Lukas 13
13
Mengkatobaꞌ ka dosa
1I tempo tiꞌo, uwaꞌhi toaꞌ to mampowute pe hi Yesu noniuꞌ i haꞌumbora toGalilea to norokoꞌ hi Pilatu kolentuꞌara mampopenomba pinatuwuꞌ pe Pueꞌ Ala. 2Konohorina hi Yesu lolitare, notiꞌi, “Ba ipekirikei toGalilea tiꞌo nirokoꞌ watoꞌo alaꞌ meliu dosare ka toGalilea ntaniꞌna? 3Hawaꞌi! Angkana ane hawaꞌkei mengkatobaꞌ ka dosami, bateꞌna ingkei woꞌo mahi hibali lala ngkomahira. 4Hohumbo woꞌo hante hampuluꞌ walu duo to mahi alaꞌ nopihihi tambi to dingkaoꞌ i Siloa to uwaꞌ i Yerusale. Ba ipekirikei komahira tiꞌo mewali hatoꞌo alaꞌ meliuꞌi dosare ka lekiꞌ-lekiꞌna toaꞌ ntaniꞌna i Yerusale? 5Hawaꞌi! Angkana ane hawaꞌkei mengkatobaꞌ ka dosami, bateꞌna ingkei woꞌo hingkiꞌ mahi hibali lala ngkomahira.”
Pandiriꞌ noniuꞌ i loti ara to hawaꞌi mowuaꞌ
6Uko tiꞌo, nopololiumo hi Yesu lolitaNe hante pandiriꞌ hieꞌe, Notiꞌi, “Uwaꞌ haduo toaꞌ to mehuꞌa loti ara i kineteꞌna. I hampiha tempo, noloumo tumpu kineteꞌ tiꞌo mampeꞌele ba uwaꞌi wuaꞌne. Angkana hawaꞌi uwaꞌ howeꞌ haꞌanu wuaꞌne. 7Iomo hinaꞌ notiꞌi tumpu kineteꞌ tiꞌo pe to morewahi kineteꞌna, ‘Ele, i lali tolu ntoꞌa, humeiꞌa moparesaꞌ loti hieꞌe, angkana hawaꞌi uwaꞌ howeꞌ haꞌanu wuaꞌne to kuhua. Agina itowimo loliꞌ! Hapo dumbuꞌne tuwuꞌ iseꞌe, mampoꞌukolu komolompoꞌna woiꞌ.’
8Angkana mehoniꞌ to morewahi kineteꞌna, ‘Tua, ipotedehi dulu tuwuꞌ hantoꞌa tene. Hingkiꞌ kubangkali luaꞌne, hei kupamporiahi awu luaꞌne hingkeꞌna nomolompo'. 9Wora intu mowuaꞌlu toꞌa to dongkaꞌ. Ane hawaꞌi mowuaꞌ, honiꞌiwae kutowi.’ ”
Hi Yesu mampokoꞌoriꞌ haduo towoweꞌe to bungkuꞌ i ando penombaha
10I hampiha tempo, hi Yesu mepoturuꞌ i tambi penombahara toYahudi i ando penombaha. 11Itoꞌo, uwaꞌ haduo towoweꞌe to hampuluꞌ walu ntoꞌana mohakiꞌ, alaꞌ nopekahiꞌi tokodake. Towoweꞌe tiꞌo bungkuꞌmo, hawaꞌi nobiaꞌ metotiꞌi mononto. 12Konoꞌokiꞌna hi Yesu towoweꞌe tiꞌo, Nowowoimo notiꞌi, “Inoꞌ, moꞌoriꞌmoko ka hakiꞌmu.” 13Uko tiꞌo, Noruntuimo towoweꞌe tiꞌo. Hangkaꞌ-hangkaꞌlu moꞌoriꞌ ka hakiꞌna, metotiꞌimo, hei mampokodeꞌmo Pueꞌ Ala.
