YESAYA 30
30
Dodandian inta diá in mangaḻenea takin Mesir
1Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia. 2Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir. 3Táe datu tatua in mopokuyangbí kon gina monia, bo oḻiung inta inoḷat mako nongkon Mesir diábí mouḻí. 4Umpaka totabá mita in Yohuda ain noiyaput kon kotá mita in Zoan bo Hanes kon Mesir, 5bayongan in intau mooyábí popisí in nopongatadon in bangusa inta diá in mangaḻenea kon i monia. Inta nouḻí monia in deemanbí kauntungan andeka totuḷung, táe singkuḻebí.”
6Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia. 7Totuḷung in Mesir diábí in mangaḻenea. Tuamai Mesir sinangoian-Ku, ‘Naga inta diá mokobahaya’.”
Bangusa inta diá motoindudui
8Ki Allah in nopotabá kon inakó nomais kon aid moraat in umat-Nea kon bonu in buk tobatú nobaḻí tompoingat mononoi. 9Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan. 10Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami. 11Bayádon, bo pongin daḷandon ibanea. Dika ponuyayow kon inami in Allah mokudus in Israel.”
12Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ. 13Manangka intua moiko in kotaḷá. Moiko in naonda bo dinding moḷantud inta noḷau nongkon omonikan bo namonag; daḻí-daḻídon moumpag in moiko. 14Moiko in morimumudon naonda bo kuyon butá inta morumog posirarit, dá kon sigad in rimumudannea diádon in motaau pakéon pogamá kon baga nongkon doḷuong andeka ponayuk kon tubig nongkon bonu in bak.”
15Ki Tuhan Inta Totok in moḷantud, ki Allah mokudus in israel, noguman kon umat-Nea, “Pogogaidon mogaid kon diá mopia bo tantúdon koonow in gina, dá moiko in posaḷamaton-Ku. Popirisayadon kon i-Nakó pongin gina inta moodom, dá moiko in iropotan-Ku.” Táe moiko in doíbí! 16Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu. 17Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud. 18Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.
Ki Allah in momarakatbí kon umat-Nea
19Ei moiko inta nogutun kon Yerusalem, moiko in diábí tantú mongombaḷ. Ki Tuhan in monotabibí, bo ḷagidon motubag kon i monimu aka moiko mokuani mokituḷung kon i-Nia. 20Ki Tuhan in nobogoi in wakutu ponungkuḷan kon i monimu inta mobogat sin motundú kon i monimu. Táe tanaa Siadon tontaní in noyotakin monimu dá moiko in mokorasadon kon koangoian-Nea. 21Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.” 22Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!” 23Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar. 24Sapi koḷakian bo keledai inta pinaké nomajeko kon gobámu in mokaanbí kon kaanon in bobiagon inta totok in mopia inta ain sinadia tontaní. 25Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita. 26Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.
Ki Allah in mohukumbí kon Asyur
27Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú. 28Sia in nopotabá in tompot umuna kon i-Nia naonda bo ḷunud modapot in sigogow inta mokoiḻig kon bayongan yagi-yagi. Sia in moyopú kon bangusa mita, bo diá mopotuoi kon tomayá mita monia inta moraat.
29Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.
30Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang. 31Intau in Asyur in modoḻiokbí aka mokodongog kon singog i Tuhan bo mokorasa kon hukuman-Nea inta mobogat. 32Kon dodai in mosia mokorasa kon sambok-Nea mita, umat i Tuhan mobarasanang takin musik gimbaḷ bo kecapi. Ki Allah tontaní in moparang monayow kon intau in Asyur. 33Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.
Currently Selected:
YESAYA 30: INOMOG
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YESAYA 30
30
Dodandian inta diá in mangaḻenea takin Mesir
1Ki Tuhan noguman, “Mobodito in intoi mita in Yohuda, sin mosia in momarontak kon i-Nakó. Mosia in dinumudui kon tomayá mita inta deeman tomayá-Ku. Mosia in notekeng kon dodandian inta noyoposi in ibog-Ku. Dá moguntu-guntuḷdon in dosa monia. 2Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir. 3Táe datu tatua in mopokuyangbí kon gina monia, bo oḻiung inta inoḷat mako nongkon Mesir diábí mouḻí. 4Umpaka totabá mita in Yohuda ain noiyaput kon kotá mita in Zoan bo Hanes kon Mesir, 5bayongan in intau mooyábí popisí in nopongatadon in bangusa inta diá in mangaḻenea kon i monia. Inta nouḻí monia in deemanbí kauntungan andeka totuḷung, táe singkuḻebí.”
6Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia. 7Totuḷung in Mesir diábí in mangaḻenea. Tuamai Mesir sinangoian-Ku, ‘Naga inta diá mokobahaya’.”
Bangusa inta diá motoindudui
8Ki Allah in nopotabá kon inakó nomais kon aid moraat in umat-Nea kon bonu in buk tobatú nobaḻí tompoingat mononoi. 9Sin, mosia tua in bangusa inta moibog momaḷawang kon i Allah, moibog monguboḷ bo diá kon dodai in onda in moibog mokidongog kon totundú i Tuhan. 10Mosia in moguman kon nabi mita, “Kintum in bibig! Dika mopoguman kon inami onu in totuu, táe onubí in koibog nami indongogan. Pomayádon mako in kami umuran morai podudui in koibog nami. 11Bayádon, bo pongin daḷandon ibanea. Dika ponuyayow kon inami in Allah mokudus in Israel.”
