LUKAS 4:5-8

Bi' Iblis jareya Isa laju egiba ka kennengngan se tenggi ban e dhalem saparngedep epangoladi sakabbiyanna karaja'an e dunnya. “Sadajana kakobasa'an sareng kasogiyan paneka sareng abdina eatorragiya ka Panjennengngan,” ca'na Iblis jareya. “Ka'dhissa' sadaja ampon eparengngagi ka abdina, ban abdina kengeng ngatorragi sadajana ka pasera'a saos sasoka'na abdina. Ka'dhissa' sadaja bakal daddiya kaagunganna Panjennengngan manabi Panjennengngan kasokan nyemba ka abdina.” Dhabuna Isa, “E dhalem Alketab esebbuttagi, ‘Semba Guste Allahna ban abakte ka Salerana malolo.’ ”