Matius 19
19
“Ap inagugi waganek meke lologo here'isausak motok dek o,” iluk yogeisasikhe wene
(Markus 10:1-12)
1At Yesus nen wene iti arat yogeisasikhesik nen, o Galilea thogotdiluk, i Yordan aik ilibaganke o Yudea etoma usasikhe. 2Usasinem akhuni doalegat oporlik usekhe lagoukhama at nen o etoma u hano hagarinakhikhe.
3U hano hagarinakhe korlek, it ap Farisi meke aperek wagoukhasik nen, Yesus obabut paluogoluk men yogokhukha,
“Ap nen he, he waganek meke iti, wene kok meke, 'bugurlagat meke, oba 'bekhe dogolik,
Na'it, iluk lologo here'isausak erlok a? Erlok dek a,” iluk yogokhukhama, 4#Kejadian 1:27, 5:2 at Yesus nen he,
“Erlo baga Allah nen winametdisekhe dogolik,
Ap walhigik, he walhigik, winametdisasikhe,
iluk wene holal waganek etnogo etaga thalhidek welagap nogo? 5#Kejadian 2:24 Itithogon winametdisasikhesikmo wene men yogeisasikhe,
Ap nen agosa opase here'isalok age ipisak hano
dapulik dogolik inebe pere mekeat he,
opakiat meke asugun o,
6iluk yogeisasikhe iti nen, inebe pere 'buk, opakiat ageikhesik werek o. At Allah nenat itithogon ipisak dapulogo 'bisasikhemo akhuni nen, hethelasusak motok dek o,” iluk yogeisasikhe. 7Itithogon yogeisasikhemo it nen he,
“Halok he, at Musa nen,
Ap ageikhe nen he waganek meke here'isagaluk halok he,
He yi hebe na'it. Here'agagi o, iluk, holal waganogo ikimo wogotluk, erlok here'isausagat o, iluk isikhe iti nikithogon nen isikhe,” iluk yogokhukha. 8Itithogon yogokhukhama, at Yesus nen,
“Dek o. Wene itithogon yogeisasikhe iti, hit hinakla motok puk dogolik yokhisugunem hinasuk holusak motok erlok dek iti nen,
Hinagugi waganek meke lologo here'isausagat o, iluk yogeisasikhe iti. Itithogon mekeat he, erlo baga Allah nen walinakhe dogolik itithogon motok isikhe dek o. 9Halok he, wene ageikhe yi yokhisak. Ap tha nen age waganek meke ap ageikhe nen param ha'isigidekmaat he, lologo here'isalok he ninat meke ageikhe waganhe halok he, paramat hagasugun o,” iluk itithogon yogeisasikhemo, 10at Yesus ane waganhe lagoukha meke emenogo nen,
“Halok he, ap nen humi woginakhidek, humi nen ap woginakhidek, dogoumo hano higi,” iluk yogokhukhama, 11at nen,
“Itithogon meke re, wene igin yi, akhuni tha'bokhogonat inobasik erlok dek o. It Allah nen inobabut itithogon wogeisasikhe meke anek he, hutdugun o. 12It ap aperek, inagosa lak inakla nen inoarliken dek itaklatluk, humi woginakhidek motok welageikharek o. Nen, aperek akhuni nen inoarliken woginakhunem inagugi woginakhidek welageikharegat o. Nen, aperek nopase kok pogot oba meke apma 'bisekherekma, at hasik hagakhe dogouogoluk ineram nenat inagugi woginakhidek welageikharek o. Wene igi iti erlok waganusak halok he, waganini o,” iluk yogeisasikhe.
“Yekerugi 'bugurlaktek iti noba wetnek,” iluk yogeisasikhe wene
(Markus 10:13-16; Lukas 18:15-17)
13At Yesus nen itithogon yogeisasikhesik werekma, it akhuni aperek nen ina'buri at nen iki inukuloak thebelogo sembayan inoba 'buagaluk oba wogosik wagoukhama, at agarumi ane waganhe lagoukha meke emenogo nen wenageisasukha. 14Wenageisasukha mekeat he, at Yesus nen,
“Akhuni yekerugi yi hakene hagatlasugun halok, nopase kok pogot oba meke nen apma 'bisekherekma etoma iteerek asugun iti nen, it yekerugi 'bugurlaktek ethoma an noba wetnek. Wene palhek 'buk o,” iluk yogeisasikhe. 15Itithogon yogeisasikhesik, iki inukuloak thebeldiluk etoma nen o werlekma lageikhe.
