KEJADIAN 37
37
Yusuf agaila'lak inomen hilingitukwa wene
1At Yakub o Kanaan eisena welagaikheba andoma welagaikhe. 2Logolik, at Yakub againafuri hilingiti lagaukwa re, yi'nogo:
At Yakub amlogo Yusuf ebe umur 17 tahun oba ogogwi inom wam kambing inom domba inom, yonggo palek nugunem kwalogo logolik tegelhi lagaukwa. It Yusuf ogogwi andi re, hemi inebe pire Yakub onggwarek amingmingengge mene agagwi woginafikhe mene inenu re, Bilha inom, Zilpa inom aremnogo ineagwi. Inanggo a'nogo tegelhi logolik, at Yusuf en he, ogogwi inobabut weak hilingiti lagaukwa mene omanogo ineisena yagasi waga lagaikhe. 3At Yakub he, againafuri fenakwe mondogat abit hangge logolik, Yusuf enek he, oak oba takhasikhe mene andi nen, endawinggen mondok hundik welagaikhe. A'nogo logolik, enggi ekhe sambul he, su pisarek eil mondok fano mene selebenhogo wogetikhe. 4A'nogo wogotikhemo, it Yusuf ogogwi nen he, ”Nineisena nen nit abit logolik amlogo Yusuf enek he, endawinggen mondok hundik higi,” iluk isukwasik, Yusuf ebe inabiret fesukwasik, wene ane inom fanorogo ikhi lagaukwa mondok lek.
5Inenggi ekhe sambul he, Yusuf abi hasikhesik, ogogwi pilingisogo yagaisasikhe meneat he, it ogogwi nen ebenagaik at oba inabit mondok oba fesukwa. 6At Yusuf abi hasikhe mene it pilingisogo yagaisasikhe re, yi'nogo: ”Hinesanggo fanorogo holini. 7An nabi yi'nogo higi. Nit ninebe mondogat gandum awi yagoma kogosik, enggen palhigik hele homakhigik lakfugunem he, an mene yelik taunghogo menlasi lagunem he, hit mene yelik an mene a'nogo era'lukwe ilingwalinghogo lagasik he, ineindep awi yagaisogo fogeratunem nabi higi o,” iluk yagaisasikhe. 8A'nogo yagaisasikhemo, iren he, ”Hat hendawimo nen he, nit ninoe kain henupogot asimbik, fetninarek logogin anggegendigen yaganisegen a?” iluk enggali warogo wenagetukwa. Wenagetukwa andi re, at abi hasikhe mene, yagaisasikhe andi nen, it mondok ebenagaik aroba inabiret fesukwa andi.
9Hobuk at Yusuf abi ekhe hasikhesik ogogwi ekhe inomat yagaisasikhe: ”Mo inom, tugi inom, hesagal ebe 11 nen inom, an ineindep awi yagaisogo foget nafunem neilenggen higi aro,” iluk ogogwi pilingisogo yagaisasikhe.
