YOHANET 11
11
Lasarùt wa'lagaike wene
1Ap aike etage Lasarùt, erugi Maria agot Mareta eperak inom inaua o Petania omakìma mene welagaukwa. 2He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re, 3it hìmì inebe pìre oe agot eperak inerei oba ou atì nen he, Yesùt yogosi loagalùk, apùnì inoba wene warogo laksìkì logolìk he, mel isukwa:
“Noe. Lasarùt hetaùken hutik mene a'nogo oba ou himetesik werek o,” ìlùk wene warogo laksasukwama, 4at Yesùt yogosi lagaukwama, asuk holhikesik he, mel yogoisasike:
“Oueke atì nen, at ebe motok wa'lasigin hùk. We, an nen hagatenem, apùnì nen Ala ebe hogoratìk, aput an hogo'napìk, uagalùk, oueke atì'nogo oba agama werek atì o,” ìlùk yogoisasike. 5At Yesùt en, he Mareta oe eperak mel, Lasarùt mel, etaùken hutik welagaike meneat he,
6“At Lasarùt oba ou werek,” ìlùk yogosukwama, asuk holhike meneat he, eram en o welagaike ba atoma kamo isikesik, eki pìre welagaike. 7Atì'nogo welagaikesik en, at agoromì ane wanhì lagaukwa mene amanogo yogoisìkì logolìk he,
“Nit ninapotkwe o Yurea puok o,” ìlùk yogoisasike. 8Atì'nogo yogoisasikomo, it en he, mel yogosukwa:
“Noe. Ap kaintek Yahuri mene nen ket yìat helep oba hoasuogolùk ìkì lagaikama lagai wagen a'nogo meneat he, hat hobuk hapotkwe o atomaat pigìlùk ìkì lagen?” ìlùk isukwama, 9at Yesùt en he, mel yogoisasike:
“O ineki omake hesik we ikenem he, ohealek jam 6 en pìkìt hìmaganekokwe jam 6 aganem lapuk hogo 12 jam ineki wenatarek a'nogo lek? Sa nen o mo apùnì kweangma lìarinaperek mene atì eileken hìkì logolìk, ebe lìa ba laga halok, esok a'lip temuk hogo palegein motok lek o. 10Meneat he, ap sa nen o hùako laga halok he, at a'la lìa mene le'ma atì nen, esok a'lip temuk hogo palegein o,” ìlùk yogoisasikesik, 11hobuk aike yogoisìkì logolìk he, mel yogoisasike:
“Nit ninagaiyak Lasarùt a'nogo arat nogo ikomo meneat he, an nen, at nogo ikenem eluguthei legein o,” ìlùk yogoisasike. 12Atì'nogo yogoisasikomo re, it at agoromì ane wanhì lagaukwa mene amanogo nen he, mel yogosukwa:
“Noe. At atì we nogo ìlì'logo halok he, oba hano asigin o,” ìlùk yogosukwa atì, ebe re, 13at Yesùt en Lasarùt ebe arat wa'lagaikomo nen isike meneat he, it ina'la nen he,
“Eberogoat nogo ìlì'logo nen ike,” ìlùk ina'la akasukwa. 14Ina'la atì'nogo akasukwa atì nen he, at Yesùt en wene pak hogo mel yogoisasike:
“Lasarùt ebe arat wa'lagama o. 15Atì'nogo wa'laga meneat he, hit hinetaùken noba hìpìrethoageip en ìlùk, an atoma pìgì'lek kamo ìgì atì, hit hesigat na'la hai hakìkì lagì o. Halok yogotak nit Lasarùt oba puok en we'ni o,” ìlùk yogoisasike. 16Ati'nogm yogoisasikomo, ap etage Tomat ìgìk, Hùlìpmìo ìgìk, egarek atì nen he, agaiya'lak Yesùt agoromì he'nakìt amanogo mel yogoisasike:
“Yesùt ninomat wa'lasuok en he, puok en we'ni o,” ìlùk yogoisasike.