Ap ageikhe ebe elege thue, ameke doalegat meke Yesus oba wageikhe wene
(Markus 10:17-31; Lukas 18:18-30)
16At Yesus itithogon lageikhesik werekma, ap ageikhe oba wageikhesik men yogokhikhe,
“Guru, noe. An naburlal-haburlal hagatnabuak nen, an nobabut hagakhe dogosak he, hano ki hakene hagakhe dogosak apegen,” iluk yogokhikhemo, 17at Yesus nen, men yogokhikhe,
“Hano ki hakene hagakhe dogosak iluk an yoknekhen iti, nikithogon nen. Hano hagakherek iti, at opakiat anek werek o. Hat iniluk motok dogogunmo etoma ukusak warlok halok he, wene Allah nen ninasuk wakhikhe wene iti hasuk holiluk mothogon hagakhe dogono o,” iluk yogokhikhemo, 18#Keluaran 20:13-16; Ulangan 5:17-20 at ap etnogo nen,
“Wene iti ebe nikithogon meke hasik egen,” iluk hinok waganhikhemo, at Yesus nen,
“Wene iti Allah nen men isikhe,
Akhuni inebe inasusak dek o.
Param ha'isausak dek o.
Hiniki abusak waganusak dek o. Hinekalat
inabok palusak dek o.
19 #
Keluaran 20:12; Imamat 19:18; Ulangan 5:16 Hinopase hinagosa inalon halinakhe dogosak o.
Hinekaerek hinebe hinetaiken hunik
welagathep iti hak, it akhuni aperek hinom
welagathep meke iti, hinetaiken hunik
dogono o,
iluk ninasuk wakhikhe wene iti hasik igi o,” iluk yogokhikhemo, 20at elege thue etnogo nen,
“Wene tha'bokhogonat yoknekhen iti, nasuk holek dogolik mothogon hagakherek mekeat o. Meke re, ki meke hagakhidek welagei apegen,” iluk yogokhikhemo 21at Yesus nen,
“Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe. 22Itithogon yogokhikhemo, at elege thue etnogo asuk holhikhesik emeke motok doalegatma nogo nen he, akla weak atluk lageikhe. 23Lageikhemo at Yesus nen agarumi ane waganhe lagoukha meke emenogo men yogeisasikhe,
“Akhuni inameke doalegat meke iti nopase kok pogot oba meke nen apma 'bisekherekma etoma nikithogon uku heat o, iluk eberogonat yokhisigi,” iluk yogeisasikhe. 24Itithogon yogeisasikhesik, at nen,
“Wene iti mekeat yabokane dagakhogon yokhisak. Wam unta kok muluk iti meke, disu elo horlelekma kola'umo erlok lelokhogon ukusak mekeat he, it akhuni inameke doalegat meke iti Allah nen apma 'bisekherekma etoma ukusak motok erlok dek o,” iluk yogeisasikhe. 25Itithogon yogeisasikhemo at agarumi ane waganhe lagoukha meke emenogo inasuk holhukhasik nen, inayuk weak agoukhasik men yogokhukha,
“Halok he, Allah nen akhuni thani hak erlok tilinabusak he,” iluk yogokhukhama, 26at Yesus nen ileken it inoba 'biluk nen, men yogeisasikhe,
“Akhuni nen hagasusak motok erlok dek mekeat he, at Allah nen yi meke ti meke hagasusak erlok anek o,” iluk yogeisasikhe.
27At Yesus nen itithogon yogeisasikhemo, at Petrus nen,
“Meke re, nit he, hat hoporlik nekhe dogouogoluk yi meke ti meke tha'bokhogonat here'isalok wagosik nekhe lago meke yi anek, nena meke woknisagein,” iluk yogokhikhemo, 28at Yesus nen,
“At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o. 29Halok he, an netaga kok asuagaluk tha nen ai halek men, oe agot men, erugi men, agosa opase men, a'buri men, wen waganek men, here'isalok waga halok he, oko obolukmo Allah nen iniki 100 oba hakene motok doalegat wogokhik, naburlal-haburlal wogokhik, hagasigin o. 30Itithogon mekeat he, it akhuni o yogotakne inetaga werek meke doalegat, yabokane inetaga dek asigin. Nen, it aperek yogotak inetaga dek werek meke yabokane inetaga werek asigin o,” iluk yogeisasikhe.
Currently Selected:
Matius 19: LAIDNT
Highlight
Share
Copy
Want to have your highlights saved across all your devices? Sign up or sign in
Matius 19
19
“Ap inagugi waganek meke lologo here'isausak motok dek o,” iluk yogeisasikhe wene
(Markus 10:1-12)
1At Yesus nen wene iti arat yogeisasikhesik nen, o Galilea thogotdiluk, i Yordan aik ilibaganke o Yudea etoma usasikhe. 2Usasinem akhuni doalegat oporlik usekhe lagoukhama at nen o etoma u hano hagarinakhikhe.
