ILOOWALI 32
32
Tei Yako dapadapato u modunggaya wolei Esau
1Tei Yako lopo tolonga mola lo nonao̒lio. Lapatao̒ dengolo lota malai̒kati lonao̒ mai lodunggaya wolio. 2Tou̒ tei Yako loo̒onto mao̒ olimongolio, tio malo loi̒ya, “Uti-utieelo kema lo Allahu Taa̒ala,” sababu uito ilunteelio tambati boito Mahanaim.
3Lapatao̒ uito tei Yako lopoa̒hu mota dengolo lota utolia lonao̒ leimulo wolio ode lipu lo Edom u modunggaya wolei Esau, tikakalio. 4Ualei Yako ode limongolio, “Polelea mao̒ odelo kakaau̒ Esau odie, ‘Watia Yako, watomu. Ngotilonggadu botie watia malo tibiluloa̒ to olei Laban. 5Botia watia maa osapi, kolodai, himba, batade wau mongo wato. Watia malolao mai habari odeli tuani lowatia, wolo halapani tituani lowatia masanangi.’ ”
6Tou̒ mongo utolia luli lohualingai odelei Yako, timongolio loloi̒ya mao̒, “Amiaatia malonao̒ mola odelei Esau tikaka li Tuani wau botia tio mao̒dia mai modunggaya woli Tuani. Tio monao̒ mai wolo tawopato hetuto lota.” 7Loo̒dungohe uito tei Yako mailoohe daa̒ wau lolawalo. Lapatao̒ taa woluo pee̒-pee̒enta wolio tilayadio lowali dulo polemboa̒, odito olo himbalio, batadelio, sapi wau untalio. 8To pikilangilio, “Wonu tei Esau monao̒ mai wau moluhu polemboa̒ u bohulio, yi polemboa̒ oluolio moo̒ teteo̒ wau mopoa̒ahu lo batangalio.”
9Lapatao̒ tei Yako malodua̒, “Yaa Allahu Taa̒ala, tahe pujaa libaapu lowatotia Abraham, wau tiyamo lo watotia Isihaka, ambunguolo dungohi mai watotia! Eeya malo poa̒hu olo watotia luli lohualinga ode lipu lowatotia wau mongo pohutato lo watotia. Wau Eeya lodanti mai mamo ngatulu totoonulalo u hitua-tuwaua duo̒lo watotia. 10Watotia diila patuti mololimo totoonulalo ponu wau otatapu wau olotolo hilao u mapilopo bilohei lo Eeya ode watotia. Tou̒ watotia lomonggato lobalanga dutula Yordan, watotia diila lodelo wolo-wolo ngopohia tunggudu. Botia watotia luli lonao̒ mai wolo dulo polemboa̒ botie. 11Aambunguolo watotia momolohone tio̒otutua poa̒ahuwalo mai watotia monto likaka lowatotia Esau. Watotia moohe bolo monao̒ mai tio wau moluhu olo watotia wau mopobinasa olo mongo watotia ngoa̒amila, wau olo mongobua wau tau̒kekeei̒. 12Ambunguolo Eelailo mola deu̒ Eeya malodanti mai mamo ngaatulu mao̒ totoonulalo u hitua-tuawua wolo mopiohe duo̒lo watotia wau mongohi mai olo watotia dadaata wali. Diaaluo penu boli ngotaa mao̒ tamoo̒ leekeni mao̒ sababu daatalio debo odelo hungayo to pentadu.”