Yesùt en, “Ineluk motok logouagalùk inelugurinapìrek he, anat o,” ìlùk yogoisasike wene
17Atì'nogo yogoisasikomo, at Yesùt lak pi lagaukwa hak he, Lasarùt kweangma salhesukwasik oba nen ineki hinagan welagaukwasik aike were'ma pisukwa. 18O Petania atì re, o Yerusalem era'lu horogat kwe lagaikarek hùlì re, 3 kilometer hake atì nen he, 19it apùnì Yahuri mene apigat, he Maria mel, Mareta mel, inerei Lasarùt ware'ma ina'la hanorogo ìlùk, inoba wagaukwasik welagaukwa. 20Ati'nogo were'ma, apùnì nen,
“At Yesùt ebe wìrì'logo,” ìlùk isukwama Mareta asuk holhikesik he, Maria ouma werek kolek, Yesùt ha lagaike. 21Lagaikesik Yesùt yogotì logolik he, mel isike:
“Noe. Hat yoma wìrìk logoilenma re, an nerei wa'laga atì re, wa'la'lep lek akìgì o. 22Atì'nogo wa'la'lep lek meneat he, noe. Yogotak hat en we, nena mene Ala kìno yogosumo re, at en wokhesigin enek a'nogo re, an neluat o,” ìlùk, yogotì lagaikomo, 23at Yesùt en he:
“Hat herei apotkwe eluk asiginat o,” ìlùk yogotì lagaikomo, 24at Mareta nen he, mel yogosike:
“O elùgùn oba apùnì wa'lagaukwa mene inelugurinabigin atì sat, at Lasarùt atì hobuk apotkwe eluk asigin ìlùk, an neluat o,” ìlùk yogotì lagaikomo, 25at Yesùt en he, mel yogosike:
“Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o. 26Nen, apùnì ineluk logolìk inetaùken an noba hìpìrethagarek mene hùgì, inebe lopok wa'lagì'lek ineluk motok logogun o. Wene atì eberogoat ìlùk hùthegen a?” ìlùk yogotì lagaikomo, 27at Mareta nen he, mel yogosike:
“Noe. Hat hebe Ala aput Karìsùt, Ala nen wenagasogo menhìlìk lakhei wesigin isukwa a'nogo, harat ìlùk, hùthagagì o,” ìlùk yogosike.
Yesùt le agaike wene
28Atì'nogo yogo'lùk he, Mareta nen oe Maria waesi lagaikesik he, mel yogosike:
“Ninoe wene yakùlnisìlì'logo mene a'nogo ebe wagasik horok yoma logolìk waherì'logo,” ìlùk ane sami-samok yogosike. 29Atì'nogo yogosikomo, Maria asuk holhikesik heageak siak hogo melarìk he, Yesùt oba wagaike. 30Wagaikesik, at Yesùt o silimo kìgì'lek, we, he Mareta nen Yesùt ha lagaikesik eperak apì agaukwama atemnogo were'ma wagaike. 31Maria atì'nogo heageak siak hogo wùlìbi wagaikomo re, it apùnì Yahuri mene Maria a'la hanorogo ìlùk ouma welagaukwa mene amanogo ineileken hasukwasik he,
“Maria lasarùt oak oba le asi laga hìgì,” ìlùk opolik wagaukwa. 32Wago kolek, he Maria a'nogo eileken Yesùt ebe lakhìlìk he, oba lagaikesik eitep awì yagasogo awe a'ma soma isikesik he, mel yogosike:
“Noe. Hat yoma wìrìk logoilenma re, an nenei wa'laga atì, wa'la'lep lek akìgì o,” ìlùk yogosikesik le aganem, 33it apùnì Yahuri mene Maria opolik wagaukwa mene amanogo inomat le aganem, at Yesùt en eileken isìlìk, it etawì nen etaùken hiselhikomo re, inoba hinok wogisìkì logolìk he, mel yogoisasike:
34“Lasarùt ebe kakwe hak salhegepma werek,” ìlùk yogoisasikomo, it en he:
“Noe. Heileken hanok en eme o,” ìlùk yogosukwama re, 35at le agaikeat. 36Atì'nogo le aga lagaikomo, it ap Yahuri mene amanogo nen he,
“Egi! Lakhani! Yesùt Lasarùt etaùken hutik motok welagama yì, nayùk e!” ìlùk hogorasukwa. 37Atì'nogo isukwa meneat he, it apùnì amanogo mene he'nakìt en he, mel isukwa:
“At en ap aike eileken mùm mene hano hagate atì hak, Lasarùt eluk logouagalùk haga'lepma re, wa'la'lep akegep? Wa'la'lep legat o,” ìlùk isukwa.