10A'nogo yagaisasikhesik, abi hasikhe mene andi, at eisena pilingisogo yagatikheat. Yagatikhemo, eisena nen enggali warogo wene wenageti logolik: ”Habi andi ninggi'nogo mene faget hegen? Hat hendawimo nen he, an inom, hagaisa inom, hagaila'lak inom, hat hawe a'ma wesimbik nineindep awi yagaisogo fogethabugun mene faget hegen a?” iluk wenagetikhe. 11A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.#Kis. 7:9
Yusuf onggo wanhukwama o Mesir waluk lagaukwa wene
12Inenggi ekhe sambul he, it Yusuf ogogwi omanogo wam kambing inom, domba inom, ineisena mene yonggo palek konuogeluk o Sikhem lagaukwa. 13Lagaukwama, at Yakub en he, Yusuf mel yagatikhe: ”Hat hogogwi wam nit mene kambing, domba o Sikhem yonggo palek konhunem isa lan o,” iluk yagatikhemo, aren he, ”I o, neisena,” iluk yagatikhe. 14Yagatikhemo, at eisena nen he, ”Hat hogogwi kambing, domba yonggo palek konhunem, yogondak ninggi'nogo werek iluk heilenggen isa lambik he, sengggerogo yaganesi we'nogen he, lan o,” iluk yagatikhemo, Yusuf o Hebron herakfuluk he, o Sikhem lageluk weak-weak lagaikhe. 15A'nogo lagaikhesik, o leimo andoma lagaikhe hak he, ap mene ekhe emberek ambi agaukwasik, ap a'nogo nen he, mel yagatikhe: ”Nagot. Hat he, nena mene herarik waga lagen,” iluk yagatikhemo aren he: 16”Noe. An he, nogogwi wam kambing, domba yonggo palek konhunem heraginabik waga lagi o,” iluk yagatikhesik, mel yagatikheat: ”It inebe o koma werek, hat helu a?” iluk heinok wokhasikhe. 17Heinok wokhasikhemo, at ap a'nogo nen he: ”It he, kwe yikwe laga logolik, iren he, ”O Dotan louwok,” iluk ugunem nesanggo holhi a'naga re, iluk yagatikhe. A'nogo yagatikhemo, at Yusuf ogogwi inombo'ne laga lagaikhesik, inebe o Dotan were'ma heraginabi lagaikhe.
18Lagaikhesik ebe inoba horokhogo lagi'lek yatmaat lagunem, Yusuf ebe enegat ineilenggen yetha wagaukwasik he, ebe mondok wasuogeluk abok palhukwa. 19Palhukwasik it-it mel isukwa: ”Ap abi mondok hikherek mene a'nogo a'li weri'logo ari hani. 20At abi hikhe mene omanogo ebe ninggi'nogo hilinglagunem hogoin. Ebe wasimbik, warek he, pogole habuli'mo pelakfisouwogen. Pelakfisambik he, Wam maro aik anini weak mene nen libilhemo, iluk uogo,” isukwa. 21Wene abok a'nogo palhukwa andi, at Ruben esanggo holhikhesik he, Yusuf ebe teligiluk mel yagaisasikhe, ”At ebe wasugun lek. 22We, ebe re, yei wati'legat he, pogole habuli'mo o leimo yoma pelak fisouwogo,” iluk yagaisasikhe. A'nogo yagaisasikhe andi re, Yusuf ebe telogo eisenaba ambotkwe lakfei wesigiluk isikhe.
23A'nogo isukwasik were'ma, at Yusuf a'nogo ogogwi inoba horokhogo lagunem, Yusuf asu fano mondok a'nogo nonggologo fesukwa. 24Fesukwasik he, ebe waluk pogole i yenggelek lek meneba pelakfisa lagaukwa. 25A'nogo pelakfisa lagaukwasik, sumburu nunggu were'ma afuni Ismael mene logalek o Gilead en yi mene ti mene amben fano mene kami hangge inom, larengga hangge inom, mondogat unta oba liakfesukwasik, o Mesir louwogeluk wagunem ineilenggen isasukwa. 26Ineilenggen isasukwasik he, at Yahuda nen agaila'lak mel yagaisasikhe: ”Nit ninagot nenahalok hinagaisogo warogo hinakfogoin nogo? 27At ebe nit ninagot ninamep mene at he, oba yi enggin ti enggin hilingisogo fouwok lego. We, afuni Ismael mene oma inoba onggo wanuogo,” iluk yagaisasikhemo, it agaila'lagen he, ”Fano,” isukwa. 28A'nogo isukwasik were'ma, afuni Midian mene kwe andi kwe wagunem, Yusuf ebe pogolema a'nogo nen liakfei wagaukwasik he, onggo uang perak mene ebe 20 nen, hombonu-hombonungge mene re ebe onggo hokho palharek meneba wanhukwa. Onggo a'nogo wanhukwama, it afuni Ismael mene onggo heligik saburigik, agarek mene omanogo nen Yusuf wanhukwasik he, o Mesir helaluk lagaukwa.#Kis. 7:9 29Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe. 30Lakfisaluk, agaila'lak inoba wagaikhesik he, mel yagaisasikhe: ”Yenggerek a'nogo andoma ebe lego, halok an yogondak ninggi'nogo hilingisigin he,” iluk yagaisasikhe.
