YOHANES 13
13
Yesus nen agoromi ineisok ebene sobalinafikhe wene
1Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe. 2Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe, 3A'nogo endawimo kagalhikhemo, at Yesus endawimo nen he, ”Neisena nen yi mene ti mene mondogat an nenggiba fikhemo werek anggigi. Nen, an nebe Allah were'ma nen pi wagagisik, hombuk nambotkwe at oba lagagin anggigi,” iluk elu welagaikheat. 4A'nogo elu logolik, sumburu ninggi lagaikhesik ebe menlagaikhesik he, asu ebe laberek mene nonggologo fesikhesik he, kume su wanhikhesik obakhe hele pukhogo itikhe. 5A'nogo itikhesik he, waruk earek meneba i keralogo kwelakfesikhesik he, at agoromi ane wanhi lagaukwa mene omanogo ineisok ebene sobalinafikhesik he, su obakhe hele pukhogo itikhe mene a'nogoba amusu horinabik lagaikhe. 6A'nogo hilingirik laga lagaikhesik, huli at Simon ekhe enu Petrus a'nogo oba asi wagunem he, aren he, mel yagatikhe: ”Noe, hat Henupogoren an neisok ebene sobaligin? Elo'lego,” iluk yagati lagaikhemo, 7at Yesus nen he, mel yagatikhe: ”Nagore. An hilingiti yi, ebe ninggi'nogo mene he, hat honggoro. Meneat he, hobugen helu asigin o,” iluk yagati lagaikhemo, 8at Petrus nen he, mel yagatikhe: ”Noe. Haren an neisok ebene sobalnabigin mondok lego,” iluk yagati lagaikhemo, at Yesus nen he, mel yagatikhe: ”An nen hat sobalhabigin lek halok he, hat hebe an eisewerek logogin lego,” iluk yagati lagaikhemo, 9at Simon Petrus nen he, mel yagatikhe: ”Andi halok he, noe. Neisok ebene nek sobalnafun o. Nenggi inom, nunggul ebenebinom, mondogat sobalnabin o,” iluk yagatikhemo re, 10at Yesus nen he, mel yagatikhe: ”At sa nen, ebe kume arat warek werek halok, at ebe sobalek mondok werek andi nen he, hobuk sobalugun elo'lego. We, eisok enek sobalumo elogo,” iluk yagatikhesik, it mondogat yagaisikhi logolik he, ”Hit a'nogo sobalek mondok welagep meneat he, hinebe mondogat sobalek welagep fuk. Ekhe sobalek lek werego,” iluk, yagaisasikhe. Wene a'nogo yagaisasikhe andi re, at endawimo nen he, 11”At andi nen an nebe noasuageluk yonggo lagain,” iluk elu logolik andi nen he, mel yagaisasikhe: ”Hit sobalek mondok welagep meneat he, hinebe mondogat sobalek welagep fuk. Lego,” iluk yagaisasikhe andi.
12A'nogo ineisok ebene arat sobalinafikhesik he, asu nonggologo fesikhe mene a'nogo labetikhesik, ambotkwe hurek welagaikheba hu'lagaikhesik he, mel yagaisasikhe: ”An nen hit hilinghinafi andi futfegeba? Lega.#Luk. 22:27 13Nen, hiren an yaganeti logolik he, Ninoe enupogot wene yaganisegendek mene, iluk yaganeti lagep andi re, an nebe hinoe nenupogot wene yagahisigirek mene eberogoat halogat ikhi lagebo. 14A'nogo, an nebe hinoe nenupogot wene yagahisigirek mene nen hit hineisok ebene sobalhinafi halok he, hiren a'nogo hit-hit hineisok ebene sobal-sobal ikhi logoin o. 15An nen hit hilinghinafi andi hak, hiren an nobabut waganogo a'nogoat hilingiti logobagaigen iluk yagahisigi o. 16Wene ekhe yi yagahisak: Ap kain ekhe inawe a'ma hak werek kwelek, at amingmingengge mene lego hak welagarek lego. Andi hak, ap yonggo lakfisikherek mene inawe a'ma hak werek kwelegat he, at yonggo lagarek mene andi lego hak welagarek mondok lego, iluk eberogo yagahisigi.#Mat. 10:24; Luk. 6:40; Yoh. 15:20 17An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.
