Yohanes 12
12
Maria sye manik gato grik mo Yefun Yesus mo Betania
(Mat. 26:6-13; Mrk. 14:3-9)
1Kam mumat rek yo o, ete yé konwa Kam Sye Waiket ne sa, Yefun Yesus mu mo kampung Betania. Lazarus gato Yefun Yesus sun kadit sukkwop ne kem mone. 2Yé fro sugit ndek Yefun Yesus git mone. Mo nu ne, Lazarus bi nyanggon Marta kon sugit, ete gwat ma. Lazarus si ye gato ma ne kem mone. An si Yefun Yesus git sugit sino. 3Orete Lazarus bi nyanggon Maria gwat manik narwastu botol napyo ma. Maria syé manik ne mo Yefun Yesus gwes. Manik ne grik ndo. Manik ne bi sugum sye. Maria syé manik mo Yefun Yesus gwes sa, mom singgri sa su mom sugo. Manik grik mo nu gato Yefun Yesus kem mone sino. 4Sarewo Yefun Yesus bi pakon ge dik yo, gato gum do Yudas Iskariot, Yudas gato bere ri ma meret os wa gwat yeko ma wa but Yefun Yesus, an anato yeketut. Yudas ki do, 5”Mom yo so manik ne nde wa suma ne? Manik ne bi sugum sye tepsu yé ben suk karowa kom mo tahun dik, ete yé ku bi sugum mone. Mom so manik ne, ete mom ku bi sugum, ete syo nai ye gato yewa suk ete ndo.” 6Yudas yo nutbot ye gato yewa suk nde, wo an ki an bi sukdu-i ne, we an ye gato syimsi suk. Sagana an nai sugum kadit pakon bi sugum gato an mewa ne dom.
7Yefun Yesus ki nai Yudas do, ”Nan misyar nggon ne dakai ben mom bi suk-i sor. Mom sye manik ne mo Ji kaim ndek kam gato yé bi Ji mukri mo makwe. 8Ye gato yewa suk ne si nin kem more sino petok sor, sarewo Ji si nin yo kem more petok nde.”
Yé meret os wa gu Lazarus kwop wé
9Ye Yahudi mwa ne jam do Yefun Yesus ma kom mo Betania sa, yé mwa ne mu wa án ku Yefun Yesus. Án mu mone wa án me Yefun Yesus sor nde, án mu mone wa án me Lazarus, ye gato Yefun Yesus sun kadit sukkwop ne dom. 10Sane yekwesú mo Yefun Allah bi nu meret os wa án gu Lazarus wé dom. 11Yefun Yesus sun Lazarus kadit sukkwop anato ye Yahudi mwa misyar yekwesu mo nu ari, ete án brek ma, án mit kem pe mo Yefun Yesus.
Yefun Yesus ma kom mo kota Yerusalem tepsu yepasye
(Mat. 21:1-11; Mrk. 11:1-11; Luk. 19:28-40)
12Bi ik Yefun Yesus mo os mit saresa, yé mwa gato ma wa án konwa Kam Sye Waiket ne, án jam do, Yefun Yesus ma mo Yerusalem dom. 13Sane yé mwa ne nai beibir nat, ete án mu mo os wa án kar Yefun Yesus. Yé mwa ne mubot os saresa, án saiye do, ”Men un Yefun Allah et! Ye gato Yefun Allah syogat ma ré, Yefun Allah ben sukndo su An et! Yefun Allah, Nan ben sukndo su Ye ré, ye Israel bi yeraja et!”
14Yefun Yesus nai keledai gan ge dik yo, ete An it mo keledai ne yu. Tepsu yé krom mo Yefun Allah bi sukdu, {mo yenabi Zekarias} do:
15”Nin yé gato kem mo kota Yerusalem, mo bobuk Sion, nin nyu nde.
Nin me et. Nin bi padosye ma it anare.
An kem mo keledai gan yu.”
16Sugane Yefun Yesus bi pakon jam nde sukdu gato ye krom mo Yefun Allah bi sukdu subot Yefun Yesus dakai. Sarewo Yefun Allah sun Yefun Yesus kadit sukkwop, ete bes An gum kok or sa, Yefun Yesus bi pakon napakom do, sukdu gato yé krom mo Yefun Allah bi sukdu subot suk mwa gato yé ben nai An ne bor re.