3U hano hagarinakhe korlek, it ap Farisi meke aperek wagoukhasik nen, Yesus obabut paluogoluk men yogokhukha,
“Ap nen he, he waganek meke iti, wene kok meke, 'bugurlagat meke, oba 'bekhe dogolik,
Na'it, iluk lologo here'isausak erlok a? Erlok dek a,” iluk yogokhukhama, 4#Kejadian 1:27, 5:2 at Yesus nen he,
“Erlo baga Allah nen winametdisekhe dogolik,
Ap walhigik, he walhigik, winametdisasikhe,
iluk wene holal waganek etnogo etaga thalhidek welagap nogo? 5#Kejadian 2:24 Itithogon winametdisasikhesikmo wene men yogeisasikhe,
Ap nen agosa opase here'isalok age ipisak hano
dapulik dogolik inebe pere mekeat he,
opakiat meke asugun o,
6iluk yogeisasikhe iti nen, inebe pere 'buk, opakiat ageikhesik werek o. At Allah nenat itithogon ipisak dapulogo 'bisasikhemo akhuni nen, hethelasusak motok dek o,” iluk yogeisasikhe. 7Itithogon yogeisasikhemo it nen he,
“Halok he, at Musa nen,
Ap ageikhe nen he waganek meke here'isagaluk halok he,
He yi hebe na'it. Here'agagi o, iluk, holal waganogo ikimo wogotluk, erlok here'isausagat o, iluk isikhe iti nikithogon nen isikhe,” iluk yogokhukha. 8Itithogon yogokhukhama, at Yesus nen,
“Dek o. Wene itithogon yogeisasikhe iti, hit hinakla motok puk dogolik yokhisugunem hinasuk holusak motok erlok dek iti nen,
Hinagugi waganek meke lologo here'isausagat o, iluk yogeisasikhe iti. Itithogon mekeat he, erlo baga Allah nen walinakhe dogolik itithogon motok isikhe dek o. 9Halok he, wene ageikhe yi yokhisak. Ap tha nen age waganek meke ap ageikhe nen param ha'isigidekmaat he, lologo here'isalok he ninat meke ageikhe waganhe halok he, paramat hagasugun o,” iluk itithogon yogeisasikhemo, 10at Yesus ane waganhe lagoukha meke emenogo nen,
“Halok he, ap nen humi woginakhidek, humi nen ap woginakhidek, dogoumo hano higi,” iluk yogokhukhama, 11at nen,
“Itithogon meke re, wene igin yi, akhuni tha'bokhogonat inobasik erlok dek o. It Allah nen inobabut itithogon wogeisasikhe meke anek he, hutdugun o. 12It ap aperek, inagosa lak inakla nen inoarliken dek itaklatluk, humi woginakhidek motok welageikharek o. Nen, aperek akhuni nen inoarliken woginakhunem inagugi woginakhidek welageikharegat o. Nen, aperek nopase kok pogot oba meke apma 'bisekherekma, at hasik hagakhe dogouogoluk ineram nenat inagugi woginakhidek welageikharek o. Wene igi iti erlok waganusak halok he, waganini o,” iluk yogeisasikhe.
“Yekerugi 'bugurlaktek iti noba wetnek,” iluk yogeisasikhe wene
(Markus 10:13-16; Lukas 18:15-17)
13At Yesus nen itithogon yogeisasikhesik werekma, it akhuni aperek nen ina'buri at nen iki inukuloak thebelogo sembayan inoba 'buagaluk oba wogosik wagoukhama, at agarumi ane waganhe lagoukha meke emenogo nen wenageisasukha. 14Wenageisasukha mekeat he, at Yesus nen,
“Akhuni yekerugi yi hakene hagatlasugun halok, nopase kok pogot oba meke nen apma 'bisekherekma etoma iteerek asugun iti nen, it yekerugi 'bugurlaktek ethoma an noba wetnek. Wene palhek 'buk o,” iluk yogeisasikhe. 15Itithogon yogeisasikhesik, iki inukuloak thebeldiluk etoma nen o werlekma lageikhe.
Ap ageikhe ebe elege thue, ameke doalegat meke Yesus oba wageikhe wene
(Markus 10:17-31; Lukas 18:18-30)
16At Yesus itithogon lageikhesik werekma, ap ageikhe oba wageikhesik men yogokhikhe,
“Guru, noe. An naburlal-haburlal hagatnabuak nen, an nobabut hagakhe dogosak he, hano ki hakene hagakhe dogosak apegen,” iluk yogokhikhemo, 17at Yesus nen, men yogokhikhe,
“Hano ki hakene hagakhe dogosak iluk an yoknekhen iti, nikithogon nen. Hano hagakherek iti, at opakiat anek werek o. Hat iniluk motok dogogunmo etoma ukusak warlok halok he, wene Allah nen ninasuk wakhikhe wene iti hasuk holiluk mothogon hagakhe dogono o,” iluk yogokhikhemo, 18#Keluaran 20:13-16; Ulangan 5:17-20 at ap etnogo nen,
“Wene iti ebe nikithogon meke hasik egen,” iluk hinok waganhikhemo, at Yesus nen,
“Wene iti Allah nen men isikhe,
Akhuni inebe inasusak dek o.