18An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa:
Ap ekhe sumburu nemberek misi'mo ninggi lago mene
yi nenat weaget nabigeluk menlaga o,
iluk isukwama lisu palek werek andi legasigin lek. Eberogoat hilinglasigin.#Mzm. 41:10
19Wene andi hobuk arat eberogoat hilinglaga halok, at etok mondok welagarek mene a'nogo araro, iluk futnobagaigen iluk, yogondak wene andi oan hilinglagi'lek werek kwelek abok yagahisigi o,” iluk yagaisasikhesik he, wene ekhe mel yagaisasikhe: 20”At sa nen, afuni an nen lakfisagain mene woginafe halok he, anat wo'nabigin o. Nen, at sa nen an wo'nafe halok he, at an laknobagai wagaikhe mene a'nogoat wanigin o, iluk eberogoat yagahisigi,” iluk yagaisasikhe.#Mat. 10:40; Mrk. 9:37; Luk. 9:48, 10:16
Yesus nen Yudas hilingisigin mene elurogo yagatikhe wene
(Mat. 26:20-25; Mrk. 14:17-21; Luk. 22:21-23)
21At Yesus nen, wene a'nogo arat yagaisasikhesik oba nen, at endawimo weak agaikhemo, ane fakhogoat mel yagaisasikhe: ”Hit ap hinebe ya mene ekhe nen an nebe noasuageluk yonggo lagain o, iluk eberogoat yagahisigi,” iluk yagaisasikhe.
22A'nogo yagaisikhi lagaikhemo, iren he, ”Andi sa nen hilingisigin mene faget ikhe,” iluk inobakhe palagaikhesik he, ineilenggen ekhe nen ekhe yethigik, isukwa. 23A'nogo yet-yet ugu kwelek he, it at Yesus ane wanhi lagaukwa mene ekhe at endawinggen hundik mene era'lu horokhogo hurek welagaikhe. 24A'nogo hurek were'ma, ap Simon enu ekhe Petrus agarek a'nogo nen enggi tum piling ap a'nogo yagati logolik he, mel yagatikhe: ”Ap sa faget ikhi legen, iluk oba heinok wanin o,” iluk yagatikhemo, 25Ap a'nogo hobuk at Yesus era'lu horokhogo higil ha lagaikhesik he, mel yagatikhe: ”Noe, andi sa faget egen nogo?” iluk yagatikhemo, 26at Yesus nen he, ”Ebe re, an nen sumburu roti mene i yugulogo nen wogosigin andi aro,” iluk isikhesik he, sumburu roti a'nogo amusu yugulogo wanhikhesik he, Simon amlogo Yudas Iskariot a'nogo wogetikhe. 27A'nogo wogetikhemo, at Yudas sumburu roti mene a'nogo enggim wanhu kwelek aremnogoat munggwat Iblis obabut weak mene endawimo kwisikhe. A'nogo kwisikhemo, at Yesus nen yagati logolik he, ”Haren hilingisigeluk anggegen mene andi weak-weak hilingisin o,” iluk yagatikhe. 28A'nogo yagatunem, it hurek logolik sumburu ninggi lagaukwa mene omanogo nen he, ”Andi ninggi'nogo mene faget at Yudas yagate he,” iluk futfigi'lek wonget fesukwa. 29A'nogo futfigi'legat logolik, at Yudas andi agaila'lak inom inarupiah awinggaba fisogo welagaresi'mo andi nen he, mel anggasukwa: ”Yesus nen nit seni isatu mene faget yi mene ti mene onggo pali loageluk yagate he a? Ia, athe afuni inagarek lek mene rupiah ekhe misiktek sumburisa loageluk yagate he a,” iluk inendawimo anggasukwa. 30A'nogo anggugu kwelek, at Yudas sumburu roti mene enggim wanhikhe mene a'nogo waluk he, o mondok hubagaikkhemo enda'ma pikhit wulifikhe.
At Yesus nen wene ket mene yagaisasikhe wene
31At Yudas a'nogo arat wulifikhemo logolik, at Yesus nen he, mel yagaisasikhe: ”Nagoromi. An abat ta'lasi wagagi a'nogo Allah nen esinet nobagagunem, afuni nen Allah fogerasugun oba yogondak arat horogasi waga o. 32Nen, an nen hilingisigin andiba Allah fogeratu halok, at onggwarek ebe fogeratarek andi hak, an nemberegat fogetninafi logouwageluk, aren weak-weak esinet nobagagin o. 33Nagainafuri. An nenggi endebat enek ninom logombigen lagain o. Lamo, hiren an nebe hera'nafi logogun meneat he, attagat an nen ap Yahudi mene yagaisasigi hak, o an lagain oba andoma hiren hera'nabik logoin lego, iluk yogondak hit yagahisikhi lagi aro,” iluk yagaisasikhe.#Yoh. 7:34
34A'nogo yagaisasikhesik, wene ekhe mel yagaisasikhe: ”Hiren hilingiti logogun mene wene ket mene ekhe yagahisak: An nen hit nendawirogo welagirek andi hak, hiren a'nogoat, hit-hit nendawi-hendawirogo hilingiti logoino o.#Yoh. 15:12, 17; 1Yoh. 3:23; 2Yoh. 5 35Hit-hit a'nogo nendawi-hendawirogo hilingiti logogun halok, it afuni mondogat ineilenggen hisaluk, it yi Yesus agoromi eberogoat higi, iluk inelu asugun o,” iluk yagaisasikhe.