17Tomgato Yefun Yesus sun Lazarus kadit sukkwop, ete kendo an syesyar kadit jokwak, sugane yé mwa sisu Yefun Yesus mu mone. Yé mwa ki subot suk gato án me ne nai ye yi jam petok sor. 18Sane anato yé mwa ma ku Yefun Yesus, we án jam Yefun Yesus ben suk ne bor mo yé mwa gwem. 19Sane ye Farisi ki nai yu do, ”Nin me ré! Men bi sukdu yo git o nde! Yé yo jammo men o nde! Yé mwa mo bur ré mu or mo An re.”
Ye Yunani ge bok yo meret Yefun Yesus
20Ye Yunani ge bok yo mu mo Yerusalem subere án si yé mwa mone konwa Kam Sye Waiket ne dom. {Ye Yunani bok ne án yewis yi, án simo Musa bi sukduno-i dom}. 21Ye Yunani ne mu ku yetu ge dik yo gato gum do Filipus. (Filipus ontu mo Betsaida mo bur Galilea.) Ye Yunani ne ki nai Filipus do, ”Yenggras, men mit iwa men ku Yefun Yesus et.”
22Filipus mu ki sukdu ne nai Andreas, orete an we mu ki sukdu ne nai Yefun Yesus. 23Yefun Yesus jam do ye Yunani iwa ku An sa, Yefun ki nai Andreas si Filipus do, ”Kam gato yé mwa bes Yetu bi Pa gum kok sye wai o anare it. 24Suk gato Ji ki ré suksangge anare, men nai fas gro wa men jan, ete fas gro dik sor ye yo jan nde yo, gro dik anane sor re. Sarewo men nai fas gro dik ne, ete men jan, bere sukjan ne kom, ete bere syesyar i-gro mwa. 25Sane dom, ye gato bi sukjimnut sye wa an dakai kem ndo mo bur ré, bergan an kwop re. Sarewo ye gato bi sukjimnut sye kas subot an dakai nde, wo an bi an nggwa wa ye yi mo bur ré it yo, bere ye ne kem gesyos, bere an kem ndo to kapyo mato kapyo. 26Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”
Yefun Yesus ki sukdu subot kam gato bere ye gu An kwop
27”Su ré, Ji jimnotbot Ji nggwa teker it anare. Su ré, Ji ki suma o ne? Ji ki sare do, ’Ji bi Ai, Nan nai Ji wé kadit sukye gato bere Ji ku ne et.’ Nde re, Ji yo ki sane nde, we Ji ma mo bur ré wa Ji ku sukye gato bere yé ben nai Ji. 28Ji bi Ai, Nan ben suk gato ben yé bes Nan gum kok sye wai o et.” Sane yé jam Yefun Allah ki sukdu kadit gu sare do, ”Ji ben suk gato ben yé bes Ji dakai gum kok sye wai it. Bere Ji ben suk yo o subere yé mwa bes Ji gum kok sye wai mone o re.”
29Yé mwa gato ti mone, án jam sukdu kadit gu ne. Ye deyo ki do, ”Nogu pu.” Deyo o ki do, ”Nde re, malaikat dik yo anato ki suk su An.”
30Yefun Yesus ki do, ”Yefun Allah ki suk ré wa ós Ji nde, wo An ki sukdu ne wa ós nin sor. 31Yefun Allah ndobot yetu mo bur ré sino anare it. Suk gato An ki ne kwop mone it, ye yo sis o nde. Yekwesu gato jom yetu mo bur ré, Ji is an wé it anare. 32Sarewo Ji gare, yé bes Ji kok kadit bur ré yo, bere Ji tik yé mwa mit subere án ma mo Ji.” 33Yefun Yesus ki rer subot os gato bere yé gu An kwop su anane. {Yé bes An kaim kok, ye mban An mo kwesukwin, orete An tik yé mwa mit anato yé mwa mit iwa ma mo An subere An ós yé mwa ne kem ndo to kapyo mato kapyo.}
34Orete yé mwa mone ki do, ”Yé krom mo men bi sukduno do, ’Kristus yo kwop nde, wo An kem gesyos sor.’ Ben sa u anato Nan ki do, ’Yé bes Yetu bi Pa kaim kok kadit bur ré ne? Je u anato Yetu bi Pa ne?’ ”
35Yefun Yesus ki nai án do, ”Su ré, rer ku nin mó tó. Yo nam nde ge, rer yo ku nin o nde. Sane su kam gato rer sisu nin more tó, ndendu nde tó, nin ben nin bi suk-i mo pe gato rer ku nin ne sor. Wo nin mu su ndendu yo, bere nin jam nde pe gato nin muket ne re. 36Rer ku nin mó tó yo, nin nai sukjimnut dik wa nin onyar kem mo rer ne et. Ji anato tepsu rer ne. Nin onyar kem mo Ji it yo, nin tepsu Ji bi pá, nin jam suk gato rer kom mo mit.”