14Angkana uwaꞌ itoꞌo haduo tadulako tambi penombaha to koiꞌ laline pangkiꞌ hi Yesu mampokoꞌoriꞌ toaꞌ i ando penombaha. Iomo hinaꞌ notiꞌi tadulako tiꞌo pe toaꞌ to woriꞌ, “Oni andona, wadiki majama. I ando-ando tiꞌo, wadikei humei mampopekoꞌoriꞌ, anioꞌ i ando penombaha!”
15Mehoniꞌ hi Yesu, “Ingkei, mampetoromiꞌlukei i howali! I ando penombaha, lekiꞌ-lekiꞌna toaꞌ mampolohoꞌ gapiꞌra hante bukolura ka bontoꞌra hingkeꞌna nikomihi nolou pe howali honiꞌhi nipopaꞌinu. 16Iseꞌe, uwaꞌ haduo towoweꞌe muleꞌna hi Burahima, hampuluꞌmo walu ntoꞌana nopekahii tokodake. Hawaꞌreꞌi masipatoꞌ ane tokodake tiꞌo Kupopolai i ando penombaha?” 17Lolitana hi Yesu mampokohilihi poniꞌna, angkana toaꞌ to woriꞌ mampomotanaꞌ lekiꞌ-lekiꞌna to nowali hi Yesu i tempo tiꞌo.
Kareba pandiriꞌ noniuꞌ i howoria sesawi hante ragiꞌ
(Mat. 13:31-32; Mrk. 4:30-32)
18Meꞌitanomo hi Yesu notiꞌi, “I tempona Pueꞌ Ala moparenta, hohumbo pewaliane hei hohumbo poꞌoriane? Pewalina waheꞌe, 19hibali haworia to mororoi mpololeke to noroa haduo toaꞌ hei nohawori i bota kineteꞌna. Haworia tiꞌo tuwuꞌ hei mewali loti to mapongko, hei daꞌana hohumbo nopohorai tinti.”
20Nopowute womo hi Yesu, halangkaꞌ pandiriꞌ notiꞌi, 21“Poparentana Pueꞌ Ala hibali ragiꞌ to noroa towoweꞌe, nokalo hante tinampu to woriꞌ. Ragiꞌ tiꞌo, kehapoꞌi hangkiuꞌlu, angkana wadi mampopembiaꞌ lekiꞌ-lekiꞌna tinampu tiꞌo.”
Wambaꞌ to hohopiꞌ
(Mat. 7:13-14; 21–23)
22I tempona hi Yesu mampololiu pantengkaꞌana pe Yerusale, Io motengkaꞌi woriꞌ kota hei bolaꞌ to nopoliuhi, Io mampoturuꞌ toaꞌ itoꞌo. 23Uwaꞌ haduo toaꞌ to meꞌitano pe hi Yesu, “Pueꞌ, ba hangkiuꞌlu toaꞌ to hingkiꞌ mantorimo kotuwuꞌ to wolaꞌ tota uwaꞌ koꞌukoana?”
Mehoniꞌ hi Yesu, 24-25“Toaꞌ to mantorimo kotuwuꞌ to wolaꞌ tiꞌo, wadi nipandiriꞌ hibali haduo toaꞌ to mekahi i wambaꞌ to hohopiꞌ. Hangangaa rohohiꞌi mekahi i wambaꞌ to hohopiꞌ tiꞌo kolentuꞌana tene teweaꞌ. Alaꞌ ane temponamoꞌi wambaꞌ tiꞌo nowiti tumpu tambi, woriꞌ toaꞌ to dokoꞌhi mekahi, angkana hamboaꞌmo hohumbo. Mewaliꞌ hingkiꞌ metotiꞌikei i huwali, hei mewowoikei merapiꞌ hingkeꞌna wambaꞌ tiꞌo niweaꞌkikei. Hingkiꞌ itiꞌikei waheꞌe, ‘Tua, weaꞌkika wongkenaꞌ wambaꞌo!’