Yesùt en Lasarùt eluguthesike wene
38Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike. 39Ha lagaikesik he, mel yogoisasike:
“Helep arì lekalogo lakheni o,” yogoisasikomo, ap wa'lagaike mene a'nogo erei Mareta nen he, mel yogosike:
“Noe. At ebe salhosik oba nen nineki hìnaganat welagosik aike welago yì. Halok, arat hili agasik obasi agama o,” ìlùk yogosikomo, 40at Yesùt en he, mel yogosike:
“An nen wene yogohetì logolìk,
Hetaùken an noba hìpìrethegen halok he, Ala hogoratarek mene a'nogo aike hagatenem heileken hegeinat o, ìlùk, arat yogohetì'lek nogo? Yogohetìat o,” ìlùk yogosikomo, 41it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike:
“Ala nopase. An nane hasuk holhen atì nen he, hai wathapì lagì o. 42An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik, 43hobuk ane hùkorogo Lasarùt mel yogosike:
“Lasarùt. Wùlìbi me o!” ìlùk yogosikomo, 44at Lasarùt ebe wa'lagaike mene a'nogo eluk a'lùk, eki esok eka yeligat, elokoken su laberegat, wùlìbi wagaike. Atì'nogo wùlìbi wagaikomo, at Yesùt en it apùnì atoma welagaukwa mene amanogo yogoisìkì logolìk he:
“Ebe kwe loak en, oba eka su mene yelik aroma hikalheni o,” ìlùk yogoisasike.
Yesùt wasuogolùk weim yoko wulaksasukwa wene
(Mat.26:1-5; Mrk.14:1-2; Luk.22:1-2)
45Atì'nogo hagasikomo, it apùnì Yahuri mene inebe apigat Maria lak inoba wagaukwasik welagaukwa mene amanogo, at Yesùt en hagasike mene atì ineileken hasukwasik he, it he'nakìt logolegat inetaùken Yesùt oba hìpìrethesukwa. 46Atì'nogo hìpìrethesukwa meneat he, it he'nakìt ap Parisi mene inoba lagaukwasik he, mel yogoisasukwa:
“At Yesùt en yì'nogo hagate, tì'nogo hagate,” ìlùk yogoisa lagaukwa. 47Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa:
“At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep. 48Nit en, at atì'nogo hagarìk niko kolek wenagatì'lek herakhogoin halok he, apùnì apik inetaùken at oba hìpìrethìlìk laganem he, elùgùn oba re, it ap Ùrùm mene wìrìk ninebe yeloken tagalninapì logolìk he, Ala awì wùrìk mesali wesugun o!” ìlùk yogoisasukwama, 49ap it mene aike etage Kayapat, it ap Ala esewerek mene inoe kain tahun atì ba welagaike mene nen mel yogoisasike:
“Hit wene motok hinokot en ìkì lagep. 50Nit obogat yeloken tagalninapì'lek, we, nit hesik ap omakeat enek wa'lasumo hano, ìlùk hùthìkì lagep lek a?” ìlùk wene atì'nogo isike atì re, 51at a'la nen kagalogo isike hùk. We, at ebe ap Ala esewerek mene inoe kain tahun atì ba were'ma, Ala nen a'la kagalhikomo re, mel isike:
“Nit apùnì Yahuri mene hesik Yesùt ebe wa'lasigin,” atì mene hesik isike atì. 52Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike. 53Atì'nogo yogoisasikomo, hùlì atì hùlì nen, it ap kaintek Yahuri mene nen Yesùt ebe motok wasuogolùk weim abok isukwa.