12Tuamai Allah mokudus in Israel moguman nanaa, “Moiko in doí motarima kon tosingogon-Ku bo mopongata in aid mondorot bo mouboḷ. 13Manangka intua moiko in kotaḷá. Moiko in naonda bo dinding moḷantud inta noḷau nongkon omonikan bo namonag; daḻí-daḻídon moumpag in moiko. 14Moiko in morimumudon naonda bo kuyon butá inta morumog posirarit, dá kon sigad in rimumudannea diádon in motaau pakéon pogamá kon baga nongkon doḷuong andeka ponayuk kon tubig nongkon bonu in bak.”
15Ki Tuhan Inta Totok in moḷantud, ki Allah mokudus in israel, noguman kon umat-Nea, “Pogogaidon mogaid kon diá mopia bo tantúdon koonow in gina, dá moiko in posaḷamaton-Ku. Popirisayadon kon i-Nakó pongin gina inta moodom, dá moiko in iropotan-Ku.” Táe moiko in doíbí! 16Nodapotbí in moiko nomiabí kon tomayá sin moḷagui nongkon musung tumakoi kon kabaḷo inta moḻikat. Mopia! Totuu moiko in mustibí moḷagui! Kai monimu kamai dá kabaḷomu tua in tugatbí in koḻikatnea, bokaka mogogaḷumubí in moḻika-ḻikat nongkon i monimu. 17Toribu in intau in moḷagui mokoontong kon gogondok in musung tobatú, bo gogondok in intau ḻima mokopopisí kon i monimu moḷagui komintan. Nongkon tontaramu mita tongádon tobatú in oigi in bandera kon tudu in buḷud. 18Umpaka natua, ki Tuhan in mogoḷatbí mako kon wakutunea mopoontong in totabi-Nea kon inimu. Sia in tantúbí nosadia in monotabi kon inimu. Sin ki Tuhan in Allah inta nogaid kon onu inta noitutui. Pia in kamang in intau inta inumandoḷ mako kon i-Nia.
Ki Allah in momarakatbí kon umat-Nea
19Ei moiko inta nogutun kon Yerusalem, moiko in diábí tantú mongombaḷ. Ki Tuhan in monotabibí, bo ḷagidon motubag kon i monimu aka moiko mokuani mokituḷung kon i-Nia. 20Ki Tuhan in nobogoi in wakutu ponungkuḷan kon i monimu inta mobogat sin motundú kon i monimu. Táe tanaa Siadon tontaní in noyotakin monimu dá moiko in mokorasadon kon koangoian-Nea. 21Aka moiko bo tumabat nongkon daḷan, kon tumimu kodongogan in singog-Nea inta moguman, “Naa in daḷannea; pongin daḷan tanaa.” 22Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!” 23Aka moiko bo momunak, ki Tuhan in mopoangoi in uyan sinbá mobiag in pinomuḷamu tatua bo mobogoi in bungainea inta mobarong totok. Bo kon bobiagonmu in sadiaandon in bonok pongaanan monia inta mobendar. 24Sapi koḷakian bo keledai inta pinaké nomajeko kon gobámu in mokaanbí kon kaanon in bobiagon inta totok in mopia inta ain sinadia tontaní. 25Kon singgai benteng mita in musungmu kinopung bo intaunea mita iḻimod, batúan in buḷud bo tombuḷudnea mopoḷuaidon in tapá mita. 26Buḷan in monindarbí ná kobayag in mata in singgai, bo mata in singgai in mobayagdon kopitu in kobayagnea ná biasamai, naonda bo bayag in pitu nosinggai sinipun nobaḻí tosinggai. Tua komintan in mobaḻíbí kon tungkuḷ in ki Tuhan mobakut bo mongundam kon kekeb mita in umat-Nea inta ain binibilnea.
Ki Allah in mohukumbí kon Asyur
27Kawasa bo kamuliaan i Tuhan koontongan nongkon moyayú. Tuḷú bo poyok moponiata kon torú-Nea. Sia in moyosingog takin i monia, bo tosingogon-Nea mita momokak naonda bo tuḷú. 28Sia in nopotabá in tompot umuna kon i-Nia naonda bo ḷunud modapot in sigogow inta mokoiḻig kon bayongan yagi-yagi. Sia in moyopú kon bangusa mita, bo diá mopotuoi kon tomayá mita monia inta moraat.
29Táe moiko, umat i Allah, in moḷungangabí in gina bo modondong naonda bo kon dodai in doḷom poramean kon agama. Moiko in totokbí in mopia in gina naonda bo intau mita inta minayá bo sinakinan in bansí mopobayá in Baḷoi Tuhan, mododuḷu in Israel.
30Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang. 31Intau in Asyur in modoḻiokbí aka mokodongog kon singog i Tuhan bo mokorasa kon hukuman-Nea inta mobogat. 32Kon dodai in mosia mokorasa kon sambok-Nea mita, umat i Tuhan mobarasanang takin musik gimbaḷ bo kecapi. Ki Allah tontaní in moparang monayow kon intau in Asyur. 33Nongkon koḻipodpabímai ain sinadia in tampat potubáan kon i datu in Asyur. Tampat tatua modaḷom bo mooḷad, binonuan in kayu pondungú inta noyoguntuḷdon. Ki Tuhan in mopoyongkitdon intua pongin mopoirup in poginaan-Nea ná ongkag in balerang.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.