Markus 4
4
O ade-ade o gisisi wosihahaja
(Matius 13:1-9, Lukas 8:4-8)
1O talaga Galilea ma dateka o Yesus o nyawa yadadala wadoto kali. Sababu o nyawa yahino yadala poli de o deru moi kagena o akeka, so Una wopane de womatamiye. De o nyawa yadadala magena imaooko o talaga ma dateka. 2Kagena Una wobicara de to Una Awi ade-ade, ma ngale o dodoto idala gena wadoto. So komagena de Una o ade-ade moi wasibicara onaka, 3“He! Ngini ningodu niise! Kanaga wototoro moi wotagi awi gisisi wosihaja.
4So de una wosihaja gena ma sononga itura o ngekoku, so o namo yahino de yaodoka. 5Ma sonongali itura o tona datetetoku de ma tona ka ma cunu. So o gisisi magena ma goho isupu datai, sababu ma tona ilamowa so imasingutu datai. 6Duma ma ngutu ka ma cunu, so de o wange yodisiwa de o goho magena damalai so isoneka. 7De ma sonongali itura o tona datototopoku. La o gisisi magena ioho imatekekangaho de o totopo so o totopo magena yalalo so isoneka de isopowa. 8O gisisi ma sonongali asa itura o tona dalolohaku. So ioho ma goho ifero daloha de ma hutu ilamo so isopo. Ma sopo kanaga daloha sidago ma dala ma para moruwange, de ma binuka daloha sidago ma para moributanga, de ma binukali daloha sidago lo ma para ratu moi.”
9So wajarita daboloka, de wotemo, “He! Ngini de nia ngauka tanu niise la nianako. Sidago kanena.”
Dadodooha so o Yesus wobicara de to Una Awi ade-ade
(Matius 13:10-17, Lukas 8:9-10)
10Ma dongoho o Yesus wodoto dabolo so ka womatengoka, de Awi muri-muri yamogiowo de sinoto de o nyawa wimomote yamuruo naga imasano Unaka, tanu Awi ade-ade ma ngale gena wasingangasu onaka. 11So Una wotemo onaka, “O kia ngini niananakowa sidago o orasi manena, o Gikimoi winihiri la winihike o ade-ade ma ngale, so dangodu aku nianako ma ngale idodooha Una wokolano de wopareta. Duma nakoso o nyawa Ngohi imomote waasi la tadoto bilasu de Ai ade-ade. 12La asa idadi maro o kia isilelefo o Gikimoi Awi Jaji ma Buku ma rabaka,
‘Ona magena kanaga de manga lakoka, duma o ade-ade ma ngale gena yasahewa,
de lo cawali de manga ngauka, duma imasigisewa eko isidodoguwa.
Sababu nakoso yanako asa manga dorou yodongosa de imatoba,
de o Gikimoi asa wahike o apongu onaka, duma ona asa yanakowa.’ ”
O ade-ade o gisisi ma ngale de ma dodoto
(Matius 13:18-23, Lukas 8:11-15)
13So dabolo de o Yesus wotemo kali onaka, “We! Ngini nisidodoguwa o ade-ade magena. Nako komagena, de ngini nisidodoguwa o ade-ade ma somoali. So o ade-ade magena ma ngale komanena: 14O nyawa wototoro o gisisi wosihahaja, ena gena o nyawa o Gikimoi Awi demo wosihohabari. 15O gisisi ma binuka itutura o ngekoka o namo yaodo, gena imatero bato o nyawa yoiseka o Gikimoi Awi demo, duma gila-gila o Iblis yahino de wakoora to ona manga sininga ma rabano so isisaka. 16O gisisi ma binuka itutura o tona datetetoka ioho duma damalaika, gena imatero bato o nyawa yoise o habari daloloha de gila-gila yadehe de manga sininga isosanangi. 17Duma koloko ma ngutu iluku kuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona o Gikimoi wipalako so imakiliho de ikafirika. 18O gisisi ma binuka itutura o tona datototopoku so o totopo yalalo so isoneka, gena imatero bato o nyawa o habari daloloha magena yoiseka. 19Duma ona magena isihawateri ma ngale manga oho, de lo yodupa yokaya, de lo o bi moi-moi dangodu yonyafusu. Komagena o Gikimoi Awi demo yosingou kawa, de o manara daloloha lo yodupa kawa. 20De o gisisi itutura o tona dalolohaku ioho daloha, gena imatero bato o nyawa o Gikimoi Awi demo magena yoiseka, de imagese de manga sininga ma rabaka imadiahi, so igogou o manara daloloha yaaka. Kanaga manga manara daloha sidago ma sopo ma para moruwange, kanaga manga manara daloloha sidago ma sopo ma para moributanga, de kanaga lo manga manara daloloha sidago ma sopo ma para ratu moi. Sidago kanena.”