Ye Yahudi bariwa án jammo Yefun Yesus
Yefun Yesus ki sukdu ne, orete An mu kadit pe ne. An gurik dik kadit yé mwa ne re 37Kapre Yefun Yesus kadum Yefun Allah bi suktinggi, An ben suk mwa gato ben yé yeket bor mo yé mwa gwem, sarewo yé yo onyar yo kem mo An nde. 38Sane suk gato yenabi Yesaya ki suga nyim tuya bor it anane. Yesaya ki do,
”Yefun Allah, je u anato jam mo men bi sukdu-i ne? Men da ki sukdu ne, sarewo yé yo jambot nde.
Yé da me Nan bi suktinggi bor re, sarewo yé yo jambot nde.”
39Sane yé ne yo nggiwa nai sukjimnut dik subere án onyar kem mo Yefun Yesus nde, we án bi sukjimnut yo kak nde tó, tepsu sukdu gato Yesaya ki ne o, sare do,
”Yefun Allah ki do,
40’Ji ben yé ne gro ndu
subere án yo me suk sisu ndo nde.
Ji ben yé ne su krat
subere án yo jam suk kom mo mit nde,
subere án yo brek ma mo Ji nde,
onde bere Ji ben án kem ndo it.’ ”
41Yesaya ki sukdu ne, we an jam do, Yefun Yesus gum kok sye wai, orete an kibot Yefun Yesus.
42Kapre Yesaya ki sukdu sane o, yetu mwa nai sukjimnut dik wa án onyar kem mo Yefun Yesus. Ye Yahudi bi yepasye ge bok yo dom nai sukjimnut digane, sarewo án nokwa án ki bor nai ye yi jam, we án ki rer sane yo, bere ye Farisi duyawa án sok ari o re. 43Yepasye ne nutbot án gum teker. Án iwa ye yi un án gum wai kadit án iwa Yefun Allah un án gum ne.
Ye gato wai kadit Yefun Yesus bi sukdu bere ku sukye mone
44Orete Yefun Yesus ki sye mo yé miten do, ”Ye gato onyar kem mo Ji yo, an onyar kem mo Ji nde, wo an onyar kem mo Ye gato syogat Ji ma mo bur ré dom. 45Ye gato me Ji anato me Ye gato syogat Ji ma mo bur ré dom. 46Ji ma mo bur ré tepsu rer ku nje mo bur ré subere yé bok ne sino gato onyar kem mo Ji it yo, án yo kem mo ndendu o nde. 47Ye to jam Ji bi sukdu, orete an yo benbot nde yo, Ji dakai yo syo sukye nai an nde. Ji yo ma mo bur ré wa Ji syo sukye nai yetu nde, wo Ji ma kak os ndo wa nin yetu subere nin kem ndo to kapyo mato kapyo. 48Ye to bariwa Ji, ye to jambot Ji bi sukdu nde, bere ye ne ku sukye re. Su kam gato bur ré kru it yo, bere án ku sukye mo gato án yo jammo Ji bi sukdu-i nde re. 49Ji yo ki Ji bi sukdu-i tepsu Ji dakai bi sukjimnut-i nde, wo Ji ki Ji bi sukdu-i tepsu Ji bi Ai gato syogat Ji ma mo bur ré bi sukjimnut-i. An anato syogat Ji ki An bi suktaru nai nje jam. 50Ji jam do, Ji bi Ai bi sukdu ne ben yetu kem ndo to kapyo mato kapyo. Sane anato Ji ki Ji bi sukdu-i nai nin tepsu suk gato Ji bi Ai duno Ji su ne.”
