LUKAS 13
13
De madi' balatobat i dosa' mohumpak balaa'
1Tempo'nyo aijo' mian nonsisikmo hi Yesus mongkona aha sangkuka na mian nu Galilea anu pinatean i Pilatus, hau-haunyo aha monsombahkon koloban hi Tumpu. 2Mompalahatikan sisik aijo', i Yesus notatae, “Kalana to mia-mian nu Galilea aijo' pinateanmo sumo aijo', komiu monsangkamo aijo'mo na bukuti'nyo aha talalomo binala dosa' molingkudui mian iwi-iwi' i Galilea sangga'at? 3Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha. 4Mosia na anu sampulu' ka' uwalu' na mian anu nate i Siloam, tempo'nyo menara aijo' nontuda' aha? Komiu monsangka aijo', pomponyata'mo aha anu talalomo baladosa' molingkudui aha iwi-iwi' to mia-mian anu jojoong i Yerusalem? 5Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”
Pongkantuangakon kau' ara anu madi' mimbua'
6Lapas aijo' i Yesus nonsisik mule' kantuangan aiya, “Daagi' ko samian na anu ko kau' ara i ale' nu anggurnyo. Daagi' kino sansinaa nia namba nolio bua' nu kau' aijo', panyo madi' nohumpak mau pe'e ola sambatu. 7Sahingga ia notatae hi anu mongkalajakon ale'nyo, ‘Toa, totolu'mo na taun aku tinoka molio bua' nu kau' aiya, panyo sahanyo pe'e sambatu madi' ko anu i humpak. Taa'mo sahanyo na kau' aitu! Ia ola mongingkoti lompo' nu kaanon lengkat i tano'!’ 8Panyo tinaaman nu anu mokalaja ale' aijo', ‘Pojohok pe'e da ia tumuu' sataun aiya, Tuan. Da ku pason pe'e na tano' i duhu-duhuk nu pu'unnyo, ka' ku una'i pokolompo' tano'. 9Ihe na monsumbu' taun aiyamae mimbua'je. Panyo de madi', timbalimo na kita Tuan mompokau anu montaa'.’ ”
I Yesus nompa'alin samian na boune anu tabohukut i sinaa nu Sabat
10Daagi' ko sansinaan i sinaa nu Sabat, i Yesus nompogulu' i sa'angu' na Laigan Pogalejaan. 11I kiijo' daagi' ko samian na boune masakit sampulu'mo ka' uwalu' na taun, kalana daagi' ko roh ma'idek i uno nu butongnyo. Boune aijo' tabohukut ka' madi'mo moko tuminjo hodi-hodi'. 12Salatan tinoa i Yesus, Ia notatae daka-daka' hi ia, “Kita Tina, beleyum ma'alinmo i panyakitum!” 13Lantas i Yesus nompanya ubak nu boune aijo', ka' tempo'nyo ai-aitumo na ia tinuminjo hodi-hodi' ka' nompuji' Tumpu.
14 #
Kel. 20:9-10, Ul. 5:13-14 Kapala nu laigan pogalejaan aitu notambuha'mo, kalana i Yesus nompa'alinmo mian i sinaa nu Sabat, kalana aijo' ia notatae hi to mia-mian, “Daagi' anom na sinaa na mokalaja; toka mae i sinaa aijo' da opa'alin boli i sinaa nu Sabat!”
15Tumpu nontaami, “Baleko' na komiu aiya! I sinaa nu Sabat iwi-iwi' na mian mompolapas sapi' kabai keledainyo i pangkungnyo, ka' oboa i sambiha'nyo da opo'inum nu aha. 16Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?” 17Potaam i Yesus aijo' nombaumo anu mongka'ideki i Yesus aijo' na'ambangmo hondo; iwi-iwi' na to mia-mian sangga'at, sinanangmo na nontoa iwi-iwi' anu okabangangi anu binaumo i Yesus.
Kantuang mongkona batu nu sasawi
(Mat. 13:31-32, Mrk. 4:30-32)
18Pinokilawa i Yesus, “De Tumpu mompalentah, mosia na balu-balu'nyo? Tiba apaa na pompokakanakonan-Ku? 19Balu-balu'nyo sumo kantuang aiya. Sambatu na batu nu sasawi ingala nu sala'samian, lantas sinaunyo i ale'nyo. Batunyo aijo' tinumuu' lantas tinimbali kau', ka' to tomo-tomonsi' nimpetamo i to panga-panga'nyo aijo'.”