O ade-ade o poci de o doduga
(Lukas 8:16-18)
21Kagena de o Yesus woade-ade ma ngale o poci imatero de o Gikimoi Awi habari daloloha, de wotemo onaka, “Ngini o poci niatupuka de niaaho gena, upa o kula nisitalakeka, eko upa o dangi ma litimika niahado, duma bilasu niahado o poci ma dadamika la ma nita yakelelo. 22Sababu igogou o kia naga yaiihu, magena dangodu o nyawa manga simaka done asa ka isikelelo, de lo o kia naga itotalake, magena dangodu done asa ka ipelenga. 23O nyawa nagoona de manga ngauka tanu iise la yanako.”
24Kagena de una wotemo kali, “Ma ngale o kia ngini niiiseka bilasu ngini nimasitiari. Sababu o duduga kiaka ngini o nyawa niasituga, maro komagena lo asa o Gikimoi winituga nginika de ma boloika. 25Sababu nagoona o Gikimoi Awi demo yoise la imadiahi manga siningaka, done Awi demo magena asa wasidogo manga siningaka la yosihoda itiai. Duma nagoona Awi demo gena yoholu, ngaroko Awi demo kanaga manga siningaka la ka ma cunu, done asa ka wadehe kali.”
O ade-ade o gisisi iooho
26Kagena de o Yesus Awi bicara wadofa kali, de wotemo, “O Gikimoi wopareta maro o kolano moi gena, posiade-ade imatero maro o nyawa moi o gisisi wosihaja awi doroka. 27O puputu womaiduka, so daginita una womomi. De o orasi magena o gisisi magena ioho so idadi ilamo de ikuruka. Duma una wosidodoguwa idodooha o gisisi magena ioho sidago ilamo. 28O tonaka maena ioho masirete so isisupu ma noma-noma ma uma, bolo de ileru, de lo isopo. 29So de o tamo magena daosaka, gila-gila o nyawa una magena wautu sababu o gugutu ma orasi yaadoka.”
O ade-ade o sasawi ma sopo isitero de o Gikimoi Awi pareta ingoha sidago o dunia ma sigilolika
(Matius 13:31-32,34, Lukas 13:18-19)
30Dabolo de o Yesus wotemo kali, “O Gikimoi wopareta maro o kolano moi gena, posiade-ade 31koloko o sasawi ma sopo ngai moi o tonaku podato. Ngaroko o sasawi ma sopo magena ifoloi daceke de o sopo ma somoa o dunia manena ma dokuka, 32duma nako o sopo magena posihaja la ioho, ma goho asa ilamo ifoloi de o ngangaru ma somoa, de iuma-uma so kagena ma umaka o bi namo asa yahino imaigu de imataru ma litimika.”
33O ade-ade idala ma rabaka maro komanena isingangasu o Gikimoi Awi habari daloloha o nyawaka, imamote de to ona manga sininga ma buturu la yasahe de yanako. 34Ka cawali o ade-ade maro komanena o Yesus wadoto o nyawa ona magenaka, duma o ade-ade ma ngale magena to Una Awi muri-murika wasingangasu wasitotiaika.