At Yesus nen Petrus hilingisigin mene elurogo yagatikhe wene
(Mat. 26:31-35; Mrk. 14:27-31; Luk. 22:31-34)
36A'nogo yagaisikhi lagaikhemo, ap Simon enu ekhe Petrus agarek a'nogo nen he: ”Noe, hat o koma lagelugen egen,” iluk, yagatikhemo, at Yesus nen he, mel yagatikhe: ”An lagain oba andoma, hat nombo'ne to'morogo lagain lego. We, hobuk nombo'ne wesigin o,” iluk, yagati lagaikhemo, 37at Petrus nen at oba heinok wokhikhi logolik he, ”Noe. An hat faget wa'lasu hak welagi meneat he, haren he, yogondak an nombo'ne wesigin elo'lek egen andi nenahalok,” iluk yagati lagaikhemo, 38at Yesus nen he, mel yagatikhe: ”Hat an faget eberogoat wa'lasu hak welagen a? Lego. Sue ayam ane igi'lek werek kwelek, haren, an Yesus nonggot, iluk henggi henagan oba labelumo nen sue ayam ane igin o, iluk eberogoat yagaheti,” iluk yagatikhe.
Currently Selected:
YOHANES 13: inohap
Highlight
Share
Copy
Want to have your highlights saved across all your devices? Sign up or sign in
YOHANES 13
13
Yesus nen agoromi ineisok ebene sobalinafikhe wene
1Nen, ohealekwe seni enu Paskah a'nogo mene nouwogeluk, at Yesus nen ”An afuni o kweangma yoma fisaluk neisena oba nambotkwe lagagin a'nogo, arat horogasi waga,” iluk, at elu welagaikhe, nen at onggwarek agoromi kweangma mene endawinggen hundik welagaikhesik, hobuk inebe abit agi'lek endawinggen hundik mondogat welagaikhe. 2Logolik he, at agoromi omanogo inom o hubanggo sumburu misi'mo nunggunem, Yudas, Simon Iskariot amlogo a'nogo endawimo Iblis kwisikhesik he, Yesus ebe wasuagen he, ”Yonggo lan o,” iluk endawimo kagalhikhe, 3A'nogo endawimo kagalhikhemo, at Yesus endawimo nen he, ”Neisena nen yi mene ti mene mondogat an nenggiba fikhemo werek anggigi. Nen, an nebe Allah were'ma nen pi wagagisik, hombuk nambotkwe at oba lagagin anggigi,” iluk elu welagaikheat. 4A'nogo elu logolik, sumburu ninggi lagaikhesik ebe menlagaikhesik he, asu ebe laberek mene nonggologo fesikhesik he, kume su wanhikhesik obakhe hele pukhogo itikhe. 5A'nogo itikhesik he, waruk earek meneba i keralogo kwelakfesikhesik he, at agoromi ane wanhi lagaukwa mene omanogo ineisok ebene sobalinafikhesik he, su obakhe hele pukhogo itikhe mene a'nogoba amusu horinabik lagaikhe. 6A'nogo hilingirik laga lagaikhesik, huli at Simon ekhe enu Petrus a'nogo oba asi wagunem he, aren he, mel yagatikhe: ”Noe, hat Henupogoren an neisok ebene sobaligin? Elo'lego,” iluk yagati lagaikhemo, 7at Yesus nen he, mel yagatikhe: ”Nagore. An hilingiti yi, ebe ninggi'nogo mene he, hat honggoro. Meneat he, hobugen helu asigin o,” iluk yagati lagaikhemo, 8at Petrus nen he, mel yagatikhe: ”Noe. Haren an neisok ebene sobalnabigin mondok lego,” iluk yagati lagaikhemo, at Yesus nen he, mel yagatikhe: ”An nen hat sobalhabigin lek halok he, hat hebe an eisewerek logogin lego,” iluk yagati lagaikhemo, 9at Simon Petrus nen he, mel yagatikhe: ”Andi halok he, noe. Neisok ebene nek sobalnafun o. Nenggi inom, nunggul ebenebinom, mondogat sobalnabin o,” iluk yagatikhemo re, 10at Yesus nen he, mel yagatikhe: ”At sa nen, ebe kume arat warek werek halok, at ebe sobalek mondok werek andi nen he, hobuk sobalugun elo'lego. We, eisok enek sobalumo elogo,” iluk yagatikhesik, it mondogat yagaisikhi logolik he, ”Hit a'nogo sobalek mondok welagep meneat he, hinebe mondogat sobalek welagep fuk. Ekhe sobalek lek werego,” iluk, yagaisasikhe. Wene a'nogo yagaisasikhe andi re, at endawimo nen he, 11”At andi nen an nebe noasuageluk yonggo lagain,” iluk elu logolik andi nen he, mel yagaisasikhe: ”Hit sobalek mondok welagep meneat he, hinebe mondogat sobalek welagep fuk. Lego,” iluk yagaisasikhe andi.
