YOHANET 4
4
He Samaria mene Yesùt eperak wene ane isukwa wene
1Atì'nogo hagatì lagaukwama, it apùnì nen he, mel isukwa:
“It apùnì inebe hamùlùlgat negen Yohanet agoromì asuogolùk awe a'ma waganem ima pelaginabì'logo meneat he, it aike inebe apigat Yesùt agoromì asuogolùk awe a'ma waganem ima pelaginabì'logo,” ìlùk ikenem, at Yesùt en he,
“Wene ati, it ap Parisi mene inasuk holha hìgì,” ìlùk elu agaike. 2Atì'nogo isukwa atì re, at Yesùt ebe nen he, ima pelaginapì lagaike lek. We, at agoromì ane wanhì lagaukwa mene amanogo nen ima pelaginapì lagaukwa meneat isukwa. 3Atì'nogo ikenem,
“Inasuk holha o,” ìlùk, Yesùt elu agaikesik he, at o Yurea hebùlùk o Kalilea apotkwe lagai wesigìlùk lagai wagaike.
4Atì'nogo lagai waga logolìk, kwe hùnogokwe lek. We, kwe o Samaria kweat lagai wesusak higit agaikomo lagai wagaike. 5Lagai waga logolìk, o Samaria o kota aike etage Sikat horok hogo kuogolùk, kweang aike ap Yakùb en alebat aput Yùsùp wogosike ba atoma lagai wagaike. 6O like pùlem jam 12 oba lagai wagaikesik, at Yesùt kwe nen warek nogo nen he, i ap Yakùp agei poge habuli'mo hinatì lagaukwa ba atì hù'lagaikesik welagaike. 7-8At atoma hùrek werek kolek, agoromì ane wanhì lagaukwa mene amanogo sùpùrùk oko paluogolùk o kota atoma kisukwama, at he Samaria mene aike i hinasigìlùk wùlìbi wagaike. Wùlìbi wagaikomo, Yesùt en he, mel yogosike:
“Nerei e. An i aike hinagasogo wo'nom o,” ìlùk, kìno yogosikomo, 9it apùnì Yahuri mene apùnì o Samaria mene inom weak welagaukwa atì nen he, at he Samaria mene a'nogo nen at Yesùt mel yogosike:
“Hat ap Yahuri mene. Nen, an he Samaria meneat he, nahalok,
I hina'nom, ìlùk kìno yogoneten,” ìlùk yogosikomo, 10at Yesùt en he, mel yogosike:
“Ala oabùt hano nen welegat oko lek wogisikerek mene atì mel, nen an nen,
I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike. 11Atì'nogo yogosikomo, at he a'nogo nen he, mel yogosike:
“Noe. Hat hageisoak lek. Nen, i yì o'lumo ma a'lomaat mene re, hat en i inelugurinaperek mene atì, koma mene hinagasogo wo'nesigìlùk en egen. 12I yì nit ninopa kain Yakùp en habulhikesik, at ebe mel, againapùrì mel, ako mel, nìkì lagaukwasik en, nit hobuk nìkì logouagalùk wo'nisasike mene atì, hat ha'la nen he,
At ebe mea negen. Nen, an enek he, nebe kain, ìlùk akalùk en egen a?” ìlùk yogosike. 13Atì'nogo yogosikomo, at Yesùt en he, mel yogosike:
“It apùnì i yì mene niko halok he, hobuk i nele asigin meneat he, 14i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike. 15Atì'nogo yogosikomo, at he a'nogo nen he, mel yogosike:
“Noe. An i nele nen i yì hinasi wagì'lek logoik en he, i hat en egen atì wo'nom o,” ìlùk kìno yogosike. 16Atì'nogo yogosikomo at Yesùt en he, mel yogosike:
“Hat hagùn heperak yoma wesuageip en he, waesi lan o,” ìlùk yogosike. 17Atì'nogo ìkì lagaikomo, at he a'nogo nen he,
“An nagùn lek ù,” yogosikomo, at Yesùt en he, mel yogosike:
“An nagùn lek egen atì eberogoat egen o. 18Hat hagùn aike wanhìk, hebisìlìk aike wanhìk, inebe 5 nen woginapigitik en, yogotak ap aike heperak welagep atì re, hat hagùn hùk. It aikeagùn atì nen he, hat wene eberogoat egen o,” ìlùk yogosike. 19Atì'nogo pak hogo yogotì lagaikomo, at he a'nogo nen, at mel yogosike:
“Eige. Noe. Hat hebe re, eberogoat Ala ane yogoisegetek mene hìgì, ìlùk arat hùthagagì o. 20Nen, nit ninapu ninopalak en he, tom yì ba logolìk Ala hogoratì lagaukwa meneat he, hit Yahuri mene nen he, Ala o wele'ma hogorasusak lek. We, o Yerusalem atoma negat hogorasusak o, ìlùk egesep atì,” ìlùk yogosikomo, 21at Yesùt en he, mel yogosike:
“He yì nerei e. Wene yogohesigin yì eberogoat akano. O tom yì ba mel, o Yerusalem mel, atoma nek Ala hogoratì logousak hùk. Hit Ala hogorasusak higit oba, o hobuk aike we igin mene weregat o. 22Ala nen apùnì obogat telinabigìlùk, nit apùnì Yahuri mene nen wene yakùlisoagalùk ninayoko hesike atì nen he, nit Yahuri mene nen Ala ebe ninelu mene hogoratì lago meneat he, hit enek he, ebe hinokot meneat hogoratesep atì o. 23Atì'nogo Ala hogoratorek meneat he, it apùnì nen hobuk Ala hogoratì logolìk hùnogoat negen hogorasugun mene weregat o. At Ala a'la nen he,
An Nareagùn nen,
Ala ebe atì hake, ìlùk yakùlisikenem higit hogo eberogoat hogo'napì logouak, ìlùk, akikerek atì nen he, yogotak ya nen atì'nogo hogoratì logousak o. 24Ala ebe re, Areagùn mene atì nen he, at hogorasuogolùk Areagùn inom hutik logolìk eberogoat hogorasusak meneat hogorasusak o,” ìlùk yogosike. 25Atì'nogo yogosikomo, at he a'nogo nen he, mel yogosike:
“Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike. 26Atì'nogo yogosikomo, at Yesùt en he, mel yogosike:
“Ap egen atì ebe re, an neperak weneane ìkì lago nebe yìat o,” ìlùk yogosike. 27Atì'nogo ikenem, at Yesùt agoromì ane wanhì lagaukwa mene amanogo inapotkwe wùlìbi wagaukwa hak he, Yesùt he mene eperak weneane ikenem, ineileken isìlìk he,
“Nayùk e,” ìlùk, hogorasukwa meneat he, it amanogo aike nen hinok wogisìkì logolìk,
“He yì hat nena mene walok en wagen,” ìlùk ìgìk,
“Yesùt. Hat he yì heperak wene ane nenahalok ìkì lagep,” ìgìk, yogoisìgì'lek kamo isukwa. 28Atì'nogo kamo isukwasik werek kolek, at he a'nogo ageisoak atoma heraksalùk he, humusek o kota kisikesik apùnì atoma mene wene mel ìlùk yogoisìlìk nìkì lagaike:
29“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike. 30Atì'nogo yogoisìlìk lagaikomo, it apùnì amanogo o kota atoma hebùlùk wùlìbi wagaukwasik he, Yesùt ebe ha wesuogolùk wagaukwa. 31Ha wesuogolùk oan waga kolek, Yesùt agoromì ane wanhì lagaukwa mene amanogo nen, at mel yogosukwa:
“Noe. Hat sùpùrùk tak nan o,” ìlùk yogosukwa.
32Atì'nogo yogosukwa meneat he, at en mel yogoisasike:
“Sùpùrùk an mene werek meneat he, ebe kì mene he, hit hinokot o,” ìlùk yogoisasikomo, 33at agoromì ane wanhì lagaukwa mene amanogo nen it-it hinok wanhì logolìk he, mel isukwa:
“Apùnì nen yì mene tì mene aike at noagalùk wogosi wagaikama nen ike he a?” ìlùk isukwa. 34Atì'nogo isukwama, at Yesùt en he, mel yogoisasike:
“At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o. 35Nen, hit en ìkì logolìk he,
Tugi hìnagan logopik en aike nen halok eken ugu arat palugun, ìlùk egesep meneat he, an nen wene aike yogohisak. Gandum awì yagokwe hineileken lakhani! Eken ugu wurik agasik palusak higirat werek o. 36Ebe arat palho halok he, ap aike awì yaterek mene mel, nen, aike eken palherek mene mel, eperak ina'la hai hakoagalùk, yogotak at aike eken palì'logo mene atì oko helìlì'logoat o. Oko helìlì'logo atì ebe re, eken palogo atogorogo hagarek atì hak, apùnì ineluk motok logouagalùk atogorogo hisìlì'logo atìat o. 37Wene yì re, inane lagak hogo ìkì logolìk,
At aike nen awì yatìk, at aike nen eken palhìk, egarek ìlùk ìlì'lùgì atì eberogoat o. 38It aike nen yabu seget apik hogo hagata mene, hit en seget legat eken paluageip ìlùk hinayoko hìlìk lakhikìgì atì. It en seget hìlìk ebe weinamethaga mene, hit en eken palhì logouageip ìlùk lakhikìgì o,” ìlùk, yogoisasike.