O Galilea ma talagaka o Yesus o paro wosiogo
(Matius 8:23-27, Lukas 8:22-25)
35O ade-ade wosibicara dabolo o deru ma rabaka so imada-mada, de o Yesus wasigaro Awi muri-muri, “Hino la ngone pomasisihito o talaga ma sonongaka.” 36Kagena de Awi muri-muri lo yopane o deruku. De o nyawa yadadala yadongosaku o talaga ma dateka. De o deru ma somoa lo kagenasi. Duma Una de Awi muri-muri imajoboka. 37So asa yahika o talaga ma dongirabaka, de o paro de o rato dasosihilo de o moku-moku imasidiado so manga deruku o ake yobane sidago manga deru he ikiloro. 38Kagena de Awi muri-muri ihawateri, duma Una asa womaidu womagerenaye o deru ma doduuruka so wikioloka. So yotagi iwisimomi de ona imasigaso, “Ya, Baba! Ya, Guru! Dadoohaso nomidohaka. Done ngone inasigiloro!”
39So Una womomi so wotemo o paroka, “Noogo!” De o moku-mokuka wotemo, “Norihi!” De gila-gila o paro magena iogoka, de o talaga magena lo irihika. 40De wotemo onaka, “Ngini nimodo ilamo! He! To ngini nia piricaya ka ma cunu.”
41Komagena so Awi muri-muri de manga modo ma raba kasi, de ona imatekebicara moi de moika de yotemo, “Wewe! O nyawa Una manena naguuna, so o bi moi-moi dangodu sidago lo o paro de o moku-moku lo ka wisigise.”
Currently Selected:
Markus 4: LAIGBI
Highlight
Share
Copy
Want to have your highlights saved across all your devices? Sign up or sign in
Markus 4
4
O ade-ade o gisisi wosihahaja
(Matius 13:1-9, Lukas 8:4-8)
1O talaga Galilea ma dateka o Yesus o nyawa yadadala wadoto kali. Sababu o nyawa yahino yadala poli de o deru moi kagena o akeka, so Una wopane de womatamiye. De o nyawa yadadala magena imaooko o talaga ma dateka. 2Kagena Una wobicara de to Una Awi ade-ade, ma ngale o dodoto idala gena wadoto. So komagena de Una o ade-ade moi wasibicara onaka, 3“He! Ngini ningodu niise! Kanaga wototoro moi wotagi awi gisisi wosihaja.
4So de una wosihaja gena ma sononga itura o ngekoku, so o namo yahino de yaodoka. 5Ma sonongali itura o tona datetetoku de ma tona ka ma cunu. So o gisisi magena ma goho isupu datai, sababu ma tona ilamowa so imasingutu datai. 6Duma ma ngutu ka ma cunu, so de o wange yodisiwa de o goho magena damalai so isoneka. 7De ma sonongali itura o tona datototopoku. La o gisisi magena ioho imatekekangaho de o totopo so o totopo magena yalalo so isoneka de isopowa. 8O gisisi ma sonongali asa itura o tona dalolohaku. So ioho ma goho ifero daloha de ma hutu ilamo so isopo. Ma sopo kanaga daloha sidago ma dala ma para moruwange, de ma binuka daloha sidago ma para moributanga, de ma binukali daloha sidago lo ma para ratu moi.”
9So wajarita daboloka, de wotemo, “He! Ngini de nia ngauka tanu niise la nianako. Sidago kanena.”