12A'nogo ineisok ebene arat sobalinafikhesik he, asu nonggologo fesikhe mene a'nogo labetikhesik, ambotkwe hurek welagaikheba hu'lagaikhesik he, mel yagaisasikhe: ”An nen hit hilinghinafi andi futfegeba? Lega.#Luk. 22:27 13Nen, hiren an yaganeti logolik he, Ninoe enupogot wene yaganisegendek mene, iluk yaganeti lagep andi re, an nebe hinoe nenupogot wene yagahisigirek mene eberogoat halogat ikhi lagebo. 14A'nogo, an nebe hinoe nenupogot wene yagahisigirek mene nen hit hineisok ebene sobalhinafi halok he, hiren a'nogo hit-hit hineisok ebene sobal-sobal ikhi logoin o. 15An nen hit hilinghinafi andi hak, hiren an nobabut waganogo a'nogoat hilingiti logobagaigen iluk yagahisigi o. 16Wene ekhe yi yagahisak: Ap kain ekhe inawe a'ma hak werek kwelek, at amingmingengge mene lego hak welagarek lego. Andi hak, ap yonggo lakfisikherek mene inawe a'ma hak werek kwelegat he, at yonggo lagarek mene andi lego hak welagarek mondok lego, iluk eberogo yagahisigi.#Mat. 10:24; Luk. 6:40; Yoh. 15:20 17An nen wene yagahisigi andi hinelu asimbik hilingiti logogun halok he, hinendwimo hinagaiyek hikhi logogun o.
18An nen wene andi hit hinebe mondogat faget yagahisigi fuk. Lego. Hit yi an nenat hinebe wenakhinafigi iluk nelu meneat he, wene andi faget Allah aneba mel iluk lisu palogo fesukwa:
Ap ekhe sumburu nemberek misi'mo ninggi lago mene
yi nenat weaget nabigeluk menlaga o,
iluk isukwama lisu palek werek andi legasigin lek. Eberogoat hilinglasigin.#Mzm. 41:10
19Wene andi hobuk arat eberogoat hilinglaga halok, at etok mondok welagarek mene a'nogo araro, iluk futnobagaigen iluk, yogondak wene andi oan hilinglagi'lek werek kwelek abok yagahisigi o,” iluk yagaisasikhesik he, wene ekhe mel yagaisasikhe: 20”At sa nen, afuni an nen lakfisagain mene woginafe halok he, anat wo'nabigin o. Nen, at sa nen an wo'nafe halok he, at an laknobagai wagaikhe mene a'nogoat wanigin o, iluk eberogoat yagahisigi,” iluk yagaisasikhe.#Mat. 10:40; Mrk. 9:37; Luk. 9:48, 10:16
Yesus nen Yudas hilingisigin mene elurogo yagatikhe wene
(Mat. 26:20-25; Mrk. 14:17-21; Luk. 22:21-23)
21At Yesus nen, wene a'nogo arat yagaisasikhesik oba nen, at endawimo weak agaikhemo, ane fakhogoat mel yagaisasikhe: ”Hit ap hinebe ya mene ekhe nen an nebe noasuageluk yonggo lagain o, iluk eberogoat yagahisigi,” iluk yagaisasikhe.