Kantuang mongkona ragi
(Mat. 13:33)
20Po'ule' mule' na i Yesus nompokilawa, “De Tumpu mompalentah, tiba apaa na pompokakanakonan-Ku balu-balu'nyo? 21Balu-balu'nyo sumo ragi anu ingala nu samian na boune, lantas ingehoknyo tiba patompulu' na liten na labu, sampe no'insu' iwi-iwi'.”
Sabatan anu soki
(Mat. 7:13-14,21-23)
22Namba nokiijo' i Yerusalem notulu i kota-kota ka' kampu-kampung batuk so' mompogulu'. 23Lantas daagi' ko mian nompokilawa hi Ia, “Kita Tuuma, apaa ola sangkiding na mian anu oposalamat?”
I Yesus nontaami, 24#Mat. 7:13-14 “Bala usaha da minsoop montulu sabatan anu soki. Kalana, inau'! Da'isan na mian bala usaha minsoop, panyo madi' timbali. 25Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’ 26#Mat. 7:22-23 Komiu montaami, ‘Kami nongkaanmo ka' nonginumo hingga-hinggat i Tuan, ka' kita Tuan nompogulu'mo kami ahi' i jala-jalan nu kota mami!’ 27#Mzm. 6:9 Panyo i Tuan aijo' notatae mule', ‘Aku madi' monsumbu' pa' komiu lengkat mae ya. Lako'mo pala'i na tampat aiya, komiu anu mombau anu ma'idek!’ 28#Mat. 22:13, 25:30 #Mat. 8:11-12 Tempo'nyo komiu montoa i Abraham, i Ishak ka' i Yakub tiba iwi-iwi' na nabi balame-lame' i uno nu Dunia Bu'ou nu Tumpu Allah, komiu humaang ka' nonta'up sansala, kalana komiu olaa'mo mamba i sambiha'nyo. 29To mia-mian toka mae i sasu Kabete'an tiba Kinsoban, lengkat i Utara tiba Salatan, ka' balame-lame' i uno nu Dunia Bu'ou nu Tumpu. 30#Mat. 19:30, 20:16, Mrk. 10:31 Totu-totu'u daagi' ko anu tongkoimihi anu timbalije mian tongkoimoona, ka' daagi' ko mian anu tongkoimoona timbalije mian anu tongkoimihi.”
I Yesus nolibosmo i Yerusalem
(Mat. 23:37-39)
31I sinaa aitu mule', daagi' ko to pia-piangkuka na mian nu Farisi tinoka hi Yesus ka' notatae, “Boli jojoong i aiya! Lako'mo i tampat sangga'at, kalana i Herodes moniatmo mompatei Beleyum.”
32I Yesus nontaami, “Lako' poto'iakon hi mian anu madi' mingguna aijo', ‘Sinaa uuka ka' dodop Aku molaa'mo roh ma'idek ka' nompa'alin mian masakit, panyo i sinaa kototolu'nyo, Aku mompomingkotmo pakalaja'an-Ku.’ 33Mau mule' sumo aitu, Aku tionyo molausakon ahi' lajang-Ku sinaa aiya, dodop ka' hipuan, kalana madi' ma'ima' na samian na nabi opatei i sambiha' nu Yerusalem.
34Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'! 35#Mzm. 118:26 Kalana aitu Tumpu madi'mo monjagai beleyum. Osumbu'mo, mulai uuka beleyum madi'mo daagi' montoa Aku, sampe beleyum motatae, ‘Nubalakati na Ia anu tinokamo i uno nu sanggo nu Tumpu.’ ”
Currently Selected:
LUKAS 13: LAILOE
Highlight
Share
Copy
Want to have your highlights saved across all your devices? Sign up or sign in
LUKAS 13
13
De madi' balatobat i dosa' mohumpak balaa'
1Tempo'nyo aijo' mian nonsisikmo hi Yesus mongkona aha sangkuka na mian nu Galilea anu pinatean i Pilatus, hau-haunyo aha monsombahkon koloban hi Tumpu. 2Mompalahatikan sisik aijo', i Yesus notatae, “Kalana to mia-mian nu Galilea aijo' pinateanmo sumo aijo', komiu monsangkamo aijo'mo na bukuti'nyo aha talalomo binala dosa' molingkudui mian iwi-iwi' i Galilea sangga'at? 3Totu-totu'unyo misa'! Panyo o inau': de komiu madi' balatobat i dosa-dosa' miu, komiu suele iwi-iwi' matemo sumo aha. 4Mosia na anu sampulu' ka' uwalu' na mian anu nate i Siloam, tempo'nyo menara aijo' nontuda' aha? Komiu monsangka aijo', pomponyata'mo aha anu talalomo baladosa' molingkudui aha iwi-iwi' to mia-mian anu jojoong i Yerusalem? 5Totu-totu'u misa'! Daagi' minsan na kutaeakon: De komiu madi' balatobat i dosa-dosa' miu, komiu suele iwi-iwi' mate sumo aha.”