54Atì'nogo isukwa atì nen he, Yesùt o Yurea atoma ap Yahuri mene ineilhanem ebe weinam hogo nìkì lagì'lek. We, hinak-hinak nìkì lagaikesik he, o atoma heraksalùk, o leimo apùnì le'ma era'lu o kota etage Eperayim lagaikesik, at agoromì ane wanhì lagaukwa mene amanago inom atoma welagaukwa.
55Welagaukwa atem sat he, it apùnì Yahuri mane pesta etage Paskah nekarek a'nogo mene nasak oba arat hakok i wagaikomo nùogolùk oan logolìk, it inerabùl negen horogo ìlùk, Yahuri mene hagatarek hak hagasuogolùk, inawì lopok en o Yemsalem atogotì lagaukwa. 56-57Atogosukwasik werek kolek, it ap Ala esewerek mene inogogì kaintek mene mel, Parisi mene mel en wene mel isukwa:
“It apùnì aike Yesùt ebe werek inelu halok he, nit an at ebe hakhouagalùk yogonisa wesuak o,” ìlùk weim yoko wulaksasukwasi'mo nogo nen he, it apùnì amanogo Ala awì wùrì'mo logolìk, Yesùt herarìk it-it hinok wanhì logolìk he,
“At he, pesta hagatenem yì wesigin akìkì lagep a? Lek a,” ìlùk ìkì lagaukwa.
Currently Selected:
YOHANET 11: LAIDNI
Highlight
Share
Copy
Want to have your highlights saved across all your devices? Sign up or sign in
YOHANET 11
11
Lasarùt wa'lagaike wene
1Ap aike etage Lasarùt, erugi Maria agot Mareta eperak inom inaua o Petania omakìma mene welagaukwa. 2He Maria atì ebe re, hobuk amusu obasi hano mene ninoe Etagepogot Yesùt esok oba wasikesik esi ba horasike mene a'nogo. Atì'nogo inaua were'ma ineki aike sapùl he, at Lasarùt oba ou hùnesikomo re, 3it hìmì inebe pìre oe agot eperak inerei oba ou atì nen he, Yesùt yogosi loagalùk, apùnì inoba wene warogo laksìkì logolìk he, mel isukwa:
“Noe. Lasarùt hetaùken hutik mene a'nogo oba ou himetesik werek o,” ìlùk wene warogo laksasukwama, 4at Yesùt yogosi lagaukwama, asuk holhikesik he, mel yogoisasike:
“Oueke atì nen, at ebe motok wa'lasigin hùk. We, an nen hagatenem, apùnì nen Ala ebe hogoratìk, aput an hogo'napìk, uagalùk, oueke atì'nogo oba agama werek atì o,” ìlùk yogoisasike. 5At Yesùt en, he Mareta oe eperak mel, Lasarùt mel, etaùken hutik welagaike meneat he,
6“At Lasarùt oba ou werek,” ìlùk yogosukwama, asuk holhike meneat he, eram en o welagaike ba atoma kamo isikesik, eki pìre welagaike. 7Atì'nogo welagaikesik en, at agoromì ane wanhì lagaukwa mene amanogo yogoisìkì logolìk he,
“Nit ninapotkwe o Yurea puok o,” ìlùk yogoisasike. 8Atì'nogo yogoisasikomo, it en he, mel yogosukwa:
“Noe. Ap kaintek Yahuri mene nen ket yìat helep oba hoasuogolùk ìkì lagaikama lagai wagen a'nogo meneat he, hat hobuk hapotkwe o atomaat pigìlùk ìkì lagen?” ìlùk isukwama, 9at Yesùt en he, mel yogoisasike:
“O ineki omake hesik we ikenem he, ohealek jam 6 en pìkìt hìmaganekokwe jam 6 aganem lapuk hogo 12 jam ineki wenatarek a'nogo lek? Sa nen o mo apùnì kweangma lìarinaperek mene atì eileken hìkì logolìk, ebe lìa ba laga halok, esok a'lip temuk hogo palegein motok lek o. 10Meneat he, ap sa nen o hùako laga halok he, at a'la lìa mene le'ma atì nen, esok a'lip temuk hogo palegein o,” ìlùk yogoisasikesik, 11hobuk aike yogoisìkì logolìk he, mel yogoisasike:
“Nit ninagaiyak Lasarùt a'nogo arat nogo ikomo meneat he, an nen, at nogo ikenem eluguthei legein o,” ìlùk yogoisasike. 12Atì'nogo yogoisasikomo re, it at agoromì ane wanhì lagaukwa mene amanogo nen he, mel yogosukwa:
“Noe. At atì we nogo ìlì'logo halok he, oba hano asigin o,” ìlùk yogosukwa atì, ebe re, 13at Yesùt en Lasarùt ebe arat wa'lagaikomo nen isike meneat he, it ina'la nen he,
“Eberogoat nogo ìlì'logo nen ike,” ìlùk ina'la akasukwa. 14Ina'la atì'nogo akasukwa atì nen he, at Yesùt en wene pak hogo mel yogoisasike:
“Lasarùt ebe arat wa'lagama o. 15Atì'nogo wa'laga meneat he, hit hinetaùken noba hìpìrethoageip en ìlùk, an atoma pìgì'lek kamo ìgì atì, hit hesigat na'la hai hakìkì lagì o. Halok yogotak nit Lasarùt oba puok en we'ni o,” ìlùk yogoisasike. 16Ati'nogm yogoisasikomo, ap etage Tomat ìgìk, Hùlìpmìo ìgìk, egarek atì nen he, agaiya'lak Yesùt agoromì he'nakìt amanogo mel yogoisasike:
“Yesùt ninomat wa'lasuok en he, puok en we'ni o,” ìlùk yogoisasike.
Yesùt en, “Ineluk motok logouagalùk inelugurinapìrek he, anat o,” ìlùk yogoisasike wene
17Atì'nogo yogoisasikomo, at Yesùt lak pi lagaukwa hak he, Lasarùt kweangma salhesukwasik oba nen ineki hinagan welagaukwasik aike were'ma pisukwa. 18O Petania atì re, o Yerusalem era'lu horogat kwe lagaikarek hùlì re, 3 kilometer hake atì nen he, 19it apùnì Yahuri mene apigat, he Maria mel, Mareta mel, inerei Lasarùt ware'ma ina'la hanorogo ìlùk, inoba wagaukwasik welagaukwa. 20Ati'nogo were'ma, apùnì nen,
“At Yesùt ebe wìrì'logo,” ìlùk isukwama Mareta asuk holhikesik he, Maria ouma werek kolek, Yesùt ha lagaike. 21Lagaikesik Yesùt yogotì logolik he, mel isike:
“Noe. Hat yoma wìrìk logoilenma re, an nerei wa'laga atì re, wa'la'lep lek akìgì o. 22Atì'nogo wa'la'lep lek meneat he, noe. Yogotak hat en we, nena mene Ala kìno yogosumo re, at en wokhesigin enek a'nogo re, an neluat o,” ìlùk, yogotì lagaikomo, 23at Yesùt en he:
“Hat herei apotkwe eluk asiginat o,” ìlùk yogotì lagaikomo, 24at Mareta nen he, mel yogosike:
“O elùgùn oba apùnì wa'lagaukwa mene inelugurinabigin atì sat, at Lasarùt atì hobuk apotkwe eluk asigin ìlùk, an neluat o,” ìlùk yogotì lagaikomo, 25at Yesùt en he, mel yogosike:
“Apùnì ineluk motok logouagalùk, an nenat inelugurinapìrek o. At sa nen etaùken an noba hìpìrethìlì'mo nen wa'lasigin halok he, at ebe wa'lasigin meneat he, hobuk eluk arìk eluk motok logogin o. 26Nen, apùnì ineluk logolìk inetaùken an noba hìpìrethagarek mene hùgì, inebe lopok wa'lagì'lek ineluk motok logogun o. Wene atì eberogoat ìlùk hùthegen a?” ìlùk yogotì lagaikomo, 27at Mareta nen he, mel yogosike:
“Noe. Hat hebe Ala aput Karìsùt, Ala nen wenagasogo menhìlìk lakhei wesigin isukwa a'nogo, harat ìlùk, hùthagagì o,” ìlùk yogosike.