13-15Lapatao̒ lotitihui mota teto, tei Yako lohama ngotayade lonto binatangilio u pomalaseni mao̒ odelei Esau. Palaseni boito debo odelo: dulo hetuto batade bilango, dulo pulu batade ulai̒, dulo hetuto himba bilango, dulo pulu himba ulai̒, tolo pulu unta donggo hipotutua, pee̒-pee̒enta wolo walai̒o, wopato pulu sapi bilango, mopulu sapi ulai̒, dulo pulu kolodai bilango wau kolodai ulai̒. 16Hetila-tilayadio binatangi boito dengolo polemboa̒ tulusi timii̒du polemboa̒ yiludulio ode ngotaalio lowatolio. Ualio mao̒ ode limongolio, “Ponao̒lo meimulo mola wolau̒, wau dahai mao̒ alihu woluo antedelio towolota lo polemboa̒ u tuwau wolo polemboa̒ u wumbutio mola.” 17Tei Yako lomalentao̒ watolio tabohulio, “Wonu tikakaau̒ Esau modunggaya wolemu, wau mohintu, ‘Tatoonu ti tuanimu? Ohilaa deu̒toonu? Tatoonu taa ohuu̒wo lo bibii-natangiyalo u helanenga limongoli boito?’ 18Yi tameta mao̒ odie, ‘Haku lei Yako wato lituani. Tio lolao mai utie odelo dewo odelei Esau tituanilio. Watomu tei Yako lohihilao donggo tunu-tunuhei olamiaatia.’ ” 19-20To watolio tao̒luolio, otolulio wau ngoa̒amila taa u tilugasialio mongulusi himbala boito, yilohialio mao̒ palenta u tutuuwauwa. Sababu to pikiilangi mola lei Yako deu̒ tio mowali momiyo olei Esau wolo dewo boito, tilinggula de wonu modunggaya, tei Esau mohuto momaa̒apu mao̒ olio. 21Oditolio mailaolio mola leimulo dewo boito, hiambola tio lohihilao lotitihui to kema.
Tei Yako helohipate to Pniel
22Tou̒ huilo boito tei Yako lobongu tulusi lodelo dilelio duulota, pipialio duduulota wau walai̒o mopulaa tuwau lota, helo balango Dutula Yabok. 23Lapatao̒ lopo balangao̒ olimongolio, tio luli lohualingai wau helolao mota totoonulalo hakuulio ode ngotuali. 24Bo tio malo titolaa tutuwau.
Yi malonao̒ mai talolai̒ ngota helo hipate wolei Yako dilumutu ilosubua. 25Tou̒ tau boito maloo̒ laasa deu̒ tio diila tamoo̒haama todelomo hipate boito, tilaa̒apio tei Yako to poyonggilio, tilinggula leletua lo poyonggi boito loheeide. 26Lapatao̒ ualo tau boito, “Huliaalo mai wau̒, bolo ngopee̒ mola dulahu mamobutu mai.”
Tametao̒ lei Yako, “Watia diila molopata oli Tuani, ngopohia wonu ti Tuani mobalakati mai olaatia.”
27“Tatoonu tanggulumu?” yilintu mao̒ lotau boito,
“Yako,” tametio mao̒.
28Ualo tau boito, “Tanggulumu diilalo Yako. Yio̒ malo hipate wolo Allahu Taa̒ala wau wolo manusia, wau yio̒ loo̒haama; sababu uito tanggulumu malowali Isirai̒lu.”
29Ualei Yako, “Polelea mai tangguli Tuani.” Bo tau boito lolametao̒, “Diila palalu yio̒ mohintu tatoonu tangguluu̒!” Tulusi bilalakatialio tei Yako.
30Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel. 31Tou̒ dulahee malobutu mai, tei Yako lololaa mao̒ Pniel, wau tio penggo sababu leletua lo poyonggilio malo heeide. 32Dilumutu botia olo wali mai lo Isirai̒lu diila molamela tapu u molau̒be leletua poyonggi lo binatangi, sababu tei Yako maa ilotuhata lo taa̒apo to poyonggilio.
