MATIUS 11
11
Utusan Yohanes Pembaptis
(Luk. 7:18-35)
1Seraduni Isa ngeni petunjuk-petunjuk jama kerua belas jelma sai nutuk Ia, Ia ninggalko rang udi. Ia mik ngajar rik nyiarko luhot jak Allah di kota-kota sai redik di dudi.
2Yohanes Pembaptis sai sedang di penjara ngedengi tentang guaini Almasih. Raduni ia ngayun pira-pira jelma sai nutuk ia mik jama Isa untuk nanyako, 3“Bapak kedo jelma sai harus ratong menurut janji Allah, atau harus kedo sekam nunggu jelma bareh?”
4Isa ngejawab, “Mulohdo jama Yohanes rik keni pandai api sai keti dengi rik liak: 5#Yes. 35:5-6, 61:1 Ulun buta ngeliak, ulun lumpuh lapah, ulun bepenyakik kusta munyai; ulun tilu ngedengi, ulun mati hurik luot, rik Kabar Betik jak Allah diberitako jama ulun-ulun mejerih. 6Bebahagiado ulun sai mak ngedok alasan untuk nulak Nyak!”
7Seraduni utusan-utusan Yohanes udi mik, Isa mulai cawa jama ulun lamon tentang Yohanes, cawa-Ni, “Keti mik di padang gurun untuk ngeliak api? Sehelai jukuk sai ditiup angin kedo? 8Keti mik untuk ngeliak api? Sai jelma sai bekawai helau kedo? Jelma-jelma sai bekawai injuk reno tinggal di istana! 9Jadi mengapi keti mik di padang gurun? Untuk ngeliak sai nabi kedo? Benor, malah lebih jak sai nabi. 10#Mal. 3:1 Mani Yohanes udido sai dimaksud delom ayat Alkitab inji,
‘Injido utusan-Ku, cawa Allah,
Nyak ngutus ia lebih mena jak Niku
in ia ngebukak renglaya untuk-Mu.’
11Ingokdo! Di dunia inji mak pernah wat jelma sai lebih balak jak Yohanes Pembaptis. Kidang injuk reno, jelma sai paling lunik jak hantara umat Allah lebih balak jak Yohanes. 12#Luk. 16:16 Radu jak Yohanes ngabarko kabar sampai pada saat inji, umat Allah ditentang ulih jelma-jelma sai berusaha nguasani jama kekerasan. 13Sampai ratongni Yohanes, sunyinni hukum Musa rik ajaran nabi-nabi benubuat tentang hal-hal sai haga tejadi. 14#Mal. 4:5; Mat. 17:10-13; Mrk. 9:11-13 Rik kik keti haga percaya, Yohanes udido Elia, sai ratongni radu dinubuatko. 15Kik ngedok cuping, dengiko!
16Jama api haga Kubandingko jelma-jelma zaman inji? Tian sebagai sanak-sanak sai mejong di pasar. Sekelompok cawa jama sai bareh, 17‘Sekam ngemainko lagu riang untuk keti, kidang keti mak haga nari! Sekam ngenyanyiko lagu perkabungan, rik keti mak haga miwang!’ 18Yohanes ratong – ia puasa rik mak nginum anggor; rik jelma-jelma cawa, ‘Ia kekurukan sitan!’ 19Tano Anak Manusia ratong – Ia mengan rik nginum; raduni jelma-jelma cawa, ‘Liak ulun udi! Rakus, pemabuk, kantikni tukang tagih pajak rik kantik jelma bedusa.’ Meskipun injuk reno, kebijaksanaan Allah tebukti jak hasil-hasilni.”
