ap weyak kagako laguka mende inom warogo mendiyasuka eranogo, at omanggi nen Yesus ane aik dagok mbereko dogolik, men yogokike,
“Kat Kristus at ambigi. Eti paga, kenggaerek nen ndiligik, nit ndil ninakik, kagasin nda,” yiluk yogokike mende, 40at agarlak omanggi etnogo nen, at mbereko dogolik, men yisike,
“Kat ap yi warogo ʼbega kak ninom ndak-ndagat warogo ʼbinangga yoma, Allah kayuk dek a? 41Nit weyak kagako lagoma ninobabut paga ninasusak ndak-ndagat ninaka mende, at yi nen esigit diluk weyak omanggi kagatluk dek o,” yiluk yogokikesik 42yabunggane, at Yesus men yogokike,
“Yesus newe! Kat kendaganggok dogigiluk wago dogolik, an noba ebetno,” yiluk yogokikemo, 43at Yesus nen, men yogokike,
“O yogondak yiat nimbisak o panoma etoma lalok dogogun o, yiluk eberogonat yokigi o,” yiluk yogokike.
Yesus ebe watlagike wene
(Matius 27:45-56; Markus 15:33-41; Yohanes 19:28-30)
44-45Esigit diluk ʼbiyasukama welaguka, o mulinggi jam 12 o dinggagane welagike mende, o etomala taʼbokogonat amum agikesik, mo yakidek kiat werek nggorlek, kurli keyamnggengge jam 3 amumat welagike. Jam 3 kagat lagikemo nen, Allah ago palekma su kain mende o ngganggok mbalekma indikmongge welagike mende etnogo ndurlem kisogo nggagukogo kagat lagike. 46Esigit diluk nggagukogo kagat lagikemo, at Yesus ane nggokogo Allah yogoko dogolik,
“Nombae o! An nagurengge nggigikogo kat kinggimo waganinok nen, yiluk yokigi o,” yiluk yogokikesik nen, arat debekogo watlagike. 47Esigit diluk kagakikemo ap tentara inewe nggok etnogo ilenggen kasikesik Allah pogorako dogolik,
“Ap yi eberogonat motogonat kagako laga mende kigi o,” yiluk yisike. 48Nen, it akoni dogalegat inilenggen kuwogoluk waguka mende yomenogo esigit diluk kagakonem inilenggen kalok yabunggane iniyogoba inaguma lago dogolik, inebe taʼbokogonat inendainggen ininggi nen kuselilik laguka. 49Nen, it Yesus ebe inilu mende taʼbokogonat, it kumi o Galilea nen Yesus omborlik wusasuka mende inom, it amberek inom, inebe walegat mendek dogolik, kagat lagonem inilenggen lagik welagukaat.
Yesus ebe warek oila ʼbi laguka wene
(Matius 27:57-61; Markus 15:42-47; Yohanes 19:38-42)
50-51Esigit diluk kagakukama ap omanggi endaga Yusuf ago akoni Yahudi mende inago kota Arimatea eti mende, akla nen,
“Allah nen apma ngginem ʼbinanigin,” yiluk, anggorlem dogolik, obabut pano motogo kagako lagike mende, ebe Yahudi ineugi nggokndek wene mbileluwogoluk inom nandoko laguka mende. Esigit diluk mende, it agarlagi nen, Yesus abok mbalogo wakuka eti, at nen,
“E o, wasuwok o,” yiluk yigidek puk welagikesik nen, 52at Yesus ebe warek Pilatus oba nggino lagike. 53Nggino lagikemo, at Pilatus nen,
“E o, pano,” yiluk yogokikemo, wagikesik Yesus warek etnogo o paga nen wusa ʼbi wagikesik nen, su kain endaga lenan mende paga dinggilogo, oila akoni inebe warek ʼbiyasi doguwogoluk nggit elo nggerat perlel kukasik nen, ebe warek awan ʼbigidekma ʼbi lagike. 54ʼBi lagike etinem, it akoni Yahudi mende Allah ake ininggi 7 paga Hari Sabat werlegat dogogun oba korogat dogolik, yi mende ndi mende ndugurogo ʼbiligogi oba ndak-ndagat hari Jumat ʼbisike.
