MATIUS 23:28

Hang meijen geicara augwan gini aninim dag aremogougb moda dous. Anai sug lusud leic areg gogoufu lob debin dougwo, kaba, len leiya, doba ecabeci namcir. Doba se mes, kaba, atij an merur dara areg geiyema gus gus augwan toua. Dangga Allah emamsoho yen touwero, doba en emeic gogom medam dou yens. Anai meijen geicara augwan gini kaba, dag yen yemaimo Allah en mer an areg en arougb yen an gin touwero. Doba yen yaiga men hancob an gin toua terimda. Hang meijen geicara augwan gini kaba, dag yen yenara yareirei lusud dous.