39Nen, at he a'nogo ouma kisikesik, wene mel yogoisasike:
“At ap atì nen, an yì hagatìk, tì hagatìk, hagatì lagì mene obogat pak hogo motok yogonete,” ìlùk yogoisìlìk nìkì lagaike atì ba, apùnì o Samaria mene atoma inebe apigat inetaùken Yesùt oba hìpìrethesukwa. 40Atì'nogo hìpìrethesukwasik en, hobuk Yesùt oba wùlìbi wagaukwasik, mel yogosukwa:
“Hat ninom yoma logouok o,” ìlùk hakhesukwama, inom atoma ineki pìre welagaukwa. 41Yesùt inom atoma logolìk, alep inebe hamùlùgat negen inetaùken at oba hìpìrethesukwa meneat he, hobuk wene at ebe nen yakùlisikenem, inasuk holhukwasik he, inebe motok apik inetaùken at oba hìpìrethìlìk, 42he a'nogo mel yogosukwa:
“Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk,
Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.
At Yesùt hobuk o Kalilea lagai wagaikesik ap pemerintah kain mene aput ou hagasike wene
43At Yesùt ekì pìre atoma inom welagaukwasik he, o Kalilea arat lagai wagaike. 44Lagai wagaike atì re, at okawerek en ìkì logolìk:
“Ap Ala ane yogoisagarek mene atì re, inokawerek inaua mene inoe inagot en inane agauk hogo yogoisagarek motok lek o,” ìlùk, hageat yogoisasike meneat he, 45it apùnì o Kalilea mene o Yerusalem pesta Paskah hagatenem pisukwasik were'ma, Yesùt en yì mene tì mene hagatenem ineileken hasukwasi'mo nogo nen he, at ebe lagai waganem hai warogo wanhukwa.
46At Yesùt ebe atì'nogo hai warogo wanhukwama re, alebat i we agei mene anggur eken amusu hagasike ba o Kalilea kota etage Kana a'nogo wagaike. Wagaikesik were'ma, ap kain pemerintah mene aike, aua o Kaperenagùm mene, aput oba ou apik welagaike. 47Were'ma, apùnì nen he,
“Yesùt a'nogo o Yurea nen Kalilea lagai wagasik werek o,” ìlùk isukwama asuk holhikesik oba wagaikesik he, mel yogosike:
“Noe. An naput oba ou wa'lasusak hake werek en, hat lìlìk hagasi lanogolùk hayoko wagì o,” ìlùk yogosikomo re, 48at Yesùt en he, ap kain a'nogo mel yogosike:
“Hit apùnì yoma hinoabùt he, an nen hit hinelu asuagalùk elalin mene aike hagatenem hineileken nììlìk enek he, hinetaùken noba hìpìrethousak hisìkì lagì. Elalin mene hagatì'lek halok hinetaùken noba hìpìrethousak lek hisìkì lagì o,” ìlùk yogosikomo, 49ap kain a'nogo nen yogotì logolìk he,
“Noe e. An naput ebe oan wa'lagì'lek werek kolek atemat haga'nok en lùok o,” ìlùk yogosikomo, 50at Yesùt en he, mel yogosike:
“Haput atì arat se asigin. Halok he, hapotkwe lan o,” ìlùk yogosikomo, ap a'nogo a'la nen akìkì logolìk he,
“Wene yogonete atì eberogoat yogonete hìgì,” ìlùk, etaùken Yesùt oba hìpìrethùlùk lagaike. 51Atì'nogo a'la ebe'lùk ebekalem oan laganem, at atitigeke mene wene wolok wagaukwa hak inom apì arìk he, mel yogosukwa:
“Hat haput a'nogo arat se agama nen wago o,” ìlùk yogosukwama, 52at en it inoba hinok wogisìkì logolìk he,
“O mo kakwe higit en se aga,” yogoisasikomo, it en he, mel yogosukwa:
“Hìmagane likene jam satu hig'it oba agaken a'nogo arat min aga o,” ìlùk yogosukwama, 53at ap a'nogo a'la nen ebetì logolìk he,
“Hìmagane likene o mo atem higit, at Yesùt en he,
Haput se asigin o, ìlùk, yogonete higit hogoat se agama,” ìlùk, a'la ebe'lùk lagaikesik he, at ebe mel, againapùrì obogat mel, inetaùken Yesùt oba hìpìrethesukwa. 54At Yesùt ebe o Yurea nen Kalilea alep lagai wagaikesik apùnì nen ebe hùthoagalùk wene elalin mene alep aike hagasikesik oba nen, hobuk lagai wagaikesik aike hagasike atì.