Kota-kota sai mak percaya
(Luk. 10:13-15)
20Raduni Isa mulai ngereneh kota-kota, di dipa Ia paling lamon nyani keajaiban. Mani jelma-jelma di kota-kota udi mak haga betubat jak dusa-dusa tian. 21#Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4 “Celaka niku, Korazim! Rik celaka juga niku, Betsaida! Seandaini keajaiban-keajaiban sai disani di tengah-tengahmu radu dilakuko di Tirus rik Sidon, pasti jelma-jelma di disan radu saka betubat jak dusa-dusa tian rik makai kawai bekabung rik ngepikko hambua di atas ulu. 22Ingokdo, waktu Rani Kiamat, jelma-jelma Tirus rik Sidon haga lebih mudah diampuni Allah jak keti! 23#Kej. 19:24-28; Yes. 14:13-15 Rik niku, Kapernaum! Api kedo niku haga dilanggarko sampai di surga? Mawat! Malah niku haga ditokko di neraka! Mani seandaini keajaiban-keajaiban sai disani di tengah-tengahmu ano radu disani di Sodom, Sodom udi masih wat sampai saat inji! 24#Mat. 10:15; Luk. 10:12 Ingokdo, pada Rani Kiamat, jelma Sodom haga lebih mudah diampuni Allah jak keti!”
Ratongdo jama Nyak
(Luk. 10:21-22)
25Waktu seno Isa bedua, “Bapa, Tuhan sai nguasai langit rik bumi! Nyak ngucapko terima kasih jama Niku mani sunyinni ano Bapa rahasiako jak ulun-ulun sai pandai rik beilmu, kidang Bapa tunjukko jama ulun-ulun sai mak tepelajar. 26Senodo sai nyenangko hati Bapa.”
27 #
Yoh. 3:35, 1:18, 10:15 Raduni Isa cawa, “Sunyin hal radu diserahko Bapa jama Nyak. Mak sai jelma pun mengenal Anak, selain Bapa. Mak ngedok juga sai mengenal Bapa selain Anak, rik jelma-jelma jama sapa Anak udi memperkenalko Bapa.
28Ratongdo jama Nyak niku sunyinni sai mebuya, rik ngerasako biakni baban; Nyak haga nyegarko niku. 29#Yer. 6:16 Tutukdo perintah-Ku rik belajardo jak Nyak. Mani Nyak inji lemoh lembut rik rendah hati, maka niku haga ngerasa segar. 30Mani perintah-perintah-Ku nyenangko, rik baban sai Kutanggungko atasmu mehampang.”
Currently Selected:
MATIUS 11: LAILJP
Highlight
Share
Copy
Want to have your highlights saved across all your devices? Sign up or sign in
@ LAI 2002 Indonesian Bible Society (Lembaga Alkitab Indonesia)
MATIUS 11
11
Utusan Yohanes Pembaptis
(Luk. 7:18-35)
1Seraduni Isa ngeni petunjuk-petunjuk jama kerua belas jelma sai nutuk Ia, Ia ninggalko rang udi. Ia mik ngajar rik nyiarko luhot jak Allah di kota-kota sai redik di dudi.
2Yohanes Pembaptis sai sedang di penjara ngedengi tentang guaini Almasih. Raduni ia ngayun pira-pira jelma sai nutuk ia mik jama Isa untuk nanyako, 3“Bapak kedo jelma sai harus ratong menurut janji Allah, atau harus kedo sekam nunggu jelma bareh?”
4Isa ngejawab, “Mulohdo jama Yohanes rik keni pandai api sai keti dengi rik liak: 5#Yes. 35:5-6, 61:1 Ulun buta ngeliak, ulun lumpuh lapah, ulun bepenyakik kusta munyai; ulun tilu ngedengi, ulun mati hurik luot, rik Kabar Betik jak Allah diberitako jama ulun-ulun mejerih. 6Bebahagiado ulun sai mak ngedok alasan untuk nulak Nyak!”
7Seraduni utusan-utusan Yohanes udi mik, Isa mulai cawa jama ulun lamon tentang Yohanes, cawa-Ni, “Keti mik di padang gurun untuk ngeliak api? Sehelai jukuk sai ditiup angin kedo? 8Keti mik untuk ngeliak api? Sai jelma sai bekawai helau kedo? Jelma-jelma sai bekawai injuk reno tinggal di istana! 9Jadi mengapi keti mik di padang gurun? Untuk ngeliak sai nabi kedo? Benor, malah lebih jak sai nabi. 10#Mal. 3:1 Mani Yohanes udido sai dimaksud delom ayat Alkitab inji,
‘Injido utusan-Ku, cawa Allah,
Nyak ngutus ia lebih mena jak Niku
in ia ngebukak renglaya untuk-Mu.’