Currently Selected:
ILOOWALI 32: LAIGOR
Highlight
Share
Copy
Want to have your highlights saved across all your devices? Sign up or sign in
ILOOWALI 32
32
Tei Yako dapadapato u modunggaya wolei Esau
1Tei Yako lopo tolonga mola lo nonao̒lio. Lapatao̒ dengolo lota malai̒kati lonao̒ mai lodunggaya wolio. 2Tou̒ tei Yako loo̒onto mao̒ olimongolio, tio malo loi̒ya, “Uti-utieelo kema lo Allahu Taa̒ala,” sababu uito ilunteelio tambati boito Mahanaim.
3Lapatao̒ uito tei Yako lopoa̒hu mota dengolo lota utolia lonao̒ leimulo wolio ode lipu lo Edom u modunggaya wolei Esau, tikakalio. 4Ualei Yako ode limongolio, “Polelea mao̒ odelo kakaau̒ Esau odie, ‘Watia Yako, watomu. Ngotilonggadu botie watia malo tibiluloa̒ to olei Laban. 5Botia watia maa osapi, kolodai, himba, batade wau mongo wato. Watia malolao mai habari odeli tuani lowatia, wolo halapani tituani lowatia masanangi.’ ”
6Tou̒ mongo utolia luli lohualingai odelei Yako, timongolio loloi̒ya mao̒, “Amiaatia malonao̒ mola odelei Esau tikaka li Tuani wau botia tio mao̒dia mai modunggaya woli Tuani. Tio monao̒ mai wolo tawopato hetuto lota.” 7Loo̒dungohe uito tei Yako mailoohe daa̒ wau lolawalo. Lapatao̒ taa woluo pee̒-pee̒enta wolio tilayadio lowali dulo polemboa̒, odito olo himbalio, batadelio, sapi wau untalio. 8To pikilangilio, “Wonu tei Esau monao̒ mai wau moluhu polemboa̒ u bohulio, yi polemboa̒ oluolio moo̒ teteo̒ wau mopoa̒ahu lo batangalio.”
9Lapatao̒ tei Yako malodua̒, “Yaa Allahu Taa̒ala, tahe pujaa libaapu lowatotia Abraham, wau tiyamo lo watotia Isihaka, ambunguolo dungohi mai watotia! Eeya malo poa̒hu olo watotia luli lohualinga ode lipu lowatotia wau mongo pohutato lo watotia. Wau Eeya lodanti mai mamo ngatulu totoonulalo u hitua-tuwaua duo̒lo watotia. 10Watotia diila patuti mololimo totoonulalo ponu wau otatapu wau olotolo hilao u mapilopo bilohei lo Eeya ode watotia. Tou̒ watotia lomonggato lobalanga dutula Yordan, watotia diila lodelo wolo-wolo ngopohia tunggudu. Botia watotia luli lonao̒ mai wolo dulo polemboa̒ botie. 11Aambunguolo watotia momolohone tio̒otutua poa̒ahuwalo mai watotia monto likaka lowatotia Esau. Watotia moohe bolo monao̒ mai tio wau moluhu olo watotia wau mopobinasa olo mongo watotia ngoa̒amila, wau olo mongobua wau tau̒kekeei̒. 12Ambunguolo Eelailo mola deu̒ Eeya malodanti mai mamo ngaatulu mao̒ totoonulalo u hitua-tuawua wolo mopiohe duo̒lo watotia wau mongohi mai olo watotia dadaata wali. Diaaluo penu boli ngotaa mao̒ tamoo̒ leekeni mao̒ sababu daatalio debo odelo hungayo to pentadu.”