Yesùt le agaike wene
28Atì'nogo yogo'lùk he, Mareta nen oe Maria waesi lagaikesik he, mel yogosike:
“Ninoe wene yakùlnisìlì'logo mene a'nogo ebe wagasik horok yoma logolìk waherì'logo,” ìlùk ane sami-samok yogosike. 29Atì'nogo yogosikomo, Maria asuk holhikesik heageak siak hogo melarìk he, Yesùt oba wagaike. 30Wagaikesik, at Yesùt o silimo kìgì'lek, we, he Mareta nen Yesùt ha lagaikesik eperak apì agaukwama atemnogo were'ma wagaike. 31Maria atì'nogo heageak siak hogo wùlìbi wagaikomo re, it apùnì Yahuri mene Maria a'la hanorogo ìlùk ouma welagaukwa mene amanogo ineileken hasukwasik he,
“Maria lasarùt oak oba le asi laga hìgì,” ìlùk opolik wagaukwa. 32Wago kolek, he Maria a'nogo eileken Yesùt ebe lakhìlìk he, oba lagaikesik eitep awì yagasogo awe a'ma soma isikesik he, mel yogosike:
“Noe. Hat yoma wìrìk logoilenma re, an nenei wa'laga atì, wa'la'lep lek akìgì o,” ìlùk yogosikesik le aganem, 33it apùnì Yahuri mene Maria opolik wagaukwa mene amanogo inomat le aganem, at Yesùt en eileken isìlìk, it etawì nen etaùken hiselhikomo re, inoba hinok wogisìkì logolìk he, mel yogoisasike:
34“Lasarùt ebe kakwe hak salhegepma werek,” ìlùk yogoisasikomo, it en he:
“Noe. Heileken hanok en eme o,” ìlùk yogosukwama re, 35at le agaikeat. 36Atì'nogo le aga lagaikomo, it ap Yahuri mene amanogo nen he,
“Egi! Lakhani! Yesùt Lasarùt etaùken hutik motok welagama yì, nayùk e!” ìlùk hogorasukwa. 37Atì'nogo isukwa meneat he, it apùnì amanogo mene he'nakìt en he, mel isukwa:
“At en ap aike eileken mùm mene hano hagate atì hak, Lasarùt eluk logouagalùk haga'lepma re, wa'la'lep akegep? Wa'la'lep legat o,” ìlùk isukwa.
Yesùt en Lasarùt eluguthesike wene
38Ati'mogo isukwama, at Yesùt etaùken hiselhikomo re, warek ebe amoulama aka holele'ma helep te'mek hogo hei lagaukwa ba atoma ha lagaike. 39Ha lagaikesik he, mel yogoisasike:
“Helep arì lekalogo lakheni o,” yogoisasikomo, ap wa'lagaike mene a'nogo erei Mareta nen he, mel yogosike:
“Noe. At ebe salhosik oba nen nineki hìnaganat welagosik aike welago yì. Halok, arat hili agasik obasi agama o,” ìlùk yogosikomo, 40at Yesùt en he, mel yogosike:
“An nen wene yogohetì logolìk,
Hetaùken an noba hìpìrethegen halok he, Ala hogoratarek mene a'nogo aike hagatenem heileken hegeinat o, ìlùk, arat yogohetì'lek nogo? Yogohetìat o,” ìlùk yogosikomo, 41it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike:
“Ala nopase. An nane hasuk holhen atì nen he, hai wathapì lagì o. 42An nen hat kìno yogohetenem, nane hasuk holhetek a'nogo, an nelu meneat he, it apùnì yoma nen, hat en an lakhani wagagin atì nebe hùthanuagalùk yogohetì o, nopase,” ìlùk isikesik, 43hobuk ane hùkorogo Lasarùt mel yogosike:
“Lasarùt. Wùlìbi me o!” ìlùk yogosikomo, 44at Lasarùt ebe wa'lagaike mene a'nogo eluk a'lùk, eki esok eka yeligat, elokoken su laberegat, wùlìbi wagaike. Atì'nogo wùlìbi wagaikomo, at Yesùt en it apùnì atoma welagaukwa mene amanogo yogoisìkì logolìk he:
“Ebe kwe loak en, oba eka su mene yelik aroma hikalheni o,” ìlùk yogoisasike.
