ILOOWALI 48
48
Tei Yako helo balakati olei Epraim wolei Manasye
1Dengolo wakutu mola lapatio mao̒ pilopo habariilio mai odelei Yusu deu̒ ti paapalio mongongota daa̒. Oditolio malonao̒lo tio wolo walai̒o duulota, deu̒yito tei Manasye wolei Epraim mola lomilohe olei Yako. 2Tou̒ tei Yako loo̒dungohe deu̒ tei Yusu lonao̒ mai, tio lohimoa̒ao̒ ngoilanggubu lotoolio, tulusi malo tihuloa̒a to potuluhelio. 3Ualei Yako odelei Yusu, “Allahu Taa̒ala Taa Laba-labaalo kawasa malo pobilohei batanga olau̒ to Lus, tohuta lo Kanaa̒n, wau malo balakati olau̒.” 4Allahu Taa̒ala lotahuda mai ode olau̒, “Wau̒ mamongohi mai olemu walao̒ dadaata wau wombu, alihu waliimu mola mowali bangusa dadaata; Wau̒ mamongohi mola lipu botie to waliimu mai odelo miliki limongolio u ohiheo-ohiheolo mao̒.”
5Ualei Yako wumbutio mola, “Yusu, walau̒mu duulota tei Epraim wolei Manasye tapilotutu mai to Masiri botie tou̒ wau̒ diipo leidungga mai odia, ilanggapuu̒ walau̒uu̒, tutuuwauwa debo odelo tei Ruben wolei Simeon. 6Wonu yio̒ muli moo̒tapu mai walao̒, timongolio madiilalo anggapuwou̒ odelo walau̒uu̒ bo debo walau̒mu; waliisani duo̒lo olimongolio matolimoo limongolio monto olei Epraim wolei Manasye. 7Wau̒ lohutu mao̒ sua̒li boito odeli Rahel tiilamu. To delomo wuwalingiu̒ mai lonto Mesopotamia, tiilamu yilate tohuta lo Kanaa̒n diila molamingo monto Eprata.” (Masaatia Eprata otaawa odelo Betlehemu.)
8Tou̒ tei Yako loo̒onto mongo walae̒e Yusu boito, tio lohintu mao̒, “Tatoonu mongo walao̒ botie?”
9Tametao̒ lei Yusu, “Uti-utieelo mongo walao̒ lowatia tailohi mai lo Allahu Taa̒ala to olaatia tewe, to Masiri.” Tei Yako malo loi̒ya mao̒, “Podudula mai timongolio ode olau̒ alihu balakatiyau̒ mao̒.” 10Tei Yako diila moo̒onto lou̒ mopatato sababu mapanggola wau matolio mailambulo. Tei Yusu lopodudulao̒ mongo walai̒o boito odelei Yako, wau tio malo ngoo̒de wau lodiilao̒ olimongolio. 11Lapatao̒ loloi̒ya mao̒ tei Yako odelei Yusu, “Sama-samaata diila to lantobuu̒ mamuli modunggaya wolemu, bo botia tumbao̒ Allahu Taa̒ala lopoluasi mai olau̒ momilohe mongo walau̒mu.” 12Lapatao̒ tei Yusu malohama olimongolio lonto too̒opu lei Yako, tulusi tio lohihilao losujudu lomola totalu li paapalio.
13-14Lapatao̒ uito tei Yusu lopo tambati mao̒ walai̒o duulota boito totili lei Yako, tei Epraim tawaliyali boito to ambahu oloihi wau tei Manasye tamohuhula daa̒ to ambahu olowala. Bo tei Yako helo potambangao̒ polootodu ului̒o wau lopodutu ului̒o olowala toitaato lunggongee Epraim, hiambola ului̒o oloihi pilopo dutulio toitaato lunggongee Manasye. 15Lapatao̒ uito bilalakatilio tei Yusu, ualio mao̒,
“Allahu Taa̒ala, Tiolo Eeya, tahe pujaa lei Abraham wolei Isihaka,
Tiolo tahe lodelo olau̒ dilumutu botia;
16Tiolo malai̒kati tamalo lopata olau̒ lonto totoonulalo baala.
Hinta Allahu Taa̒ala boito mobalakati mai mongo walao̒ botie.
Hinta tumumulo tulusi tangguluu̒ wau tanggulei Abraham wolei Isihaka
masababu mongo walao̒ botie!