31A'nogo yagaisasikhemo, iren he, wam kambing misigat mene ekhe watukwasik he, Yusuf asu a'nogo wam mep yuguk-fugukhogo fesukwa. 32A'nogo fesukwasik, iren he, it ekhe yagaisikhi logolik: ”Su andi nineisenaba wogosi lambik he, mel yaga'no: Su yi re hat hamlogo mene hera'luk wago a? iluk yagasi lano,” isukwa. 33A'nogo isukwama yagasi wagaukwama re, at Yakub en he, ”Eberogoat, su yi an namlogo mene o. At eberogoat wam maro nen libilhemo wa'lagama higi,” iluk isikhe. 34A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe. 35A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.
36At Yakub a'nogo werek kwelek, it afuni Median mene nen Yusuf a'nogo o Mesir waluk lagaukwasik, ap Potifar, at raja Firaun aiba kagalek welagaukwa mene inoe kain mene oba onggo wanhukwa.
Currently Selected:
KEJADIAN 37: inohap
Highlight
Share
Copy
Want to have your highlights saved across all your devices? Sign up or sign in
KEJADIAN 37
37
Yusuf agaila'lak inomen hilingitukwa wene
1At Yakub o Kanaan eisena welagaikheba andoma welagaikhe. 2Logolik, at Yakub againafuri hilingiti lagaukwa re, yi'nogo:
At Yakub amlogo Yusuf ebe umur 17 tahun oba ogogwi inom wam kambing inom domba inom, yonggo palek nugunem kwalogo logolik tegelhi lagaukwa. It Yusuf ogogwi andi re, hemi inebe pire Yakub onggwarek amingmingengge mene agagwi woginafikhe mene inenu re, Bilha inom, Zilpa inom aremnogo ineagwi. Inanggo a'nogo tegelhi logolik, at Yusuf en he, ogogwi inobabut weak hilingiti lagaukwa mene omanogo ineisena yagasi waga lagaikhe. 3At Yakub he, againafuri fenakwe mondogat abit hangge logolik, Yusuf enek he, oak oba takhasikhe mene andi nen, endawinggen mondok hundik welagaikhe. A'nogo logolik, enggi ekhe sambul he, su pisarek eil mondok fano mene selebenhogo wogetikhe. 4A'nogo wogotikhemo, it Yusuf ogogwi nen he, ”Nineisena nen nit abit logolik amlogo Yusuf enek he, endawinggen mondok hundik higi,” iluk isukwasik, Yusuf ebe inabiret fesukwasik, wene ane inom fanorogo ikhi lagaukwa mondok lek.
5Inenggi ekhe sambul he, Yusuf abi hasikhesik, ogogwi pilingisogo yagaisasikhe meneat he, it ogogwi nen ebenagaik at oba inabit mondok oba fesukwa. 6At Yusuf abi hasikhe mene it pilingisogo yagaisasikhe re, yi'nogo: ”Hinesanggo fanorogo holini. 7An nabi yi'nogo higi. Nit ninebe mondogat gandum awi yagoma kogosik, enggen palhigik hele homakhigik lakfugunem he, an mene yelik taunghogo menlasi lagunem he, hit mene yelik an mene a'nogo era'lukwe ilingwalinghogo lagasik he, ineindep awi yagaisogo fogeratunem nabi higi o,” iluk yagaisasikhe. 8A'nogo yagaisasikhemo, iren he, ”Hat hendawimo nen he, nit ninoe kain henupogot asimbik, fetninarek logogin anggegendigen yaganisegen a?” iluk enggali warogo wenagetukwa. Wenagetukwa andi re, at abi hasikhe mene, yagaisasikhe andi nen, it mondok ebenagaik aroba inabiret fesukwa andi.