55Nen, it kumi o Galilea nen Yesus omborlik wusasuka mende yomenogo Yusuf omborlik wagukasik, oila etnogo inom, Yesus ebe warek ʼbisike mende etnogo inom, inilenggen kasuka. 56Inilenggen kalok uma lagukasik nen, o yi enggen ndi enggen obasi pano mende inom, ambusu obasi pano mende inom, Yesus ebe warek oba wasi luwogoluk, ndugurogo ʼbisuka. Esigit diluk ʼbisukasik, it akoni Yahudi mende Allah nen inasuk wakike ndak-ndagat ininggi 7 paga Hari Sabat Allah ake werlegat welaguka.
Currently Selected:
Lukas 23: DNA
Highlight
Share
Copy
Want to have your highlights saved across all your devices? Sign up or sign in
Lukas 23
23
Yesus inggi kerle warogo wolok Pilatus oba waguka wene
(Matius 27:1-2, 11-14; Markus 15:1-5; Yohanes 18:28-38)
1Wene esigit diluk yisukasik, inebe welaguka mende yomenogo taʼbokogonat melagukasik nen, Yesus Pilatus oba wolok waguka. 2Wagukasik wene oba ʼbisi dogolik, men yogokuka,
“Ap yi nen akoni nit mende nuket diyigik, uang pemerintah inake ap nggok Kaisar etnogo wogosusak dek o, yigik,
Kinewe nendaganggok Kristus etnogo anat o, yigik, yiluk nit ninil oba yisi laga eti paga wolok wago,” yiluk yogokuka. 3Esigit diluk yogokukama at Pilatus nen Yesus oba kinok waganggo dogolik, men yogokike,
“Ap Yahudi mende inewe endaganggok etnogo karat mende yega a?” yiluk yogokikemo at Yesus nen,
“Kat yegen etiat o,” yiluk yogokikemo, 4at Pilatus nen ap Allah indewerek mende ineugi nggokndek inom, akoni dogalegat nandorlek welaguka mende yomenogo inom, yogisasi dogolik, men yisike,
“An nen, at yi endema waganggi mende, at weyak omanggi kagakemo kigi mondok dek o,” yiluk yogisasikemo, 5it yomenogo yabunggane inane mondok obatnerogo men yogokuka,
“Dek o. Ap yi wene yanggul isalik noko dogolik, akoni o Yudea yi ai ndi ai taʼbokogo inakla nggagalik liligogo. Nggeranem o Galilea etoma nen inakla nggagalik nggagalik, o yoma waga yi,” yiluk yogokuka.
Yesus Herodes oba wolok waguka wene
6Esigit diluk yogokukama at Pilatus etnogo asuk kolkikesik nen,
“Ap yi o Galilea mende a?” yiluk, akoni yomenogo yogisasikemo, 7it nen,
“At eti o, at nggok Herodes nen pagisek dogoligogoma yomenogo mende o,” yiluk yogokukama asuk kolkikesik nen, etinem, ap nggok Herodes ebe, o Yerusalem etoma wusasikesik werekma nogo nen, oba laʼbi wagike. 8Laʼbi wagikemo nen, at Herodes etnogo Yesus kagako lagike mende alebat asuk kolkikesik, akla nen
“Ebe nilenggen kalep o. Elalinat kagarinabik liligogo eti omanggi kagakonem nilenggen kalep o,” yiluk akla ambalok werekma nen, at Yesus ebe oba wolok wagukama ilenggen kalok akla arlenggen kasike. 9Akla arlenggen kalok, yi wene ndi wene dogalegat Yesus oba kinok waganggike mende, at nen onggo omanggi yogokidegat puk agike. 10Onggo yogokidek puk agikemo, it ap Allah indewerek mende ineugi nggokndek inom, it ap Allah wene kolal mbalek indewerek mende inom, yomenogo korokogo panggoka unggiluk, inane obatnerogo wene oba ʼbisi laguka. 11ʼBisi lagukama, at Herodes nen, agoromi tentara inom, Yesus ebe inakla nen kai diluk, inane aik dagok dogalegat yogoko lagukasik nen, su mondok pano ap nggokndek yirigogi mende omanggi yiʼbiluk, iyogoba Pilatus oba laʼbisike. 12Alebagik, at Herodes Pilatus imbisak wim mbalek negen welaguka mende, esigit diluk laʼbisike etinem imbisak pano aguka.