Yesùt wasuogolùk weim yoko wulaksasukwa wene
(Mat.26:1-5; Mrk.14:1-2; Luk.22:1-2)
45Atì'nogo hagasikomo, it apùnì Yahuri mene inebe apigat Maria lak inoba wagaukwasik welagaukwa mene amanogo, at Yesùt en hagasike mene atì ineileken hasukwasik he, it he'nakìt logolegat inetaùken Yesùt oba hìpìrethesukwa. 46Atì'nogo hìpìrethesukwa meneat he, it he'nakìt ap Parisi mene inoba lagaukwasik he, mel yogoisasukwa:
“At Yesùt en yì'nogo hagate, tì'nogo hagate,” ìlùk yogoisa lagaukwa. 47Atì'nogo yogoisa lagaukwama re, it ap Ala esewerek inogogì kaintek mel, Parisi mene mel en he, it ap wene Ala hesik ero pìlìngìtarek mene waisasukwama wagaukwama re, mel yogoisasukwa:
“At ap atì ebe hùthoagalùk elalin mene apik hagarì'logo atì re, nit en nìkì'nogo hagasuok akegep. 48Nit en, at atì'nogo hagarìk niko kolek wenagatì'lek herakhogoin halok he, apùnì apik inetaùken at oba hìpìrethìlìk laganem he, elùgùn oba re, it ap Ùrùm mene wìrìk ninebe yeloken tagalninapì logolìk he, Ala awì wùrìk mesali wesugun o!” ìlùk yogoisasukwama, 49ap it mene aike etage Kayapat, it ap Ala esewerek mene inoe kain tahun atì ba welagaike mene nen mel yogoisasike:
“Hit wene motok hinokot en ìkì lagep. 50Nit obogat yeloken tagalninapì'lek, we, nit hesik ap omakeat enek wa'lasumo hano, ìlùk hùthìkì lagep lek a?” ìlùk wene atì'nogo isike atì re, 51at a'la nen kagalogo isike hùk. We, at ebe ap Ala esewerek mene inoe kain tahun atì ba were'ma, Ala nen a'la kagalhikomo re, mel isike:
“Nit apùnì Yahuri mene hesik Yesùt ebe wa'lasigin,” atì mene hesik isike atì. 52Mene re, it apùnì Yahuri mene hesik enek isike hùk. Apùnì obogat Ala againapùrì mene hùgì o yì awì tì awì pùgùlogo lagaukwasik welagaikarek mene inom lapuk hogo hisagalùk, Yesùt wa'lasigin mene hesik isike. 53Atì'nogo yogoisasikomo, hùlì atì hùlì nen, it ap kaintek Yahuri mene nen Yesùt ebe motok wasuogolùk weim abok isukwa.
54Atì'nogo isukwa atì nen he, Yesùt o Yurea atoma ap Yahuri mene ineilhanem ebe weinam hogo nìkì lagì'lek. We, hinak-hinak nìkì lagaikesik he, o atoma heraksalùk, o leimo apùnì le'ma era'lu o kota etage Eperayim lagaikesik, at agoromì ane wanhì lagaukwa mene amanago inom atoma welagaukwa.
55Welagaukwa atem sat he, it apùnì Yahuri mane pesta etage Paskah nekarek a'nogo mene nasak oba arat hakok i wagaikomo nùogolùk oan logolìk, it inerabùl negen horogo ìlùk, Yahuri mene hagatarek hak hagasuogolùk, inawì lopok en o Yemsalem atogotì lagaukwa. 56-57Atogosukwasik werek kolek, it ap Ala esewerek mene inogogì kaintek mene mel, Parisi mene mel en wene mel isukwa:
“It apùnì aike Yesùt ebe werek inelu halok he, nit an at ebe hakhouagalùk yogonisa wesuak o,” ìlùk weim yoko wulaksasukwasi'mo nogo nen he, it apùnì amanogo Ala awì wùrì'mo logolìk, Yesùt herarìk it-it hinok wanhì logolìk he,
“At he, pesta hagatenem yì wesigin akìkì lagep a? Lek a,” ìlùk ìkì lagaukwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in