22A'nogo yagaisikhi lagaikhemo, iren he, ”Andi sa nen hilingisigin mene faget ikhe,” iluk inobakhe palagaikhesik he, ineilenggen ekhe nen ekhe yethigik, isukwa. 23A'nogo yet-yet ugu kwelek he, it at Yesus ane wanhi lagaukwa mene ekhe at endawinggen hundik mene era'lu horokhogo hurek welagaikhe. 24A'nogo hurek were'ma, ap Simon enu ekhe Petrus agarek a'nogo nen enggi tum piling ap a'nogo yagati logolik he, mel yagatikhe: ”Ap sa faget ikhi legen, iluk oba heinok wanin o,” iluk yagatikhemo, 25Ap a'nogo hobuk at Yesus era'lu horokhogo higil ha lagaikhesik he, mel yagatikhe: ”Noe, andi sa faget egen nogo?” iluk yagatikhemo, 26at Yesus nen he, ”Ebe re, an nen sumburu roti mene i yugulogo nen wogosigin andi aro,” iluk isikhesik he, sumburu roti a'nogo amusu yugulogo wanhikhesik he, Simon amlogo Yudas Iskariot a'nogo wogetikhe. 27A'nogo wogetikhemo, at Yudas sumburu roti mene a'nogo enggim wanhu kwelek aremnogoat munggwat Iblis obabut weak mene endawimo kwisikhe. A'nogo kwisikhemo, at Yesus nen yagati logolik he, ”Haren hilingisigeluk anggegen mene andi weak-weak hilingisin o,” iluk yagatikhe. 28A'nogo yagatunem, it hurek logolik sumburu ninggi lagaukwa mene omanogo nen he, ”Andi ninggi'nogo mene faget at Yudas yagate he,” iluk futfigi'lek wonget fesukwa. 29A'nogo futfigi'legat logolik, at Yudas andi agaila'lak inom inarupiah awinggaba fisogo welagaresi'mo andi nen he, mel anggasukwa: ”Yesus nen nit seni isatu mene faget yi mene ti mene onggo pali loageluk yagate he a? Ia, athe afuni inagarek lek mene rupiah ekhe misiktek sumburisa loageluk yagate he a,” iluk inendawimo anggasukwa. 30A'nogo anggugu kwelek, at Yudas sumburu roti mene enggim wanhikhe mene a'nogo waluk he, o mondok hubagaikkhemo enda'ma pikhit wulifikhe.
At Yesus nen wene ket mene yagaisasikhe wene
31At Yudas a'nogo arat wulifikhemo logolik, at Yesus nen he, mel yagaisasikhe: ”Nagoromi. An abat ta'lasi wagagi a'nogo Allah nen esinet nobagagunem, afuni nen Allah fogerasugun oba yogondak arat horogasi waga o. 32Nen, an nen hilingisigin andiba Allah fogeratu halok, at onggwarek ebe fogeratarek andi hak, an nemberegat fogetninafi logouwageluk, aren weak-weak esinet nobagagin o. 33Nagainafuri. An nenggi endebat enek ninom logombigen lagain o. Lamo, hiren an nebe hera'nafi logogun meneat he, attagat an nen ap Yahudi mene yagaisasigi hak, o an lagain oba andoma hiren hera'nabik logoin lego, iluk yogondak hit yagahisikhi lagi aro,” iluk yagaisasikhe.#Yoh. 7:34
34A'nogo yagaisasikhesik, wene ekhe mel yagaisasikhe: ”Hiren hilingiti logogun mene wene ket mene ekhe yagahisak: An nen hit nendawirogo welagirek andi hak, hiren a'nogoat, hit-hit nendawi-hendawirogo hilingiti logoino o.#Yoh. 15:12, 17; 1Yoh. 3:23; 2Yoh. 5 35Hit-hit a'nogo nendawi-hendawirogo hilingiti logogun halok, it afuni mondogat ineilenggen hisaluk, it yi Yesus agoromi eberogoat higi, iluk inelu asugun o,” iluk yagaisasikhe.
At Yesus nen Petrus hilingisigin mene elurogo yagatikhe wene
(Mat. 26:31-35; Mrk. 14:27-31; Luk. 22:31-34)
36A'nogo yagaisikhi lagaikhemo, ap Simon enu ekhe Petrus agarek a'nogo nen he: ”Noe, hat o koma lagelugen egen,” iluk, yagatikhemo, at Yesus nen he, mel yagatikhe: ”An lagain oba andoma, hat nombo'ne to'morogo lagain lego. We, hobuk nombo'ne wesigin o,” iluk, yagati lagaikhemo, 37at Petrus nen at oba heinok wokhikhi logolik he, ”Noe. An hat faget wa'lasu hak welagi meneat he, haren he, yogondak an nombo'ne wesigin elo'lek egen andi nenahalok,” iluk yagati lagaikhemo, 38at Yesus nen he, mel yagatikhe: ”Hat an faget eberogoat wa'lasu hak welagen a? Lego. Sue ayam ane igi'lek werek kwelek, haren, an Yesus nonggot, iluk henggi henagan oba labelumo nen sue ayam ane igin o, iluk eberogoat yagaheti,” iluk yagatikhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in