13-15Lapatao̒ lotitihui mota teto, tei Yako lohama ngotayade lonto binatangilio u pomalaseni mao̒ odelei Esau. Palaseni boito debo odelo: dulo hetuto batade bilango, dulo pulu batade ulai̒, dulo hetuto himba bilango, dulo pulu himba ulai̒, tolo pulu unta donggo hipotutua, pee̒-pee̒enta wolo walai̒o, wopato pulu sapi bilango, mopulu sapi ulai̒, dulo pulu kolodai bilango wau kolodai ulai̒. 16Hetila-tilayadio binatangi boito dengolo polemboa̒ tulusi timii̒du polemboa̒ yiludulio ode ngotaalio lowatolio. Ualio mao̒ ode limongolio, “Ponao̒lo meimulo mola wolau̒, wau dahai mao̒ alihu woluo antedelio towolota lo polemboa̒ u tuwau wolo polemboa̒ u wumbutio mola.” 17Tei Yako lomalentao̒ watolio tabohulio, “Wonu tikakaau̒ Esau modunggaya wolemu, wau mohintu, ‘Tatoonu ti tuanimu? Ohilaa deu̒toonu? Tatoonu taa ohuu̒wo lo bibii-natangiyalo u helanenga limongoli boito?’ 18Yi tameta mao̒ odie, ‘Haku lei Yako wato lituani. Tio lolao mai utie odelo dewo odelei Esau tituanilio. Watomu tei Yako lohihilao donggo tunu-tunuhei olamiaatia.’ ” 19-20To watolio tao̒luolio, otolulio wau ngoa̒amila taa u tilugasialio mongulusi himbala boito, yilohialio mao̒ palenta u tutuuwauwa. Sababu to pikiilangi mola lei Yako deu̒ tio mowali momiyo olei Esau wolo dewo boito, tilinggula de wonu modunggaya, tei Esau mohuto momaa̒apu mao̒ olio. 21Oditolio mailaolio mola leimulo dewo boito, hiambola tio lohihilao lotitihui to kema.
Tei Yako helohipate to Pniel
22Tou̒ huilo boito tei Yako lobongu tulusi lodelo dilelio duulota, pipialio duduulota wau walai̒o mopulaa tuwau lota, helo balango Dutula Yabok. 23Lapatao̒ lopo balangao̒ olimongolio, tio luli lohualingai wau helolao mota totoonulalo hakuulio ode ngotuali. 24Bo tio malo titolaa tutuwau.
Yi malonao̒ mai talolai̒ ngota helo hipate wolei Yako dilumutu ilosubua. 25Tou̒ tau boito maloo̒ laasa deu̒ tio diila tamoo̒haama todelomo hipate boito, tilaa̒apio tei Yako to poyonggilio, tilinggula leletua lo poyonggi boito loheeide. 26Lapatao̒ ualo tau boito, “Huliaalo mai wau̒, bolo ngopee̒ mola dulahu mamobutu mai.”
Tametao̒ lei Yako, “Watia diila molopata oli Tuani, ngopohia wonu ti Tuani mobalakati mai olaatia.”
27“Tatoonu tanggulumu?” yilintu mao̒ lotau boito,
“Yako,” tametio mao̒.
28Ualo tau boito, “Tanggulumu diilalo Yako. Yio̒ malo hipate wolo Allahu Taa̒ala wau wolo manusia, wau yio̒ loo̒haama; sababu uito tanggulumu malowali Isirai̒lu.”
29Ualei Yako, “Polelea mai tangguli Tuani.” Bo tau boito lolametao̒, “Diila palalu yio̒ mohintu tatoonu tangguluu̒!” Tulusi bilalakatialio tei Yako.
30Lapatao̒ ualei Yako, “Watia malo dunggaya baya wolo Allahu Taa̒ala, wau watia donggo tumu-tumulo.” Kalana uito iluntelio tambati boito Pniel. 31Tou̒ dulahee malobutu mai, tei Yako lololaa mao̒ Pniel, wau tio penggo sababu leletua lo poyonggilio malo heeide. 32Dilumutu botia olo wali mai lo Isirai̒lu diila molamela tapu u molau̒be leletua poyonggi lo binatangi, sababu tei Yako maa ilotuhata lo taa̒apo to poyonggilio.
Currently Selected:
:
Highlight
Share
Copy
Want to have your highlights saved across all your devices? Sign up or sign in