Currently Selected:
YOHANET 4: LAIDNI
Highlight
Share
Copy
Want to have your highlights saved across all your devices? Sign up or sign in
YOHANET 4
4
He Samaria mene Yesùt eperak wene ane isukwa wene
1Atì'nogo hagatì lagaukwama, it apùnì nen he, mel isukwa:
“It apùnì inebe hamùlùlgat negen Yohanet agoromì asuogolùk awe a'ma waganem ima pelaginabì'logo meneat he, it aike inebe apigat Yesùt agoromì asuogolùk awe a'ma waganem ima pelaginabì'logo,” ìlùk ikenem, at Yesùt en he,
“Wene ati, it ap Parisi mene inasuk holha hìgì,” ìlùk elu agaike. 2Atì'nogo isukwa atì re, at Yesùt ebe nen he, ima pelaginapì lagaike lek. We, at agoromì ane wanhì lagaukwa mene amanogo nen ima pelaginapì lagaukwa meneat isukwa. 3Atì'nogo ikenem,
“Inasuk holha o,” ìlùk, Yesùt elu agaikesik he, at o Yurea hebùlùk o Kalilea apotkwe lagai wesigìlùk lagai wagaike.
4Atì'nogo lagai waga logolìk, kwe hùnogokwe lek. We, kwe o Samaria kweat lagai wesusak higit agaikomo lagai wagaike. 5Lagai waga logolìk, o Samaria o kota aike etage Sikat horok hogo kuogolùk, kweang aike ap Yakùb en alebat aput Yùsùp wogosike ba atoma lagai wagaike. 6O like pùlem jam 12 oba lagai wagaikesik, at Yesùt kwe nen warek nogo nen he, i ap Yakùp agei poge habuli'mo hinatì lagaukwa ba atì hù'lagaikesik welagaike. 7-8At atoma hùrek werek kolek, agoromì ane wanhì lagaukwa mene amanogo sùpùrùk oko paluogolùk o kota atoma kisukwama, at he Samaria mene aike i hinasigìlùk wùlìbi wagaike. Wùlìbi wagaikomo, Yesùt en he, mel yogosike:
“Nerei e. An i aike hinagasogo wo'nom o,” ìlùk, kìno yogosikomo, 9it apùnì Yahuri mene apùnì o Samaria mene inom weak welagaukwa atì nen he, at he Samaria mene a'nogo nen at Yesùt mel yogosike:
“Hat ap Yahuri mene. Nen, an he Samaria meneat he, nahalok,
I hina'nom, ìlùk kìno yogoneten,” ìlùk yogosikomo, 10at Yesùt en he, mel yogosike:
“Ala oabùt hano nen welegat oko lek wogisikerek mene atì mel, nen an nen,
I aike hinagasogo wo'nom, ìlùk kìno yogohetì atì, nebe mel, hùthanilenma, hat en i aike kìno yogonetenem, an nen i inelugurinaperek mene eberogoat wokhe'le o,” ìlùk yogosike. 11Atì'nogo yogosikomo, at he a'nogo nen he, mel yogosike:
“Noe. Hat hageisoak lek. Nen, i yì o'lumo ma a'lomaat mene re, hat en i inelugurinaperek mene atì, koma mene hinagasogo wo'nesigìlùk en egen. 12I yì nit ninopa kain Yakùp en habulhikesik, at ebe mel, againapùrì mel, ako mel, nìkì lagaukwasik en, nit hobuk nìkì logouagalùk wo'nisasike mene atì, hat ha'la nen he,
At ebe mea negen. Nen, an enek he, nebe kain, ìlùk akalùk en egen a?” ìlùk yogosike. 13Atì'nogo yogosikomo, at Yesùt en he, mel yogosike:
“It apùnì i yì mene niko halok he, hobuk i nele asigin meneat he, 14i an nen wogisamo niko halok be, it ina'la nen i elesi hake huluk-huluk palogo wùlùpo motok logogin atì nen he, ineluk motok logolìk, it hobuk i nele aga logogun motok lek o,” ìlùk, yogosike. 15Atì'nogo yogosikomo, at he a'nogo nen he, mel yogosike:
“Noe. An i nele nen i yì hinasi wagì'lek logoik en he, i hat en egen atì wo'nom o,” ìlùk kìno yogosike. 16Atì'nogo yogosikomo at Yesùt en he, mel yogosike:
“Hat hagùn heperak yoma wesuageip en he, waesi lan o,” ìlùk yogosike. 17Atì'nogo ìkì lagaikomo, at he a'nogo nen he,
“An nagùn lek ù,” yogosikomo, at Yesùt en he, mel yogosike:
“An nagùn lek egen atì eberogoat egen o. 18Hat hagùn aike wanhìk, hebisìlìk aike wanhìk, inebe 5 nen woginapigitik en, yogotak ap aike heperak welagep atì re, hat hagùn hùk. It aikeagùn atì nen he, hat wene eberogoat egen o,” ìlùk yogosike. 19Atì'nogo pak hogo yogotì lagaikomo, at he a'nogo nen, at mel yogosike:
“Eige. Noe. Hat hebe re, eberogoat Ala ane yogoisegetek mene hìgì, ìlùk arat hùthagagì o. 20Nen, nit ninapu ninopalak en he, tom yì ba logolìk Ala hogoratì lagaukwa meneat he, hit Yahuri mene nen he, Ala o wele'ma hogorasusak lek. We, o Yerusalem atoma negat hogorasusak o, ìlùk egesep atì,” ìlùk yogosikomo, 21at Yesùt en he, mel yogosike:
“He yì nerei e. Wene yogohesigin yì eberogoat akano. O tom yì ba mel, o Yerusalem mel, atoma nek Ala hogoratì logousak hùk. Hit Ala hogorasusak higit oba, o hobuk aike we igin mene weregat o. 22Ala nen apùnì obogat telinabigìlùk, nit apùnì Yahuri mene nen wene yakùlisoagalùk ninayoko hesike atì nen he, nit Yahuri mene nen Ala ebe ninelu mene hogoratì lago meneat he, hit enek he, ebe hinokot meneat hogoratesep atì o. 23Atì'nogo Ala hogoratorek meneat he, it apùnì nen hobuk Ala hogoratì logolìk hùnogoat negen hogorasugun mene weregat o. At Ala a'la nen he,
An Nareagùn nen,
Ala ebe atì hake, ìlùk yakùlisikenem higit hogo eberogoat hogo'napì logouak, ìlùk, akikerek atì nen he, yogotak ya nen atì'nogo hogoratì logousak o. 24Ala ebe re, Areagùn mene atì nen he, at hogorasuogolùk Areagùn inom hutik logolìk eberogoat hogorasusak meneat hogorasusak o,” ìlùk yogosike. 25Atì'nogo yogosikomo, at he a'nogo nen he, mel yogosike:
“Apùnì telninabuagalùk Ala nen kain etage Karisùt atì lakhei wesigin. Lakhei waganem ebe wìrìk he, yì wene tì wene obogat nit yakùlnisìkì logogin ìlùk an nelu o,” ìlùk yogosike. 26Atì'nogo yogosikomo, at Yesùt en he, mel yogosike:
“Ap egen atì ebe re, an neperak weneane ìkì lago nebe yìat o,” ìlùk yogosike. 27Atì'nogo ikenem, at Yesùt agoromì ane wanhì lagaukwa mene amanogo inapotkwe wùlìbi wagaukwa hak he, Yesùt he mene eperak weneane ikenem, ineileken isìlìk he,
“Nayùk e,” ìlùk, hogorasukwa meneat he, it amanogo aike nen hinok wogisìkì logolìk,
“He yì hat nena mene walok en wagen,” ìlùk ìgìk,
“Yesùt. Hat he yì heperak wene ane nenahalok ìkì lagep,” ìgìk, yogoisìgì'lek kamo isukwa. 28Atì'nogo kamo isukwasik werek kolek, at he a'nogo ageisoak atoma heraksalùk he, humusek o kota kisikesik apùnì atoma mene wene mel ìlùk yogoisìlìk nìkì lagaike:
29“Ap aike nen an yì hagatìk, tì hagatìk, hagatì lagì mene obogat pak hogo motok yogonete mene ebe atem hak werek o. At ebe Karìsùt Ala nen telninabigìlùk lakhei wesigin a'nogoat he a? Hùnogoat he a. Hineileken hoageip en we'ni o,” ìlùk yogoisìlìk lagaike. 30Atì'nogo yogoisìlìk lagaikomo, it apùnì amanogo o kota atoma hebùlùk wùlìbi wagaukwasik he, Yesùt ebe ha wesuogolùk wagaukwa. 31Ha wesuogolùk oan waga kolek, Yesùt agoromì ane wanhì lagaukwa mene amanogo nen, at mel yogosukwa:
“Noe. Hat sùpùrùk tak nan o,” ìlùk yogosukwa.
32Atì'nogo yogosukwa meneat he, at en mel yogoisasike:
“Sùpùrùk an mene werek meneat he, ebe kì mene he, hit hinokot o,” ìlùk yogoisasikomo, 33at agoromì ane wanhì lagaukwa mene amanogo nen it-it hinok wanhì logolìk he, mel isukwa:
“Apùnì nen yì mene tì mene aike at noagalùk wogosi wagaikama nen ike he a?” ìlùk isukwa. 34Atì'nogo isukwama, at Yesùt en he, mel yogoisasike:
“At an lakhani wagaike mene a'nogo a'la akikerek mene higit hogo hagatì lagì atì mel, an hagasuagalùk nayoko hesike mene atì elùgùn warogo katok hogo hagasigìlùk ìkì lagì atì mel, an napùrùk he, atìat o. 35Nen, hit en ìkì logolìk he,
Tugi hìnagan logopik en aike nen halok eken ugu arat palugun, ìlùk egesep meneat he, an nen wene aike yogohisak. Gandum awì yagokwe hineileken lakhani! Eken ugu wurik agasik palusak higirat werek o. 36Ebe arat palho halok he, ap aike awì yaterek mene mel, nen, aike eken palherek mene mel, eperak ina'la hai hakoagalùk, yogotak at aike eken palì'logo mene atì oko helìlì'logoat o. Oko helìlì'logo atì ebe re, eken palogo atogorogo hagarek atì hak, apùnì ineluk motok logouagalùk atogorogo hisìlì'logo atìat o. 37Wene yì re, inane lagak hogo ìkì logolìk,
At aike nen awì yatìk, at aike nen eken palhìk, egarek ìlùk ìlì'lùgì atì eberogoat o. 38It aike nen yabu seget apik hogo hagata mene, hit en seget legat eken paluageip ìlùk hinayoko hìlìk lakhikìgì atì. It en seget hìlìk ebe weinamethaga mene, hit en eken palhì logouageip ìlùk lakhikìgì o,” ìlùk, yogoisasike.
39Nen, at he a'nogo ouma kisikesik, wene mel yogoisasike:
“At ap atì nen, an yì hagatìk, tì hagatìk, hagatì lagì mene obogat pak hogo motok yogonete,” ìlùk yogoisìlìk nìkì lagaike atì ba, apùnì o Samaria mene atoma inebe apigat inetaùken Yesùt oba hìpìrethesukwa. 40Atì'nogo hìpìrethesukwasik en, hobuk Yesùt oba wùlìbi wagaukwasik, mel yogosukwa:
“Hat ninom yoma logouok o,” ìlùk hakhesukwama, inom atoma ineki pìre welagaukwa. 41Yesùt inom atoma logolìk, alep inebe hamùlùgat negen inetaùken at oba hìpìrethesukwa meneat he, hobuk wene at ebe nen yakùlisikenem, inasuk holhukwasik he, inebe motok apik inetaùken at oba hìpìrethìlìk, 42he a'nogo mel yogosukwa:
“Yogotak nit ninetaùken at oba hìpìrethogo yì re, wene hat en yogonisegen atì ba nek ninetaùken at oba hìpìrethogo hùk. Lek o. At he, at ebe nen wene yogonisikenem ninokawerek en ninasuk tomok holhìk,
Apùnì kweangma mene obogat telninaperek mene ebe yìat o, ìlùk hùthìlìk ninelu agìk, ogo atì ha nen ninetaùken at oba hìpìrethogoat o,” ìlùk yogosukwa.