Yesus ebe mondok wasuwagaluk wene oba ʼbisuka wene
(Matius 27:15-26; Markus 15:6-15; Yohanes 18:39–19:16)
13Nen, at Yesus wolok lagukama nen, at Pilatus nen, it ap Allah indewerek mende ineugi nggokndek inom, it ap Yahudi mende nggokndek inom, inagoromi taʼbokogonat inom,
“Nandorli witni o,” yiluk yogisasikemo wagukama nen, 14wene me yogisasike,
“At yi nen akoni nuket diyalik liligogo yi yiluk, an noba wolok wagasip wene oba ʼbegepma, an nen kit kinilobaat wene erlo mbenaki mende, kit nen wene oba ʼbegep kak, kigidek o. 15Nen, at ap nggok Herodes esigit diluk omanggi kigidegat nen, nit ninoba yoma laʼbi waga o. Weyak kagakonem wene inoba ʼbiluk nen inarigogi eti negen, ap yi nen esigit diluk weyak omanggi kigi mondok dek o. 16Eti paga, ndugi laʼbisogat warogo kerle piyaligin o,” yiluk yogisasike. 17[Esigit diluk yogisasike eti pesta nggok endaga Paskah etnogo mende nasi nggorlek, at Pilatus nen ap ininggi kerle warek mende omanggiat kalok piyalogo wogisasi lagike etnogo paga, esigit diluk yogisasike o.] 18Esigit diluk yogisasike mende, it ap taʼbokogonat yomenogo nen, inaneyak nggokogo walko dogolik,
“Ap Barabas etiat piyal nisalok nen, ap eti watno o,” yiluk yogokuka. 19At Barabas eti alebat ap amberek inomat nen, akoni o kota nggok etnogo mende korlim nggagalogo,
“Nineugi nggokndek pemerintah ninaʼit,” yiluk wim ako dogolik, amberek inako lagikemo inggi kerle warogo ʼbisukama werekma esigit diluk yogokuka. 20Yogokukama, at Pilatus akla nen,
“Yesus eti inggi kerle piyalogo togot digin,” akla ambasi dogolik nogo nen, ane yabunggane dagakogo yogisasike mende, 21it nen inane onggo nggokogo yisi dogolik,
“O paga mendiluk watno o! O paga mendiluk watno o!” yiluk yogokukama, 22at Pilatus nen inggi mbere paga yogisasikesik nen yabunggane omanggi inom dagakogo yogisasi dogolik, men yogisasike,
“At yi nena mende weyak kagakemo nen. Weyak kagakonem inarigogi eti kak, an wene erlo mbenaki mende, at yi nen weyak omanggi kagakemo kigi dek o. Eti paga, ndugiat warogo inggi kerle piyalogo togot digin o,” yiluk yogisasike mende, 23o paga mendiluk wasuwagaluk inane obatnerogo nen nggino yogokukama it inane obatne agike. 24It inane obatne agikemo, at Pilatus nen it nen nggino yisuka ndak-ndagat wene ʼbogokogo yisikesik, 25at Barabas nen akoni korlim nggagalogo wim ako dogolik akoni inako lagikemo inggi kerle warogo ʼbisuka mende etnogo,
“Kerle piyalogo woknisausak,” yisuka etnogo wogosigik, nen, at Yesus etnogo, it inakla ambasuka mende ndak-ndagat kagasuwagaluk agoromi ininggi paga ʼbigik, kagakike.