Currently Selected:
Yohanes 12: KGR
Highlight
Share
Copy
Want to have your highlights saved across all your devices? Sign up or sign in
@LAI 2004, 2014
Yohanes 12
12
Maria sye manik gato grik mo Yefun Yesus mo Betania
(Mat. 26:6-13; Mrk. 14:3-9)
1Kam mumat rek yo o, ete yé konwa Kam Sye Waiket ne sa, Yefun Yesus mu mo kampung Betania. Lazarus gato Yefun Yesus sun kadit sukkwop ne kem mone. 2Yé fro sugit ndek Yefun Yesus git mone. Mo nu ne, Lazarus bi nyanggon Marta kon sugit, ete gwat ma. Lazarus si ye gato ma ne kem mone. An si Yefun Yesus git sugit sino. 3Orete Lazarus bi nyanggon Maria gwat manik narwastu botol napyo ma. Maria syé manik ne mo Yefun Yesus gwes. Manik ne grik ndo. Manik ne bi sugum sye. Maria syé manik mo Yefun Yesus gwes sa, mom singgri sa su mom sugo. Manik grik mo nu gato Yefun Yesus kem mone sino. 4Sarewo Yefun Yesus bi pakon ge dik yo, gato gum do Yudas Iskariot, Yudas gato bere ri ma meret os wa gwat yeko ma wa but Yefun Yesus, an anato yeketut. Yudas ki do, 5”Mom yo so manik ne nde wa suma ne? Manik ne bi sugum sye tepsu yé ben suk karowa kom mo tahun dik, ete yé ku bi sugum mone. Mom so manik ne, ete mom ku bi sugum, ete syo nai ye gato yewa suk ete ndo.” 6Yudas yo nutbot ye gato yewa suk nde, wo an ki an bi sukdu-i ne, we an ye gato syimsi suk. Sagana an nai sugum kadit pakon bi sugum gato an mewa ne dom.
7Yefun Yesus ki nai Yudas do, ”Nan misyar nggon ne dakai ben mom bi suk-i sor. Mom sye manik ne mo Ji kaim ndek kam gato yé bi Ji mukri mo makwe. 8Ye gato yewa suk ne si nin kem more sino petok sor, sarewo Ji si nin yo kem more petok nde.”
Yé meret os wa gu Lazarus kwop wé
9Ye Yahudi mwa ne jam do Yefun Yesus ma kom mo Betania sa, yé mwa ne mu wa án ku Yefun Yesus. Án mu mone wa án me Yefun Yesus sor nde, án mu mone wa án me Lazarus, ye gato Yefun Yesus sun kadit sukkwop ne dom. 10Sane yekwesú mo Yefun Allah bi nu meret os wa án gu Lazarus wé dom. 11Yefun Yesus sun Lazarus kadit sukkwop anato ye Yahudi mwa misyar yekwesu mo nu ari, ete án brek ma, án mit kem pe mo Yefun Yesus.
Yefun Yesus ma kom mo kota Yerusalem tepsu yepasye
(Mat. 21:1-11; Mrk. 11:1-11; Luk. 19:28-40)
12Bi ik Yefun Yesus mo os mit saresa, yé mwa gato ma wa án konwa Kam Sye Waiket ne, án jam do, Yefun Yesus ma mo Yerusalem dom. 13Sane yé mwa ne nai beibir nat, ete án mu mo os wa án kar Yefun Yesus. Yé mwa ne mubot os saresa, án saiye do, ”Men un Yefun Allah et! Ye gato Yefun Allah syogat ma ré, Yefun Allah ben sukndo su An et! Yefun Allah, Nan ben sukndo su Ye ré, ye Israel bi yeraja et!”
14Yefun Yesus nai keledai gan ge dik yo, ete An it mo keledai ne yu. Tepsu yé krom mo Yefun Allah bi sukdu, {mo yenabi Zekarias} do:
15”Nin yé gato kem mo kota Yerusalem, mo bobuk Sion, nin nyu nde.
Nin me et. Nin bi padosye ma it anare.
An kem mo keledai gan yu.”
16Sugane Yefun Yesus bi pakon jam nde sukdu gato ye krom mo Yefun Allah bi sukdu subot Yefun Yesus dakai. Sarewo Yefun Allah sun Yefun Yesus kadit sukkwop, ete bes An gum kok or sa, Yefun Yesus bi pakon napakom do, sukdu gato yé krom mo Yefun Allah bi sukdu subot suk mwa gato yé ben nai An ne bor re.