Io hingkiꞌ mehoniꞌ, ‘Hawaꞌkei Kubahaꞌ!’
26Hingkiꞌ itiꞌikikei, ‘O tumpu tambi, ingka ka mangkamoka hante maꞌinu moꞌawa Ingko! Hei ka mepoturuꞌmoKo i kotangki!’
27Mehoniꞌ tumpu tambi, ‘Hawaꞌkei mpuꞌuli Kubahaꞌ! Molaimokei kaseꞌe, lekiꞌ-lekiꞌmi to mowalia ngkodake!’
28I tempo tiꞌo, hingkiꞌ iꞌokiꞌkei koꞌuweꞌami hampiha, hi Burahima, hi Isaki hante hi Akoꞌ hei lekiꞌ-lekiꞌna nabi. Hingkiꞌ mahurahi motanaꞌ i lali poparentana Pueꞌ Ala. Angkana ingkei hingkiꞌ nitubekei pe huwali. Itoꞌo hingkiꞌ meꞌolakei morii komaporiꞌ. 29Woriꞌ toaꞌ to handoꞌio toYahudi ka humanele duniaꞌ mewali toaꞌna Pueꞌ Ala i lali poparentaNa. Hei hingkiꞌ mahurahi mangka moꞌawa-awa i lali komotanaꞌtanaꞌa i lali poparentana Pueꞌ Ala. 30Hei i tempo tiꞌo hingkiꞌ tongawa mpuꞌu, woriꞌ toaꞌ to nipononaꞌa hingkiꞌ mewali toaꞌ to niꞌadaꞌi hei toaꞌ to niꞌadaꞌi hingkiꞌ mewali toaꞌ to nipononaꞌa.”
Masusa laline hi Yesu mampekiri kota Yerusale
(Mat. 23:37-39)
31I tempo tiꞌo, uwaꞌhi haꞌumbora toParisi to mehupaꞌ pe hi Yesu, mampatiꞌikiꞌi, “MolaimoKo kaseꞌe, hante noloumoKo pe bolaꞌ ntaniꞌna, alaꞌ uwaꞌ tungkaihane datu Herode hingkiꞌ morokoꞌKo.”
32Notiꞌi hi Yesu pe iohi, “Itiꞌikihi toaꞌ tokodake waliana hei hawaꞌi modumbuꞌ waheꞌe, ando hieꞌe hante poꞌonina kupopatengkaꞌ tene pajamangKa mampopolai lomoa hei mampokoꞌoriꞌ toaꞌ to mohakiꞌ. Angkana ikotolu andona, hingkiꞌ ukomo jamangKa. 33Angkana kehapoꞌi hatoꞌo, hangangaa bateꞌKu nolou pe Yerusale. Alaꞌ hawaꞌi masipatoꞌ ane haduo nabi nirokoꞌ i huwali kota Yerusale.