9Hobuk at Yusuf abi ekhe hasikhesik ogogwi ekhe inomat yagaisasikhe: ”Mo inom, tugi inom, hesagal ebe 11 nen inom, an ineindep awi yagaisogo foget nafunem neilenggen higi aro,” iluk ogogwi pilingisogo yagaisasikhe.
10A'nogo yagaisasikhesik, abi hasikhe mene andi, at eisena pilingisogo yagatikheat. Yagatikhemo, eisena nen enggali warogo wene wenageti logolik: ”Habi andi ninggi'nogo mene faget hegen? Hat hendawimo nen he, an inom, hagaisa inom, hagaila'lak inom, hat hawe a'ma wesimbik nineindep awi yagaisogo fogethabugun mene faget hegen a?” iluk wenagetikhe. 11A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.#Kis. 7:9
Yusuf onggo wanhukwama o Mesir waluk lagaukwa wene
12Inenggi ekhe sambul he, it Yusuf ogogwi omanogo wam kambing inom, domba inom, ineisena mene yonggo palek konuogeluk o Sikhem lagaukwa. 13Lagaukwama, at Yakub en he, Yusuf mel yagatikhe: ”Hat hogogwi wam nit mene kambing, domba o Sikhem yonggo palek konhunem isa lan o,” iluk yagatikhemo, aren he, ”I o, neisena,” iluk yagatikhe. 14Yagatikhemo, at eisena nen he, ”Hat hogogwi kambing, domba yonggo palek konhunem, yogondak ninggi'nogo werek iluk heilenggen isa lambik he, sengggerogo yaganesi we'nogen he, lan o,” iluk yagatikhemo, Yusuf o Hebron herakfuluk he, o Sikhem lageluk weak-weak lagaikhe. 15A'nogo lagaikhesik, o leimo andoma lagaikhe hak he, ap mene ekhe emberek ambi agaukwasik, ap a'nogo nen he, mel yagatikhe: ”Nagot. Hat he, nena mene herarik waga lagen,” iluk yagatikhemo aren he: 16”Noe. An he, nogogwi wam kambing, domba yonggo palek konhunem heraginabik waga lagi o,” iluk yagatikhesik, mel yagatikheat: ”It inebe o koma werek, hat helu a?” iluk heinok wokhasikhe. 17Heinok wokhasikhemo, at ap a'nogo nen he: ”It he, kwe yikwe laga logolik, iren he, ”O Dotan louwok,” iluk ugunem nesanggo holhi a'naga re, iluk yagatikhe. A'nogo yagatikhemo, at Yusuf ogogwi inombo'ne laga lagaikhesik, inebe o Dotan were'ma heraginabi lagaikhe.
18Lagaikhesik ebe inoba horokhogo lagi'lek yatmaat lagunem, Yusuf ebe enegat ineilenggen yetha wagaukwasik he, ebe mondok wasuogeluk abok palhukwa. 19Palhukwasik it-it mel isukwa: ”Ap abi mondok hikherek mene a'nogo a'li weri'logo ari hani. 20At abi hikhe mene omanogo ebe ninggi'nogo hilinglagunem hogoin. Ebe wasimbik, warek he, pogole habuli'mo pelakfisouwogen. Pelakfisambik he, Wam maro aik anini weak mene nen libilhemo, iluk uogo,” isukwa. 21Wene abok a'nogo palhukwa andi, at Ruben esanggo holhikhesik he, Yusuf ebe teligiluk mel yagaisasikhe, ”At ebe wasugun lek. 22We, ebe re, yei wati'legat he, pogole habuli'mo o leimo yoma pelak fisouwogo,” iluk yagaisasikhe. A'nogo yagaisasikhe andi re, Yusuf ebe telogo eisenaba ambotkwe lakfei wesigiluk isikhe.