17Tomgato Yefun Yesus sun Lazarus kadit sukkwop, ete kendo an syesyar kadit jokwak, sugane yé mwa sisu Yefun Yesus mu mone. Yé mwa ki subot suk gato án me ne nai ye yi jam petok sor. 18Sane anato yé mwa ma ku Yefun Yesus, we án jam Yefun Yesus ben suk ne bor mo yé mwa gwem. 19Sane ye Farisi ki nai yu do, ”Nin me ré! Men bi sukdu yo git o nde! Yé yo jammo men o nde! Yé mwa mo bur ré mu or mo An re.”
Ye Yunani ge bok yo meret Yefun Yesus
20Ye Yunani ge bok yo mu mo Yerusalem subere án si yé mwa mone konwa Kam Sye Waiket ne dom. {Ye Yunani bok ne án yewis yi, án simo Musa bi sukduno-i dom}. 21Ye Yunani ne mu ku yetu ge dik yo gato gum do Filipus. (Filipus ontu mo Betsaida mo bur Galilea.) Ye Yunani ne ki nai Filipus do, ”Yenggras, men mit iwa men ku Yefun Yesus et.”
22Filipus mu ki sukdu ne nai Andreas, orete an we mu ki sukdu ne nai Yefun Yesus. 23Yefun Yesus jam do ye Yunani iwa ku An sa, Yefun ki nai Andreas si Filipus do, ”Kam gato yé mwa bes Yetu bi Pa gum kok sye wai o anare it. 24Suk gato Ji ki ré suksangge anare, men nai fas gro wa men jan, ete fas gro dik sor ye yo jan nde yo, gro dik anane sor re. Sarewo men nai fas gro dik ne, ete men jan, bere sukjan ne kom, ete bere syesyar i-gro mwa. 25Sane dom, ye gato bi sukjimnut sye wa an dakai kem ndo mo bur ré, bergan an kwop re. Sarewo ye gato bi sukjimnut sye kas subot an dakai nde, wo an bi an nggwa wa ye yi mo bur ré it yo, bere ye ne kem gesyos, bere an kem ndo to kapyo mato kapyo. 26Ye gato bi nggwa mo Ji wa an ben Ji bi suk-i ne yo, ye ne si Ji mu sino. Pe gato Ji mó, Ji bi pakon ne sisu Ji mone dom. Ye gato bi nggwa mo Ji wa an ben Ji bi suk-i yo, bere Ji bi Ai bes ye ne gum kok.”
Yefun Yesus ki sukdu subot kam gato bere ye gu An kwop
27”Su ré, Ji jimnotbot Ji nggwa teker it anare. Su ré, Ji ki suma o ne? Ji ki sare do, ’Ji bi Ai, Nan nai Ji wé kadit sukye gato bere Ji ku ne et.’ Nde re, Ji yo ki sane nde, we Ji ma mo bur ré wa Ji ku sukye gato bere yé ben nai Ji. 28Ji bi Ai, Nan ben suk gato ben yé bes Nan gum kok sye wai o et.” Sane yé jam Yefun Allah ki sukdu kadit gu sare do, ”Ji ben suk gato ben yé bes Ji dakai gum kok sye wai it. Bere Ji ben suk yo o subere yé mwa bes Ji gum kok sye wai mone o re.”
29Yé mwa gato ti mone, án jam sukdu kadit gu ne. Ye deyo ki do, ”Nogu pu.” Deyo o ki do, ”Nde re, malaikat dik yo anato ki suk su An.”
30Yefun Yesus ki do, ”Yefun Allah ki suk ré wa ós Ji nde, wo An ki sukdu ne wa ós nin sor. 31Yefun Allah ndobot yetu mo bur ré sino anare it. Suk gato An ki ne kwop mone it, ye yo sis o nde. Yekwesu gato jom yetu mo bur ré, Ji is an wé it anare. 32Sarewo Ji gare, yé bes Ji kok kadit bur ré yo, bere Ji tik yé mwa mit subere án ma mo Ji.” 33Yefun Yesus ki rer subot os gato bere yé gu An kwop su anane. {Yé bes An kaim kok, ye mban An mo kwesukwin, orete An tik yé mwa mit anato yé mwa mit iwa ma mo An subere An ós yé mwa ne kem ndo to kapyo mato kapyo.}
34Orete yé mwa mone ki do, ”Yé krom mo men bi sukduno do, ’Kristus yo kwop nde, wo An kem gesyos sor.’ Ben sa u anato Nan ki do, ’Yé bes Yetu bi Pa kaim kok kadit bur ré ne? Je u anato Yetu bi Pa ne?’ ”
35Yefun Yesus ki nai án do, ”Su ré, rer ku nin mó tó. Yo nam nde ge, rer yo ku nin o nde. Sane su kam gato rer sisu nin more tó, ndendu nde tó, nin ben nin bi suk-i mo pe gato rer ku nin ne sor. Wo nin mu su ndendu yo, bere nin jam nde pe gato nin muket ne re. 36Rer ku nin mó tó yo, nin nai sukjimnut dik wa nin onyar kem mo rer ne et. Ji anato tepsu rer ne. Nin onyar kem mo Ji it yo, nin tepsu Ji bi pá, nin jam suk gato rer kom mo mit.”