34O, toYerusale! Mahamporeꞌi hinaꞌ morokoꞌkei nabi-nabi, hei mowatuikei toaꞌ to norumbaꞌ Pueꞌ Ala pe ingkei? Woriꞌ mpiha Kukodokoꞌi mampoꞌodaꞌkei hibali hinana manuꞌ to moriomouꞌi anaꞌna, angkana hawaꞌAkei itorimo. 35Hingkeꞌ ibahaꞌkei, hamboaꞌmokei hingkiꞌ nopodaꞌ Pueꞌ Ala! Tuꞌu to Kutiꞌikikei, hamboaꞌmoꞌA hingkiꞌ iꞌokiꞌkei, wute hupaꞌ tempona itiꞌikei, ‘Pueꞌ Ala hingkiꞌ mobarakati toaꞌ to hupaꞌ i lali konaꞌNa!’ ”
Currently Selected:
Lukas 13: LAILJE
Highlight
Share
Copy
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)
Lukas 13
13
Mengkatobaꞌ ka dosa
1I tempo tiꞌo, uwaꞌhi toaꞌ to mampowute pe hi Yesu noniuꞌ i haꞌumbora toGalilea to norokoꞌ hi Pilatu kolentuꞌara mampopenomba pinatuwuꞌ pe Pueꞌ Ala. 2Konohorina hi Yesu lolitare, notiꞌi, “Ba ipekirikei toGalilea tiꞌo nirokoꞌ watoꞌo alaꞌ meliu dosare ka toGalilea ntaniꞌna? 3Hawaꞌi! Angkana ane hawaꞌkei mengkatobaꞌ ka dosami, bateꞌna ingkei woꞌo mahi hibali lala ngkomahira. 4Hohumbo woꞌo hante hampuluꞌ walu duo to mahi alaꞌ nopihihi tambi to dingkaoꞌ i Siloa to uwaꞌ i Yerusale. Ba ipekirikei komahira tiꞌo mewali hatoꞌo alaꞌ meliuꞌi dosare ka lekiꞌ-lekiꞌna toaꞌ ntaniꞌna i Yerusale? 5Hawaꞌi! Angkana ane hawaꞌkei mengkatobaꞌ ka dosami, bateꞌna ingkei woꞌo hingkiꞌ mahi hibali lala ngkomahira.”
Pandiriꞌ noniuꞌ i loti ara to hawaꞌi mowuaꞌ
6Uko tiꞌo, nopololiumo hi Yesu lolitaNe hante pandiriꞌ hieꞌe, Notiꞌi, “Uwaꞌ haduo toaꞌ to mehuꞌa loti ara i kineteꞌna. I hampiha tempo, noloumo tumpu kineteꞌ tiꞌo mampeꞌele ba uwaꞌi wuaꞌne. Angkana hawaꞌi uwaꞌ howeꞌ haꞌanu wuaꞌne. 7Iomo hinaꞌ notiꞌi tumpu kineteꞌ tiꞌo pe to morewahi kineteꞌna, ‘Ele, i lali tolu ntoꞌa, humeiꞌa moparesaꞌ loti hieꞌe, angkana hawaꞌi uwaꞌ howeꞌ haꞌanu wuaꞌne to kuhua. Agina itowimo loliꞌ! Hapo dumbuꞌne tuwuꞌ iseꞌe, mampoꞌukolu komolompoꞌna woiꞌ.’
8Angkana mehoniꞌ to morewahi kineteꞌna, ‘Tua, ipotedehi dulu tuwuꞌ hantoꞌa tene. Hingkiꞌ kubangkali luaꞌne, hei kupamporiahi awu luaꞌne hingkeꞌna nomolompo'. 9Wora intu mowuaꞌlu toꞌa to dongkaꞌ. Ane hawaꞌi mowuaꞌ, honiꞌiwae kutowi.’ ”
Hi Yesu mampokoꞌoriꞌ haduo towoweꞌe to bungkuꞌ i ando penombaha
10I hampiha tempo, hi Yesu mepoturuꞌ i tambi penombahara toYahudi i ando penombaha. 11Itoꞌo, uwaꞌ haduo towoweꞌe to hampuluꞌ walu ntoꞌana mohakiꞌ, alaꞌ nopekahiꞌi tokodake. Towoweꞌe tiꞌo bungkuꞌmo, hawaꞌi nobiaꞌ metotiꞌi mononto. 12Konoꞌokiꞌna hi Yesu towoweꞌe tiꞌo, Nowowoimo notiꞌi, “Inoꞌ, moꞌoriꞌmoko ka hakiꞌmu.” 13Uko tiꞌo, Noruntuimo towoweꞌe tiꞌo. Hangkaꞌ-hangkaꞌlu moꞌoriꞌ ka hakiꞌna, metotiꞌimo, hei mampokodeꞌmo Pueꞌ Ala.