Hinta owalaa̒a wombu mola,
u dadaata todunia.”
17Tei Yusu diila sanangi tou̒ loo̒onto mao̒ oli paapalio lopodutu uluu olowalio toitaato lunggongee Epraim; lapatao̒ dilihumalio uluu̒ li paapalio pilopo limbatio lonto yitaato lunggongee Epraim ode yitaato lunggongee Manasye. 18Ualio mao̒ odeli paapalio, “Diila mao̒ odito, Paapa. Uti-utieelo walao̒ tamohuhula daa̒; podutuwalo uluu̒ li paapa toitaato lunggongio.”
19Boti paapalio diila lololimo, ualio mao̒, “Otaawau̒, walau̒uu̒, otaawau̒. Tei Manasye mamowali udaa̒ mola kawasaalio wau tawali-yaliilio mai mamowali bangusa udaa̒ olo. Bo tawali-yaliilio malebe udaa̒ mola kawasaalio wolio, wau wali mai lo tawali-yaliilio boito mamowali babaa-ngusawalo udaa̒.”
20Lapatao̒ luli bilarakatilio mao̒ mongo walao̒ boito todulahee boito, ualio mao̒, “Taulo Isirai̒lu mamongunte mao̒ tanggulumu wonu timongolio mobalakati tau. Timongolio mamoloi̒ya, ‘Hinta Allahu Taa̒ala mohutu mai olemu debo odelo tei Epraim wolei Manasye.’ ” Lou̒ odito tei Yako helo pomulopo olei Epraim lonto olei Manasye.
21Lapatao̒ malo loi̒ya tei Yako odelei Yusu, “Debo odelo oontongamu mao̒, opopateu̒ diilalo mohiheo, bo Allahu Taa̒ala mamo tulungi mai olimongoli wau modelo olimongoli muli mohualinga ode lipu loluuhurumu. 22To olemulo, wau diila tomongo wutatumu, wau̒ mongohi mai Sikhem, lipu molomiodu boito u mahilamau̒ lonto taulo Amori wolo wamilo wau panaau̒.”
Currently Selected:
ILOOWALI 48: LAIGOR
Highlight
Share
Copy
Want to have your highlights saved across all your devices? Sign up or sign in
ILOOWALI 48
48
Tei Yako helo balakati olei Epraim wolei Manasye
1Dengolo wakutu mola lapatio mao̒ pilopo habariilio mai odelei Yusu deu̒ ti paapalio mongongota daa̒. Oditolio malonao̒lo tio wolo walai̒o duulota, deu̒yito tei Manasye wolei Epraim mola lomilohe olei Yako. 2Tou̒ tei Yako loo̒dungohe deu̒ tei Yusu lonao̒ mai, tio lohimoa̒ao̒ ngoilanggubu lotoolio, tulusi malo tihuloa̒a to potuluhelio. 3Ualei Yako odelei Yusu, “Allahu Taa̒ala Taa Laba-labaalo kawasa malo pobilohei batanga olau̒ to Lus, tohuta lo Kanaa̒n, wau malo balakati olau̒.” 4Allahu Taa̒ala lotahuda mai ode olau̒, “Wau̒ mamongohi mai olemu walao̒ dadaata wau wombu, alihu waliimu mola mowali bangusa dadaata; Wau̒ mamongohi mola lipu botie to waliimu mai odelo miliki limongolio u ohiheo-ohiheolo mao̒.”
5Ualei Yako wumbutio mola, “Yusu, walau̒mu duulota tei Epraim wolei Manasye tapilotutu mai to Masiri botie tou̒ wau̒ diipo leidungga mai odia, ilanggapuu̒ walau̒uu̒, tutuuwauwa debo odelo tei Ruben wolei Simeon. 6Wonu yio̒ muli moo̒tapu mai walao̒, timongolio madiilalo anggapuwou̒ odelo walau̒uu̒ bo debo walau̒mu; waliisani duo̒lo olimongolio matolimoo limongolio monto olei Epraim wolei Manasye. 7Wau̒ lohutu mao̒ sua̒li boito odeli Rahel tiilamu. To delomo wuwalingiu̒ mai lonto Mesopotamia, tiilamu yilate tohuta lo Kanaa̒n diila molamingo monto Eprata.” (Masaatia Eprata otaawa odelo Betlehemu.)