Yesus o paga mendiluk wakuka wene
(Matius 27:32-44; Markus 15:21-32; Yohanes 19:17-27)
26Esigit diluk wogisasikemo wolok waguka kak, ap endaga Simon, ago o Kirene mende omanggi o sikmangge nen o kota unggigiluk lagonem, ebe pakasukasik o Yesus mendiluk wasugun mende etnogo wolok, Yesus omborlik wisuwagaluk aʼit werek nggorlek yogokuka. 27Yesus ebe wolok wagonem akoni dogalegat inomborlik wago dogolik, kumi amberek at arle ako dogolik, inendainggen ininggi nen kuselilik waguka. 28Esigit diluk kagarik wagonem, at Yesus eloke mirlokogo lagiyasikesik nen, men yogisasike,
“Kit kumi o Yerusalem mende yi, an narle akup o. Kit nen kineyagi kinom kinenggaerek kinarle akani o. 29Yabunggane weyak asigin werek. Etinem, it akoni nen yisi dogolik,
Kumi abirli mende, ineyagi endaginakidek mende, inirlak ambusu elege ninggidek mende, etiat, inakla arlenggen kausak negen o, yugun. 30Etinem, akoni nen,
Ninebe al debel ninabin, yiluk ndom nggokndek mende yogokik,
Ninebe sebelogo ʼbinanin, yiluk ndom ʼbugurlakndek mende yogokik, yugun o. (Hos. 10:8)
31Eti kak, yogondak ya o ngget oba negen dogolik kagat nabigogi yi, yabunggane o mbuk oba negen asi lago dogolik ninggit diluk kagasugun ambegep,” yiluk yogisasike.
32Nen, at wolok wago dogolik, it ap inobabut mondok weyak kagako laguka mende inebe mbere inom inasuwogoluk wogisek wagukaat. 33Wogisek o endaga Inunggulowak Mbalegem oba wagukasik nen, at Yesus ebe o paga mendasi dogolik, ap inebe mbere inobabut weyak kagako laguka mende eranogo inomat, omanggi inggi ebengge, nen omanggi inggi mbaikngge, o paga mendiyalok inom inakuka. 34Esigit diluk o paga mendiyasukama dogolik, at Yesus nen Allah men yogokike,
“Nombae o! It yi inonggodek dogolik kagat nabigogi yi, wene inoba ʼbigidek sagalogo togot diyan o,” yiluk yogokike. Nen, it ap tentara mende yomenogo nen, esigit diluk mendiyalok,
“At Yesus iyom nonggorlek etnogo ta kak korlagin,” yiluk omandok senggerlogo walkiligogi kak, nggit mbunundek mende walkasukasik nen minggirlogo korlasuka. (Mzm. 22:18=TB 22:19) 35It akoni yomenogo eta mendek dogolik inilenggen ʼbirogo werek nggorlek, it ap Yahudi mende ineugi nggokndek yomenogo inagubak singgin yilik, Yesus inane aik dagok yogoko dogolik, men yisuka,
“At yi Allah nen Kristus mendiluk laʼbi wisigin yisike etnogo ebe arat kalok, it akoni erlok ndilinako laga etnogo kak, enggaerek nen esigit diluk ndilanek nda,” yiluk yisuka. 36-37Nen, it ap tentara yomenogo oba korokogo wagukasik, anggur enggen ambusu arle weyak mende si kasukasik nen, inane aik dagok men yogokuka,
“Kat akoni Yahudi mende inewe kendaganggok eberogonat kalok, kenggaerek nen ndilan nda,” yiluk yogokuka. 38Nen, it nen,
“AKONI YAHUDI MENDE INEWE ENDAGANGGOK EBE YIAT O,”
yiluk kolal mbalogo o Yesus mendisuka etnogo paga ʼbisuka.
39At Yesus esigit diluk warogo mendisi dogolik, ap weyak kagako laguka mende inom warogo mendiyasuka eranogo, at omanggi nen Yesus ane aik dagok mbereko dogolik, men yogokike,
“Kat Kristus at ambigi. Eti paga, kenggaerek nen ndiligik, nit ndil ninakik, kagasin nda,” yiluk yogokike mende, 40at agarlak omanggi etnogo nen, at mbereko dogolik, men yisike,
“Kat ap yi warogo ʼbega kak ninom ndak-ndagat warogo ʼbinangga yoma, Allah kayuk dek a? 41Nit weyak kagako lagoma ninobabut paga ninasusak ndak-ndagat ninaka mende, at yi nen esigit diluk weyak omanggi kagatluk dek o,” yiluk yogokikesik 42yabunggane, at Yesus men yogokike,
“Yesus newe! Kat kendaganggok dogigiluk wago dogolik, an noba ebetno,” yiluk yogokikemo, 43at Yesus nen, men yogokike,
“O yogondak yiat nimbisak o panoma etoma lalok dogogun o, yiluk eberogonat yokigi o,” yiluk yogokike.