11Ingokdo! Di dunia inji mak pernah wat jelma sai lebih balak jak Yohanes Pembaptis. Kidang injuk reno, jelma sai paling lunik jak hantara umat Allah lebih balak jak Yohanes. 12#Luk. 16:16 Radu jak Yohanes ngabarko kabar sampai pada saat inji, umat Allah ditentang ulih jelma-jelma sai berusaha nguasani jama kekerasan. 13Sampai ratongni Yohanes, sunyinni hukum Musa rik ajaran nabi-nabi benubuat tentang hal-hal sai haga tejadi. 14#Mal. 4:5; Mat. 17:10-13; Mrk. 9:11-13 Rik kik keti haga percaya, Yohanes udido Elia, sai ratongni radu dinubuatko. 15Kik ngedok cuping, dengiko!
16Jama api haga Kubandingko jelma-jelma zaman inji? Tian sebagai sanak-sanak sai mejong di pasar. Sekelompok cawa jama sai bareh, 17‘Sekam ngemainko lagu riang untuk keti, kidang keti mak haga nari! Sekam ngenyanyiko lagu perkabungan, rik keti mak haga miwang!’ 18Yohanes ratong – ia puasa rik mak nginum anggor; rik jelma-jelma cawa, ‘Ia kekurukan sitan!’ 19Tano Anak Manusia ratong – Ia mengan rik nginum; raduni jelma-jelma cawa, ‘Liak ulun udi! Rakus, pemabuk, kantikni tukang tagih pajak rik kantik jelma bedusa.’ Meskipun injuk reno, kebijaksanaan Allah tebukti jak hasil-hasilni.”
Kota-kota sai mak percaya
(Luk. 10:13-15)
20Raduni Isa mulai ngereneh kota-kota, di dipa Ia paling lamon nyani keajaiban. Mani jelma-jelma di kota-kota udi mak haga betubat jak dusa-dusa tian. 21#Yes. 23:1-18; Yeh. 26:1–28:26; Yl. 3:4-8; Am. 1:9-10; Za. 9:2-4 “Celaka niku, Korazim! Rik celaka juga niku, Betsaida! Seandaini keajaiban-keajaiban sai disani di tengah-tengahmu radu dilakuko di Tirus rik Sidon, pasti jelma-jelma di disan radu saka betubat jak dusa-dusa tian rik makai kawai bekabung rik ngepikko hambua di atas ulu. 22Ingokdo, waktu Rani Kiamat, jelma-jelma Tirus rik Sidon haga lebih mudah diampuni Allah jak keti! 23#Kej. 19:24-28; Yes. 14:13-15 Rik niku, Kapernaum! Api kedo niku haga dilanggarko sampai di surga? Mawat! Malah niku haga ditokko di neraka! Mani seandaini keajaiban-keajaiban sai disani di tengah-tengahmu ano radu disani di Sodom, Sodom udi masih wat sampai saat inji! 24#Mat. 10:15; Luk. 10:12 Ingokdo, pada Rani Kiamat, jelma Sodom haga lebih mudah diampuni Allah jak keti!”
Ratongdo jama Nyak
(Luk. 10:21-22)
25Waktu seno Isa bedua, “Bapa, Tuhan sai nguasai langit rik bumi! Nyak ngucapko terima kasih jama Niku mani sunyinni ano Bapa rahasiako jak ulun-ulun sai pandai rik beilmu, kidang Bapa tunjukko jama ulun-ulun sai mak tepelajar. 26Senodo sai nyenangko hati Bapa.”
27 #
Yoh. 3:35, 1:18, 10:15 Raduni Isa cawa, “Sunyin hal radu diserahko Bapa jama Nyak. Mak sai jelma pun mengenal Anak, selain Bapa. Mak ngedok juga sai mengenal Bapa selain Anak, rik jelma-jelma jama sapa Anak udi memperkenalko Bapa.
28Ratongdo jama Nyak niku sunyinni sai mebuya, rik ngerasako biakni baban; Nyak haga nyegarko niku. 29#Yer. 6:16 Tutukdo perintah-Ku rik belajardo jak Nyak. Mani Nyak inji lemoh lembut rik rendah hati, maka niku haga ngerasa segar. 30Mani perintah-perintah-Ku nyenangko, rik baban sai Kutanggungko atasmu mehampang.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2002 Indonesian Bible Society (Lembaga Alkitab Indonesia)