Dadodooha so o Yesus wobicara de to Una Awi ade-ade
(Matius 13:10-17, Lukas 8:9-10)
10Ma dongoho o Yesus wodoto dabolo so ka womatengoka, de Awi muri-muri yamogiowo de sinoto de o nyawa wimomote yamuruo naga imasano Unaka, tanu Awi ade-ade ma ngale gena wasingangasu onaka. 11So Una wotemo onaka, “O kia ngini niananakowa sidago o orasi manena, o Gikimoi winihiri la winihike o ade-ade ma ngale, so dangodu aku nianako ma ngale idodooha Una wokolano de wopareta. Duma nakoso o nyawa Ngohi imomote waasi la tadoto bilasu de Ai ade-ade. 12La asa idadi maro o kia isilelefo o Gikimoi Awi Jaji ma Buku ma rabaka,
‘Ona magena kanaga de manga lakoka, duma o ade-ade ma ngale gena yasahewa,
de lo cawali de manga ngauka, duma imasigisewa eko isidodoguwa.
Sababu nakoso yanako asa manga dorou yodongosa de imatoba,
de o Gikimoi asa wahike o apongu onaka, duma ona asa yanakowa.’ ”
O ade-ade o gisisi ma ngale de ma dodoto
(Matius 13:18-23, Lukas 8:11-15)
13So dabolo de o Yesus wotemo kali onaka, “We! Ngini nisidodoguwa o ade-ade magena. Nako komagena, de ngini nisidodoguwa o ade-ade ma somoali. So o ade-ade magena ma ngale komanena: 14O nyawa wototoro o gisisi wosihahaja, ena gena o nyawa o Gikimoi Awi demo wosihohabari. 15O gisisi ma binuka itutura o ngekoka o namo yaodo, gena imatero bato o nyawa yoiseka o Gikimoi Awi demo, duma gila-gila o Iblis yahino de wakoora to ona manga sininga ma rabano so isisaka. 16O gisisi ma binuka itutura o tona datetetoka ioho duma damalaika, gena imatero bato o nyawa yoise o habari daloloha de gila-gila yadehe de manga sininga isosanangi. 17Duma koloko ma ngutu iluku kuwa, so ona yopiricaya itekawa. So de o susa yamake de ma ngale o habari daloloha so yasisangisara, de gila-gila ona o Gikimoi wipalako so imakiliho de ikafirika. 18O gisisi ma binuka itutura o tona datototopoku so o totopo yalalo so isoneka, gena imatero bato o nyawa o habari daloloha magena yoiseka. 19Duma ona magena isihawateri ma ngale manga oho, de lo yodupa yokaya, de lo o bi moi-moi dangodu yonyafusu. Komagena o Gikimoi Awi demo yosingou kawa, de o manara daloloha lo yodupa kawa. 20De o gisisi itutura o tona dalolohaku ioho daloha, gena imatero bato o nyawa o Gikimoi Awi demo magena yoiseka, de imagese de manga sininga ma rabaka imadiahi, so igogou o manara daloloha yaaka. Kanaga manga manara daloha sidago ma sopo ma para moruwange, kanaga manga manara daloloha sidago ma sopo ma para moributanga, de kanaga lo manga manara daloloha sidago ma sopo ma para ratu moi. Sidago kanena.”
O ade-ade o poci de o doduga
(Lukas 8:16-18)
21Kagena de o Yesus woade-ade ma ngale o poci imatero de o Gikimoi Awi habari daloloha, de wotemo onaka, “Ngini o poci niatupuka de niaaho gena, upa o kula nisitalakeka, eko upa o dangi ma litimika niahado, duma bilasu niahado o poci ma dadamika la ma nita yakelelo. 22Sababu igogou o kia naga yaiihu, magena dangodu o nyawa manga simaka done asa ka isikelelo, de lo o kia naga itotalake, magena dangodu done asa ka ipelenga. 23O nyawa nagoona de manga ngauka tanu iise la yanako.”