Param ha'isausak dek o.
Hiniki abusak waganusak dek o. Hinekalat
inabok palusak dek o.
19 #
Keluaran 20:12; Imamat 19:18; Ulangan 5:16 Hinopase hinagosa inalon halinakhe dogosak o.
Hinekaerek hinebe hinetaiken hunik
welagathep iti hak, it akhuni aperek hinom
welagathep meke iti, hinetaiken hunik
dogono o,
iluk ninasuk wakhikhe wene iti hasik igi o,” iluk yogokhikhemo, 20at elege thue etnogo nen,
“Wene tha'bokhogonat yoknekhen iti, nasuk holek dogolik mothogon hagakherek mekeat o. Meke re, ki meke hagakhidek welagei apegen,” iluk yogokhikhemo 21at Yesus nen,
“Hat hebe hano motok asigiluk halok, yoma nen lalok hameke yi meke ti meke etoma tha'bokhogonat it aperek inoba oko pali lano. Oko palogo wokhesugun meke iti, it akhuni aperek inameke dek inerlageik meke iti supusogo wogeisano. Itithogon wogeisegen halok he, hat pogot oba meke kogat iteerek asigin o. Halok he, itithogon arat supusogo wogeisalok, an noporlik nekhe dogonok nen, wetno,” iluk yogokhikhe. 22Itithogon yogokhikhemo, at elege thue etnogo asuk holhikhesik emeke motok doalegatma nogo nen he, akla weak atluk lageikhe. 23Lageikhemo at Yesus nen agarumi ane waganhe lagoukha meke emenogo men yogeisasikhe,
“Akhuni inameke doalegat meke iti nopase kok pogot oba meke nen apma 'bisekherekma etoma nikithogon uku heat o, iluk eberogonat yokhisigi,” iluk yogeisasikhe. 24Itithogon yogeisasikhesik, at nen,
“Wene iti mekeat yabokane dagakhogon yokhisak. Wam unta kok muluk iti meke, disu elo horlelekma kola'umo erlok lelokhogon ukusak mekeat he, it akhuni inameke doalegat meke iti Allah nen apma 'bisekherekma etoma ukusak motok erlok dek o,” iluk yogeisasikhe. 25Itithogon yogeisasikhemo at agarumi ane waganhe lagoukha meke emenogo inasuk holhukhasik nen, inayuk weak agoukhasik men yogokhukha,
“Halok he, Allah nen akhuni thani hak erlok tilinabusak he,” iluk yogokhukhama, 26at Yesus nen ileken it inoba 'biluk nen, men yogeisasikhe,
“Akhuni nen hagasusak motok erlok dek mekeat he, at Allah nen yi meke ti meke hagasusak erlok anek o,” iluk yogeisasikhe.
27At Yesus nen itithogon yogeisasikhemo, at Petrus nen,
“Meke re, nit he, hat hoporlik nekhe dogouogoluk yi meke ti meke tha'bokhogonat here'isalok wagosik nekhe lago meke yi anek, nena meke woknisagein,” iluk yogokhikhemo, 28at Yesus nen,
“At nen eberogonat yokhisak. Hit an noporlik nekhe lagap meke yi, yi meke ti meke Allah nen yabokane ket ninat hagatlatlukmo nen, an abat itaklasi agagi etnogo yabokane witluk, hogotnakhe korlek, nobolukmo etoma nebe kok hurek werekma, hit nalilu etoma hinoboluk 12 perlago baga hinebe kogat hurek dogolik, akhuni Israel meke inukuloak etaga 12 oba emenogo hit nen ukum inoba 'bigik, kokhik, hagakhe dogogun o. 29Halok he, an netaga kok asuagaluk tha nen ai halek men, oe agot men, erugi men, agosa opase men, a'buri men, wen waganek men, here'isalok waga halok he, oko obolukmo Allah nen iniki 100 oba hakene motok doalegat wogokhik, naburlal-haburlal wogokhik, hagasigin o. 30Itithogon mekeat he, it akhuni o yogotakne inetaga werek meke doalegat, yabokane inetaga dek asigin. Nen, it aperek yogotak inetaga dek werek meke yabokane inetaga werek asigin o,” iluk yogeisasikhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in