Pongkantuangakon kau' ara anu madi' mimbua'
6Lapas aijo' i Yesus nonsisik mule' kantuangan aiya, “Daagi' ko samian na anu ko kau' ara i ale' nu anggurnyo. Daagi' kino sansinaa nia namba nolio bua' nu kau' aijo', panyo madi' nohumpak mau pe'e ola sambatu. 7Sahingga ia notatae hi anu mongkalajakon ale'nyo, ‘Toa, totolu'mo na taun aku tinoka molio bua' nu kau' aiya, panyo sahanyo pe'e sambatu madi' ko anu i humpak. Taa'mo sahanyo na kau' aitu! Ia ola mongingkoti lompo' nu kaanon lengkat i tano'!’ 8Panyo tinaaman nu anu mokalaja ale' aijo', ‘Pojohok pe'e da ia tumuu' sataun aiya, Tuan. Da ku pason pe'e na tano' i duhu-duhuk nu pu'unnyo, ka' ku una'i pokolompo' tano'. 9Ihe na monsumbu' taun aiyamae mimbua'je. Panyo de madi', timbalimo na kita Tuan mompokau anu montaa'.’ ”
I Yesus nompa'alin samian na boune anu tabohukut i sinaa nu Sabat
10Daagi' ko sansinaan i sinaa nu Sabat, i Yesus nompogulu' i sa'angu' na Laigan Pogalejaan. 11I kiijo' daagi' ko samian na boune masakit sampulu'mo ka' uwalu' na taun, kalana daagi' ko roh ma'idek i uno nu butongnyo. Boune aijo' tabohukut ka' madi'mo moko tuminjo hodi-hodi'. 12Salatan tinoa i Yesus, Ia notatae daka-daka' hi ia, “Kita Tina, beleyum ma'alinmo i panyakitum!” 13Lantas i Yesus nompanya ubak nu boune aijo', ka' tempo'nyo ai-aitumo na ia tinuminjo hodi-hodi' ka' nompuji' Tumpu.
14 #
Kel. 20:9-10, Ul. 5:13-14 Kapala nu laigan pogalejaan aitu notambuha'mo, kalana i Yesus nompa'alinmo mian i sinaa nu Sabat, kalana aijo' ia notatae hi to mia-mian, “Daagi' anom na sinaa na mokalaja; toka mae i sinaa aijo' da opa'alin boli i sinaa nu Sabat!”
15Tumpu nontaami, “Baleko' na komiu aiya! I sinaa nu Sabat iwi-iwi' na mian mompolapas sapi' kabai keledainyo i pangkungnyo, ka' oboa i sambiha'nyo da opo'inum nu aha. 16Yo, uuka aiya daagi' ko samian na boune lee' i Abraham, anu sampulu'mo uwalu' na taun na kopinnyo pinungu nu Ibilis. Pa' madi' ia olapasakon kiijo' pungu-pungu na ia i sinaa nu Sabat?” 17Potaam i Yesus aijo' nombaumo anu mongka'ideki i Yesus aijo' na'ambangmo hondo; iwi-iwi' na to mia-mian sangga'at, sinanangmo na nontoa iwi-iwi' anu okabangangi anu binaumo i Yesus.
Kantuang mongkona batu nu sasawi
(Mat. 13:31-32, Mrk. 4:30-32)
18Pinokilawa i Yesus, “De Tumpu mompalentah, mosia na balu-balu'nyo? Tiba apaa na pompokakanakonan-Ku? 19Balu-balu'nyo sumo kantuang aiya. Sambatu na batu nu sasawi ingala nu sala'samian, lantas sinaunyo i ale'nyo. Batunyo aijo' tinumuu' lantas tinimbali kau', ka' to tomo-tomonsi' nimpetamo i to panga-panga'nyo aijo'.”