14Angkana uwaꞌ itoꞌo haduo tadulako tambi penombaha to koiꞌ laline pangkiꞌ hi Yesu mampokoꞌoriꞌ toaꞌ i ando penombaha. Iomo hinaꞌ notiꞌi tadulako tiꞌo pe toaꞌ to woriꞌ, “Oni andona, wadiki majama. I ando-ando tiꞌo, wadikei humei mampopekoꞌoriꞌ, anioꞌ i ando penombaha!”
15Mehoniꞌ hi Yesu, “Ingkei, mampetoromiꞌlukei i howali! I ando penombaha, lekiꞌ-lekiꞌna toaꞌ mampolohoꞌ gapiꞌra hante bukolura ka bontoꞌra hingkeꞌna nikomihi nolou pe howali honiꞌhi nipopaꞌinu. 16Iseꞌe, uwaꞌ haduo towoweꞌe muleꞌna hi Burahima, hampuluꞌmo walu ntoꞌana nopekahii tokodake. Hawaꞌreꞌi masipatoꞌ ane tokodake tiꞌo Kupopolai i ando penombaha?” 17Lolitana hi Yesu mampokohilihi poniꞌna, angkana toaꞌ to woriꞌ mampomotanaꞌ lekiꞌ-lekiꞌna to nowali hi Yesu i tempo tiꞌo.
Kareba pandiriꞌ noniuꞌ i howoria sesawi hante ragiꞌ
(Mat. 13:31-32; Mrk. 4:30-32)
18Meꞌitanomo hi Yesu notiꞌi, “I tempona Pueꞌ Ala moparenta, hohumbo pewaliane hei hohumbo poꞌoriane? Pewalina waheꞌe, 19hibali haworia to mororoi mpololeke to noroa haduo toaꞌ hei nohawori i bota kineteꞌna. Haworia tiꞌo tuwuꞌ hei mewali loti to mapongko, hei daꞌana hohumbo nopohorai tinti.”
20Nopowute womo hi Yesu, halangkaꞌ pandiriꞌ notiꞌi, 21“Poparentana Pueꞌ Ala hibali ragiꞌ to noroa towoweꞌe, nokalo hante tinampu to woriꞌ. Ragiꞌ tiꞌo, kehapoꞌi hangkiuꞌlu, angkana wadi mampopembiaꞌ lekiꞌ-lekiꞌna tinampu tiꞌo.”
Wambaꞌ to hohopiꞌ
(Mat. 7:13-14; 21–23)
22I tempona hi Yesu mampololiu pantengkaꞌana pe Yerusale, Io motengkaꞌi woriꞌ kota hei bolaꞌ to nopoliuhi, Io mampoturuꞌ toaꞌ itoꞌo. 23Uwaꞌ haduo toaꞌ to meꞌitano pe hi Yesu, “Pueꞌ, ba hangkiuꞌlu toaꞌ to hingkiꞌ mantorimo kotuwuꞌ to wolaꞌ tota uwaꞌ koꞌukoana?”
Mehoniꞌ hi Yesu, 24-25“Toaꞌ to mantorimo kotuwuꞌ to wolaꞌ tiꞌo, wadi nipandiriꞌ hibali haduo toaꞌ to mekahi i wambaꞌ to hohopiꞌ. Hangangaa rohohiꞌi mekahi i wambaꞌ to hohopiꞌ tiꞌo kolentuꞌana tene teweaꞌ. Alaꞌ ane temponamoꞌi wambaꞌ tiꞌo nowiti tumpu tambi, woriꞌ toaꞌ to dokoꞌhi mekahi, angkana hamboaꞌmo hohumbo. Mewaliꞌ hingkiꞌ metotiꞌikei i huwali, hei mewowoikei merapiꞌ hingkeꞌna wambaꞌ tiꞌo niweaꞌkikei. Hingkiꞌ itiꞌikei waheꞌe, ‘Tua, weaꞌkika wongkenaꞌ wambaꞌo!’