Yesus ebe watlagike wene
(Matius 27:45-56; Markus 15:33-41; Yohanes 19:28-30)
44-45Esigit diluk ʼbiyasukama welaguka, o mulinggi jam 12 o dinggagane welagike mende, o etomala taʼbokogonat amum agikesik, mo yakidek kiat werek nggorlek, kurli keyamnggengge jam 3 amumat welagike. Jam 3 kagat lagikemo nen, Allah ago palekma su kain mende o ngganggok mbalekma indikmongge welagike mende etnogo ndurlem kisogo nggagukogo kagat lagike. 46Esigit diluk nggagukogo kagat lagikemo, at Yesus ane nggokogo Allah yogoko dogolik,
“Nombae o! An nagurengge nggigikogo kat kinggimo waganinok nen, yiluk yokigi o,” yiluk yogokikesik nen, arat debekogo watlagike. 47Esigit diluk kagakikemo ap tentara inewe nggok etnogo ilenggen kasikesik Allah pogorako dogolik,
“Ap yi eberogonat motogonat kagako laga mende kigi o,” yiluk yisike. 48Nen, it akoni dogalegat inilenggen kuwogoluk waguka mende yomenogo esigit diluk kagakonem inilenggen kalok yabunggane iniyogoba inaguma lago dogolik, inebe taʼbokogonat inendainggen ininggi nen kuselilik laguka. 49Nen, it Yesus ebe inilu mende taʼbokogonat, it kumi o Galilea nen Yesus omborlik wusasuka mende inom, it amberek inom, inebe walegat mendek dogolik, kagat lagonem inilenggen lagik welagukaat.
Yesus ebe warek oila ʼbi laguka wene
(Matius 27:57-61; Markus 15:42-47; Yohanes 19:38-42)
50-51Esigit diluk kagakukama ap omanggi endaga Yusuf ago akoni Yahudi mende inago kota Arimatea eti mende, akla nen,
“Allah nen apma ngginem ʼbinanigin,” yiluk, anggorlem dogolik, obabut pano motogo kagako lagike mende, ebe Yahudi ineugi nggokndek wene mbileluwogoluk inom nandoko laguka mende. Esigit diluk mende, it agarlagi nen, Yesus abok mbalogo wakuka eti, at nen,
“E o, wasuwok o,” yiluk yigidek puk welagikesik nen, 52at Yesus ebe warek Pilatus oba nggino lagike. 53Nggino lagikemo, at Pilatus nen,
“E o, pano,” yiluk yogokikemo, wagikesik Yesus warek etnogo o paga nen wusa ʼbi wagikesik nen, su kain endaga lenan mende paga dinggilogo, oila akoni inebe warek ʼbiyasi doguwogoluk nggit elo nggerat perlel kukasik nen, ebe warek awan ʼbigidekma ʼbi lagike. 54ʼBi lagike etinem, it akoni Yahudi mende Allah ake ininggi 7 paga Hari Sabat werlegat dogogun oba korogat dogolik, yi mende ndi mende ndugurogo ʼbiligogi oba ndak-ndagat hari Jumat ʼbisike.
55Nen, it kumi o Galilea nen Yesus omborlik wusasuka mende yomenogo Yusuf omborlik wagukasik, oila etnogo inom, Yesus ebe warek ʼbisike mende etnogo inom, inilenggen kasuka. 56Inilenggen kalok uma lagukasik nen, o yi enggen ndi enggen obasi pano mende inom, ambusu obasi pano mende inom, Yesus ebe warek oba wasi luwogoluk, ndugurogo ʼbisuka. Esigit diluk ʼbisukasik, it akoni Yahudi mende Allah nen inasuk wakike ndak-ndagat ininggi 7 paga Hari Sabat Allah ake werlegat welaguka.
Currently Selected:
:
Highlight
Share
Copy
Want to have your highlights saved across all your devices? Sign up or sign in