24Kagena de una wotemo kali, “Ma ngale o kia ngini niiiseka bilasu ngini nimasitiari. Sababu o duduga kiaka ngini o nyawa niasituga, maro komagena lo asa o Gikimoi winituga nginika de ma boloika. 25Sababu nagoona o Gikimoi Awi demo yoise la imadiahi manga siningaka, done Awi demo magena asa wasidogo manga siningaka la yosihoda itiai. Duma nagoona Awi demo gena yoholu, ngaroko Awi demo kanaga manga siningaka la ka ma cunu, done asa ka wadehe kali.”
O ade-ade o gisisi iooho
26Kagena de o Yesus Awi bicara wadofa kali, de wotemo, “O Gikimoi wopareta maro o kolano moi gena, posiade-ade imatero maro o nyawa moi o gisisi wosihaja awi doroka. 27O puputu womaiduka, so daginita una womomi. De o orasi magena o gisisi magena ioho so idadi ilamo de ikuruka. Duma una wosidodoguwa idodooha o gisisi magena ioho sidago ilamo. 28O tonaka maena ioho masirete so isisupu ma noma-noma ma uma, bolo de ileru, de lo isopo. 29So de o tamo magena daosaka, gila-gila o nyawa una magena wautu sababu o gugutu ma orasi yaadoka.”
O ade-ade o sasawi ma sopo isitero de o Gikimoi Awi pareta ingoha sidago o dunia ma sigilolika
(Matius 13:31-32,34, Lukas 13:18-19)
30Dabolo de o Yesus wotemo kali, “O Gikimoi wopareta maro o kolano moi gena, posiade-ade 31koloko o sasawi ma sopo ngai moi o tonaku podato. Ngaroko o sasawi ma sopo magena ifoloi daceke de o sopo ma somoa o dunia manena ma dokuka, 32duma nako o sopo magena posihaja la ioho, ma goho asa ilamo ifoloi de o ngangaru ma somoa, de iuma-uma so kagena ma umaka o bi namo asa yahino imaigu de imataru ma litimika.”
33O ade-ade idala ma rabaka maro komanena isingangasu o Gikimoi Awi habari daloloha o nyawaka, imamote de to ona manga sininga ma buturu la yasahe de yanako. 34Ka cawali o ade-ade maro komanena o Yesus wadoto o nyawa ona magenaka, duma o ade-ade ma ngale magena to Una Awi muri-murika wasingangasu wasitotiaika.
O Galilea ma talagaka o Yesus o paro wosiogo
(Matius 8:23-27, Lukas 8:22-25)
35O ade-ade wosibicara dabolo o deru ma rabaka so imada-mada, de o Yesus wasigaro Awi muri-muri, “Hino la ngone pomasisihito o talaga ma sonongaka.” 36Kagena de Awi muri-muri lo yopane o deruku. De o nyawa yadadala yadongosaku o talaga ma dateka. De o deru ma somoa lo kagenasi. Duma Una de Awi muri-muri imajoboka. 37So asa yahika o talaga ma dongirabaka, de o paro de o rato dasosihilo de o moku-moku imasidiado so manga deruku o ake yobane sidago manga deru he ikiloro. 38Kagena de Awi muri-muri ihawateri, duma Una asa womaidu womagerenaye o deru ma doduuruka so wikioloka. So yotagi iwisimomi de ona imasigaso, “Ya, Baba! Ya, Guru! Dadoohaso nomidohaka. Done ngone inasigiloro!”
39So Una womomi so wotemo o paroka, “Noogo!” De o moku-mokuka wotemo, “Norihi!” De gila-gila o paro magena iogoka, de o talaga magena lo irihika. 40De wotemo onaka, “Ngini nimodo ilamo! He! To ngini nia piricaya ka ma cunu.”
41Komagena so Awi muri-muri de manga modo ma raba kasi, de ona imatekebicara moi de moika de yotemo, “Wewe! O nyawa Una manena naguuna, so o bi moi-moi dangodu sidago lo o paro de o moku-moku lo ka wisigise.”
Currently Selected:
:
Highlight
Share
Copy
Want to have your highlights saved across all your devices? Sign up or sign in