Kantuang mongkona ragi
(Mat. 13:33)
20Po'ule' mule' na i Yesus nompokilawa, “De Tumpu mompalentah, tiba apaa na pompokakanakonan-Ku balu-balu'nyo? 21Balu-balu'nyo sumo ragi anu ingala nu samian na boune, lantas ingehoknyo tiba patompulu' na liten na labu, sampe no'insu' iwi-iwi'.”
Sabatan anu soki
(Mat. 7:13-14,21-23)
22Namba nokiijo' i Yerusalem notulu i kota-kota ka' kampu-kampung batuk so' mompogulu'. 23Lantas daagi' ko mian nompokilawa hi Ia, “Kita Tuuma, apaa ola sangkiding na mian anu oposalamat?”
I Yesus nontaami, 24#Mat. 7:13-14 “Bala usaha da minsoop montulu sabatan anu soki. Kalana, inau'! Da'isan na mian bala usaha minsoop, panyo madi' timbali. 25Tempo'nyo tumpu nu laigan nobula ka' nontumban, komiu tinjo-tinjo i sambiha'nyo ka' nongkutetekmo lantas notataemo, ‘Tuan, tuhea'akon mae na tumban da minsoop na kami!’ Tuan aijo' nontaami, ‘Aku madi' monsumbu' pa' komiu lengkat mae iya!’ 26#Mat. 7:22-23 Komiu montaami, ‘Kami nongkaanmo ka' nonginumo hingga-hinggat i Tuan, ka' kita Tuan nompogulu'mo kami ahi' i jala-jalan nu kota mami!’ 27#Mzm. 6:9 Panyo i Tuan aijo' notatae mule', ‘Aku madi' monsumbu' pa' komiu lengkat mae ya. Lako'mo pala'i na tampat aiya, komiu anu mombau anu ma'idek!’ 28#Mat. 22:13, 25:30 #Mat. 8:11-12 Tempo'nyo komiu montoa i Abraham, i Ishak ka' i Yakub tiba iwi-iwi' na nabi balame-lame' i uno nu Dunia Bu'ou nu Tumpu Allah, komiu humaang ka' nonta'up sansala, kalana komiu olaa'mo mamba i sambiha'nyo. 29To mia-mian toka mae i sasu Kabete'an tiba Kinsoban, lengkat i Utara tiba Salatan, ka' balame-lame' i uno nu Dunia Bu'ou nu Tumpu. 30#Mat. 19:30, 20:16, Mrk. 10:31 Totu-totu'u daagi' ko anu tongkoimihi anu timbalije mian tongkoimoona, ka' daagi' ko mian anu tongkoimoona timbalije mian anu tongkoimihi.”
I Yesus nolibosmo i Yerusalem
(Mat. 23:37-39)
31I sinaa aitu mule', daagi' ko to pia-piangkuka na mian nu Farisi tinoka hi Yesus ka' notatae, “Boli jojoong i aiya! Lako'mo i tampat sangga'at, kalana i Herodes moniatmo mompatei Beleyum.”
32I Yesus nontaami, “Lako' poto'iakon hi mian anu madi' mingguna aijo', ‘Sinaa uuka ka' dodop Aku molaa'mo roh ma'idek ka' nompa'alin mian masakit, panyo i sinaa kototolu'nyo, Aku mompomingkotmo pakalaja'an-Ku.’ 33Mau mule' sumo aitu, Aku tionyo molausakon ahi' lajang-Ku sinaa aiya, dodop ka' hipuan, kalana madi' ma'ima' na samian na nabi opatei i sambiha' nu Yerusalem.
34Yerusalem, Yerusalem! To nabi-nabi pinateanmo! To poka-pokauhon nu Tumpu pinahambunu'akonkumo nu batu sampe i nate! To pimpi-pimpianmo na Aku kahanda' molimu' iwi-iwi' na tumpu nu lipu'um sumo tinaan nu manuk mongokobi to sio-sioknyo i aluk nu polipiknyo, panyo beleyum madi' mongka'oho'! 35#Mzm. 118:26 Kalana aitu Tumpu madi'mo monjagai beleyum. Osumbu'mo, mulai uuka beleyum madi'mo daagi' montoa Aku, sampe beleyum motatae, ‘Nubalakati na Ia anu tinokamo i uno nu sanggo nu Tumpu.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in