Io hingkiꞌ mehoniꞌ, ‘Hawaꞌkei Kubahaꞌ!’
26Hingkiꞌ itiꞌikikei, ‘O tumpu tambi, ingka ka mangkamoka hante maꞌinu moꞌawa Ingko! Hei ka mepoturuꞌmoKo i kotangki!’
27Mehoniꞌ tumpu tambi, ‘Hawaꞌkei mpuꞌuli Kubahaꞌ! Molaimokei kaseꞌe, lekiꞌ-lekiꞌmi to mowalia ngkodake!’
28I tempo tiꞌo, hingkiꞌ iꞌokiꞌkei koꞌuweꞌami hampiha, hi Burahima, hi Isaki hante hi Akoꞌ hei lekiꞌ-lekiꞌna nabi. Hingkiꞌ mahurahi motanaꞌ i lali poparentana Pueꞌ Ala. Angkana ingkei hingkiꞌ nitubekei pe huwali. Itoꞌo hingkiꞌ meꞌolakei morii komaporiꞌ. 29Woriꞌ toaꞌ to handoꞌio toYahudi ka humanele duniaꞌ mewali toaꞌna Pueꞌ Ala i lali poparentaNa. Hei hingkiꞌ mahurahi mangka moꞌawa-awa i lali komotanaꞌtanaꞌa i lali poparentana Pueꞌ Ala. 30Hei i tempo tiꞌo hingkiꞌ tongawa mpuꞌu, woriꞌ toaꞌ to nipononaꞌa hingkiꞌ mewali toaꞌ to niꞌadaꞌi hei toaꞌ to niꞌadaꞌi hingkiꞌ mewali toaꞌ to nipononaꞌa.”
Masusa laline hi Yesu mampekiri kota Yerusale
(Mat. 23:37-39)
31I tempo tiꞌo, uwaꞌhi haꞌumbora toParisi to mehupaꞌ pe hi Yesu, mampatiꞌikiꞌi, “MolaimoKo kaseꞌe, hante noloumoKo pe bolaꞌ ntaniꞌna, alaꞌ uwaꞌ tungkaihane datu Herode hingkiꞌ morokoꞌKo.”
32Notiꞌi hi Yesu pe iohi, “Itiꞌikihi toaꞌ tokodake waliana hei hawaꞌi modumbuꞌ waheꞌe, ando hieꞌe hante poꞌonina kupopatengkaꞌ tene pajamangKa mampopolai lomoa hei mampokoꞌoriꞌ toaꞌ to mohakiꞌ. Angkana ikotolu andona, hingkiꞌ ukomo jamangKa. 33Angkana kehapoꞌi hatoꞌo, hangangaa bateꞌKu nolou pe Yerusale. Alaꞌ hawaꞌi masipatoꞌ ane haduo nabi nirokoꞌ i huwali kota Yerusale.
34O, toYerusale! Mahamporeꞌi hinaꞌ morokoꞌkei nabi-nabi, hei mowatuikei toaꞌ to norumbaꞌ Pueꞌ Ala pe ingkei? Woriꞌ mpiha Kukodokoꞌi mampoꞌodaꞌkei hibali hinana manuꞌ to moriomouꞌi anaꞌna, angkana hawaꞌAkei itorimo. 35Hingkeꞌ ibahaꞌkei, hamboaꞌmokei hingkiꞌ nopodaꞌ Pueꞌ Ala! Tuꞌu to Kutiꞌikikei, hamboaꞌmoꞌA hingkiꞌ iꞌokiꞌkei, wute hupaꞌ tempona itiꞌikei, ‘Pueꞌ Ala hingkiꞌ mobarakati toaꞌ to hupaꞌ i lali konaꞌNa!’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
2017 Indonesian Bible Society (Lembaga Alkitab Indonesia)