Ye Yahudi bariwa án jammo Yefun Yesus
Yefun Yesus ki sukdu ne, orete An mu kadit pe ne. An gurik dik kadit yé mwa ne re 37Kapre Yefun Yesus kadum Yefun Allah bi suktinggi, An ben suk mwa gato ben yé yeket bor mo yé mwa gwem, sarewo yé yo onyar yo kem mo An nde. 38Sane suk gato yenabi Yesaya ki suga nyim tuya bor it anane. Yesaya ki do,
”Yefun Allah, je u anato jam mo men bi sukdu-i ne? Men da ki sukdu ne, sarewo yé yo jambot nde.
Yé da me Nan bi suktinggi bor re, sarewo yé yo jambot nde.”
39Sane yé ne yo nggiwa nai sukjimnut dik subere án onyar kem mo Yefun Yesus nde, we án bi sukjimnut yo kak nde tó, tepsu sukdu gato Yesaya ki ne o, sare do,
”Yefun Allah ki do,
40’Ji ben yé ne gro ndu
subere án yo me suk sisu ndo nde.
Ji ben yé ne su krat
subere án yo jam suk kom mo mit nde,
subere án yo brek ma mo Ji nde,
onde bere Ji ben án kem ndo it.’ ”
41Yesaya ki sukdu ne, we an jam do, Yefun Yesus gum kok sye wai, orete an kibot Yefun Yesus.
42Kapre Yesaya ki sukdu sane o, yetu mwa nai sukjimnut dik wa án onyar kem mo Yefun Yesus. Ye Yahudi bi yepasye ge bok yo dom nai sukjimnut digane, sarewo án nokwa án ki bor nai ye yi jam, we án ki rer sane yo, bere ye Farisi duyawa án sok ari o re. 43Yepasye ne nutbot án gum teker. Án iwa ye yi un án gum wai kadit án iwa Yefun Allah un án gum ne.
Ye gato wai kadit Yefun Yesus bi sukdu bere ku sukye mone
44Orete Yefun Yesus ki sye mo yé miten do, ”Ye gato onyar kem mo Ji yo, an onyar kem mo Ji nde, wo an onyar kem mo Ye gato syogat Ji ma mo bur ré dom. 45Ye gato me Ji anato me Ye gato syogat Ji ma mo bur ré dom. 46Ji ma mo bur ré tepsu rer ku nje mo bur ré subere yé bok ne sino gato onyar kem mo Ji it yo, án yo kem mo ndendu o nde. 47Ye to jam Ji bi sukdu, orete an yo benbot nde yo, Ji dakai yo syo sukye nai an nde. Ji yo ma mo bur ré wa Ji syo sukye nai yetu nde, wo Ji ma kak os ndo wa nin yetu subere nin kem ndo to kapyo mato kapyo. 48Ye to bariwa Ji, ye to jambot Ji bi sukdu nde, bere ye ne ku sukye re. Su kam gato bur ré kru it yo, bere án ku sukye mo gato án yo jammo Ji bi sukdu-i nde re. 49Ji yo ki Ji bi sukdu-i tepsu Ji dakai bi sukjimnut-i nde, wo Ji ki Ji bi sukdu-i tepsu Ji bi Ai gato syogat Ji ma mo bur ré bi sukjimnut-i. An anato syogat Ji ki An bi suktaru nai nje jam. 50Ji jam do, Ji bi Ai bi sukdu ne ben yetu kem ndo to kapyo mato kapyo. Sane anato Ji ki Ji bi sukdu-i nai nin tepsu suk gato Ji bi Ai duno Ji su ne.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2004, 2014