8Tou̒ tei Yako loo̒onto mongo walae̒e Yusu boito, tio lohintu mao̒, “Tatoonu mongo walao̒ botie?”
9Tametao̒ lei Yusu, “Uti-utieelo mongo walao̒ lowatia tailohi mai lo Allahu Taa̒ala to olaatia tewe, to Masiri.” Tei Yako malo loi̒ya mao̒, “Podudula mai timongolio ode olau̒ alihu balakatiyau̒ mao̒.” 10Tei Yako diila moo̒onto lou̒ mopatato sababu mapanggola wau matolio mailambulo. Tei Yusu lopodudulao̒ mongo walai̒o boito odelei Yako, wau tio malo ngoo̒de wau lodiilao̒ olimongolio. 11Lapatao̒ loloi̒ya mao̒ tei Yako odelei Yusu, “Sama-samaata diila to lantobuu̒ mamuli modunggaya wolemu, bo botia tumbao̒ Allahu Taa̒ala lopoluasi mai olau̒ momilohe mongo walau̒mu.” 12Lapatao̒ tei Yusu malohama olimongolio lonto too̒opu lei Yako, tulusi tio lohihilao losujudu lomola totalu li paapalio.
13-14Lapatao̒ uito tei Yusu lopo tambati mao̒ walai̒o duulota boito totili lei Yako, tei Epraim tawaliyali boito to ambahu oloihi wau tei Manasye tamohuhula daa̒ to ambahu olowala. Bo tei Yako helo potambangao̒ polootodu ului̒o wau lopodutu ului̒o olowala toitaato lunggongee Epraim, hiambola ului̒o oloihi pilopo dutulio toitaato lunggongee Manasye. 15Lapatao̒ uito bilalakatilio tei Yusu, ualio mao̒,
“Allahu Taa̒ala, Tiolo Eeya, tahe pujaa lei Abraham wolei Isihaka,
Tiolo tahe lodelo olau̒ dilumutu botia;
16Tiolo malai̒kati tamalo lopata olau̒ lonto totoonulalo baala.
Hinta Allahu Taa̒ala boito mobalakati mai mongo walao̒ botie.
Hinta tumumulo tulusi tangguluu̒ wau tanggulei Abraham wolei Isihaka
masababu mongo walao̒ botie!
Hinta owalaa̒a wombu mola,
u dadaata todunia.”
17Tei Yusu diila sanangi tou̒ loo̒onto mao̒ oli paapalio lopodutu uluu olowalio toitaato lunggongee Epraim; lapatao̒ dilihumalio uluu̒ li paapalio pilopo limbatio lonto yitaato lunggongee Epraim ode yitaato lunggongee Manasye. 18Ualio mao̒ odeli paapalio, “Diila mao̒ odito, Paapa. Uti-utieelo walao̒ tamohuhula daa̒; podutuwalo uluu̒ li paapa toitaato lunggongio.”
19Boti paapalio diila lololimo, ualio mao̒, “Otaawau̒, walau̒uu̒, otaawau̒. Tei Manasye mamowali udaa̒ mola kawasaalio wau tawali-yaliilio mai mamowali bangusa udaa̒ olo. Bo tawali-yaliilio malebe udaa̒ mola kawasaalio wolio, wau wali mai lo tawali-yaliilio boito mamowali babaa-ngusawalo udaa̒.”
20Lapatao̒ luli bilarakatilio mao̒ mongo walao̒ boito todulahee boito, ualio mao̒, “Taulo Isirai̒lu mamongunte mao̒ tanggulumu wonu timongolio mobalakati tau. Timongolio mamoloi̒ya, ‘Hinta Allahu Taa̒ala mohutu mai olemu debo odelo tei Epraim wolei Manasye.’ ” Lou̒ odito tei Yako helo pomulopo olei Epraim lonto olei Manasye.
21Lapatao̒ malo loi̒ya tei Yako odelei Yusu, “Debo odelo oontongamu mao̒, opopateu̒ diilalo mohiheo, bo Allahu Taa̒ala mamo tulungi mai olimongoli wau modelo olimongoli muli mohualinga ode lipu loluuhurumu. 22To olemulo, wau diila tomongo wutatumu, wau̒ mongohi mai Sikhem, lipu molomiodu boito u mahilamau̒ lonto taulo Amori wolo wamilo wau panaau̒.”
Currently Selected:
:
Highlight
Share
Copy
Want to have your highlights saved across all your devices? Sign up or sign in