23A'nogo isukwasik were'ma, at Yusuf a'nogo ogogwi inoba horokhogo lagunem, Yusuf asu fano mondok a'nogo nonggologo fesukwa. 24Fesukwasik he, ebe waluk pogole i yenggelek lek meneba pelakfisa lagaukwa. 25A'nogo pelakfisa lagaukwasik, sumburu nunggu were'ma afuni Ismael mene logalek o Gilead en yi mene ti mene amben fano mene kami hangge inom, larengga hangge inom, mondogat unta oba liakfesukwasik, o Mesir louwogeluk wagunem ineilenggen isasukwa. 26Ineilenggen isasukwasik he, at Yahuda nen agaila'lak mel yagaisasikhe: ”Nit ninagot nenahalok hinagaisogo warogo hinakfogoin nogo? 27At ebe nit ninagot ninamep mene at he, oba yi enggin ti enggin hilingisogo fouwok lego. We, afuni Ismael mene oma inoba onggo wanuogo,” iluk yagaisasikhemo, it agaila'lagen he, ”Fano,” isukwa. 28A'nogo isukwasik were'ma, afuni Midian mene kwe andi kwe wagunem, Yusuf ebe pogolema a'nogo nen liakfei wagaukwasik he, onggo uang perak mene ebe 20 nen, hombonu-hombonungge mene re ebe onggo hokho palharek meneba wanhukwa. Onggo a'nogo wanhukwama, it afuni Ismael mene onggo heligik saburigik, agarek mene omanogo nen Yusuf wanhukwasik he, o Mesir helaluk lagaukwa.#Kis. 7:9 29Helaluk lagaukwama, at Ruben pogolema a'nogo eilenggen ha lagaikhe re, Yusuf ebe le'ma hasikhesik, endawi nen he asu libilogo lakfisasikhe. 30Lakfisaluk, agaila'lak inoba wagaikhesik he, mel yagaisasikhe: ”Yenggerek a'nogo andoma ebe lego, halok an yogondak ninggi'nogo hilingisigin he,” iluk yagaisasikhe.
31A'nogo yagaisasikhemo, iren he, wam kambing misigat mene ekhe watukwasik he, Yusuf asu a'nogo wam mep yuguk-fugukhogo fesukwa. 32A'nogo fesukwasik, iren he, it ekhe yagaisikhi logolik: ”Su andi nineisenaba wogosi lambik he, mel yaga'no: Su yi re hat hamlogo mene hera'luk wago a? iluk yagasi lano,” isukwa. 33A'nogo isukwama yagasi wagaukwama re, at Yakub en he, ”Eberogoat, su yi an namlogo mene o. At eberogoat wam maro nen libilhemo wa'lagama higi,” iluk isikhe. 34A'nogo isikhesik, endawi nen asu libi'labak hogo lakfisasikhesik, asu weak mene laberogo pelagwi fesikhesik welagaikhe. A'nogo labetikhesik, hundik-handik amlogo faget le agu mondok welagaikhe. 35A'nogo weregen, it againafuri ap inom, hemi inom, Yakub endawimo fanorasuogeluk ugunem, aren he, ”Hiren an nendawimo fanot nabugun he, nabit,” iluk isikhesik he, mel isikhe, ”An namlogo faget, ouwak le agu mondok were'ma nen huli nebe wa'lasigin o,” iluk isikhesik, amlogo faget asu weak mene laberogo pelagwi fesikhesik welagaikhe.
36At Yakub a'nogo werek kwelek, it afuni Median mene nen Yusuf a'nogo o Mesir waluk lagaukwasik, ap Potifar, at raja Firaun aiba kagalek welagaukwa mene inoe kain mene oba onggo wanhukwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in