At Yesùt hobuk o Kalilea lagai wagaikesik ap pemerintah kain mene aput ou hagasike wene
43At Yesùt ekì pìre atoma inom welagaukwasik he, o Kalilea arat lagai wagaike. 44Lagai wagaike atì re, at okawerek en ìkì logolìk:
“Ap Ala ane yogoisagarek mene atì re, inokawerek inaua mene inoe inagot en inane agauk hogo yogoisagarek motok lek o,” ìlùk, hageat yogoisasike meneat he, 45it apùnì o Kalilea mene o Yerusalem pesta Paskah hagatenem pisukwasik were'ma, Yesùt en yì mene tì mene hagatenem ineileken hasukwasi'mo nogo nen he, at ebe lagai waganem hai warogo wanhukwa.
46At Yesùt ebe atì'nogo hai warogo wanhukwama re, alebat i we agei mene anggur eken amusu hagasike ba o Kalilea kota etage Kana a'nogo wagaike. Wagaikesik were'ma, ap kain pemerintah mene aike, aua o Kaperenagùm mene, aput oba ou apik welagaike. 47Were'ma, apùnì nen he,
“Yesùt a'nogo o Yurea nen Kalilea lagai wagasik werek o,” ìlùk isukwama asuk holhikesik oba wagaikesik he, mel yogosike:
“Noe. An naput oba ou wa'lasusak hake werek en, hat lìlìk hagasi lanogolùk hayoko wagì o,” ìlùk yogosikomo re, 48at Yesùt en he, ap kain a'nogo mel yogosike:
“Hit apùnì yoma hinoabùt he, an nen hit hinelu asuagalùk elalin mene aike hagatenem hineileken nììlìk enek he, hinetaùken noba hìpìrethousak hisìkì lagì. Elalin mene hagatì'lek halok hinetaùken noba hìpìrethousak lek hisìkì lagì o,” ìlùk yogosikomo, 49ap kain a'nogo nen yogotì logolìk he,
“Noe e. An naput ebe oan wa'lagì'lek werek kolek atemat haga'nok en lùok o,” ìlùk yogosikomo, 50at Yesùt en he, mel yogosike:
“Haput atì arat se asigin. Halok he, hapotkwe lan o,” ìlùk yogosikomo, ap a'nogo a'la nen akìkì logolìk he,
“Wene yogonete atì eberogoat yogonete hìgì,” ìlùk, etaùken Yesùt oba hìpìrethùlùk lagaike. 51Atì'nogo a'la ebe'lùk ebekalem oan laganem, at atitigeke mene wene wolok wagaukwa hak inom apì arìk he, mel yogosukwa:
“Hat haput a'nogo arat se agama nen wago o,” ìlùk yogosukwama, 52at en it inoba hinok wogisìkì logolìk he,
“O mo kakwe higit en se aga,” yogoisasikomo, it en he, mel yogosukwa:
“Hìmagane likene jam satu hig'it oba agaken a'nogo arat min aga o,” ìlùk yogosukwama, 53at ap a'nogo a'la nen ebetì logolìk he,
“Hìmagane likene o mo atem higit, at Yesùt en he,
Haput se asigin o, ìlùk, yogonete higit hogoat se agama,” ìlùk, a'la ebe'lùk lagaikesik he, at ebe mel, againapùrì obogat mel, inetaùken Yesùt oba hìpìrethesukwa. 54At Yesùt ebe o Yurea nen Kalilea alep lagai wagaikesik apùnì nen ebe hùthoagalùk wene elalin mene alep aike hagasikesik oba nen, hobuk lagai wagaikesik aike hagasike atì.
Currently Selected:
:
Highlight
Share
Copy
Want to have your highlights saved across all your devices? Sign up or sign in